وقالوا والتعليم ويتفنكهو عليك يقولو ليك التربية قبل التعليم
Post: #2 Title: Re: وزير النيل الابيض للتربية Author: عبدالحفيظ ابوسن Date: 09-27-2018, 07:36 AM Parent: #1
قال للمعلمين في وقفة احتجاجية مطالبين بحقوقهم كلكم اضربوا ارجعوا اهلكم بكرة نعين غيركم" وقال "امشوا اضربوا مش تلاتة ايام اضربوا تلاتة شهور ما فارقة معاي"
Post: #3 Title: Re: وزير النيل الابيض للتربية Author: قلقو Date: 09-27-2018, 07:48 AM Parent: #2
تعرف يا عبدالحفيظ عجبنى جدا موقف ورد المعلمين القوى بعد التهديد الأجوف للوزير .قالوا ليه ( طوالى ) ... (بمعنى لو عايز تفصلنا اتفضل افصلنا اصلها ما فارقة معانا) مما اصاب الوزير بالأرتباك وابتدا يجرجر واطى ... وزير التربية يحـتاج لأعادة تربية .
Post: #4 Title: Re: وزير النيل الابيض للتربية Author: د احمد حمدان Date: 09-27-2018, 08:05 AM Parent: #1
انا الشي لموجعني كلمتو بتاعت الله بسالنا منكم دي هههه
تحيتي اب سن
Post: #5 Title: Re: وزير النيل الابيض للتربية Author: عبدالحفيظ ابوسن Date: 09-27-2018, 01:39 PM Parent: #4
تحياتي قلقو و د. احمد وتشكروا ممكن استغل المساحة واحافظ علي الباوندوث واقول ضجر يمنع الكتابة ويسد مسام الروح وكوة الامل
Post: #6 Title: Re: وزير النيل الابيض للتربية Author: معتز عبدالله Date: 09-27-2018, 02:29 PM Parent: #5
سلام يا حفيظ هو لسة الراجل دا قاعد ؟! الوزارة دي مافيها مسئول يسأل ؟ المعلمين مساكين ومضهدين
Post: #7 Title: Re: وزير النيل الابيض للتربية Author: عبدالمنعم الطيب حسن Date: 09-27-2018, 05:23 PM Parent: #6
سمعت الكلام بتاع الوزير في الفيس اصابتني حالة من الوجوم؛ والضعف والهوان على حال الشعب وحال التعليم وحال المعلم كلو الا العلم والتعليم والمعلم؛ كلو الاالمعلم ياخ ديا افنو زهرة شبابهم وعلموا الاجيال وعلموا الشعب؛ بالله يكون مستوى التخاطب معاهم بهذه اللغة ومن رجل مفروض رجل دولة والمسؤول الاول في اخطر وزارة.... غايتو الكيزان ديل فاقدين الحس والاحساس والحساسية؛ لو كنت مسؤولا في البلد دي ما جلس هذا الارعن في وظيفته يوما ولكن الحكام كلهم حتى اكبر دقن اشد رعونة وابيخ... سلام يا ابسن يا صديقي؛ وضيوفك الاكاريم؛
ومن المدفع طلع خازوق او كما قال حميد عليه سلام
Post: #8 Title: Re: وزير النيل الابيض للتربية Author: عبدالمنعم الطيب حسن Date: 09-27-2018, 05:28 PM Parent: #7
بالله اقروا البوست دا شوفوا الحصل للاستاذ دا دا المفروض يكرم لا يفصل
ولكنهم الكيزان!!!
