عملت لي مكتب تجاري وعاوز مساعدة وتوجيهات من خاض التجربة

09:25 AM September, 18 2018 سودانيز اون لاين
مجاهد محمد الهادي-
مكتبتى
رابط مختصرظلت فكرة ممارسة العمل التجاري تراوح مكانها وتشغل تفكيري منذ العام 2002م وطوال 15 عاما مضت.نبعت الفكرة من سفرات لي الى الصين في الفترة ما بين 2002 الى 2006 مع أول شركة لي في الرياض-السعودية.مؤخرا وبتوفيق من الله ومساعدة قريبة لي محامية قمت باستخراج اسم عمل وعضوية اتحاد الغرف التجارية وماشين نمد في استكمال اجراءات الملف الضريبة وشهادة الصادر والوارد الخ.أطلت الفكرة برأسها خلال رحلة لي لاثيوبيا وكينيا في الفترة ما بين 20-يوليو وحتى 11-اغسطس الفاتو ديلأتتني فكرة وهي رائدة وبالفعل ذهبت الى الخرطوم وبدأت في المضي قدما في تنفيذها مع نيروبي (مصنع) والصين موقع علي بابا تحديداً لحين الوصول إلى عرض أسعار منافس للسلعة المحددة.فكرت في إنشاء مصنع لاحقاً ولكن فضلت إرجاء تنفيذ هذه الخطوة لمرحلة لاحقة بعد أن نجد تجاوب في اسواقنا في الوطن السودان.غير مستعجل نهائيا حتى أدرس بتأن كل خطواتي الخسؤالي وطلبي تحديداً :شنو العوامل المفروض انتبه ليها حتى يرى مشروعي النورياتو دول تانية منكن استهدفا مستقبلا : عندي ناس في تركيا لديهم اعمال وشركات تجارية وهم أخوان صدق جميلين ومخلصين.في انتظار توجيهاتكم وآرائكم وكل ما يحيط بهذا المجال .. الجوانب المضيئة والمظلمة فيه الخ...محبتي لكم ..

up

فوق من باب الدعم والمساندة

بالتوفيق

السلام عليكم ورحمة الله وبركاته
مثلك تماما بدات في بدء اجراءات الاسم التجاري
وهذه مناسبة جيدة نسمع معك من تجارب من سبقونا في المجال
مع العلم ان مجالي فني بحت

تقبل تحياتي

Quote: السلام عليكم ورحمة الله وبركاته مثلك تماما بدات في بدء اجراءات الاسم التجاري وهذه مناسبة جيدة نسمع معك من تجارب من سبقونا في المجال مع العلم ان مجالي فني بحت تقبل تحياتي

عليكم السلام ورحمة الله تعالى وبركاته

يللا ندفر البوست مع بعض

وان شاء الله نستفيد من تجارب من سبقونا في المجال دا بمختلف أشكالو

تحياتي النواضر ليك برضو

Quote: فوق من باب الدعم والمساندة بالتوفيق

شكرا عباس (ويي بو) سرينا آقمي

يوفقك ويسندك الكريم

أخ مجاهد وضيوفو الكرام
تحية وتقدير
** الموضوع ح يكون شائك ومعقد في ظل الظروف المخيمة حاليا
** اٍستخراج الرخص - شيء ساهل - بعد ماتدفع زكاة قبل أي حاجة
وتفتح ملف ضريبي - وتستخرج (( رقم تعريفي - ضريبي))
وتفتح حساب بالبنك وتستخرج (رقم اٍئتماني)
** دي كلها مناظر
عملية الاٍستيراد والتصدير - في بعضها تعقيدات - كثيرة
وحتي لا أحبطك - يمكن أن تنجح وتسير أعمالك بصورة جيدة جدا
فقط المطلوب معرفة - خططك
** عايز تستورد أم تصدر !!!!
** نوع الاستيراد أو التصدير !!!
** الوضع القانوني (( شركة ولا اٍسم عمل ))!!!
**
غايتو ماببخل عليكم بالفي راس ومن خلال التجارب

الأخ مجاهد
ربنا يوفقك ويسدد خطاك ويعدل ليك طريقك..
انا ليس بتاجر ولا مورد ... انا جمركى بالمعاش ولدى مكتب للتخليص بالمطار والحاويات سوبا وبحكم تجربتى مع كثير من الموردين انصحك بالبتعاد عن الشراكة مع اى كائن كان وان تدرس احتياجات الاسواق جيدا وعمل دراسة جدوى على البضائع التى تود استيرادها مع محاولة التركيز على بضائع معينة ... يعنى تكون متخصص فيها ..
وانا تحت الخدمة فى اى وقت والرد على اى استفسار فى مجال عملى .. وموفق بإذن الله

