Post: #1
Title: القبلة الأولي
Author: عمر التاج
Date: 10-04-2018, 02:47 PM
عَنْ عَائِشَةَ رَضِيَ اللَّهُ عَنْهَا قَالَتْ : " كَانَ النَّبِيُّ صَلَّى اللَّهُ عَلَيْهِ وَسَلَّمَ يُقَبِّلُ وَيُبَاشِرُ وَهُوَ صَائِمٌ وَكَانَ أَمْلَكَكُمْ لِإِرْبِهِ " .
رواه البخاري (1927) ، ومسلم (1106) . وزاد في رواية عند مسلم : في رمضان
|
Post: #2
Title: Re: القبلة
Author: جلالدونا
Date: 10-04-2018, 02:56 PM
Parent: #1
يعنى شنو ثم ضحكت
اقعد بارى لى البخارى ده لمّا تلقى نفسك محشور فى جهنم
|
Post: #3
Title: Re: القبلة
Author: Nasser Amin
Date: 10-04-2018, 03:24 PM
Parent: #2
ود التاج
ههههههههه بديت من حيث انتهت الاحضان المقشوشة
ما تدقس أعمل كسرة للقاف في العنوان عشان امورك تمش
اليومين ديل الظاهر الطبلة رايحة ,شغّالين قش بس
|
Post: #4
Title: Re: القبلة
Author: عمر التاج
Date: 10-04-2018, 03:58 PM
Parent: #3
ضحكت دي يا جلجل
وحات شيخي اب تفة جات في الحديث كده
وانا زاتي مستغرب، الجاب الضحك للقبلة شنو
أجي!
المهم للضمان كده وعشان البوست مايمشي النار
غيرناها بواحده اخف وقعا
وبما يرضى الله ورسوله
وعمر البشير وبكري.
عشان ما يجي واحد يقول لي
البوست ده مستطيل ولا شبه منحرف.
وبعدين اذا كلام البخاري بودي النار
وكلام الدراسات بودي الخور
نحن (نقبل) وين ياخي؟
|
Post: #5
Title: Re: القبلة
Author: جلالدونا
Date: 10-04-2018, 04:00 PM
Parent: #4
اموت فى التعديل انا
كان تعدلا للقبلة السكرى و بالمرة تجيب الغنوة
|
Post: #6
Title: Re: القبلة
Author: عمر التاج
Date: 10-04-2018, 04:06 PM
Parent: #4
نسينا نحييك يا جلال ونقول مشتاقين
وكمان الايفون 12 بصحح براه وتصحيحو كتر (بضم الكاف)
Quote: ههههههههه بديت من حيث انتهت الاحضان المقشوشة
ما تدقس أعمل كسرة للقاف في العنوان عشان امورك تمش |
ازيك ياناصر...
عارفك بتنقشهها طايرة،
وتنقشها دي ذكرتني بنكتة واحد كورك في نص السوق، يالنقااااشيييين.
النقاشين اعلموا فوقو كلهم وقالوا له عندك شنو؟
قال ليهم: أنقشوني ماشي وين.
المهم انه عزيزي القارئ عرف موضوع البوست.
اللي هو القدس، القبلة الأولى.
والمثل بقول: القبلة الأولى لك والثانية عليك
|
|