النساء والرجال الذين يتمتعون بالجمال والوسامة، يتفوقون من حيث الذكاء والمهارة

06:17 AM October, 04 2018

سودانيز اون لاين
عمر التاج-KHT
مكتبتى
رابط مختصر

زولة كاتبة في صفحتها على الفيس:
(غايتو كان صادفتي زولا سمح عايني فيهو وبس، لأنك لو اتكلمت معاهو بطنك بطم).
.
.
.
لكن الدراسات العلمية أثبتت عكس ذلك.
فى زول يغالت؟

كشفت دراسات علمية أُجريت أخيرًا في كل من بريطانيا وأميركا أن النساء والرجال الذين يتمتعون بالجمال والوسامة يفوقون من حيث الذكاء والمهارة غيرهم ممن همّ أقلّ، وتقول نتائج هذه الدراسات إن مستوى الذكاء لهما يفوق المعدّل المتوسط بأربع عشرة نقطة. ويبدو أن النتائج التي توصّلت إليها هذه الدراسات تقضى على الأساطير التي كانت تقول إن أصحاب الجمال والوسامة يفتقدون إلى القدر العالي من الذكاء، وتقول نتائج الدراسة التي أجراها معهد لندن للاقتصاديات إن هؤلاء الذين يتمتّعون بجاذبية، لا يتمتعون فقط بالجمال، وإنما يتمتّعون كذلك بالذكاء الشديد، وجاء في هذه الدراسة أيضًا أن أطفال الزوجين اللذين يتمتعان معًا بالجمال والوسامة، يرثوا منهما كلا من الجمال والذكاء، ويظلوا يتوارثون هذه الجينات عبر الأجيال المتتابعة.
ويقول الخبير السيكولوجي في معهد لندن للاقتصاديات ساتوشي كانازاوا، إن الجاذبية الجسدية ترتبط بصورة مهمة وإيجابية بمستوى الذكاء العام، وأشار أيضًا إلى أن العلاقة بين الجاذبية والمستوى العام للذكاء تكون أقوى عند الرجال مقارنة بالنساء.
وفي دراسة أخرى حول الوضع الاجتماعي، كشف الخبير السيكولوجي عن أن بنات الطبقة المتوسطة يحصلن على درجات أعلى من الذكاء في اختبارات “الآي كيو IQ” مقارنة ببنات الطبقة العاملة.
ومن بين ملايين الحالات التي تستشهد بها الدراسة التي تربط بين الجمال والذكاء، فهناك عارضة الأزياء الشهيرة ليلى كول التي التحقت بجامعة أكسفورد، والممثلة كات بيكينسال خريجة جامعة أوكسفورد، وعالم الفيزياء برايان كوكس الذي بدأ حياته كعازف على آلة موسيقية بفرقة دي ريم الإيرلندية.
وجاء في دراسة أُجريت في بريطانيا أن نسبة ذكاء الرجال الذين يتمتّعون بجاذبية جسدية تفوق المعدّل الطبيعي للذكاء بـ13.6 نقطة، أما نسبة ذكاء النساء اللاتي يتمتّعن بجاذبية جسدية فهي تفوق المعدّل الطبيعي للذكاء بـ 11.4 نقطة.
..
..
أها يا الشينين
خموا وافسخو

الحبيب عمر التاج .. بوستاتك جميلة ..
مثلاً أنا أيام الشباب كنت وسيم في السودان
لمن جيث في الخليج لقيت نفسي العكس (ههههه ) هل قلت درجة ذكائي ؟
أنا وسيم في السودان عندما آتي إلى أوربا تتغير المعايير وأكون العكس
أرجع السودان أكون ذكي .. أسافر الخارج أكون ( غير ذكي )

بصراحة بدأت أسترجع .. كلامهم صح عند هبوطك في المطار تشعر إنك ما تمام
ترجع السودان من مطار الخرطوم تشعر إنك أشطر واحد ..