الاخ مجاهد سلامات
من بداية كلامك واضح انو زول جديد في الشغلة . والله يا اخ مجاهد ما كان ابدا
تستعجل وتعمل اسم عمل و ملف ضريبي وهيلمانة من قولة تيت . انت في البداية
يا اخوي محتاج لي اي قرش . واي صرف زايد حيرجعك للمربع واحد .
طبعا تجارب الناس تختلف . لكن انا حسب تجاربي بقول كان في الاول تجي كان
كينيا او اي بلد . اذا السودان كان في الاول تجي وحسب كلامك عن معرفتك
بالصين تجي تستاجر مكان جملة في موقع مزدحم بالمشترين بتاعين الولايات
المختلفة . وتستاجر اسم عمل بتاع زول استيجار فقط
يعني تجيب حاوية تديهو حسب الاتفاق 5 في المية من جملة جمارك الحاوية .
لو لقيت نفسك وزعت البضاعة تجيب حاوية تاني . لو الشغلة نجحت بعد
داك تعمل اسم عمل خاص بيك . لكن من البداية ما كان
تتسرع و تخسر في مشروع انت ما ضامن نجاحو .
ودي من الاسباب الدخلت ناس كتار في مشاكل وبهدلة .
وبالمناسبة السودان صعب جدا جدا جدا وخطر جدا و ممكن تطلع منو ملوص
وبرضو لو خليت بالك كويس ممكن تستفيد . وكل شي
بعون الله .. ربنا يوفقك . تحياتي

سلام الاخ مجاهد وبالتوفيق ان شاء الله

كلام اخونا صلاح الدين الفضل والمقتبس ادناه ابداً ماتوديهو الواطة ( عض عليهو بالنواجز )
خليك حريص الحرص واجب . موفق ان شاء الله .

Quote: انصحك بالبتعاد عن الشراكة مع اى كائن كان وان تدرس احتياجات الاسواق جيدا وعمل دراسة جدوى على البضائع التى تود استيرادها مع محاولة التركيز على بضائع معينة

سلام الاخ مجاهد وبالتوفيق ان شاء اللهكلام اخونا صلاح الدين الفضل والمقتبس ادناه ابداً ماتوديهو الواطة ( عض عليهو بالنواجز )خليك حريص الحرص واجب . موفق ان شاء الله .

Quote: انصحك بالبتعاد عن الشراكة مع اى كائن كان وان تدرس احتياجات الاسواق جيدا وعمل دراسة جدوى على البضائع التى تود استيرادها مع محاولة التركيز على بضائع معينة

مليار مرحب علاء (معليش ما قاعد احب اخوي واستاذ فحذفتها اخوي من أمامكم هههه - بحب رفع الكلف في المواضع غير الرسمية)..صح - نقطة مهمة - ان لم يكن الشريك منك وفيك .. مرات الشراكة بتنجح برضو بس تجاربنا الشخصية في بلدنا ما مبشرة .. كلامك في محلو.. وكلام صلاح سليم.. بس أكيد لكل قاعدة خروقات وانحرافات عن خط سيرها الأساس المعهود.

Quote: وعمل دراسة جدوى على البضائع التى تود استيرادها مع محاولة التركيز على بضائع معينة

حاضر - مشيت فيها دي برضو - معايا مراجع من أشخاص في السوق من سنين وفيهم من دخل التجارة بس ما السلعة حقتنا - وما مقصرين قاعد اتواصل معاهم - معاي محاسبين برضو ومعاي قانونيين من قدامى المحاربين - انا زاتي قاعد اقرا قانون بس زول عجوز فريش ..

Quote: مع محاولة التركيز على بضائع معينة

كلام جميل .. سلعتي نوع واحد ومحدد ومحتاج ليهو السوق ..قد نجرب سلعة أخرى بس بعد فترة وبعد تأنِ بإذن الله..

سلام
كلام ممتاز وموقق انشاء الله

ذي ما قالو الشباب دراسة متانية تحديد مجال معين للشغل وضع خطة كاربة
وبجدول زمني محدد للتنفيذ .

اي عمل تجاري /استثماري دولي السودان فيه طرف لابد من التخطيط ليو بصورة مختلفة وعميقة جدا
الصعوبة تاتي من عملية توفير النقد الاجنبي (دولار) تحويلات بنكية ودفع الفواتير
هذه العمليات من السودان لا تتم بالطرق العادية في اغلب الاحوال تتقاطع مع قوانين في دول اخري قد تقود لتعقيدات ومعوقات
او قد تدفع الانسان لطرق متلوية اظنها اخلاقيا يجب ان لا يتبعها الانسان الذي يطلب الرزق الحلال .

التجربة تعتبر احسن طريقة للتعليم واكتساب الخبرة والراي السديد ان لا يدخل الزول بقريشات كتيرة
كل التوفيق والنجاح

Quote: سلام كلام ممتاز وموقق انشاء الله

اللهم آمين .. اشكرك

Quote: ذي ما قالو الشباب دراسة متانية تحديد مجال معين للشغل وضع خطة كاربة وبجدول زمني محدد للتنفيذ .

كلو ان شاءالله ماشين فوقو -- كلام جميل..

Quote: اي عمل تجاري /استثماري دولي السودان فيه طرف لابد من التخطيط ليو بصورة مختلفة وعميقة جدا ..

كلام عقل .. صحيح..

