Post: #1
Title: صحن العصيدة في عهد معتز موسي
Author: Osman Musa
Date: 10-04-2018, 09:34 AM
Parent: #0
09:34 AM October, 04 2018 سودانيز اون لاين
Osman Musa-
مكتبتى
رابط مختصر صحن العصيدة حيطير .
وكلو في طريق التحليق . بعد ما امس اتوقفت حركة
البيع والشراء في السوق الموازي .
قرار التحرير المتسرب زي تسرب امتحان الكيمياء
حالة من الجهجة و الحذر
|
Post: #2
Title: Re: صحن العصيدة في عهد معتز موسي
Author: عبدالحفيظ ابوسن
Date: 10-04-2018, 10:08 AM
Parent: #1
تحياتي عثمان
مازول عصايد اعشق الكسرة الرهيفة
امي بتعوس كانت زيها زي ملايين غيرها وقتها
هسة بنشتري . تكلفة العواسة عالية جدا
كنت بشتري كسرة بي عشرة . فطور وعشاء
مع الجهجهة الحاصلة دي
بقت عشرين قصرت
تلاتين قصرت
اقل سعر عشرة ج .
كسرة بي طماطم وبصل وشطة وزيت
جلي الطماطم لامن تزيد
جلي الزيت لامن يزيد
الليلة البصل طار السما وماشي
|
Post: #3
Title: Re: صحن العصيدة في عهد معتز موسي
Author: علي عبدالوهاب عثمان
Date: 10-04-2018, 10:36 AM
Parent: #2
شكراً الحبيب أبوسن ..
مداخلاتك فيها تنوير لينا وخاصة عن حالة الاسعار اليومية
عشان الاهل والمصاريف ..
حبيبنا أبو سن معليش لدي بعض الاسئلة
كم راتب المعلم الجديد ، والطبيب تعيين جديد ، والمهندس ؟
موضوع خاص ..
شكرا الحبيب عثمان .. تحياتي
|
Post: #4
Title: Re: صحن العصيدة في عهد معتز موسي
Author: عبدالحفيظ ابوسن
Date: 10-04-2018, 10:44 AM
Parent: #3
بسأل ليك انا هسة علي سفر
|
Post: #5
Title: Re: صحن العصيدة في عهد معتز موسي
Author: علي عبدالوهاب عثمان
Date: 10-04-2018, 01:05 PM
Parent: #4
الحبيب أبوسن .. تحياتي
تصل بالسلامة إن شاء الله
مودتي ..
تحياتي الحبيب عثمان
معليش إستغلال للبوست
|
Post: #7
Title: Re: صحن العصيدة في عهد معتز موسي
Author: Osman Musa
Date: 10-06-2018, 06:38 AM
Parent: #3
عزيزنا علي عبدالوهاب سلامات
يا اخ علي تكلفة تدقق ليك ربعين فيتربتا في طاحونة الان هي
تكلفة شوال فيتريتا سنة 1983 .
قبل يومين يا اخ علي حاولت اتفلهم شوية واشيل لي دستة
تفاح لي زول عزيز راقد في مستشفي بحري .
سالت بتاع ثلاجة الفواكه عن سعر التفاح قال الحبة
بي مية . الحبة الواحدة بي مية .
تخيل .
ياخ قبل سنتين بس كانت الحبتين بي خمسة جنيه .
|
Post: #6
Title: Re: صحن العصيدة في عهد معتز موسي
Author: Osman Musa
Date: 10-04-2018, 03:06 PM
Parent: #2
عزيزنا ابوسن سلامات
السودان البلد الوحيد في العالم الفيه الماضي احسن من الحاضر .
امي كانت تكبس البرتال بي حوالي 500 طرقة من النوع ال ××× لارج .
سنسنة واحدة من البرتال بي ملاح كرارة توقفك زمبارة .
كان شوال الفيتريتا حدو ستة ايام وينجدع وما تحس بي اي زنقة
والجنية كان زي السيف . والقطارات رايحة جايه مليانة خير وبركة .
والله جد يا ود ابوسن الليلة قدح الكسرة في تلتلة .
وزي ما قال لي حمدان الميكانيكي قال : تكلفة الكسرة
الليلة تكلفة كربريتر هانتر .
الامور كعبة يا ابوسن .
|
Post: #8
Title: Re: صحن العصيدة في عهد معتز موسي
Author: Osman Musa
Date: 10-06-2018, 01:28 PM
Parent: #6
اخونا استاذ علي عبدالوهاب سلامات
وارجع ليك تاني .
شايفك بتسال عن كم مرتب المعلم الجديد في السودان .
انا غايتو لو سالتي المعلم الجديد علي المعلم القديم
ما عارف كم يكون مرتب الواحد منهم . لكن عارفهم كلهم
ما قاعدين يقبصوا المرتبات في الزمن المحدد .
وبيقضوا زمن طويل في سك المرتب . ودي من البلاوي
الساعدت في تدهور التعليم الحكومي .
|
Post: #9
Title: Re: صحن العصيدة في عهد معتز موسي
Author: عبدالحفيظ ابوسن
Date: 10-06-2018, 02:11 PM
Parent: #8
الخريج بتعين في الدرجة التامنة ب 1250 ج
يومو بي 41.5
ديل المعلمين والمحاسبين والمهندسين
الاطباء وضعهم مختلف عندهم بدلات تانية زي بدل عدوى او اشتغل برة بدل شدة
وبرضو المعلمين البشتغلو برة المدن بعملو ليهم وضع مالي مختلف
دة لعناية علي عثمان
|
Post: #10
Title: Re: صحن العصيدة في عهد معتز موسي
Author: عبدالحفيظ ابوسن
Date: 10-06-2018, 02:24 PM
Parent: #9
معليش
خريج التربية والزراعة تعيين جديد من 800 لي 1200 حسب الشهادات
الاطباء والمهندسين غير
|
|