تبرئة ذمة في عدم الردود ومواصلة البوستات والنقاشات الطويلة

04:36 PM September, 22 2018

سودانيز اون لاين
النذير حجازي-بلاد الله الواسعة دي، كل شهر في بلد
مكتبتى
رابط مختصر

سلام يا شباب،
واحد من فردي قال لي مالك بتكتب بوست وتقوم جاري؟!
القصة يا شباب اخوكم وهن العظم منه واشتعل الرأس شيبا،
وبقيت كسول جدا، الا في عملي واكل عيشي فانا أقدس العمل،
والعمل هو وطني وتسعين في المائة من حياتي.
وبرضو لي اكثر من سنة بكتب بالموايل، وبوستاتي عبارة عن
رسائل قصيرة.

وكلكم محل تقدير واحترام، علشان كدا اعفو لي في عدم الردود ومواصلة الحوار
وبرضو ملول جدا من البوستات الطويلة، عادي بشارك
فيها وما بقدر ارجع أواصل الحوار، بحب المواضيع المتجددة،
لأكون على اتصال بمواضيع الساعة التي تهمني كسوداني وكمهاجر،
ما ظنيت أقدر ارجع السودان تاني، ولكنه يظل دائما في وجداني.

وللجميع وافر التقدير والاحترام

جيت بى اصابعينك...
ايوااااا يا النذير عشان اصفى معاك الجواي
هل تصدق انا عمري مابعرف ازعل من زول
ومرات القى لي واحد اسلم عليهو باﻻحضان وسلام حار
وونسة فجاة اتذكر انه انا زعلان من الزول دا
او في موقف معين زعلني منه
ﻻني بنسى ومابشيل في قلبي
لكن صراحة انا زعلان منك جدا والله
وزعل شديد..واول مرة اغضب
قةل لي ليه؟
ﻻنك وفي عز المعمعة مع زميل في مشكلة بسيطة
كان في سوء تفاهم حصل والعضو دا
حتى حرام ومايستاهل اني اجيب اسمه ﻻنه مايستاهل والله
حتى ذكر اسمه لكن عشان الصورة توضح حاذكره للاسف
ويا النذير انا واﻻخت امتثال تقريبا لمحنا ليك انه الزول دا مستهتر بالدين وماتتدخل يا النذير
انت قمت فتحت بوست باسمه شخصيا وقعدت تمدح فيهو مدح المتنبىء لسيف الدولة
وتشكروا شكر مختار وشكر الحكامات ..وانه نجم وفارس وووو
ودا ما بهمني في شىء لكن الجاب الزعل انك قلت في البوست المعني
انت قلت( البوست دا زعل ناس كتار منى)
في اشارة لي انا واﻻخت امتثال
وهسي موقفك شنو بعد ما صرح واساء لنبينا الكريم صلوات الله وسلامه عليه
علنا وفي بوستات متتالية ..يحذف بوست ويلحقه باخر بقلة ادب
ووقاحة وسقوط...شنيع
معقولة انت تشكر وتمدح عثمان محمد صالح وتلمح ليه بزعلنا؟ والبزعلنا شنو اساسا
غريبة يا النذير حجازي...مفروض صحيح ناس زي ابوسن هم الناس
هم المحترمين واوﻻد ناس...عشان كدة شاركنا في بوستك حق ودابسن
اكراما وتقديرا ليه وليس لك

الحبيب احمد ياسين
شكرا ليك والله..
وكان جينا للحقيقة النذير ده بوستاته كلها اوسكار وانا دائما متابعة ما يكتبه فهو من الارقام الصعبة في المنبر العام ...ولكن لكل جواد كبوة...يا النذير ما كنت عاوز تفقع مرارتنا ..لكن الله سلم....
وبمناسبة عدم رجوعك للسودان ..انا ما بايدك في القرار ده ..لازم تزور السودان من وقت لاخر ...وهناك ضوء في اخر النفق ...وعندما ينقشع الظلام ..ارجع نهائي ....

الأعزاء أحمد وامتثال،
أشكركما، وأعتبركما من أعز أصدقائي الجدد،
يا أحمد تصدق لم أقصدكما اطلاقا، ولكن عندما تمدح
أي شخص بديهيا يغضب الآخرين، تصدق حتى بوست أبو سن
أغضب الكثير، مافي زول بسلم، وعندما أثني على أحد
أثني على جزء معين منه.
وأنا كنت من أكثر أعداء عثمان وأكثر عداوة له منكما،
ومادام جنح للسلم معي جنحت للسلم، وهذا طبعي

ويا إمتثال تصدقي نفس الشعور، فأنت زولة شجاعة
وفاهمة، وأشد من أزرك، وتعجبني قوية الشخصية عند
النساء عموماً، فالأم مدرسة اذا أعددتها أعددت شعبا طيب الاعراق.

والله يا إمتثال هجرتي قاربت الربع قرن، وأصبحت
غريبا عن بلدي وأهلي، وصعب أفهم الناس وتفهمني

ولكما خالص الود والتقدير

وبعدين يا بو حميد انت فاكر انو انت وامتثال بس
أعداء عثمان؟! هههههههه
والله حليلك، انت ما بتعرف عثمان هههههههه
أعداء عثمان سفينة نوح ما بتشيلهم هههههههههه