Quote: الصعوبة تاتي من عملية توفير النقد الاجنبي (دولار) تحويلات بنكية ودفع الفواتير هذه العمليات من السودان لا تتم بالطرق العادية في اغلب الاحوال تتقاطع مع قوانين في دول اخري قد تقود لتعقيدات ومعوقات او قد تدفع الانسان لطرق متلوية اظنها اخلاقيا يجب ان لا يتبعها الانسان الذي يطلب الرزق الحلال .

صحيح .. بندبر الحتة ومحلولة ان شاءالله وبالطريقة السليمة .. ربنا مفرجها يا حبيب..

Quote: التجربة تعتبر احسن طريقة للتعليم واكتساب الخبرة والراي السديد ان لا يدخل الزول بقريشات كتيرة ..

كلام في محلو - حنراعي الحتة دي برضو..

Quote: كل التوفيق والنجاح ..

اللهم آمين ..

أسأل الله لك التوفيق والسداد برضو..

Quote: الاخ مجاهد سلامات من بداية كلامك واضح انو زول جديد في الشغلة . والله يا اخ مجاهد ما كان ابدا تستعجل وتعمل اسم عمل و ملف ضريبي وهيلمانة من قولة تيت . انت في البداية يا اخوي محتاج لي اي قرش . واي صرف زايد حيرجعك للمربع واحد . طبعا تجارب الناس تختلف . لكن انا حسب تجاربي بقول كان في الاول تجي كان كينيا او اي بلد . اذا السودان كان في الاول تجي وحسب كلامك عن معرفتك بالصين تجي تستاجر مكان جملة في موقع مزدحم بالمشترين بتاعين الولايات المختلفة . وتستاجر اسم عمل بتاع زول استيجار فقط يعني تجيب حاوية تديهو حسب الاتفاق 5 في المية من جملة جمارك الحاوية . لو لقيت نفسك وزعت البضاعة تجيب حاوية تاني . لو الشغلة نجحت بعد داك تعمل اسم عمل خاص بيك . لكن من البداية ما كان تتسرع و تخسر في مشروع انت ما ضامن نجاحو . ودي من الاسباب الدخلت ناس كتار في مشاكل وبهدلة . وبالمناسبة السودان صعب جدا جدا جدا وخطر جدا و ممكن تطلع منو ملوص وبرضو لو خليت بالك كويس ممكن تستفيد . وكل شي بعون الله .. ربنا يوفقك . تحياتي

معليش اسمحوا لي ابدا ب : مداخلتك يا عثمان

كلو فكرت فيهو - انا ما داخل السودان

لا ما صرفتا قروش زاتو

لا الفكرة حقتي كويسة ما منها أي خوف وهو صنف واحد محدد ووصل المواصفات والمقاييس عندي زميل مسؤول فيها في المختبر..

فكرة مكتب في نيروبي كانت هي الأساس : اسم العمل سويتو للضرورة..

لا لا ما هيلمانة ولا أي شي ولا فيها مصاريف انتبهتا للحتة دي..

شايفك ما اتطرقت لتركيا الخ - متابع انا بوستاتك خاصة بوستات البشكة والذي منو وبناتك السمحات القاعد تسل روحنا بيهن ..

وتاني حلفتك بالله وتالله ما تشتحف روحنا وتجهجه باكاتنا وأجنحتنا ووسطنا وتنزل صورك ومقاطعك من قولة تيت .. سامع ولا للا؟

الأخ مجاهد
حسنا فعلت باستشارتك للأعضاء..و هي على الأقل تفيدك في الحذر من أشياء ما كنت مخلي بالك منها..‏
و كمان قد تفتح ذهنك لجوانب ما فكرت فيها من قبل أو ما ركزت عليها..‏
و شايف الاخوان عرّفوك بالأشياء التي يجب الحذر منها..‏
طبعا كونك تعمل شركة في الأول استعجلت فيها شوية زي ما قال ليك أحد الأعضاء..‏
‏ لكن ما مشكلة كبيرة.. أكيد حتستفيد منها لأنك حتخليك تتأنى في خطوات أخرى قادمة.‏
‏ و كمان حتلاقي ناس أثناء تكوين و تسجيل الشركة بيدوك معلومات مفيدة..ما في شيء بيعملوا الانسان ما بيستفيد منه ..‏
قد يخسر مالأ و وقت لكن يستفيد خبرة..‏
طبعا السودان فيه مشكلات كثيرة و لكن برضه الناس شغالة و في ناس بتستفيد..‏
المحك اختيار المنتج أو السلعة المناسبة.‏
‏.و دي عشان تختارا أو تحددا ما عايزة استعجال و لا رأي زول واحد..‏
في السودان ده حسب تجربتي كثير من المعلومات بتكون نيّة و غير ناضجة ..لا تأخذ بها على طوال إلا تتأكد منها من كم ‏مصدر..‏
بس ما وريتنا شنو عملت أو لفت نظرك أو فكرت فيه من زيارة نيروبي و الصين و اثيوبيا و كمان تركيا..‏
التركيز مهم يا أخ مجاهد و بعدين غربلة الفكرة..‏

