فوجئت برسالة عبر الواتساب أنه متواجد في عطبرة بحي الداخلة ، لم أصدق عيناي ، فركتهما بين مصدق ومكذب .. هل صحيح ما قرأت.. طلبت رقمه في السودان فارسله لي على جناح يمامة .. خرجت من تطبيق الواتس وولجت للهاتف يسبقني الشوق قبل العينين .. اتصلت واتاني صوته من الجانب الآخر .. نعم حينها أيقنت أنني على بعد خطوات من رجل أحببته قبل أن أراه ..
هلا الرائع أبو سن الرجل الوقور الذي حظي باحترام الجميع دون استثناء .. يا أخي ود المدير رجل لا تمل الجلوس معه .. فالساعة جنبو تبدو أقصر من دقيقة وقلنا ماممكن تسافر يا ود المدير
Post: #4 Title: Re: ** جلسة مامنظور مثيلها مع معاوية ود المدير Author: علي دفع الله Date: 09-30-2018, 08:31 AM Parent: #3
بعد المكالمة التي تمت بيني وبينه تواعدنا في السوق الكبير أمام بنك فيصل الاسلامي بالقرب من دكان والدي رحمه الله .. أتيت مهرولاً بعد أن أخبرني أنه أمام البنك .. تأملت في الوجوه أمام البنك حيث أن المكان مزدحم وكنت مركز على الصلعة فهي ما يميزه .. تفحصت الناس لكنني لم أراه .. وفجأة لمحت ركشة ولم أكن أتوقع أن ولدنا الأمريكي جالس جوة الركشة وهو يرتدي الثوب السوداني والصلعة تبعث بإشعاعات تجهر العين يعني مولعة وكأنها رتينة .. تعانقنا بحرارة .. يا سلام ود المدير شخص نبيل رائع كروعة معدن الذهب لا يتغير . فإن اغتنى لا يتغير وإن افتقرت لا يتغير وإن ابتعدت لا ينساك وإن اقتربت رحب بك.
الهادي ود الشغيل قرينا اسم ود المدير في العنوان فدخلنا نسمع حكاوي عطبرة....في جلستك معاه... وما تنسى الصور...ومتاكدة ناس عطبرة في المنبر العام حيغزو البوست، ومعاهم بسمات عشان تشوف الصور طبعا،،،وقرانا في بوست عطبرة ان حي الداخلة اول حي انشئ في عطبرة..
مع وافر التقدير والاحترام
Post: #8 Title: Re: ** جلسة مامنظور مثيلها مع معاوية ود المدير Author: adil amin Date: 09-30-2018, 09:18 AM Parent: #7
انت معاوية المدير ده معاوية عثمان الطيب البشير ؟؟ يا الهادي ؟؟ بتعرف المرحوم عثمان الطيب البشير ؟؟
طبعاً معاوية ود المدير لديه شلة درسوا معه في المدرسة المصرية الثانوية يلقبون ب (شفوت المصرية ) شرامة قالبين عطبرة رأساً على عقب .. أذكر منهم الصديق العزيز عادل السني الي زاملني في المتوسطة وزامل معاوية في المصرية يعني المعادلة هكذا :
عادل السني ( ود المدير + شخص الضعيف) = صديقي وصديق ود المدير (سترون صورته لاحقاً)
عادل السني صديقنا يعمل في مطعم السمك الشهي اللذيذ الشهير مع والده وهو من أكبر مراكز الأسماك في سوق عطبرة منذ أمد بعيد ...
من شفوت المصرية كذلك صديق ود المدير ويدعى حسن مصطفى عبد الوهاب( والذي أصبح بزنس مان حيث يملك شركة أدوية في عطبرة وهو وكيل حصري لبعضها ويقوم بالتوريد لمستشفى التأمينات ومستشفى الشرطة ومستشفى عطبرة التعليمية والصيدليات التي تنتشر في عطبرة ..
وارجو توصيل التحايا لهاشم سرور السافلاوي زميل مقاعد الدراسة
تسلم أستاذنا المبجل أبو جهينة المترع بالحنين لعطبرة .. لك كل الود .. أنا رجعت للمملكة وتصدق هاشم سرور السافلاوي جارنا في الداخلة .. أسأل الله أن يجمع بينكما على خير .