حبيبنا عمر التاج .. ما قدر أعبر عن فكرتي .. إن شاء الله تكون فهمتني ..
شكراً ياجميل ..

صباحات الجمال صديقنا الجميل علي عبد الوهاب
والله انت عبرت عبير، الناس السمحة دي كلها مجتمعة ماعبرت عبيرك هههه

Quote: مثلاً أنا أيام الشباب كنت وسيم في السودان لمن جيث في الخليج لقيت نفسي العكس (ههههه ) هل قلت درجة ذكائي ؟ أنا وسيم في السودان عندما آتي إلى أوربا تتغير المعايير وأكون العكس أرجع السودان أكون ذكي .. أسافر الخارج أكون ( غير ذكي ) بصراحة بدأت أسترجع .. كلامهم صح عند هبوطك في المطار تشعر إنك ما تمام ترجع السودان من مطار الخرطوم تشعر إنك أشطر واحد .. حبيبنا عمر التاج .. ما قدر أعبر عن فكرتي .. إن شاء الله تكون فهمتني

ملاحظاتك في محلها من حيث تغيير معدلات الذكاء وفقا لتنقلك عبر البلاد
وفعلا تعشر انه السوداني لما يطلع بره بيبدع ، وينجز
ولما يرجع بلده بتوقف ابداعه تج.
في جماعه ربطوا الشئ ده بالسخانة والشمس
لكن في الحقيقة بلاد بره أجمل ، ويتوفر فيها الحسن
ويتناسب ما اكتسبته عين الزول فيها من جمال، مع ما اكتسبه عقله من ذكاء

انشتاين كان حلاتو!

بي ياتو كتلوج للجمال ؟
اعتقد انها نظرية عنصرية جدا
ذات نظرية تفوق الجنس الآري
العزيز علي عثمان عبر عن ذلك
سمات الجمال اول شئ فيها الوش
والوش يخضع للمنطقة الجغرافية وليس للعقل
في منطقة باردة انف طويل لاسباب مفهومة تتعلق بالحرارة
منطقة سخنة انف قصير مع فتحة انف مختلفة
الاذن وشكلها
العيون
لون الوجه
والجمال زاتو مقايسو مختلفة امهاتنا كانن بتشلخن ويدقن شلوفتن كايسات السماحة

باستثناء حالات التخلف

والامراض العقلية

لا يوجد ذكاء مطلق

ولا يوجد غباء مطلق

رجوعا لقول الله تعالى

لقد خلقنا الانسان في احسن تقويم

ولكن يوجد ذكاء نسبي

ويوجد غباء نسبي ......

بمعنى

قد يكون الإنسان متفوقا أكاديميا

وهذا للاسف المعيار الرئيس

في مجتمعنا

ونفس الشخص قد يكون فاشلا مهنيا

بالرغم من ذكائه الأكاديمي

ويتفوق عليه مهنيا

من هو أقل منه في الدرجات الاكاديمية.........
وهذا هو الذكاء المهني
......


وهناك الذكاء الاجتماعي

وهو كسب الناس
واستثمار هذا الكسب في شتى مجالات الحياة

.....ونجد أن كثيرا ممن يتمتعون بالذكاء الأكاديمي

يفتقدون للذكاء الاجتماعي

لأنهم في الغالب أشخاص انطوائيين........

........
وهناك أيضا الذكاء التجاري

وهو كيفية التعامل مع تقلبات السوق

وقد نجد أشخاصا ليس لهم حظا كبيرا من التعليم العالي

وبالرغم من ذلك يتمتعون بهذا النوع من الذكاء التجاري ......

...........
وهناك الذكاء الحرفي أو اليدوي

الذي قد يصل إلى درجة الابداع .......
............

لكن مشكلة الشعب السوداني

انه يضع الذكاء الأكاديمي كمعيار أساسي للذكاء

ويوهم الطفل الغير متفوق أكاديميا

انه غبي فيصيبه بالاحباط ويجعله شخصا غير منتجا حتى في المجالات الاخرى التي يمكن أن يتفوق فيها......