حأحكي ليك تجربة زميل و أخ و صديق مقرب في الاستيراد...‏

أفكار متنوعة:‏
‏*الاستيراد :مفيد في حالة رأس المال الكبير 100 ألف دولار مثلا
‏* التوزيع أفضل من الانتاج و أقل مخاطرة.. مثلا موزع البيض قد يكون ربحه ثابت و مضمون و أقل مخاطرة..لذا ينصح ‏الكثيرون حسب التجربة بالاكتفاء بالتوزيع.. ‏
أيضا الاستيراد قد يكون مربح و لكنه قد يتعرض لمخاطر كبيرة ..كما في حالة القرارات الحكومية المفاجئة و تذبذب ‏سعر العملة الصعبة/العملة المحلية.‏
‏*لدي صديق يعمل في استيراد قطع غيار سيارات مستعملة ..‏
هي تجارة مربحة جدا و لكن بعد أن ينقضي 3 شهور بين بداية سفره و وصول الحاويات و توزيعها يحدث تغيير في قيمة ‏الدولار تجعله مكانك سر.‏
‏* شايف استهلاك البن في السودان في تزايد بسبب دخول مستهلكين جدد كل يوم.‏
‏ مما يجعل سلعة البن مطلوبة بشدة. أقصد للاستيراد..‏
و لكن السؤال الاستيراد من وين؟ و بي كم؟ و كم التكلفة في الترحيل و الجمارك كم؟ ‏
و الأهم كم عدد الداخلين في تجارة استيراد السلعة و حجم استيراد كل منه و كيف يوزعون و بأي الأسعار؟ ‏
لأنك ستكون في منافسة معهم فقد يستطيعون اخراجك من السوق من خلال تخفيض سعر البيع. ‏

اشكرك ود الحسين

قريت مداخلتك وهي ثرة

في المكتب هسي في حبة انشغال وكدة

بجيك برواقة لأنك اسهبت ما شاءالله عليك

انت شغلك في أي حتة - تعال لي الماسنجر لو شغال زاتو

ترليون مرحب بيك

Quote: الأخ مجاهد ربنا يوفقك ويسدد خطاك ويعدل ليك طريقك.. انا ليس بتاجر ولا مورد ... انا جمركى بالمعاش ولدى مكتب للتخليص بالمطار والحاويات سوبا وبحكم تجربتى مع كثير من الموردين انصحك بالبتعاد عن الشراكة مع اى كائن كان وان تدرس احتياجات الاسواق جيدا وعمل دراسة جدوى على البضائع التى تود استيرادها مع محاولة التركيز على بضائع معينة ... يعنى تكون متخصص فيها .. وانا تحت الخدمة فى اى وقت والرد على اى استفسار فى مجال عملى .. وموفق بإذن الله

سعادتو سلام مربع لحدوت الشمس.

مداخلتك وضعتها بكل محتواها عين الاعتبار.

أشكرك كتير.

نعم بتواصل معاك لو عنّ لي أي استفسار أو استشكل علي أي مشكل.

الأخ مجاهد نسيت أقول ليك أنا كان عندي أفكار كتيرة و مسوحات بخصوص التصدير لأنه اعتقد أسهل ..لكن حاليا بكتفي ‏بالمتابعة..‏
بمناسبة نيروبي و اثيوبيا..كان عندي فكرة استثمر في اثيوبيا من بدري و لكن بدون أزورها..و لما زرتها وجدت أنه ‏المجال المناسب لي و لنظام العمل للأجنبي في اثيوبيا و حسب رأس مال هو العمل في مجال المطاعم و ما شابه ذلك من ‏كافيهات..‏
بالنسبة ليوغنده أو كينيا بدأت مؤخرا أجمع معلومات عن يوغنده بالذات.‏
‏ و لكن لن تكتمل الصورة إلا بزيارة البلد..لأنه المعلومات التي يدلي الأشخاص أو المواقع لا تنطبق على الواقع بحذافيره.‏
برضه لو ممكن تعطينا معلومات عن الاستثمار في كينيا أو اثيوبيا حسب وجهة نظرك. حتى يكون البوست مفيد للجميع و ‏فيه أخذ و عطاء ..‏

Quote: الأخ مجاهد نسيت أقول ليك أنا كان عندي أفكار كتيرة و مسوحات بخصوص التصدير لأنه اعتقد أسهل ..لكن حاليا بكتفي ‏بالمتابعة..‏ بمناسبة نيروبي و اثيوبيا..كان عندي فكرة استثمر في اثيوبيا من بدري و لكن بدون أزورها..و لما زرتها وجدت أنه ‏المجال المناسب لي و لنظام العمل للأجنبي في اثيوبيا و حسب رأس مال هو العمل في مجال المطاعم و ما شابه ذلك من ‏كافيهات..‏ بالنسبة ليوغنده أو كينيا بدأت مؤخرا أجمع معلومات عن يوغنده بالذات.‏ ‏ و لكن لن تكتمل الصورة إلا بزيارة البلد..لأنه المعلومات التي يدلي الأشخاص أو المواقع لا تنطبق على الواقع بحذافيره.‏ برضه لو ممكن تعطينا معلومات عن الاستثمار في كينيا أو اثيوبيا حسب وجهة نظرك. حتى يكون البوست مفيد للجميع و ‏فيه أخذ و عطاء ..‏

طيب اهو انت متابع يا ود الحسين

انا عن نفسي ما بقدر أنزل كلام هنا وأفكار لأني طالب استشارة ولم أخض التجربة دي عملياً وللا بكون زول تنظير ساي

الكتابة في الحتة دي - الانتا سالت منها دي - اثيوبيا وكينيا - هي مجرد كلام وانا سمعتو برضو - بس التطبيق هو الكلام..

