Post: #2
Title: Re: إلي عارف و ودالقوز وآخرين
Author: عبدالحفيظ ابوسن
Date: 09-24-2018, 06:45 AM
Parent: #1
لازالت حواء السودان تلد
|
Post: #3
Title: Re: إلي عارف و ودالقوز وآخرين
Author: عبدالحفيظ ابوسن
Date: 09-24-2018, 06:49 AM
Parent: #2
منظر الشباب دون العشرين وهم يتدافعون للتبرع بالدم
ومن رفض منهم لصغر سنه يتبرع بالمال
وهم يتنادون في حساباتهم بالفيس لنجدة كسلا
يجعلني فخورا جدا
بهم
وبالسودان
رغم كل شئ
لازال هناك امل
|
Post: #4
Title: Re: إلي عارف و ودالقوز وآخرين
Author: Khalid Abbas
Date: 09-24-2018, 08:39 AM
Parent: #1
ود ابو سن حبابك
المرض من رب العالمين والاسباب الاوساخ وتوالد الباعوض
كدى تعال نتخيل الوالي طلع وقال الكلام ده للناس بكل شفافية
وطلب همة الشباب من كل السودان لإنقاذ الاهل في كسلا وقاد
حملات الرش بالابرول واتبرع معاهم بالدم . أكيد كان كسب
كل الشعب السوداني نحن شعب بسيط بتفرحنا كلمة وتبكينا
كلمة .
دي واحدة من مشاكل الحكومة إختارت الاغبياء والسطحيين
للقيادة الواحد بديك احساس انو شغال ضد الحكومة زاتو وبجيب
ليها الكلام ويشوه الصورة البقاتلوا الان عشان يغيروها .
انا لو مكان معتز من كسلا بعلن اقالة الوالي بتعمل ليهو شو سياسي
مع الجماهير ونقطة عشان ينطلق منها .
رغم كل الاوجاع لكن المصائب دي خلقت وضع جديد بسبب غياب الرقابة
البرلمانية عن الاداء التنفيذي ظهرت رقابة شعبية او ممكن نسميها برلمان موازي
عبر وسائل التواصل الإجتماعية ودي طريقة اثبتت نجاح كبير في التعامل مع
الجهاز التنفيذي
|
Post: #5
Title: Re: إلي عارف و ودالقوز وآخرين
Author: عبدالحفيظ ابوسن
Date: 09-24-2018, 09:15 AM
Parent: #4
يا خالد ديل بصيرتهم عميا
بل ران علي قلوبهم
فعلا لو عمل نفير شعبي ونزل مع الناس كان كسب دعاية مجانية
|
Post: #6
Title: Re: إلي عارف و ودالقوز وآخرين
Author: جمال ود القوز
Date: 09-24-2018, 10:23 AM
Parent: #5
تسلم أبو سن ياهميم ..
ربنا يحفظك يارب ..
وانت بهذه النفس التوّاقة لفعل الخير ..
والممتلئة حتى الثمالة بحب الناس ..
إن لله عباداً اختصهم بقضاء حوائج الناس حببهم إلى الخير
وحبب الخير إليهم هم الآمنون من عذاب الله يوم القيامة
وإغاثة الملهوف صدقة من العبد له أجرها وبرها
شكرن كتيرن يا أب سن ..
|
Post: #7
Title: Re: إلي عارف و ودالقوز وآخرين
Author: عبدالحفيظ ابوسن
Date: 09-24-2018, 01:33 PM
Parent: #6
تسلم ود القوز
ياخ الشباب ديل شجعان جدا وجريئين
ومليانين خير
|
|