Post: #2
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:04 AM
Parent: #1
قال مافي مشكلة سيولة !!
او
مافي مشكلة في السيولة النقدية ! لكن في مشكلة في طباعة الورق ! اقصد طباعة الورق النقدي
دى غلوتية ولا شنو ما بعرفها ؟
|
Post: #4
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:14 AM
مع انو بمنطق بسيط وواضح لكل ذي عقل مهما ضعف انو
ازمة السيولة معناتو مافي ورق نقدي ودي قالها هو زاتو
دة منطقو هو الطابعات ما كانت بتطبع
رغم اني بختلف معاهو في حكاية المشكلة في الطباعة .
وانو الاشكالية مافيها
في ورق كتير مطبوع كم تريليون ورقة انطبعت اضف ليها الورق المزور القالوا ما بقدرو يعرفو
وبعد دة كلو في ازمة سيولة
ازمة السيولة لاحجام الناس عن توريد اموالهم في البنك
ودة برضو ما تعبير دقيق . الادق منو احجام كبار رأسمالية البلد العندهم الكاش . الورق الفي يد المواطن ما كتير . واصلا هم من زمان ما بعرفو درب البنك
الرأسمالية الطفيلية الملتصقة بجسد السلطة والقبل كدة قالوا هم عشرة
وقال عنهم عبدالرحيم حمدي وفروا لينا العملة الصعبة . واظنو كان حيطالب بتكريمهم
ديل هم الدسو القروش في بيوتهم
وهسة دوبها مع ورقة المية
دوبها حلت للدعس
طبع فئات جديدة سيادتك لن يحل مشكلة السيولة
خليك اقتصادي واتكلم معانا كلام يخش العقل
كم كتلة النقد اللافة في السودان ؟ ودي ما صعبة
شوف مكناتك دي طبعت كم من 1989 لحدي اليوم ؟
ادينا رقم
|
Post: #3
Title: Re: حل مشكلة السيولة نهائيا!
Author: Khalid Abbas
Date: 10-08-2018, 06:05 AM
Parent: #1
المشكلة مسكوها عندهم وعايزين يفكوها بعد فقدت 60% من القيمة
اتخيل قروشك في البنك وماقادر تتصرف فيها وترجع ليك اقل من النص دي سرقة رسمية
|
Post: #5
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:15 AM
Parent: #3
الرئيسةالأخبارأخبار السودانأخبار مختارة
أخبار مختارة
بنك السودان يعلن وصول أربعة شحنات من النقود لحل أزمة السيولة
آخر تحديث أكتوبر 7, 2018
28 11,900
شارك
كشف محافظ بنك السودان، محمد خير الزبير، عن وصول أربعة شحنات من الأوراق النقدية خلال أكتوبر ونوفمبر من مطابع خارج البلاد، وقال إنها ستعمل على حل مشكلة شُح السيولة في المصارف.
وأقر الزبير في مقابلة مع برنامج “في الواجهة” الذي بثه تلفزيون السودان، مساء السبت، بأن الأزمة ليست في السيولة النقدية وإنما في طباعة الاوراق.
وكانت الحكومة، نفذت مطلع فبراير الماضي، إجراءات غير معلنة بتحجيم السيولة لدى المواطنين، تجنباً لتدهور الجنيه السوداني أمام الدولار، شملت تحديد سقوف لسحب الودائع المصرفية وتجفيف أجهزة الصرافة الآلية.
|
Post: #6
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:24 AM
Parent: #5
يا خالد هم ما ماسكينها زاتو
هم ما عندهم
دي حرب بين التنظيم القديم والسلطة
كل المؤسسات الرأسمالية الكبيرة عندهم .