اعتقد البوست دا - الجاتني فكرتو عفو الخاطر وارتجالا - ح يكون مفيد ولسة أنا راجي زول يجيني يقول لي انا دي تجربتي ونتيجتها يا دي ..

تجربة فعلية حصلت على أرض الواقع.. ودا هدفي من فتح البوست - بعرف في ناس كتيرة بتكون متابعة .. وأتمنى يستفيدوا وأنا استفيد الخ..

سلام كتير..

Quote: أخ مجاهد وضيوفو الكرام تحية وتقدير ** الموضوع ح يكون شائك ومعقد في ظل الظروف المخيمة حاليا ** اٍستخراج الرخص - شيء ساهل - بعد ماتدفع زكاة قبل أي حاجة وتفتح ملف ضريبي - وتستخرج (( رقم تعريفي - ضريبي)) وتفتح حساب بالبنك وتستخرج (رقم اٍئتماني) ** دي كلها مناظر

مليون حبابك عمار

صدقت مناظر بس للضرورة لجأنا ليها

كان فعلا منكن اشتغل باسم عمل لأي شخص آخر لحدي ما نستكشف وندرس السوق

بس باذن الله الأمور حتمشي وكويس خالص

Quote: عملية الاٍستيراد والتصدير - في بعضها تعقيدات - كثيرة

صحيح وتفاصيلا كتيرة حسب السلعة والبلد مع وجود قواسم مشتركة الخ

عن كثب عايشت نمو أصحاب أعمال منهم من أشرت لهم أعلاه في ابتدارة بوستي

خطوة خطوة كنت معهم من أيام كانوا مجرد موردين - وكنت أتولى متابعة الطلبيات و المراسلات والحمدلله وشكرا لأخ من أبناء كبوشية ... وجدته في الشركة هو من مسكنا الدرب الخ.. لاحقاً شهدت وشاركت في تأسيس مصانع لهم في الصين .. وبرضو لا أنسى شكر أخ مصري من الفيوم - نجح نجاحاً منقطع النظير وملفت وهو مقيم بمصر منذ حوالي العشر سنوات.. صادق وفائي لهما ولكل من زادنا ... وأرشدنا ونورنا.. الخ.. أياً كانت النقطة التي وصلت لها فالأمر نسبي في الأخير..

شكراً عمار..

Quote: فقط المطلوب معرفة - خططك** عايز تستورد أم تصدر !!!!** نوع الاستيراد أو التصدير !!!** الوضع القانوني (( شركة ولا اٍسم عمل ))!!!**غايتو ماببخل عليكم بالفي راس ومن خلال التجارب

البداية والتركيز : عايز استورد - دايما بحب صيغة الجمع - عايزين نستورد - لانو في ناس حتساعدني في إدارة الشغل - غير موظفين الخ - ناس قريبين مني - هم شركا فعليين بعتبرهم - والشغل يا عمار ابدا ما نبع لحاجة لمال - الفكرة حقتي تتعلق بالسودان وانسان السودان - وهي مبنية على الوعي الصحي في الأساس .. انا عندي خلفية طبية ومهجس بالصحة الخ..الوضع القانوني للشركة : اسم عمل..ما تبخل علينا بالتجارب وبالتفصيل يا ريت..تحياتي ..

مجاهد محمد الهادي وشركاه
او .. وآخرين
شوف انا حاديك النصيحة (العامة) في آخر المداخلة دي
لكن ماحنقدر ننصحك في مشروعك دا لانه الاساس وهو (النشاط) مامعروف لينا .. اذا كان اواني او ملابس او مواد غذائية او ديكورات
تشمل كل شىء حتى الالوان الخائطية وبويات وووو .. او نشاط الكترونيات او مصانع بلاستيك او حتى ورق واقلام
كنت حاديك دراسة بسيطة هي ماتعتبر دراسة جدوى لكنها بتوضح ليك تعمل شنو
عموما النصيحة ليك ولكل الاخوان او كل من يقرأ البوست دا اعضاء او غير اعضاء
قابلت مسؤول سوداني كبير وكبير جدا ورجل محترم ومعروف ومشهور على نطاق العالم دا
سلمته (برشور) خاص بمشروع تكلفته عالية جدا وطبعا المشروع مكتمل على الورق من كل شىء
استلم البروشور وقال لي ... (ما انصحك تعمله في السودان) وقبل ما اسأل.. ليه ؟ قال (لأنه الناس ديل كعبين شديد)
انت يامجاهد اي مشروع بكون مربح نظريا ولكن عند التنفيذ مع (هؤلاء) لا تدري من اين تجيك الطوبة
بالتوفيق