وهذا في حد ذاته نوع من الغباء المعشعش في عقول بعض السودانيين

ومن أسباب تخلف السودان

النذير حجازي كيفنك
اسمح لي في البداية استغل الدخلة دي
وأعبر عن انطباعي عن الاسم،
يتخيل لي فيه حلاة التشييخ (شيخ النذير)
المهم في موضوع أينشتاين انه ننظر له عندما كان صبيا
صحي شكله بعد عجز كان عادي جدا
وده أن دل على شى فإنما يدل على إثر العمر في الجمال
وتأثير البحوث المضنية على تجاعيد الوجه
ودي مواضيع بتطلب نتعمق في هذه الدراسة من زوايا أخري

نسيت أضيف
انه لكل قاعدة شواذ
وانشتاين ممكن نعتبره من ابناء الشهداء زي مابقول عادل امام

سلامات يا شيخ العرب

Quote: اعتقد انها نظرية عنصرية جدا ذات نظرية تفوق الجنس الآري العزيز علي عثمان عبر عن ذلك سمات الجمال اول شئ فيها الوش والوش يخضع للمنطقة الجغرافية وليس للعقل

دي برضو طريقة ياعبد الحفيظ
زمان كانت لحسين خوجلي نظرية
تقول باجتماع الثروة والجمال عن أهل السلطة
بحكم مقدرتهم على سرقة الثروة والنسيان السمحات.
وإذا صحت نظريته فسيصح العكس أيضا.
السؤال الذي يفرض نفسه هنا.. هل يمكن صناعة الجمال
أو بعبارة أخرى تحسين صورةض المجتمع.

احيااااااا انا من الناس السمحين و الوجهين
دا الكلام ياخي وحقائق معروفة
تتصبح بي زول وجيه دي ما الجنة ظااااط
وخاصة ناس قودنايدم ديل كلامن برا ❤️
نزل لينا أغنية الوسيم القلبي رادو😂

بجيك راجعة
الشينين يمتنعوا من البوست 😡
بالله ما تعملوا لينا نفسيات😂😜

https://www.0zz0.comhttps://www.0zz0.com
صاحب البوست وضيوفه سلامات
مع ابني اخي محمد طه المسلمي في الحج قلت احسن نقلب صور رأيكم شنو 🤣🤣🤣

Quote: باستثناء حالات التخلف والامراض العقلية لا يوجد ذكاء مطلق ولا يوجد غباء مطلق رجوعا لقول الله تعالى لقد خلقنا الانسان في احسن تقويم ولكن يوجد ذكاء نسبي ويوجد غباء نسبي ...... بمعنى قد يكون الإنسان متفوقا أكاديميا وهذا للاسف المعيار الرئيس في مجتمعنا ونفس الشخص قد يكون فاشلا مهنيا بالرغم من ذكائه الأكاديمي ويتفوق عليه مهنيا من هو أقل منه في الدرجات الاكاديمية......... وهذا هو الذكاء المهني  ...... وهناك الذكاء الاجتماعي وهو كسب الناس  واستثمثار هذا الكسب في شتى مجالات الحياة .....ونجد أن كثيرا ممن يتمتعون بالذكاء الأكاديمي يفتقدون للذكاء الاجتماعي لأنهم في الغالب أشخاص انطوائيين........ ........ وهناك أيضا الذكاء التجاري وهو كيفية التعامل مع تقلبات السوق وقد نجد أشخاصا ليس لهم حظا كبيرا من التعليم العالي وبالرغم من ذلك يتمتعون بهذا النوع من الذكاء التجاري ...... ........... وهناك الذكاء الحرفي أو اليدوي الذي قد يصل إلى درجة الابداع ....... ............ لكن مشكلة الشعب السوداني انه يضع الذكاء الأكاديمي كمعيار أساسي للذكاء ويوهم الطفل الغير متفوق أكاديميا انه غبي فيصيبه بالاحباط ويجعله شخصا غير منتجا حتى في المجالات الاخرى التي يمكن أن يتفوق فيها...... وهذا في حد ذاته نوع من الغباء المعشعش ففي عقول بعض السودانيين  ومن أسباب تخلف السودان . كمال معتصم احمد السيد    ،،،،