البنوك كانت شغالة تمويل ليهم هم بس . القرض الحسن وقرضو الورق كلو . لموهو عندهم
والسلطة ما عندها آلية لجمعو تاني
لكن علم الاقتصاد عندو آلية للحل للاسف هم ماعندهم علاقة بالعلم !! لا الاقتصاد لا غيرو
منطق شنو البخليهم يزيدو سعر الدولار رسميا اكتر من السوق الاسود بي 2.5 ج؟؟؟
عشان شنو مثلا ؟
البنوك البتشتري الدولار دة وقت عندها سيولة قدر دة ماكان من باب اولى تدي الناس قروشها ؟
|
Post: #7
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:30 AM
Parent: #6
وصول اربعة شحنات من النقود والمطابع تعمل بطاقتها القصوي
اقروا المغايص البتفرم الحشا وتجيب وجع القلب
|
Post: #10
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:38 AM
Parent: #7
حدثني صديق كان هناك في الهند
قال لي
الحكومة اكتشفت ان النقد الموجود في البنوك يساوي فقط 30% من كتلة النقود
فجأة تم الاعلان ان الورقة فئة ال 500 روبل غير مبرأة ذمة وسيتم سحبها من التدوال
والجهة الوحيدة التي تعتمدها هي البنك
قال لي الشوارع كلها اتملت صورة الورقة وعليها صليب احمر
والزمن تلاتة اسابيع فقط
الحكومة عرفت انو الرأسمالية خزنت الاموال في بيوتها . والفئة الكبيرة جعلت الامر اسهل
البنك بستلم منك القروش ويديك فقط صك انو عندك عندنا كذا روبل
ومسموح ليك بالسحب اليومي بمقدار محدد
رجعوا القروش البنك
لكن زول بلم في الفئات العالية ويمسكها عندو تجيب ليهو فئة اكبر منها ؟
انت معانا ولا مع الاسد سيادتك ؟
|
Post: #12
Title: Re: حل مشكلة السيولة نهائيا!
Author: عبدالمنعم الطيب حسن
Date: 10-08-2018, 06:44 AM
Parent: #7
تعمل بطاقتها القصوى
طابعات هي ول افران؟
.........
صاحبي اودع السنة الفاتت مليار جنيه في البنك
وكان الريال حوالي خمسة الف
وذلك لشراء ارض
المهم البيعة لم تتم
جاء من السودان قبل اسبوع
وقعد اكتر من شهر في محاولات لسحب مبالغه من البنك
سحب حوالي ستين مليون
بمبلغ ٢ كل يوم
المهم الباقي اكتر من تسعمية مليون ما قدر اسحبا
واصلا فقدت اكتر من ٦٠٪ من قيمتا
وما زالت تفقد
(كلمني امس؛ ودا حصاد غربة عشرين سنة!!!)
بالله هسع دا يقولو عليهو شنو؟
......
سلام حفيظ
|
Post: #9
Title: Re: حل مشكلة السيولة نهائيا!
Author: kamal omer
Date: 10-08-2018, 06:34 AM
Parent: #6
| Quote: اتخيل قروشك في البنك وماقادر تتصرف فيها وترجع ليك اقل من النص دي سرقة رسمية |
كلام حقيقي لأنو المبلغ الفي حسابك فعلياً بينقص، يعني لما يرجعوهو ليك ، و ما معروف متين
حا يكون فقد كتير جداً من قيمتو الفعلية.
يا هو ده البللان و شراب الموية الجد جد البشرونا بيهو.
عمرنا ما سمعنا بي حكومة تؤذي شعبها زي الناس ديل
الله لا غز فيهم بركة دنيا و آخرة
سلامات حفيظ و خالد
|
Post: #8
Title: Re: حل مشكلة السيولة نهائيا!
Author: أيمن نواى على
Date: 10-08-2018, 06:33 AM
Parent: #5
كشف عن وصول اربعة شحنات من الاوراق النقديه خلال شهر اكتوبر و نوفمبر .
سلام ي ابو سن
|
Post: #11
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:42 AM
Parent: #8
صحي كمال
امس اشتريت حقن الملاريا ب 240 ج
وقبل اسبوعين اشتريتها ب 150 ج
يعني القروش كل ما تأخرت كلما نقصت قيمتها
|
Post: #13
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:46 AM
Parent: #11
يا ايمن ديل ناس هوبلي
وكميات
ماعندهم شغلة بالرقي والنوعية
عندهم الموضوع بالكيلو والوزن
قبل كم سنة وزير الثقافة آي والله وحياة الخوة
وزير الثقافة قال جبنا كم طن من الكتب لمعرض الكتاب في معرض الخرطوم الدولي
الكتب عندهم بالوزن
مفكر جاد جدا والله اتحول لي كائن عضوي ساي
اكل واشرب وابعر وانكح النساء
ابطل قراية وكتابة
الناس ديل بفسدوا عقلنا ومزاجنا
|
Post: #14
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:55 AM
Parent: #13
يا منعم دة اكل اموال الناس عديييل كدة
بعدينك تصدق في ناس بقدرو يسحبو قروشهم !؟
الناس سبب الازمة زاتهم امورهم سالكة
تعرف لو لقا بيت ما بقدر يشتري لأنو سيد البيت داير كاش
خليهو يرجا الشاحنات المحملة بالقروش دي ؟
لومك علي يلمو فيها يومين تكمل
نحن نقيف صف
وديلك قاعدين في المكاتب المكيفة يصرفو قروشهم علي داير المليم
امس بتي عيانة . الدكتور والفحص مجاني وصارف 945 ج للدواء . والبنك بدي 500 ج بس في اليوم بعد ملاواة
|
Post: #15
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 06:58 AM
Parent: #14
لا رحمة مع كل من يتعامل بالدولار خارج آلية صناع السوق
رئيس وزراء السودان
آمنتو بالذي نجر الكوكاب
حليلو هو
|
Post: #16
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 07:16 AM
Parent: #15
18” مليارا تكلفة سفريات البرلمان الخارجية خلال ثلاثة أشهر
صحف اليوم
|
Post: #17
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 07:21 AM
Parent: #16
معتز: السياسات المصرفية مسنودة بإنتاج متوقع بـ”4″ مليارات دولار
صحيفة السوداني
رئيس الوزراء:”8″ مليارات دولار الإنتاج المتوقع للزراعة
التيار
هسة انا كمواطن ما فهمت الخبر دة
|
Post: #18
Title: Re: حل مشكلة السيولة نهائيا!