Quote: انت يا ود الشغيل برضك حايم بام دالات ماشاء الله
قول للزول دا الخرتوم دي ملحوقة امش علي البلد عندك بكيات وفواتح وحوامة راجياك .
تحياتي العطرة وقبل شهر كنت في عطبرة
ود الشيخ بالله إنت برضوكنت في عطبرة ... ؟ حظنا سيئ ما قابلناك .. ود المدير بعد ما وصل ما اتصل بي إلا بعد أسبوع كان لافي لواجبات العزاء والمواساة والفواتح ... يا زول ود المدير ده شيخ عرب ما بيلعب في الواجب
Quote: الهادي ود الشغيل قرينا اسم ود المدير في العنوان فدخلنا نسمع حكاوي عطبرة....في جلستك معاه... وما تنسى الصور...ومتاكدة ناس عطبرة في المنبر العام حيغزو البوست، ومعاهم بسمات عشان تشوف الصور طبعا،،،وقرانا في بوست عطبرة ان حي الداخلة اول حي انشئ في عطبرة..
مع وافر التقدير والاحترام
الرائعة امتثال : بسمات صاحبتك دي بتشم ريحة عطبرة من بعد آلاف الكيلومترات .. تعالوا أيها الثنائي المرح لإضفاء المذاق الرائع على هذا البوست قولي ليها الهادي قال ليك تجولت في السودنة وكم كنت أمني نفسي بمقابلة والدك لكنك بخيلة لم تعطني رقم موبايله الذي طلبته منذ فترة طويلة . على العموم إتفضلوا والبوست متاح للجميع فأنتم أصحاب المنزل ونحن الضيوف .
اليشوف معاوية ود المدير في سوق عطبرة وهو لابس الجلابية السودانية ييمازح هذا ويداعب هذا يحلف يقول والله الزول ده ما غادر عطبرة قيد أنملة ... سأحكي لكم قصته التي حدثت أمامي بينما نحن جلوس في مطعم السني عندما قام بدفع مبلغ كبيرلأحد ظرفاء عطبرة الغلابة من ذوي الحاجة (دون ذكر اسمه) .. ترى ماهي ردة فعل هذا الظريف عندما انهمرت عليه فلوس ود المدير وبماذا علق .. ؟
الهادي ود الشغيل بنت عطبرة لم تقرا البوست حتى الان وهي من الصباح ذهبت للكلينيك لمراجعة طبية...ولكن الذي اعرفه ان والدها يقيم الان في الخرطوم ويسافر بين الخرطوم والخليج باستمرار لاعماله التجارية...والمهم سلامنا لاهل عطبرة الطيبين ولود المدير ...وحتى عطبرة عندهم الركشة ونحن بنفتكر الركشة في الخرطوم بس...
Post: #19 Title: Re: ** جلسة مامنظور مثيلها مع معاوية ود المدير Author: Basamat Alsheikh Date: 10-01-2018, 01:53 AM
تحياتنا ليو اب قدوما عسل ولكل اهل عطبرة يالشغيل بتعرف المرحوم الصول خليفة قرشي بدري وال احمد ومحمد فضل واستاذ محمد خير قرشي درسك نهدي ليكم اغنية ليال الخير جادن من المحبوب ود المدير الاصيل
Post: #22 Title: Re: ** جلسة مامنظور مثيلها مع معاوية ود المدير Author: ابراهيم عبد الوهاب Date: 10-01-2018, 07:24 AM Parent: #6
Quote: فإن اغتنى لا يتغير وإن افتقرت لا يتغير وإن ابتعدت لا ينساك وإن اقتربت رحب بك.
ذهبنا سويا بالركشة إلى صديقه حسن مصطفى صاحب شركة الأدوية .. جلسنا في مبنى الشركة وقررنا أن نذهب ثلاثتنا إلى رفيق الصبا عادل السني لالتهام أسماك النيل الطازجة .. أوقفنا الركشة على مبعدة من المطعم لمفاجأة عادل السني فهو لم يقابل المدير لسنوات عديدة .. يا إلهي تفاجأ أخونا عادل وهو يرى ود المدير أمامه وكان العناق حاراً أدهش كل الحضور .