عزالدين عباس الفحل
ابوظبي

Quote: عزالدين عباس الفحل ابوظبي

سلام ولعلك بخير قلنا البوست اقتراح يقلب صور 🤣🤣

اخونا كمال، تحياتي
مداخلتك باتعة لذا سننقلها كلها

Quote: باستثناء حالات التخلف والامراض العقلية لا يوجد ذكاء مطلق ولا يوجد غباء مطلق رجوعا لقول الله تعالى لقد خلقنا الانسان في احسن تقويم ولكن يوجد ذكاء نسبي ويوجد غباء نسبي ...... بمعنى قد يكون الإنسان متفوقا أكاديميا وهذا للاسف المعيار الرئيس في مجتمعنا ونفس الشخص قد يكون فاشلا مهنيا بالرغم من ذكائه الأكاديمي ويتفوق عليه مهنيا من هو أقل منه في الدرجات الاكاديمية......... وهذا هو الذكاء المهني ...... وهناك الذكاء الاجتماعي وهو كسب الناس واستثمار هذا الكسب في شتى مجالات الحياة .....ونجد أن كثيرا ممن يتمتعون بالذكاء الأكاديمي يفتقدون للذكاء الاجتماعي لأنهم في الغالب أشخاص انطوائيين........ ........ وهناك أيضا الذكاء التجاري وهو كيفية التعامل مع تقلبات السوق وقد نجد أشخاصا ليس لهم حظا كبيرا من التعليم العالي وبالرغم من ذلك يتمتعون بهذا النوع من الذكاء التجاري ...... ........... وهناك الذكاء الحرفي أو اليدوي الذي قد يصل إلى درجة الابداع ....... ............ لكن مشكلة الشعب السوداني انه يضع الذكاء الأكاديمي كمعيار أساسي للذكاء ويوهم الطفل الغير متفوق أكاديميا انه غبي فيصيبه بالاحباط ويجعله شخصا غير منتجا حتى في المجالات الاخرى التي يمكن أن يتفوق فيها...... وهذا في حد ذاته نوع من الغباء المعشعش في عقول بعض السودانيين ومن أسباب تخلف السودان

اولا يا اخ كمال اتفق معاك في قصة الذكاء النسبي والغباء النسبي
ونظرية أينشتاين ياعملات شيخ النذير بتؤكد الكلام ده..
بس الجمال مافيهو نسبي زي ما المحت وضاحة
يا ابيض يا اسود زي مابقول عادل امام
وإذا عملنا بنصيحة شيخ المسلمي وجبنا صور اشواليا رأي في شبابها
ولا كاترينا كييف عند الشاطئ..
ناس المنبر ديل كلهم برموا سيوفهم وراك يا ريا.
أنواع الذكاءات شايفك غفلت عن أهم نوع
الا وهو الذكاء السياسي
يعني مثلا عمر البشير ده معروف بغبائه الفطري والأكاديمي وحتى الاجتماعي
لكنه حكم الأذكياء والاغبياء 30 سنة مستغلا ذكائه السياسي
وهذا نوع من الذكاء لايتماشي مع إطار البوست
نظرية البوست تحدد الذكاء الذهني، أو الشطارة زي مابنسميها
اي زول ما شاطر أو زولة ما شاطرة ماسمحة
وهو قول قد يصيب وقد يصيب.