Author: عمار قسم الله
Date: 10-08-2018, 07:45 AM
Parent: #17
سلام عبد الحفيظ وضيوفك
الناس دي راح ليها الدرب من زمان
عايزين يرجعوا الثقة بين المواطن والبنوك
وماعايزين يطلقوا السيولة - كان الهدف من حبس السيولة
اٍصدار صكوك - ولأن الصكوك لاتعني للمواطن شيء - اٍتجهوا لأن تكون الصكوك
مستخدمة في شراء وبيع الذهب - بحيث يطمئن المواطن لعدم فقدان قيمة أمواله ...
والموضوع كما ذكرت ليس له - علاقة بعلم الاٍقتصاد - لأن مايجب أن يستثمر هو (الاٍدخار)
أي المال الفائض عن حاجة المواطن - فكيف يعقل أن يصرف لي البنك (2000/ج) يوميا لوكان
لي مبلغ (مليون) وأريد أن اشتري منزل - أو أرمم منزلي أو أفتح بقالة !!!!!
أموال الناس في البنوك معظمها ليست (مدخرات) وبالتالي ليست ودائع - ولكن المواطن كان
يستخدم البنك (كخزنة أمينة ومحصنة لحفظ نقوده)!!!!!
** الحصاد الذي تبني عليه الدولة حساباتها - لاتمتلك حتي الأسواق الخارجية وليست لها دراسات
وحتي مايعرف (بنقطة التجارة الدولية) هي مكتب يجمع اٍحصاءآت من عدة مصادر - هي أصلا متاحة
علي مواقع الاٍنترنت
ونسأل الله اللطف
|
Post: #19
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 08:10 AM
Parent: #18
صحي يا عمار
البنوك حفظ مال لمشروع محدد الي حين
ولا تكتب ليك شيك بأجل وتقعد تورد في البنك لامن تتمو
دة لمعظم الناس . معظم دى اكتر من 90%
ال10% ديل اهل السلطة . ديل ما بوردو ديل بشيلو قروض مليارية من البنك واعتمادات . وديل هم العندهم معظم المال . كان شركات ولا افراد
|
Post: #20
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 12:07 PM
Parent: #19
للاسف بفتكرو حل المشكلة الاقتصادية بتم بالفهلوة ونجاضة التجارة ونشر الاشاعات
وتخطيط الاقتصاد لوطن كامل مازي تخطيط دكان وسوق .
عاينو حددوا سعر الدولار بي زيادة مع انو لو حددو سعر الدولار بنفس سعر السوق الاسود بنافسوهو . لكن العقلية عقلية تاجر فهلوي ما اكتر . يدي سعر اعلي للشراء ودي بعملها تاجر جشع ليحتكر السوق
ثانيا
بتحدثو عن ازمة سيولة ويطالبوا البنوك تشتري دولار !!