Post: #9 Title: Re: وزير النيل الابيض للتربية Author: أحمد الشايقي Date: 09-27-2018, 05:39 PM Parent: #8
لا بد من أن نعتذر رسمياً لمعلمي النيل الأبيـض
فالتعليم مهنة الأنبياء ومعلم البشرية رسول الله صلى الله عليه وسلم
وحق المعلم أن يخاطب بالتوقير والاحترام اللائــق بمهنة كلها عطاء والاخذ فيها قليل
جداً جداً
الزول الاسمه وزير دا يا عبد الحفيظ سياسي فاشـل ونموذج نمطي للأخ المسلم
الفاشل ونموذج الفشـل البجح
عندما يسكت المعلمين ليسمحوا له بالكلام يقوم بتهديدهــم وعندما يحتجون يعود للتخدير
بالدين فيرجع يقول أننا نخاف الله
للأسف الأشد أن مهنة التعليم هي أكثر المهن التي اعتنق افرادها فكر الاخونجيـة
أحمد الشايقي
Post: #10 Title: Re: وزير النيل الابيض للتربية Author: عبدالحفيظ ابوسن Date: 09-28-2018, 05:22 AM Parent: #9
مرحب منعم والشايقي السودان: لجنة المعلمين تهدد بخطوات وصفتها بالمفصلية http://sudantimes.net/index.php/2017-04-04-14-18-17/item/4190-teachswarn22http://sudantimes.net/index.php/2017-04-04-14-18-17/item/4190-teachswarn22 السودان: لجنة المعلمين تهدد بخطوات وصفتها بالمفصلية отдых в Альпах Joomla 3.5 الخرطوم: سودان تايمز
هددت لجنة المعلمين السودانيين بإتخاذ خوات وصفتها بالمفصلية في حال عدم الاستجابة لمطالبها المتمثلة في رفع مستوى معيشة المعلم ودفع مرتبه كاملاً غير مجزأ.
وذكر رئيس لجنة المعلمين ياسين حسن لـ(سودان تايمز) اليوم الثلاثاء أنهم قدموا مذكرة لنقابات المعلمين في المحليات لكنها لم تستجب. وطالبت المذكرات التي وزعت على النقابات بالمحليات بالعودة الفورية الـ(بي شيت) كشوفات المرتبات والصرف عبر مدراء المدارس كما كان في السابق. وأكدت المذكرة فشل البنوك في صرف الاستحقاقات بعد نزولها أو صرفها بالتجزئة في بعض الفروع مع خلو الصرافات من السيولة. وكانت لجنة المعلمين أعدت دراسة لتكاليف المعيشة وجدت أن اسرة مكونة من أب وأم وثلاثة تلاميذ تكلف (10480) جنيه في الشهر في حين أن مرتب المعلم في الدرجة الثانية (2500) جنيه. منقول
Post: #11 Title: Re: وزير النيل الابيض للتربية Author: عبدالحفيظ ابوسن Date: 09-28-2018, 07:32 AM
في خلل حقيقي في توصيف الوظيفة موقف الوزير دة ومواقف غيرو من اصغر مسؤول بتوضح الخلل
Post: #12 Title: Re: وزير النيل الابيض للتربية Author: عبدالحفيظ ابوسن Date: 09-28-2018, 09:14 AM Parent: #11
الاعجب من كلامو نفيو لي الكلام زاتو ! كلام موثق اقلاها يعتذر عنو دة نكرو حطب فأضاف خصلة سيئة له بالاضافة لقبح الكلام
Post: #13 Title: Re: وزير النيل الابيض للتربية Author: Abdlaziz Eisa Date: 09-28-2018, 11:06 AM Parent: #12
ده فاقد تربوي وما ليه علاقة بالعلم والتعليم
Post: #14 Title: Re: وزير النيل الابيض للتربية Author: حمزاوي Date: 09-28-2018, 07:31 PM Parent: #12
قمة العجرفة
Post: #15 Title: Re: وزير النيل الابيض للتربية Author: عبدالحفيظ ابوسن Date: 09-29-2018, 05:59 AM Parent: #14
كان مجرد معلم يا عزيز معلم ثانوي بالقطينة ثم وزيرا طوالي وجا وزير في كوتة الشعبي يبدو لي لا الشعبي ولا الوطني عندهم قيادات مؤهلة للزعامة مش كدة حمزاوي افتراءوعنطزة