Quote: بس الجمال مافيهو نسبي زي ما المحت وضاحة يا ابيض يا اسود زي مابقول عادل امام

تحياتي الأخ عمر

الجمال ده بالذات

فيه كل الالوان والاراء

فما هو جميل عند البعض

قد يكون ليس كذلك عند البعض الآخر

غايتو
كسودانيين
مع الشوام والأوروبيين


ما اظننا ناكل عيش

....

عشان كده حقو نعكس النظرية

سلام قريبي عمر التاج .
معليش مشغول بس .
نسيت اسلم عليك .
ايش حالك ؟؟؟

***
بوست بطعم السفرجل.
،،،،،،،،،،




،،،،






عزالدين عباس الفحل
ابوظبي

Announcement of the 2018 Nobel Prize in Physiology or Medicine


هسع يا التاج اخوى الناس ديل الاكتشفوا طريقة يمكن ان تنجح فى علاج السرطان السمح منو فيهم؟؟؟

https://www.theguardian.com/science/live/2018/oct/01/the-nobel-prize-in-physiology-or-medicine-2018-live؟page=with:block-5bb1ea46e4b06b7d55e2a915

سلام الاخ الفاضل محمد المسلمي .
ما شاء الله صورة اوسكار.
قمة الجمال
ايش حالك ؟؟؟
،،،،،،،،،،




،،،،






عزالدين عباس الفحل
ابوظبي

سلام الاخ الفاضل محمد المسلمي .
ما شاء الله صورة اوسكار.
قمة الجمال
ايش حالك ؟؟؟
،،،،،،،،،،




،،،،






عزالدين عباس الفحل
ابوظبي

محمد المسلمي سلام بتاعكم
الصورة مافيها كلام،
سماحة ووجاهة
وده لوحده دليل ذكاء وتفوق
بس الخلفية يا اخي..
يعني لو انتظرت دفعة روسيات أو إيرانيين مثلا
مرت صدفتن من ورا، اكيد الصورة بتطلع احلي

سلام يا عمر التاج،
كلامك صحيح، أصل معظم تسمية اسم النذير،
على شيخ النذير المدفون في قبة الكلاكلة القبة،
وتم تسمية اسمي على عمي النذير حجازي، وأتوقع قد
سمى عمي على شيخ النذير، فنحن من أسرة متصوفة

عمر وضيوفك سلام
درهم حظ ولا قنطار شطارة..

قريبي عز الدين الفحل
تحياتي يا حبيب..
نورت البوست
واشعت البهجة بالجمال الذي يطل من بروفايلك

وضاحة يا ذوق
كلك نظر، أو كما قال جمال فرفور

Quote: احيااااااا انا من الناس السمحين و الوجهين دا الكلام ياخي وحقائق معروفة تتصبح بي زول وجيه دي ما الجنة ظااااط وخاصة ناس قودنايدم ديل كلامن برا ❤️ نزل لينا أغنية الوسيم القلبي رادو😂 بجيك راجعة الشينين يمتنعوا من البوست 😡 بالله ما تعملوا لينا نفسيات

اختيار الجمال بالمناسبة نوع من الذكاء
والتقرب من الأذكياء فيه نوع من الجمال
العقل زي ما بيقولوا اهلنا زينة.

عمر التاج انت عامل عملية غضروف
الايام ذي ولا شنو

حسن فرح سلامات..
علماء الطبيعة والإنسانية والدين ديل حالات خاصة
اسه حصل شفت عالم دين سمح ولا عالمة فقه قمحة
وبعدين اديك عن البروفات ديل
على العموم المخترع و البروف لما كان طالب ماكان ذكي ابدا
واغلب الناس البمسكو أوائل الدفع تلقاهم ناس حفظ وبس
وهم في النهاية الببقوا بروفات وتتاح لهم فرص يبقوا مخترعين
اما الناس السمحين جدا بشقوا طريقهم نحو المستقبل بذكاء وهم طلاب
وممكن يعودوا للحقل الأكاديمي لاحقا بعد أن يكونوا حققوا أحلامهم وذواتهم.