الصورة تجمع شفوت المصرية في ثمانينات القرن الماضي طبعاً الشفت الواقف وراء ده معاوية ود المدير جلوسا من اليمين حسن مصطفى صاحب شاركة الأدوية يليه في الوسط عادل السني لكن ود المدير مافي علاقة بين شكله الحالي وشكله في الثمانينات ..
عارفني منك لا الزمن يقدر يحول قلبي عنك لا المسافة ولا الخيال يشغلني منك عارفني منك
Quote: سأحكي لكم قصته التي حدثت أمامي بينما نحن جلوس في مطعم السني عندما قام بدفع مبلغ كبيرلأحد ظرفاء عطبرة الغلابة من ذوي الحاجة (دون ذكر اسمه) .. ترى ماهي ردة فعل هذا الظريف عندما انهمرت عليه فلوس ود المدير وبماذا علق .. ؟
الحاصل أننا وبينما نحن جلوس في مطعم السني أتى أحد ظرفاء عطبرة وهو شخص غلبان فقام الجميع بمساعدته بمبالغ يسيرة ولكن ود المدير أغدق عليه ومنحه مبلغاً ضخماً ، لم تصدق عيناه وهو يقلب المبلغ بين مصدق ومكذب وقال لود المدير ( يا زول إنت يوم بترمي ليك شحاد) فانفجر الجميع ضاحكين .
لا أخفي عنصريتي لعطبرة لكن خلوني اقولكم حقيقة بعيدا عن هذه العنصرية العاصمة بمدنها الثلاثة عبارة عن مكب نفايات، وسخانة ؤ عفنانة عفنتا ترمي الطير . فضيحة بالنسبة لعواصم ومدن العالم الشفتها .
من ناحية تانية ؤ بتحيز شديد جدآ لعطبرة لكن بمنتهى الصراحة عطبرة نظيفة ؤ مرتبة للحد البعيد، يعني ممكن تاخد رقشة من بيتكم للسوق ؤ تقيف عند الجزار تاخد لحمتك ثم تعرج علي بتاع الدار ترفع سلطتك ؤ خدارك ثم بتاع السمك ترفع سمك ؤ تدور علي بيتك دون أن تنزل من الرقشة ...
Post: #32 Title: Re: ** جلسة مامنظور مثيلها مع معاوية ود المدير Author: adil amin Date: 10-02-2018, 03:52 AM Parent: #29
Quote: ما يجيني توفيق بتاع الضهاري يحكلي صلعتي ...
انت من زمن حبيبنا توفيق بتاع الضهاري الزول ده خلاص عرف نفسو جايي من وين وكوشي على السكين وعنده مشروع احسن من بتاع الحركة الشعبية وعايز ينقل العاصمة دنقلا وفارق النجلت والكعوك والبروس بتاع جمهورية العاصمة المثلثة وقال جده من قرية جنب دنقلا.. وهسة خلاص نحنا شلنا اسمو من القائمة السوداء لمن تحصل قصة الحمامة وابومركوب والثعلب في الخرطوم عاصمة الوهم قريبا وقد تسلل لها الجنجويد كما هو المخطط الدولي يمر بدون طشت من محطة الرويان ... ومرحب بيك في عطبرة (شينة وعاجباني) https://up.top4top.net/
Post: #33 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-02-2018, 01:23 PM Parent: #32
تسلم يا الشغيل ومافيش حد أحسن من حد دي المناظر واليوم نروي ظمأنا من الـــ ؤ بتاعتو القادينا بيها دي ... عاملين ليهو مفاجأة إن شاء الله تنجح. : : : : : مع التحيات لله الزاكيات التعديل لتكبير حجم الصور
Post: #34 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-03-2018, 11:53 AM Parent: #33
أمس مساء الثلاثاء الثاني من اكتوبر قضينا مع الخواجه ود المدير متعه الله بالصحه والعافيه ، سهرهـ جميله نهلنا منها حتي إنتهي الليل والحكومات اقلقت مضاجعنا بالكلنج كلنج في موبايلات الجلاكسي الحديثه وما روينا ...
