Post: #1
Title: عجايب الخرطوم -شكلة مع مذيعة وصلت المحكمة!!!#
Author: زهير عثمان حمد
Date: 09-29-2018, 12:04 PM
12:04 PM September, 29 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر
رجل أعمال يقاضى مذيعة حسناء للمطالبة لأستعادة اربعة مليارجنيه وبرادو ومزرعة وذهب قيمته 800 مليون جنيه.
بعد تراجعها عن وعدها له بالزواج.
|
Post: #2
Title: Re: عجايب الخرطوم -شكلة مع مذيعة وصلت المحكمة!
Author: جمال ود القوز
Date: 09-29-2018, 12:19 PM
Parent: #1
Quote: لأستعادة اربعة مليارجنيه وبرادو ومزرعة وذهب قيمته 800 مليون جنيه.
بعد تراجعها عن وعدها له بالزواج. |
ماترجع ليهو ااايتها حاجة ولا تعرسو
ده فاااره ساااي 
|
Post: #3
Title: Re: عجايب الخرطوم -شكلة مع مذيعة وصلت المحكمة!
Author: aosman
Date: 09-29-2018, 12:32 PM
Parent: #1
المطرطش ده بدفع قبل ما يضمن ليه؟
|
Post: #4
Title: Re: عجايب الخرطوم -شكلة مع مذيعة وصلت المحكمة!
Author: عبدالحفيظ ابوسن
Date: 09-29-2018, 12:43 PM
Parent: #3
حولا !!
كم كم ؟؟؟
اربعة مليار وبرادو ودهب بي قريب مليار
دة شنو دة وداهن ليها في الشبكة والخطوبة
ولا كيف دي
مع ود القوز ما ترجع ليهو ولا قرش
وترفع قضية اشانة سمعة
ولا تعرسني وتوكلني 😆😆😆
امشيهو علي الحديدة
واطلقها بعد القضية
عمل خير بس 😆😆😆
|
Post: #5
Title: Re: عجايب الخرطوم -شكلة مع مذيعة وصلت المحكمة!
Author: جمال ود القوز
Date: 09-29-2018, 12:51 PM
Parent: #3
| Quote: اربعة مليارجنيه وبرادو ومزرعة وذهب قيمته 800 مليون جنيه |
ده (جلب) تقيل كان أداني ليهو انا ده ..
كان عرست ليهو مذيعتو العاجباهو دي ..
لكن قريشاتو ديل محرقاتنو وماتعبان فيهن ..
صاحبنا جاء يعرس اشترى 60 جرام دهب ..
رفض بالتكسرو يديهو للعروس في العرس ..
قال تلبس ضهب لحدي مانعرف الحاصل شنو ..
كان مره بتستاهل نديهو ليها بل ونزيدو كمان ..
وكان بقت مره أي كلام ماتشيل دهبي وتمش أهلها ..
فضل الدهب عند امه لحدي ما جابت مرته المولود التاني ..
زلد ليها الدهب لي 150 جرام وقال ليها تستاهليهو ..
فضلت الوليه بدون دهب سنتين ونص ده حالتو طاااعم (عسيلتها ) كمان ..
جاي العًره ده يلعب بسمعة الرجال ويتقرطس القرطيسة المقندلة دي ..
حليل زمن كان بيفطّرونا ويدفعوا لينا في المواصلات .. خخخخخ
الزول القرطاس ده المذيعة مااااترجع ليهو قروشو ولا تعرسو ..
الله اداها .. في المحكمة كان عنده اثبات اليمرقو ..
ولا أظنه .. النوع ده بيفك ساااي ..
قال مذيعة حسناء قال .. معاها واحد مكندش ..
|
Post: #6
Title: Re: عجايب الخرطوم -شكلة مع مذيعة وصلت المحكمة!
Author: جمال ود القوز
Date: 09-29-2018, 01:01 PM
Parent: #5
Quote: ولاّ تعرسني وتوكلني 😆😆😆
امشيهو علي الحديدة
واطلقها بعد القضية |
ما ظنيتو عرسها ولا عقد عليها .. يا اب سن ..
بعدين إت داير تعرسها فوق عرستو (المفترضة) ..خخخخخ ..