عمر التاج وضيوفو مساءالخير
اختلف مع الراى بربط الذكاء بالجمال .
القصه انو الجمال بيدى نوع من الثقه لصاحبو (حتى لو لو كان امكاناتو متوسطه او اقل) ونوع من الخبره فى التواصل الاجتماعى. وبالتالى الجمال والوسامه بطاقه تفتح ابواب تتعطل عقول حراسها امام الجمال والوسامه ويتجاهلو معايير اخرى فى بعض المجالات.
.
والذكاء محلو جد ناس البحوث بين الكتب والمعامل و(المتميزين) فى الطب عشان كدا سماحه ناس مجالات الاعلام والفن وكدا ديل القصه عندهم رد الفعل الاجتماعى للوسامه والجمال هو المفتاح فى حين ممكن يكون فى اميز منهم فى مجالهم لكن المظهر المتواضع بضيع حقهم.
.
اعتقد انو المراه اكثر شريحه استفاده من الجمال بخلاف الرجل. لانو تقليديا مجالات عملو اوسع واكثر تحديا.طبعا الاعتقاد اضافه الى موضوع الجندره دا بيخلق راى معارض ضد المراه ويضر بتقدم المراه فى بعض المجالات المهمه والفاعله.
تصريحات ضد النساء تثير الاستياء:هل ما قاله حقيقة؟ أم أن رد الفعل مجاملة ل:لوبي المرأة؟تصريحات ضد النساء تثير الاستياء:هل ما قاله حقيقة؟ أم أن رد الفعل مجاملة ل:لوبي المرأة؟

اختلف مع الراى بربط الذكاء بالجمال
--------------------------------------------
نعم هذه هى الحقيقة الاخ عاصم على
اخونا التاج كلاموا دا حقو يراجعو
'Physics was built by men': Cern suspends scientist over remarks
https://www.theguardian.com/science/2018/oct/01/physics-was-built-by-men-cern-scientist-alessandro-strumia-remark-sparks-fury

Quote: ..... الذكاء أكاديمي ..... الذكاء إجتماعي ..... الذكاء المهني ..... الذكاء التجاري .... الذكاء الحرفي أو اليدوي ....

الفوهرر كمال
هاورد غاردينر بيسلم عليك وقال ليك براحة علينا لأنو بطريقتك دي بتعوقنا وتقطع رزقنا ياخ.


يا عمر التاج
سلام
هنالك عدة تقاطعات بين الجمال و مستوى الذكاء و المهارة والقدرة على الحياة.. وأنا أبني رأيي هذا على قناعتي بالإنتخاب الطبيعي للجينات الأصلح للحياة.
من الصعب جداً إثبات إرتباط بين الجمال والذكاء في عينة مأخوذة من جيل واحد او حتى عشرة أجيا وذلك لطبيعة ضعف هذا الإرتباط في المدى الزمني القصير.
ولكن مؤكد نحن أجمل وأذكى من أسلافنا الذين عاشوا قبل 500 الف سنة و بالتأكيد سنكون أقل جمالاً وجاذبية وذكاء بالنسبة لأحفادنا الذين سيأتون بعد 500 الف سنة.
ملخص الدراسة المنشور أعلاه كشف المقاييس التي إستندت عليها الدراسة في قياس الذكاء ولكنه لم يذكر المقاييس التي إستندت عليهاالدراسة في تحديد مستوى الجمال والجاذبية الجسدية و كيفية إختيار عينة الدراسة.
لا أريد إطلاق أحكام إنطباعية ولكني أتوقع أن تكون في الدراسة نوع من التحيز في إختيار العينة.

سبحان الله في شنا الحج ما بشيلها وما قاصد ود أخوك يا مسلمي وفي حلاوة الشدر الكبار لا الزمن بقدر بغير زي عووضة (آها وكت سيرتك يجيبوها) حمدلله على السلامة يا حبيبنا

عارف العارف كيفنك

Quote: درهم حظ ولا قنطار شطارة

في ناس حظهم سماحة، سماحة شكل وطبع وقروش
اسه دي مجرد سماحة ولا شطارة.

