Post: #1
Title: هل هي ل حمدوك. نافورة حمدوك الأماني الحمدوكية
Author: اخلاص عبدالرحمن المشرف
Date: 09-17-2018, 01:48 AM
01:48 AM September, 16 2018 سودانيز اون لاين
اخلاص عبدالرحمن المشرف-
مكتبتى
رابط مختصر
الحل فى الاتى :
1/ اعتماد 19 وزارة اتحادية بدون وزراء دولة والاعتماد
على وكيل الوزارة وان يكون غير سياسى
( رئاسة مجلس الوزراء - الحكم الاتحادى -
المالية - الخارجية - الدفاع - الداخلية
- التعليم والبحث العلمى - الصحة - العدل
- النائب العام - التجارة - الصناعة - الطاقة -
الزراعة والثروة الحيوانية - الثقافة والإعلام والاتصالات
- الرياضة - العمل - الشئون الاجتماعية والاوقاف والدينية -
التنمية العمرانية والنقل والطرق والجسور،
2/ الغاء ولاية الخرطوم لتصبح العاصمة الاتحادية
وتقسيم السودان الى سته أقاليم ( الشمالى -
الشرقى - الأوسط - الغربى - الجنوبى الجديد )
3/ تقليص البرلمان لعدد 150 عضو ويكون
فى نفس الوقت عضو مجلس تشريعى اقليمى
عندما يذهب البرلمان فى اجازة طويلة عليهم بعقد
اجتماعات مجالسهم التشريعية وسط أقاليمهم واهلهم ومنتخبينهم .
4/ نقل الجامعات العريقة الى الاقاليم الستة وتظل
جامعة الخرطوم فى العاصمة الاتحادية ومثلاً جامعة السودان
الى اقليم الشرق وجامعة الجزيرة الى اقليم وسط السودان
وجامعة النيلين الى الإقليم الغربى وجامعة امدرمان الاسلامية
الى الإقليم الجنوبى الجديد وجامعة القران الكريم الى
الإقليم الشمالى ( من اجل توزيع الكادر الطبى والهندسى
وكل التخصصات الى أنحاء السودان بدل تكدس
الاطباء فى الخرطوم والهجرة الى العاصمة من
اجل العلاج والتعليم هنا مربط الفرس )
5/ ان يكون الاتى مركزى :
أ. الجيش
ب. الشرطة
ج. الامن
د. التعليم
هـ. الصحة
و. الضباط الإداريين
ز. القضاء
ر. ديوان المراجع العام والنائب العام
ح. ديوان شئون الخدمة
6/ الإيرادات والمنصرفات قومية ( المراجع القانونى)
7/ عودة النقل المكانيكى والاشغال والتشيد،
محمد حمدوك
|
Post: #2
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 01:57 AM
Parent: #1
الان كل ينسب الامر ل حمدوك
فقد صار بطلآ قوميآ
اما المحتوي فهو مقبول لي والكثيرين
لكل الدول وسائل للتعبير عن مكنوناتها
ال بعض قد يكون امنيات شخصي
والأشهر هي نافورة الأماني
نحن السودانيون بدأنا الان ما يمكن
ان نطلق عليه نافورة حمدوك
وهذه قد تكون لحمدوك أو اول الأماني الحمدوكيه
|
Post: #3
Title: Re: هل هي ل حمدوك
Author: يحي قباني
Date: 09-17-2018, 02:00 AM
Parent: #2
سلام اخلاص
الرجل اسمه عبد الله حمدوك
و الامضاء محمد حمدوك ...
و هكذا السودان و حال السودان ... سينسب له ما قاله و ما لم يقله ...
و ستنشر له مقالات باسمه لم يكتبها ...
و ...