إنتو الخواجات اصلهم ظريفين كدا واللا الزول دا لانو من عندياتنا : : : : مع التحيات لله الزاكيات
Quote: أمس مساء الثلاثاء الثاني من اكتوبر قضينا مع الخواجه ود المدير متعه الله بالصحه والعافيه ، سهرهـ جميله نهلنا منها حتي إنتهي الليل والحكومات اقلقت مضاجعنا بالكلنج كلنج في موبايلات الجلاكسي الحديثه وما روينا ...
إنتو الخواجات اصلهم ظريفين كدا واللا الزول دا لانو من عندياتنا : : : : مع التحيات لله الزاكيات
أخونا محمد حمزة الحسين : ماشاء الله وديمة ملمومين في الخير .. لازم تكون سهرة جميلة مع الرائع ود المدير ... نشكرك على أنك سعيت للقائه ونطمع في مزيد من اللقاءات من بقية البورداب في الخرطوم والتي تسهم في تمتين العلاقات والأخوة وتمدد جسور الأخوة الصادقة .
Post: #37 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-04-2018, 11:21 AM Parent: #36
Quote: نعل ما جاك بي سفنجتو الواحدة ديك.
لا ..لا واللهِ لابس ماركا... يا ابو الريش يمن الله القاسي كمان جانا شايل ليهو جلاكسي كولنا غلبنا نمرق كدنداراتنا نصور إلا قلنا ليهو صور ورسل لينا
شكراً الشغيل للشعور الطيب ود المدير راجل منارهـ إن ما وصلتو بصلك : : : : : مع التحيات لله الزاكيات
Post: #38 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-07-2018, 12:56 PM Parent: #37
سلام أخونا الهادي و ضيوفك الكرام غايتو أنا لو واحد سألني قال لي بتعرف ود المدير بقول ليه أبداً ..... ياخي جلسة ما منظور مثيلها مع واحد أصلع ....!!!!!!!!!!!
Quote: سلام أخونا الهادي و ضيوفك الكرام غايتو أنا لو واحد سألني قال لي بتعرف ود المدير بقول ليه أبداً ..... ياخي جلسة ما منظور مثيلها مع واحد أصلع ....!!!!!!!!!!!
هههههههه *يا باكو السجاير .. يا الفي الحفلة داير .. حبيت أب قجيجة و أريت أب صلعه طاير" أبو صلعه لا حق له في الحب و لا أن ينال إعجاب الفتيات .. بل إنهن يدعون عليه أن يطير.
نسال الله ان يديم الصداقه والالفه والمحبه وان يجمعنا جميعا ابناء الوطن الواحد فى ظلال وطن مخطوف بواسطة عصابة فرقت بين اهله ونتمنى للزميل ود المدير ب اجازه ممتعه مع الاهل والحبان والاصدقاء وفعلا جلسه تفتح النفس نتمناها كل يوم ونسال الله لك التوفيق والسداد وان ينعم على اهل السودان جميعا بدارهم الكبير السودان الوطن الواحد
Post: #42 Title: Re: ** جلسة مامنظور مثيلها مع معاوية ود المدير Author: علي عبدالوهاب عثمان Date: 10-07-2018, 05:14 PM Parent: #41
حبيبنا الشغيل .. مودتي يا جميل .. إنت زول أصيل .. بوست نموذج للاخوة في سودانيز .. يا سلام أنا في غاية السرور والفرحة .. ياهو ده السودان .. وديل أهلي .. ياريت نستمر كده في سودانيز خلاف إختلاف ما مشكلة بس الاخوة تكون المظلة يا سلام يا الشغيل يا أيها الحبيب .. لك الشكر .. وأثبت معاوية أنه أنه ود بلد اصيل .. من اللبس والجلسة كأنه لم يرى العالم الأول
صدقني يا الحبيب الشغيل لدي صعوبة كبيرة في التعبير بالعامية .. لأن الاخوانيات بالعامية ولا تصلح معها اللغة الفصحى .. نعمل إيه ناس ضواحي الدنيا ..
تحياتي للحبيب معاوية .. أكيد اجازة ممتعة ..
Post: #43 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-08-2018, 01:31 PM Parent: #42
العم العزيز علي عبد الوهاب ناس عطبرة ديل من طينة مختلفة ..طينة المحبة والود والعشرة ...ناس بطبعهم اصيلين وسمحين...حتى الطير يجيهم جعان يشبع...ناس الكرم والشهامة والمروءة والاصالة والسماحة والتسامح..