أخ مجاهد
** أكيد هناك استعداد من الجميع لأسداء النصح
** أخونا صلاح بصفتو يعمل في مجال التخليص نصائحو مهمة للغاية ..
ماذكره أحمد يس حقيقة - يمكن أن يدخل اثنان في مجال واحد - أحدهم (يدفروهو لي قدام ) والثاني يعرقلوا ليه كل خطواتو
ولكن هذا ليس للاٍحباط - بل لمزيد من الحرص - عموما السودان معروف بأنه البلد الوحيد في (محيطه) الأكثر ربحية
ودا بيرجع لعوامل كثيرة - المهم هنا :-
1-- أن يكون حسابك مع البنوك ذات الاٍمكانيات العالية - طبعا في الوضع الحالي هناك كثير من البنوك ليس لديها
اٍحتياطي نقدي كافي طرف بنك السودان - وبالتالي فاٍن تصديق أي عملية اٍستيراد ستتأخر كثيرا ربما لشهور
2-- نوع المواد المستوردة -- أيضا بعضها ليس لديه أولويات -
3-- طريق السداد (( طبع اعتماد مستندي - LC شبه مستحيل - (( دفع مقدم Advance payment )) ممنوع في حالة الاٍستيراد التجاري
أفضل وأسرع طريق هو ((الدفع اللآجل DA - حبذا يكون 4 الي 6 أشهر ))
** أخ مجاهد دي كلها مجرد خطوط عريضة للتنوير .
--------------------------------------
الظروف الحالية للمواطن وغلاء الأسعار - جعل الضروريات - هي أولوية في ظل محدودية الدخل .
-------------------------------------
** اٍذا كانت السلعة تحتاج الي (مطابقة مواصفات) فلابد من الفراغ من هذه الاٍجراءآت باكرا
لأن أي فاتورة مبدئية ستقدم للبنك لابد من ختمها من جهة الاٍختصاص (( وزارة التجارة - الصناعة - الصحة -----الخ))
----------------------------------------------------------
دور مكتب التخليص - ومعرفة أسعار السلع لدي الجمارك Customs record مهم جدا
مثلا قد تستورد سلعة سعرها العالمي 300 دولار/طن - وتكون مسجلة لدي الجمارك ب 450/دولار/طن
----------------------------------
التفاصيل كثيرة
ولكنها ستتضح لك رويدا رويدا

أخونا مجاهد
كترنا عليك الشغلة..
بس عندي سؤال أصلا ما لقيت ليه إجابة و لا زول يجيّهوا لي: ما هو الوضع القانوني لشركات الاوفشور في السودانof-shore

الاخ محمد عبدالله

Quote: س عندي سؤال أصلا ما لقيت ليه إجابة و لا زول يجيّهوا لي ماهو وضع شركات of-shor في السودان

طبعا مافي زول حيجاوبك ولا حيجيهوا ليك لانه اساسا مافي حاجة اسمها (of-shore)
الا اذا كنت تقصد الــ (Off- shore)

Quote: خ مجاهد ** أكيد هناك استعداد من الجميع لأسداء النصح ** أخونا صلاح بصفتو يعمل في مجال التخليص نصائحو مهمة للغاية .. ماذكره أحمد يس حقيقة - يمكن أن يدخل اثنان في مجال واحد - أحدهم (يدفروهو لي قدام ) والثاني يعرقلوا ليه كل خطواتو ولكن هذا ليس للاٍحباط - بل لمزيد من الحرص - عموما السودان معروف بأنه البلد الوحيد في (محيطه) الأكثر ربحية ودا بيرجع لعوامل كثيرة - المهم هنا :- 1-- أن يكون حسابك مع البنوك ذات الاٍمكانيات العالية - طبعا في الوضع الحالي هناك كثير من البنوك ليس لديها اٍحتياطي نقدي كافي طرف بنك السودان - وبالتالي فاٍن تصديق أي عملية اٍستيراد ستتأخر كثيرا ربما لشهور 2-- نوع المواد المستوردة -- أيضا بعضها ليس لديه أولويات - 3-- طريق السداد (( طبع اعتماد مستندي - LC شبه مستحيل - (( دفع مقدم Advance payment )) ممنوع في حالة الاٍستيراد التجاري أفضل وأسرع طريق هو ((الدفع اللآجل DA - حبذا يكون 4 الي 6 أشهر )) ** أخ مجاهد دي كلها مجرد خطوط عريضة للتنوير . -------------------------------------- الظروف الحالية للمواطن وغلاء الأسعار - جعل الضروريات - هي أولوية في ظل محدودية الدخل . ------------------------------------- ** اٍذا كانت السلعة تحتاج الي (مطابقة مواصفات) فلابد من الفراغ من هذه الاٍجراءآت باكرا لأن أي فاتورة مبدئية ستقدم للبنك لابد من ختمها من جهة الاٍختصاص (( وزارة التجارة - الصناعة - الصحة -----الخ)) ---------------------------------------------------------- دور مكتب التخليص - ومعرفة أسعار السلع لدي الجمارك Customs record مهم جدا مثلا قد تستورد سلعة سعرها العالمي 300 دولار/طن - وتكون مسجلة لدي الجمارك ب 450/دولار/طن ---------------------------------- التفاصيل كثيرة ولكنها ستتضح لك رويدا رويدا [Email] [Profile] [Edit] [رد على الموضوع]

الفهمتو انو ما يعيق العمل التجاري وممارسة البزنس أياً كان داخل السودان عدة عناصر منكن تكون أي واحدة من الفوق دي وبشكل راجح

واحتمال أكبر يمكن فوق 50% صح؟

لدينا مكتب في نيروبي - تم وضع دراسة الجدوى له .. حتى الصين لا مشكل فيها ونقطة خاتينها في الاعتبار وأذرع الفكرة غير مقصورة على المكان هي فكرة لا تحددها أطر المكان والخيارات متوفرة وفي الوقت المحدد - حتى نقطة العملة الصعبة - لا مشكلة فيها..