شيخنا عووضة كيفنك

Quote: عمر التاج انت عامل عملية غضروف الايام ذي ولا شنو

لا والله متاورني قلبي الرهيف
وانت سلامتك ياخي، كفرنا ليك بي هناك وماعرفنا التاورك شنو
نعلو ما الضرس.
وأها الصورة دي ناوي تنافس بيها ولا عندك واحدة أوجه؟ ححححح
حححح دي أخت خخخخ بتاعة طلحة الله يرحمو

تحياتي يا عاصم علي، كيفنك يا اخي

Quote: اختلف مع الراى بربط الذكاء بالجمال . القصه انو الجمال بيدى نوع من الثقه لصاحبو (حتى لو لو كان امكاناتو متوسطه او اقل) ونوع من الخبره فى التواصل الاجتماعى. وبالتالى الجمال والوسامه بطاقه تفتح ابواب تتعطل عقول حراسها امام الجمال والوسامه ويتجاهلو معايير اخرى فى بعض المجالات. . والذكاء محلو جد ناس البحوث بين الكتب والمعامل و(المتميزين) فى الطب عشان كدا سماحه ناس مجالات الاعلام والفن وكدا ديل القصه عندهم رد الفعل الاجتماعى للوسامه والجمال هو المفتاح فى حين ممكن يكون فى اميز منهم فى مجالهم لكن المظهر المتواضع بضيع حقهم. . اعتقد انو المراه اكثر شريحه استفاده من الجمال بخلاف الرجل. لانو تقليديا مجالات عملو اوسع واكثر تحديا.طبعا الاعتقاد اضافه الى موضوع الجندره دا بيخلق راى معارض ضد المراه ويضر بتقدم المراه فى بعض المجالات المهمه والفاعله

اتفقك معك تماما فيما اختلفتم فيه انت والاخ حسن فرح وبقية الشباب فوق،
يقيني أن الدراسات الاجتماعية عموما غير قابلة للتعيميم بنسبة 100%
وقد تكون عكس الواقع تماما إذا كانت العينة متحيزة بقصد أو بغير قصد
لذا فكثيرا ما أخذ بنتائج الدراسات الاجتماعية باعتبارها آراء باحثيها وليست حقيقة علمية مثبتة. وهذه الدراسة من ضمن ما اعتقد.
النقاش في هذه الحالات ليس هدرا للوقت، ولكنه ترويض للذهن وتنويع للأفكار وفتح لاتفاق ارحب

سلامات اخ حافظ

Quote: ولكن مؤكد نحن أجمل وأذكى من أسلافنا الذين عاشوا قبل 500 الف سنة و بالتأكيد سنكون أقل جمالاً وجاذبية وذكاء بالنسبة لأحفادنا الذين سيأتون بعد 500 الف سنة.

في دي انا معاك تب يا حافظ
التطور العقلي والفني والتقني والصحي الذي نشهده متزامن مع توسع فكري وثقافي واقتصادي اتصف به هذا العصر، وهو تطور طبيعي لاستغلال أفضل للموارد وانتقاء جيد الخيارات.
خيارات التوغل في الجمال أيضا هب متوفرة بصورة أفضل حاليا، الصحة الجسدية والنفسية والتحسين الجيني ممكن أن يكون تطور طبيعي في حياة الإنسان مثله مثل تطور عناصر القوة عند الحيوانات بحدوث التزاوج ممن هم أقوى.

Quote: سبحان الله في شنا الحج ما بشيلها وما قاصد ود أخوك يا مسلمي وفي حلاوة الشدر الكبار لا الزمن بقدر بغير زي عووضة (آها وكت سيرتك يجيبوها) حمدلله على السلامة يا حبيبنا

😁😁
كن جميلا يامنتصر ترى المنبر جميلا