ولاّ قصدك لو كان عاقد عليها تطلقها منو وتعرسا ..
غايتو انت نجيض وتستاهل المذيعة .. هههه ..
لكن ارجى الراجيك بتدقااااااااااااااااااااا ...
ما داير أجيب ليك الفيديو بتاع الغنية دي ..
كده بس ......
|
Post: #7
Title: Re: عجايب الخرطوم -شكلة مع مذيعة وصلت المحكمة!
Author: Abdullah Idrees
Date: 09-29-2018, 01:19 PM
Parent: #6
Quote: حولا !!
كم كم ؟؟؟
اربعة مليار وبرادو ودهب بي قريب مليار دة شنو دة وداهن ليها في الشبكة والخطوبة
ولا كيف دي |
ديل راسمالية الزمن الكعب ده ، زمن السفح واللفح
القروش على قول اهلنا " مو ضاربو فيهن حجر دغش"
|
Post: #8
Title: Re: عجايب الخرطوم -شكلة مع مذيعة وصلت المحكمة!
Author: Asim Ali
Date: 09-29-2018, 01:46 PM
Parent: #7
الزول دا يكون خجل ساى وعمل السبب عرض زواج.
مافى عاقل ببهل البهله قبل حاجه رسميه خطوبه مثلا
اغنياء الزمن دا ......... و لا احسن نسكت
|
Post: #9
Title: Re: عجايب الخرطوم -شكلة مع مذيعة وصلت المحكمة!
Author: عبدالحفيظ ابوسن
Date: 09-29-2018, 01:54 PM
Parent: #8
يا جمال ما تبقا لي عارض
ما صافحا لسة . نطت قبل الصفاح
انا متبرع من ذات نفسي اكون ليها ضرا وشيال مشاكل . اعقد بي هنا وتعمل لي توكيل
الكلام دة كلو يكون سري ياخ
عندنا حكومات ما بتعرف هظار ولا ونسة في كلام زي دة
لكن طبعا حتي اذوق حليلتها 😆😆 فلا يصح الطلاق دونه
ناس ببهلوها جنس البهلة دي وانا متردد مالي
يا عبدالله يا اخوي يلموها مننا زي دم الحجامة ويطلقوها مع سروايلهم ويجو يفتشو سراويل البنات
دي حكومة ولا فحيص 😆😆😆 شغالة بما يخرج من السبيلين
|
Post: #10
Title: Re: عجايب الخرطوم -شكلة مع مذيعة وصلت المحكمة!
Author: زهير عثمان حمد
Date: 09-29-2018, 02:34 PM
Parent: #9
الاحباب الكرام تحياتي وشكراعلي المرور
كمان شوفوا دا بالمستندات والله معتمد محلية كبرى بالخرطوم يصدق لكاتبة صحفية شهيرة و (مقدمة برامج ايضا ) عشرات التصاديق المالية بالملايين لها ولبناتها ولابنائها ...
دا ما هدر لملايين الجنيهات من المال العام على من لا يستحق
في وقت يقصم فيهو الفقر والحاجة ظهور الضعفاءمن أهلنا
لعنة الله عليهم في كل كتاب .
|
Post: #11
Title: Re: عجايب الخرطوم -شكلة مع مذيعة وصلت المحكمة!
Author: قلقو
Date: 09-29-2018, 03:24 PM
Parent: #9
يا أخوانا ابوسن كلامو منطقى جدا بمعنى أن تقبل تلك المذيعة الزواج من ذلك الفارة الداقس لكنها لازم تشترط عند كتابة العقد أن تكون عصمتها فى يدها وهذا عين ما كانت تطالب به الأبنة (وئام شوقى ) .
وبكدة نكون قد ارضينا حنبل وابن مالك .
|
Post: #12
Title: Re: عجايب الخرطوم -شكلة مع مذيعة وصلت المحكمة!
Author: عبدالحفيظ ابوسن
Date: 09-29-2018, 03:34 PM
Parent: #11
كلمهم يا قلقو ياخ
الناس دي ما قرت فقه نكاح 😆😆
لامن اصافحها بتكون في عصمتي لو نضم معاها بخزق ليهو عيونو
بعدينك الموضوع واضح انا خاشي لنصرة المرأة تمثلا بالوصية النبوية
|
|