تحياتي

سلام أحمد ود يسين
ح أجيكم برواقة ان شاءالله

انت وعمار

كلام محل اهتمام

شكرا

أخ محمد عبدالله الحسين
** اٍن كنت تقصد مايعرف (فروع لشركات خارجية).
يوجد للمسجل التجاري شروط - (تخص المستندات القانونية)
- يكون مكتب الشركة للترويج - دون الدخول مباشرة في صفقات مع العملاء .
- ينفق مبلغ من المال (يتم تحديده بالعملات الأجنبية) سنويا .
- اٍن كان المكتب يتلقي عمولات - (توجد شروط ) -
** أما اٍن كان القصد لشركات (النفط والغاز) - فالأمر أكثر تعقيدا - وحكرا لوازرة النفط

سلام اخ مجاهد وضيوفه الكرام
بالنسبة لكلامك

Quote: والصين موقع علي بابا تحديداً لحين الوصول إلى عرض أسعار منافس للسلعة المحددة.

نعم يمكنك الاعتماد علي موقع علي بابا للحصول علي المعلومات الاؤلية وبعض عروض الاسعار
ولكن عند التنفيذ الامر مختلف
واتمنا ان تقف علي السلع والبضائع المشتراه بنفسك وان تتحقق من المواصفات والجوده وخلافه
وان تزور المصنع المراد التعامل معه

بعض الاستفسارات:
# هل السلعة او المواد او البضاعة التي تريد استيرادها من الصين تخضع لمواصفات محددة في بلد الاستيراد؟
اقصد استاندر محدد من ادارة المواصفات
مثل: الوزن – الطول – العرض – اللون – درجة الاشعاع – (السمك) التخن – التعبئة وخلافه

# وهل تحتاج الي شهادات جودة او اي شهادات صحية او خلافه؟
كمثال CIQ / SGS / PVOC / CCC / SEMKO / TUV OR ANY OTHERS
# لان لكل دولة شروطها ومواصفاتها الخاصة لكل سلعة ويمكنك الحصول علي كراسة المواصفات من الغرفة التجارية في بلد الاستيراد

باختصار المراحل المتعددة التي تمر بها طلبية شراء اي بضاعة من الصين:
# طلب السعر
# طلب العينات
# اصدار الفاتورة المبدئية
# دفع او تحويل العربون
# تصنيع البضاعة
# فحص البضاعة قبل الشحن
# حجز الحاويات
# شحن البضاعة
# اصدار اوراق الشحن والشهادات
# اصدار الفواتير الخاصة بالجمارك
# ارسال البوليصة والمستندات الي المشتري

وساعود لمزيد من التفاصيل اذا كان في العمر بقية

عليكم السلام عزالدين

Quote: نعم يمكنك الاعتماد علي موقع علي بابا للحصول علي المعلومات الاؤلية وبعض عروض الاسعار ولكن عند التنفيذ الامر مختلف.. نعم هذا ما تيقنت منه وهو موقع معتمد .. واتمنا ان تقف علي السلع والبضائع المشتراه بنفسك وان تتحقق من المواصفات والجوده وخلافه وان تزور المصنع المراد التعامل معه

حاااضر وهو ما فكرت فيه أيضاً..

رغم وجود قريب لي هناك من 13 سنة بس برضو بشوف المشي شخصيا برضو ضروري أقلاها في بداية التعامل ..

Quote: هل السلعة او المواد او البضاعة التي تريد استيرادها من الصين تخضع لمواصفات محددة في بلد الاستيراد؟ اقصد استاندر محدد من ادارة المواصفات

ما استاندرد محدد ولكن هناك مواصفات للسلعة وأقلاها بيطلبوا - مكونات المنتج - مقاساته - اسم المصنع والدولة وشهادة من معمل مطابقة لآيزو خاص بالمنتج نفسه..

Quote: باختصار المراحل المتعددة التي تمر بها طلبية شراء اي بضاعة من الصين: # طلب السعر # طلب العينات

وصلنا لحدي المرحلتين ديل وتوقفنا في عرض السعر - هو كويس بس أنا وزولي هناك اتفقنا انو نضغط على المصنع لأني ما مطمن إني أقدر أنزلو في السوق بالسعر دا ..

أسعار نيروبي كانت كويسة خالص بس جينا وقفنا في الآيزو لأنو شريكنا عرف انو المصنع متهرب من الضرائب وما ح يقدر يطلع شهادة مطابقة للآيزو المحددة للمنتج حقنا..

