Post: #1
Title: حمــدوك ... و لا جوك جوك ...
Author: يحي قباني
Date: 09-14-2018, 10:52 PM
Parent: #0
10:52 PM September, 14 2018 سودانيز اون لاين
يحي قباني-فى الدنيا العجيبة
مكتبتى
رابط مختصر وصلنا الى مرحلة الحياه البرزخية في عدم الشغلة و الاستماتة ...
غبت اليوم لعدة ساعات كشاهد في محكمة عقارية ...
و لم يكن هناك مجال لمتابعة اي شئ عبر الهاتف ...
و بعد 7 ساعات من الانقطاع الاسفيري ...
فتحت الملعون الواتساب ...
فوجدت العجب العجاب ...
كل القروبات همها الشاغل ...
د. حمدوك سافر
د. حمدوك وصل ...
د. حمدوك في مطار الخرطوم ...
د. حمدوك ما وصل حسب افادة حسن باخت ...
د. حمدوك رفض الوزارة ..
د. حمدوك لا .. ما رفض و لكن اعتذر ...
شفت كمية من الصور للدكتور حمدوك ...
و لكن ....
لم ارى اي عصا سحرية في اي يد من يديه الاتنين !!!
بس ...
|
Post: #2
Title: Re: حمــدوك ... و لا جوك جوك ...
Author: امتثال عبدالله
Date: 09-14-2018, 11:09 PM
الرجل يا ود قباني قالوا عنه انه خبير اقتصادي عالمي والجرايد السودانية بتهلل وبتاكد انه فعلا عنده عصا سحرية وسوف يحل مشاكل السودان الاقتصادية كلها في ٦ شهور بدرجة انو المواطن حيضرب تلفون لصاحب المخبز والرغيف يصل عنده جوه بيته خلال ١٠ دقائق فقط ...بس المشكلة الكبيرة الاشاعات بتقول انه اعتذر ورفض المنصب ...لكن الحكومة بتحتس فيه لهسع ..وقالوا احتمال يوافق ..
وعشان كده كل قروبات الواتساب بتتكلم عنه لانه بقى امل السودان الوحيد
|
Post: #3
Title: Re: حمــدوك ... و لا جوك جوك ...
Author: يحي قباني
Date: 09-14-2018, 11:14 PM
Parent: #2
السودان محتاج 35 مليون حمدوك يا بتنا ...
الخراب مننا انحنا ديل ... كل زول فينا داير ليو حمدوك براو عشان ينعدل ...
و اخرتا دايرين نرقد قفا و ننتظر العصاية السحرية ...
|
Post: #4
Title: Re: حمــدوك ... و لا جوك جوك ...
Author: معاوية الزبير
Date: 09-14-2018, 11:17 PM
Parent: #3
الأمر لا يحتاج إلى خبير اقتصادي بل إلى خبير فساد
وهذه الصفة متوافرة وفائضة عند الكيزان.. فلماذا يبحثون خارج منظومتهم؟
|
|