حراااااام يا شعلة (وصيفي الدنيا قساية)

05:06 AM September, 29 2018 سودانيز اون لاين
الصادق عز الدين-أرض الله الواسعة
مكتبتى
رابط مختصرحرااام يا شعلة...هذه القصيدة تقراء للمريخاب باللحن (صباح ومساء)...وصيفي الكورة قساية ...ابت ما تبقي شلباية ...عيون النجمة بكاية ...دموع تمشي ودموع جاية ...وحرااام يا شعلة ...متين السبعة تتجلي ..اشوف النجمة تتذله ...ندق القون ندوس اللون نعيش الفرحة نتهني وحرااام يا شعلة...صحيح الكورة غدارةحليل النجمة منهارة ...صحيح الكورة ملعوبةحليل النجمة منكوبة ..وابت ما تبقي شلباية ...اشعار ود المجذوب

شايف النجمة زعلانة وكمان منفعلة ..
واصوات الغضب....في كل دقيقة بتعلي
سالنا عن السبب .....جانا الجواب بي زعلة
غايتو شلش ببالغ يا وليد الشعلة
...
الصادق شلش......
سوالو عملة غتيتة ..
حيرت الجميع
من بالي تب ما نسيتا ...
يا ناس طمنونا
العملة قاسية مقيتة
ما يكون ود نمر
يا اخوانا جاتو فليتة
...
الزول يقتنع لو حتي بيتو اويضة
الخيرات اكيد باكر سيغمر فيضا
اقنع بالمعاك لو حتي تبقي قريضة
وابعد من شلش ..كان جيت بتاخد الب....
...
مالك يا وصيف
طوالي دمعك جاري
بكتب فيك حروفي
ومفردت مسداري
قالو الود شلش
قام بي نمر سداري
والحاصل حصل
ما تسوي لي مو داري
...
نتمناك دوام يا هلالنا تكبر وتعلي
ومبروك انتصار اخوان وليد الشعلة
القون الجميل خلي الخلوق منفعلة
والصادق عديل بالغ بشوف في الفعلة
..
اشعار ود المجذوب

حرااام يا شعلة
...
هذه القصيدة تقراء للمريخاب باللحن (صباح ومساء)
...
وصيفي الكورة قساية ...
ابت ما تبقي شلباية ...
عيون النجمة بكاية ...
دموع تمشي ودموع جاية ...
وحرااام يا شعلة
...
متين السبعة تتجلي ..
اشوف النجمة تتذله ...
ندق القون
ندوس اللون
نعيش الفرحة نتهني
وحرااام يا شعلة
...
صحيح الكورة غدارة
حليل النجمة منهارة
...
صحيح الكورة ملعوبة
حليل النجمة منكوبة
..
وابت ما تبقي شلباية
...
اشعار ود المجذوب

فوز مريح