اصلا ما عندهم سيولة للشراء ومافي زول ببيع ليهم بي شيك او توريد
طيب الهدف شنو ؟
انك ترفع السعر لتجار الدولار ؟
ثم التصريحات المتضاربة حول عائد الانتاج ناتجة من وين ؟
ما اظن تصريح واحد . بل تصريحين في اوقات واماكن مختلفة
زي المواطن الجا للبنك ادوهو تمويل
الموظفة بعد سلمتو قالت ليهو راجع قروشك
قال ليها
اراجعها لي شنو ؟! هي تاني بتجيكم راجعة
فتصبح التصريحات الوزارية محض كلام ما فرقت خمسة ولا عشرة مليار . اصلا هي مافي
أنفخ ولو حملك ريش
|
Post: #21
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 12:07 PM
Parent: #19
للاسف بفتكرو حل المشكلة الاقتصادية بتم بالفهلوة ونجاضة التجارة ونشر الاشاعات
وتخطيط الاقتصاد لوطن كامل مازي تخطيط دكان وسوق .
عاينو حددوا سعر الدولار بي زيادة مع انو لو حددو سعر الدولار بنفس سعر السوق الاسود بنافسوهو . لكن العقلية عقلية تاجر فهلوي ما اكتر . يدي سعر اعلي للشراء ودي بعملها تاجر جشع ليحتكر السوق
ثانيا
بتحدثو عن ازمة سيولة ويطالبوا البنوك تشتري دولار !!
اصلا ما عندهم سيولة للشراء ومافي زول ببيع ليهم بي شيك او توريد
طيب الهدف شنو ؟
انك ترفع السعر لتجار الدولار ؟
ثم التصريحات المتضاربة حول عائد الانتاج ناتجة من وين ؟
ما اظن تصريح واحد . بل تصريحين في اوقات واماكن مختلفة
زي المواطن الجا للبنك ادوهو تمويل
الموظفة بعد سلمتو قالت ليهو راجع قروشك
قال ليها
اراجعها لي شنو ؟! هي تاني بتجيكم راجعة
فتصبح التصريحات الوزارية محض كلام ما فرقت خمسة ولا عشرة مليار . اصلا هي مافي
أنفخ ولو حملك ريش
|
Post: #22
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 12:27 PM
Parent: #21
واحد قال مشيت البنك قلت ليهم
عندي ألف دولار للبيع
قالوا ليهو ما عندنا كاش
طيب اشتري منكم ألف دولار كاش
قالوا ليهو
ما بنبيع
زي قصة عمك
قال ليهو
انت طالبنا عذر ولا حمار
|
Post: #23
Title: Re: حل مشكلة السيولة نهائيا!
Author: عمر التاج
Date: 10-08-2018, 01:09 PM
Parent: #22
تحياتي يا عبد حفيظ..
قووول حل مشكلة السيولة
على حساب التضخم
مشكلة الأسعار بتتحل كيف
أما يرفع المرتبات ويصرف عليها القروش الطبعها
أو يطبع للناس سلع وخدمات
|
Post: #24
Title: Re: حل مشكلة السيولة نهائيا!
Author: عمر عثمان عبد الوهاب
Date: 10-08-2018, 01:54 PM
Parent: #23
سلام ود اب سن
الكاش عند ناس الدهب ضارب الخلا
وهم نفسهم تجار العمله ويمتلكون السيوله
|
Post: #25
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 02:22 PM
Parent: #24
مرحبا عمر التاج
وعمر عثمان
في مغالطة ساذجة قال لا يؤثر في الاسعار !؟
الاسعار دي سيادتك بتعامل معاها الموظف البتصرف ليهو ماهيتو . حتديهو كم ؟ وهل بتقدر تدفع ليهو كاش ؟
طبعا تحويل المواهي للبنوك كانت خطة جهنمية ماكرة ولا تخدم الموظف
الداير اعرفو صناع السوق ديل منو ؟
ناس سوق يعني ؟ تجار عملة ؟
اكان كدة واطتنا اصبحت
وفعلا هم ناس سوق
واضح
|
Post: #26
Title: Re: حل مشكلة السيولة نهائيا!
Author: عبدالحفيظ ابوسن
Date: 10-08-2018, 02:55 PM
Parent: #25
عيييك عرد!
راجين البنوك تنجدو
والبنوك اتملصت منو .. ماعندها مروة
وجا راجع ذليل كسير
|
Post: #27
Title: Re: حل مشكلة السيولة نهائيا!