شكرا عزالدين

واضح انك في المجال - مشيت أكيد بروفايلك

الله يوفقك وإيانا

نرفع أكفنا لك بالنجاح .. أضعف الأيمان رفع البوست

كلام دكتور محمد عبد الله ما ترميه الواطاة .. وكلام ول أبا عثمان موسي .. الزول دا عابر للقارات.


بريمة

السلام عليكم ورحمة الله وبركاته

أشكرك جدا مهندس بريمة

ثانكيو سو متش يا حبيب

قبل ما أنسى - قدمت لوتري امريكا قبل نص ساعة خلي بالك مني - لو وقع لينا خليني ازور مضارب الكاوبويز - وتوعدني من هسي دي انك تزورني ليهم بالله ..


_________________________________________________________________________________________________________________________________________________________________

معليش غبت قرابة الثلاثة اسابيع 23 يوما بالتمام من 20-9 حتى 12-10-2018 - كنت هارب ومختبئ في الحرم النبوي وطيبة حيث الأمان والسكينة والدعوات الصالحات أسأل الله أن يتقبلها مني رب القبول والتيسير..

سلام ومحبة وتحيات

شكرا لكل من تداخل

وهذا لا يعني بأي حال إغلاق البوست

ف مرحب بكل الآراء والإضافات من الزملاء الأفاضل

Quote: مجاهد محمد الهادي وشركاهاو .. وآخرينشوف انا حاديك النصيحة (العامة) في آخر المداخلة ديلكن ماحنقدر ننصحك في مشروعك دا لانه الاساس وهو (النشاط) مامعروف لينا .. اذا كان اواني او ملابس او مواد غذائية او ديكورات .. تشمل كل شىء حتى الالوان الخائطية وبويات وووو .. او نشاط الكترونيات

او: ( مصانع بلاستيك)..دي بس عاوزا عايز دراسة الجدوى لمصانع البلاستيكبعرف انو الصين هي بلد ال Know-Howالحقني بالدراسة يا حبيبوليك الأجر والثواب والله يوفقك

up

--

فوق

سلام

انا على يقين أن هناك من سيأتي بالتقيل

دايما التقيل يأتي ولو متأخراً

أريد مداخلة من وعد بالمداخلة مرة أخرى

بتجو - وما حتقصرو

I know it

موفق يا حبيب وممكن افيدك جدا في انشاء اي مصنع من الصين نتواصل خاص وبعد داك للفائدة نجيبو هنا للعام لمزيد من الفائدة

Quote: وممكن افيدك جدا في انشاء اي مصنع من الصين ..

حبيبنا متولي

حاضر بتواصل معاك

شكرا كتير

سلام كتير حبيبنا متوكل

رجاء؛ راجع الماسنجر

ما قدرنا نرد ليك امس

تحياتي

سلام كتير و كبير

الأخ مجاهد ....

من باب المشاركة نعتل معاك البوست للأعلى ، ومن باب النصيحة نقول ليك
كلام الأخ أحمد يس الذكره في نهاية مداخلته ما ترميه واطه !!!!

( قابلت مسؤول سوداني كبير وكبير جدا ورجل محترم ومعروف ومشهور على نطاق العالم دا
سلمته (برشور) خاص بمشروع تكلفته عالية جدا وطبعا المشروع مكتمل على الورق من كل شىء
استلم البروشور وقال لي ... "ما انصحك تعمله في السودان" وقبل ما اسأل.. ليه ؟ قال (لأنه الناس ديل كعبين شديد)

تحياتي أخي مجاهد وضيوف البوست الأعزاء

طلبت المساعدة والتوجيه

لكني أقدم لك نصيحة أخوية :

أعمل بمضمون الحيدث ( أستعينوا على قضاء حوائجكم بالكتمان )

يمكنك الحصول على كل المعلومات دون الأفصاح عن ما تنوي تنفيذه

مع أمنياتي لك بالتوفيق والنجاح

Quote: حياتي أخي مجاهد وضيوف البوست الأعزاء طلبت المساعدة والتوجيه لكني أقدم لك نصيحة أخوية : أعمل بمضمون الحيدث ( أستعينوا على قضاء حوائجكم بالكتمان ) يمكنك الحصول على كل المعلومات دون الأفصاح عن ما تنوي تنفيذه مع أمنياتي لك بالتوفيق والنجاح

سلام عزيزي ود البصير

لا ملتزم بالجانب دا

وفاهم الهدف من كلامك


والرزق على رب الأرزاق أكيد

بس نصيحتك على العين

وماش بيها باذن الله

ربنا يوفق باذن الله

ويبلغنا المقاصد

تحياتي أخي عثمان

شكرنا لكل من تداخل

المشورة سمحة بالجد

والتنبيهات كانت اروع

والناس الشجعت كانت مداخلتهم اكيد اروع

ف شكرا ليكم جدا ياخ

خلاصة القول : استفدنا

نظرت لكل المداخلات بكل حيادية كون اي متداخل قصد الإفادة

تاني شكراً

وما التوفيق الا من عند واهب الرزق

والبوست ما انسد الله لا يسد لينا باب