Post: #45 Title: Re: ** جلسة مامنظور مثيلها مع معاوية ود المدير Author: MOHAMMED ELSHEIKH Date: 10-09-2018, 05:54 AM Parent: #44
ناس عطبرة ديل من طينة مختلفة
**************************سلام يا بنتنا الا يشركولك بي (ام دالات)
Post: #46 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-09-2018, 11:51 AM Parent: #45
Quote: عطبرة_قطار الشوق مدينة مثل طائر الفينيق_كلما حاربتها الأنظمة إلا ونفضت رماد حريقها وبعثت من جديد مدينة مثل نهر النيل في قلب كل سوداني_عطبرة المجتمع المثقف الواعي_المتكافل_البسيط_بلد الأمان عشت فيها صغيرا وشابا _تعلمت في قلعتها(عطبرة الحكومية)_جبنا شوارعها النظيفة_في السودنة وسوق القيقر_غشينا مطاعمها الرخيصة_وقهاويها التي كانت تجمع كل ألوان الطيف_شهدنا التحول من البخار إلى قاطرات الديزل(جنرال اليكتريك)_الألماني(هينشل)_و(هيتاشي)_الياباني_قبل أن يغزونا قوم ياجوج وماجوج_شهدنا موسي متي_عباس الخضر_قبل أن يجرفه تيار هي لله_وشهدنا الانتكاسة زمن النقابي(محمد الحسن)_الذي فرضه نميري اغتسلنا من مواسير المحطة_واكلنا من(باسطة بالسمنة وكدا)_تكرفنا رائحة الفلنكة_وشهدنا إدارة في دقة ساعة سويسرية_وتطربنا صوت صفارة الورشة_وتعجبنا في دراجات الرالي_ ودلفنا لعالم الورش ورأينا مملكة العجائب_وجبنا المنطقة الصناعية ورأينا عمالا في مهارة جن سليمان وشاهدنا(ودالحاج)_الأصالة التجرد الإنسانية_وأناقة بثها في كل أركان اللوكاندة الوطنية_بيده المدربة علي النظافة والنظام شهدنا(كشك رحمة)_قهوة الزاكي_دكان يوسف بابكر_غشينا مكتبتي دبورة وحنتبلي_ومطاعم اليمانية_وفول كانه لحم_مسرح النيل_العطبراوي_حتي مجانينها الظرفاء_السماني المرا_مكلية_الرشيد_سفسفة_نهاية بالأنيقة التي تحب المثقفين والسينما(طيوبة) شهدنا المولد_وندوات الحزب الشيوعي_وعبدالرحمن الوسيلة_وعبدالله بشير من حزب الأمة ورأينا باشري في فريق النيل_حسين جبريل في الأمير_عوض الحاج_حمامة،ميرغني شعوطة_وفرقتي جاز المدفعية والسكة حديد(وعطبرة الجميلة بلد الحبايب)_ورأينا الأقباط من حبيب بسطا حتي فهمي ميخائيل_ حتي البارات جندي الدوغري_تساكوتيلس_وآخر ساعة شهدنا مكتبة البلدية والحديقة ورأينا أول فيلم سوداني(آمال وأحلام)_وتصورنا في استديو الرشيد وشربنا البيبسي الباااارد من بقالة(الطير الأبيض)
المقال مكتوب للنضال فحذفت ما يفسد المناسبه التي احتاجها ولك العتبي ... : : : : مع التحيات لله الزاكيات
Post: #47 Title: Re: ** جلسة مامنظور مثيلها مع معاوية ود المدير Author: محمد حمزة الحسين Date: 10-09-2018, 11:52 AM Parent: #46
محمد حمزة ياخي انت زولا سمح عديل كده...وضميناك معانا في الرابطة الدولية لاهالي عطبرة.... ..اخوي محمد الشيخ..انت الظاهر عليك طولت ما زرت عاصمة العواصم عطبرة ...وما اكلت فول عطبرة ولا سمك عطبرة......راجع كملن مداخلة زد حمزة تاني...ودمتم بالف خير وصحة وعافية