عيييك يا اخلاص ... اصبحنا في محنة ... نحن نحتاج حمدوك لكل مواطن ...
|
Post: #4
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 02:04 AM
Parent: #3
لاحظتها يا قباني
في البورد هنا الاسم اتكتب خطأ في احد المقالات
وصحح ل عبدالله
هي نافورة حمدوك
|
Post: #5
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 02:52 AM
Parent: #4
الأماني الحمدوكية لم تتطرق الي اللغة
لابد مما ليس منه بد
اري (رطانة ). و الناطقين بغيرها في جنبات البورد
العشم ان يكتبوا أمنياتهم ويرمونها
في بوست الاماني
الاستفزاز لازم والعشم والهدف حضوركم
|
Post: #6
Title: Re: هل هي ل حمدوك
Author: Hani Arabi Mohamed
Date: 09-17-2018, 02:59 AM
Parent: #5
يبدو - والله أعلم - أن كاتبها هو عضو البورد المحترم / عادل أمين - فهذه أفكاره
ربما نسخها أحدهم وأضاف إليها اسم حمدوك في الآخر ....
الراجل ح يتعذب بورود اسمه في كل صغيرة وكبيرة ...
|
Post: #7
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 03:49 AM
Parent: #6
اهل الاخ العزيز هاني
ز. انت رائك شنو
بالمناسبة مبارك الفاضل برضو قال كلام زي ده
دائمآ بفرح بمرورك مودتي
|
Post: #8
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 03:55 AM
Parent: #7
جزئية وكلاء الوزارة والبرلمانيين هذا تفصيل دقيق
لا آظن ان احد البورداب هو من كتب هذا
هذا جهد حقيقي
|
Post: #9
Title: Re: هل هي ل حمدوك
Author: Kabar
Date: 09-17-2018, 05:03 AM
Parent: #8
كتبت اخلاص المشرف:
Quote:
جزئية وكلاء الوزارة والبرلمانيين هذا تفصيل دقيق
لا آظن ان احد البورداب هو من كتب هذا
هذا جهد حقيقي
|
هههههه
بت ابا اخلاص ..حبابك يا صديقة
ليه كده؟..
البورداب ممكن يكتبوا حاجات دقيقة للغاية..وافكار كتيرة (سياسة ، ثقافة ، فكر ، اجتماع ، مبادرات..الخ) مارقة من البورداب في هذا المنبر..ولكن زامر الحي لا تطرب مزاميره (قربتي تلحقي حزب صديقنا ول ابا محمد البشرى الرامي طوبة البورد..!!)
البوست الذي ذكرت انه تم تعديل الإسم فيهو ، كتبته انا واستجبت لتنبيهات الأصدقاء (محمد دودي والمعز ابو نورا)..وصححت العنوان..
عطفا راجعي الفقرات (2 ،3) من نفس البوست..في الفقرة 2 ورد ذكر تخفيض الوزارة لتكون 17 وزير لأن عدد سكان السودان دوبك كم واربعين مليون نسمة وهذا عدد لا يحتاج لجيش جرار من الوزراء.. واشرت لألغاء فكرة وزراء الدولة ..واشرت لوزارات بعينها بانه لا ضرورة لها..وناس بعينهم سألت عملوا شنو للسودان عشان يرجعوا تاني للوزارة..!
في بوست اخونا توفيق عيسى (بتاع علي بالطلاق) اشرت الى حلمي بنقل العاصمة السياسية الى مدينة كوستي (بالإسم) وترك الخرطوم بان تكون عاصمة الأعمال (البزنس)..
ايضا اشرت لفكرة ان البشير فقد الثقة في الجميع لذلك رجع لحكاية الإستقواء بالقرابة (اولاد وبنات خالات وعمات)..
هذه الأفكار تم تدويرها بطرق عديدة من ضمنها هذه الرسالة التي اشرت اليها في مداخلتي الأخيرة (لأني قرأتها في بعض مجموعات الوتساب)..!
مرات الواحد بتجيهو حردة..تحرق اعصابك (شاي ، سجائر ، قهوة ..الخ) وتحاول تقول ليك جملة مفيدة ، ثم يمتطيها واحد ويعير بيها (زمن الأفكار الفئ أو الهاملة)..فلا تعرف تبكي ولا تعرف تضحك ولا تعرف تحرد الكتابة ذاتو..!
وكل ذلك غير مهم..المهم..الأفكار دي تجد حظها من التطبيق..!
غايتو تابعي..عندي خيط في الويك اند (او قبله بقليل) وح تلقى كم حاجة منو حايمة بطريقة او بأخرى ..أي زمن الأفكار الفئ او الهاملة..!
ربك يهون..