Author: كمال معتصم احمد السيد
Date: 10-08-2018, 03:04 PM
Parent: #25
سؤال
للخبراء الاقتصاديين
ما هي آلية طبع العملة
تمشيا مع الانتاج والخدمات
حتى لا يكون هناك تضخم
او بمعنى اخر
ما هي المعادلة الحسابية
بين
السيولة أو طبع العملة
والإنتاج والخدمات
|
Post: #28
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 05:17 AM
Parent: #27
في انتظار رأي اقتصادي
حسب الثقافة العامة يجب ان يكون للعملة الورقية غطاء ذهبي بقدر قيمتها
تطبع قدر كمية الذهب المتوفر عندك في خزينة الدولة
|
Post: #29
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 05:24 AM
Parent: #28
بدأنا من امس ضخ النقود لمناطق الحصاد : شمال كردفان ، ولاية القضارف ، ثم سنار وستستمر العملية لكل المناطق....من جانب اخر المخزون مطمئن ولا نحتاج حاليا لاي مشتروات وقود او قمح او ادوية...
معتز موسي
ضخ!!؟؟
|
Post: #30
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 05:27 AM
Parent: #29
وطنا هذا ام صاحب كنتين في قرية ؟
سيادتك برضو ناقصين ادوية . ادي زول قروش يشتري دولار يجيب لينا ادوية
|
Post: #31
Title: Re: حل مشكلة السيولة نهائيا!
Author: محمد أبوالعزائم أبوالريش
Date: 10-09-2018, 05:36 AM
Parent: #30
سلام،
حل مشكلة السيولة دي حاجة كده زي سيولة الدم ... يقوموا يدوهو أسبيرين والمشكلة تتحل؟ ...... ما فهمنا.
أنا مواطن بسيط .... وفهمي البسيط بيقول لي أنا عندي قروش مشيت أودعتها في البنك على سبيل الأمانة.
إحتجت لقروشي فمشيت البنك عشان أسترد الأمانة ..... بأي حق البنك يرفض يديني قروشي؟
أمشي البنك عشان أستلم قروشي وأقيف في الصف من صباحاً بدري وأتزل وأتهان عشان في النهاية يقولوا لي مافي قروش ..... يا جماعة، يا ناس البنك ... إنتو ما فاهميني ... أنا ما طالب منكم حاجة من عندكم ... أنا طالب قروشي الختيتها عندكم بس.
|
Post: #32
Title: Re: حل مشكلة السيولة نهائيا!
Author: Osman Musa
Date: 10-09-2018, 05:38 AM
Parent: #30
سلامات يا ابو سن
ياخ ديل قالوا الروب . ما عرفوليها كلوكلو .
بلد سمحة و ممكن تتصلح بي سهولة . بس ديل
مكنكشين فيها . والله يا ابو سن انا عثمان المسكين ده
يدوني ليها سنتين الا اخليها ليك زي ولاية فرجينيا .
صفوف الجاز رجعت .
وسيولة مافي .
|
Post: #33
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 06:15 AM
Parent: #32
صحي يا ابوالريش ولو كان شفنا اهل السلطة بشاركونا الازمة كان رضينا . الازمة دي ما جات عليهم ابدا بل زايدين في ثرائهم وترفهم
صحي عثمان بلد مليانة خيرات ولكن تفتقر للقيادات
|
Post: #34
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 11:01 AM
Parent: #33
سؤال مخيف جدا اقلاها لي
هل هذه اللحظة سعت لها السلطة ؟ وبخطة طويلة الاجل ؟
اول من جو مسكو قروش الناس مع تغيير العملة .
وقفو تحويلات الاتصالات الا بمقدار
دخلوا الرواتب البنوك
اصدار فئة مالية اعلي
شراء الذهب والدولار
كلها اشارات بتدي احتمال الظن صفة الحقيقة
التحكم في الكتلة النقدية
دي افعال مستعمر وليس سلطة وطنية
|
Post: #35
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 03:04 PM
Parent: #34
الدولار بي كم ؟
|
Post: #36
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 04:38 PM
Parent: #35
سألت في القروبات
الدولار 52
الريال السعودي 13.800
ويجهل شنو كدة ونجهل فوق جهل الجاهلينا
كل ما ختت الحكومة سعر ركب ناس السوق سعرهم براهم
سؤالي قايم من هم صناع السوق؟ وليه ختو سعر اكتر من سعر السوق بي 2.5 ج ؟؟$$$$
|
Post: #37
Title: Re: حل مشكلة السيولة نهائيا!
Author: عبدالحفيظ ابوسن
Date: 10-09-2018, 06:02 PM
Parent: #36
(من ذاكره الشعب السودانى)
👇
يوم امس يوما تاريخيا في الاقتصاد السوداني
قبل ثلاثين عاما كان السعر الرسمي للدولار 4.7 جنيه (بالقديم) ويوم امس تراجعت عملتنا عشرة الف مرة ليعادل الدولار 47 الف جنيه (بالقديم)
|
|