ده كلام للشو ياعمر يافنان هو عارف إنه مابقدر يعمل حاجة .. والتجار الكبار ذاااتم عارفنه بيهوّش ساي ... حده يقبض مجموعة من التجار الصغار .. والكبار حيجوا يضمنوهم ويدفعوا ليهم ويفكوهم .. بعدين تجار العملة الكبار البيهدد فيهم ديل هم منو ؟ ماياهو نظام الكيزان ذاااتو .. بل هم اكتر جناح متنفّذ في النظام .. ممكن عادي بكره يقولوا ليهو اقعد في بيتكم .. تم قبول استقالتك حسب رغبتك ..
Post: #3 Title: Re: معتز موسى يهدد تجار العملة بالويل والثبور Author: امتثال عبدالله Date: 10-09-2018, 01:45 AM Parent: #2
اظنهم حيعملوا نفس العملية الاعدموا بيها مجدي ...حيمسكوا كم تاجر عملة ويحكموا عليهم بالسجن مدد طويلة وبعد فترة قصيرة جدا يفتحوا الباب على مصراعيه ويسمحوا بفتح الصرافات علنا لمن سعر الدولار يصل ٦٠ جنيه ...ورخص الصرافات فقط للتماسيح واللصوص ....
Post: #4 Title: Re: معتز موسى يهدد تجار العملة بالويل والثبور Author: بدر الدين الأمير Date: 10-09-2018, 06:44 AM Parent: #3
وعجبى الدباب الظلامى يتحدث الضو
Post: #5 Title: Re: معتز موسى يهدد تجار العملة بالويل والثبور Author: عمر دفع الله Date: 10-09-2018, 08:31 AM Parent: #4
سلام للجميع .. على اية حال الجربوع دا مصدّق نفسه تماما رئيس وزراء وفعلا المنصب الرفيع دا لم يخطر على باله حتى في ليلة القدر ولو فكر بهدوء شوية كان عرف انو آليات التمكين في نظام الانقاذ قد آل الى اسرة الرئيس بوضع اليد ، فمافي داعى للدعاية الرخيصة دي عن نفسه والاشارة الى قدراته التى اصبحت محل سخرية الغاشي والماشي فلو في زول قريب منّو حقو ينصحو ويقول ليهو : عوس عواستك ساكت إذا كان العراب زاتو زمان فقد البوصلة ، فياتو بوصلة راجيها المتز لدين الله تحدد ليهو اتجاه الصاح من المغلط !