ودمت..
كبر
|
Post: #10
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 05:19 AM
Parent: #9
قريبتو يا الكبير يعلمو
بس قلت امكن تجئ وتشرف البوست
ود البشرى كلامو في جزء ينطبق علي البعض
المكايدات ومحاولة الكسب افقدت البورد بعض
البريق لكن يظل منيرآ
الأفكار تحتاج للمناقشة
الزبد يذهب هباء ويبقي ما ينفع الناس
شكرآ كبر ومودتي التي تعلم
|
Post: #11
Title: Re: هل هي ل حمدوك
Author: Osama Mohammed
Date: 09-17-2018, 05:59 AM
Parent: #10
حمدوك ولا ادوك عين .....
شغلو الناس بي حمدوك برضو .....
غايتو عندهم مقدرة على شغل الناس بي اي حاجة.
|
Post: #12
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 06:12 AM
Parent: #11
هههههه
ضحكتني الله يضحك سنك
الواتساب ما خلي
|
Post: #13
Title: Re: هل هي ل حمدوك
Author: Ahmed Yassin
Date: 09-17-2018, 07:07 AM
Parent: #12
يا اخلاص ... ممكن تشكلي لينا (حمدوك) دي عشان نقراها صاح
فيها شدة وفتحة ولا كله مكسور
|
Post: #14
Title: Re: هل هي ل حمدوك
Author: اخلاص عبدالرحمن المشرف
Date: 09-17-2018, 07:16 AM
Parent: #13
ما المسئول بأعلم من السائل يا أحمد يس
|
Post: #15
Title: Re: هل هي ل حمدوك. نافورة حمدوك الأماني الح�
Author: ابراهيم عبد الوهاب
Date: 09-17-2018, 07:43 AM
Parent: #1
افكار حلوة من الممكن لو طبقت تعمل حركة شوية
ولكن طالما الناس ديل موجودين صعب انو الافكار دي تطبق
حضرت محاضرة لحمدوك بتحدث فيها بان كل البرامج الاقتصادية
والخطط التي تم وضعها في السودان لم تطبق او لم يتم الانتهاء من تطبيقها
منذ خروج الانجليزا وحتى الان (يعني مافي برنامج اكتمل تطبيقه)
|
Post: #16
Title: Re: هل هي ل حمدوك. نافورة حمدوك الأماني الح�
Author: اخلاص عبدالرحمن المشرف
Date: 09-17-2018, 07:53 AM
Parent: #15
السلام عليكم استاذ ابراهيم
الخوف علي ما تبقي من السودان ، حاكمين وما شاعرين
بالأرض تهتز من تحت اقدامهم ،السودان الوطن ما شغالين به
نذر العاصفة في سماء البلد كله وهم ولا هناج
|
Post: #17
Title: Re: هل هي ل حمدوك. نافورة حمدوك الأماني الح�
Author: ابراهيم عبد الوهاب
Date: 09-17-2018, 08:28 AM
Parent: #16
عليكم السلام السيدة اخلاص
هم شاعرين وعارفين لكن خايفين من المحاكمات
لذلك مستمرين
الوضع اتدهور وبقي خطير ولازم خلال السنة دي او عام2019 يحصل تغيير
والا سوف يكون هناك كارثة في السودان
الله يستر
|
Post: #18
Title: Re: هل هي ل حمدوك. نافورة حمدوك الأماني الح�
Author: Nasser Amin
Date: 09-17-2018, 10:12 AM
Parent: #17
سلامات دكتورة اخلاص
خطاب الاعتذار التحت لافي في الفيس وواضح انو مفبرك فبركة سيئة
اولاً تاريخ الخطاب قديم
و ثانياً الخطاب مروّس بترويسة الامم المتحدة في شأن شخصي
ما علاقة الامم المتحدة من التعيين أو من عدمه.
(الظاهرة الحمدوكية)
|
Post: #19
Title: Re: هل هي ل حمدوك. نافورة حمدوك الأماني الح�
Author: اخلاص عبدالرحمن المشرف
Date: 09-17-2018, 03:07 PM
Parent: #18
صدقت يا ناصر ، الفبركة واضحة
غلطات إملائية والتاريخ فرق شهر
|
|