Post: #1
Title: الشرطة تقتل شاب أخر في الخرطوم =توجد صورة للشاب القتيل
Author: زهير عثمان حمد
Date: 09-14-2018, 01:56 PM
01:56 PM September, 14 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر
https://www.0zz0.com
الحادثة حسب مصدر بجوار جامع بلال تمام الساعة 12 مساء. اطلاق عيار نارى على عربة بدون لوحة يركبها شابان أدى إلى إصابة فى ظهر الطالب حسام عبدالله أدت إلى مقتله رابعة نظم معلومات بالكلية الأردنية يسكن الطالب جبرة مربع 19 جوار منزل ندى القلعة . الجثة مازالت الآن بمشرحة الاكاديمى.
المتوفى حسام عبدالله طه فضل الله من قرية نوري الشمالية مات مقتول برصاص الشرطة أصابه رجل شرطة بعيار ناري في ظهره الجثة الآن في مشرحة الأكاديمي
وتم الدفن مقابر حسن الخاتمة الساعة 2
|
Post: #2
Title: Re: الشرطة تقتل شاب أخر في الخرطوم =توجد صورة �
Author: زهير عثمان حمد
Date: 09-14-2018, 02:00 PM
Parent: #1
كلام الشرطة
توضيح
في نقطة ارتكاز بتقاطع البيبسي جبرة بقيادة ضابط .... خاصة بالتفتيش ... رفضت سيارة تسير بسرعة غير قانونية التوقف أمام القوة المرتكزة حيث اتضح ان بداخلها شخصان ولا تحمل لوحات مرورية وبها مخالفة تظليل تمت مطاردتها وبمحاولة تعطيلها باطلاق نار على الاطارات اصيب أحد الشخصين اللذين كانا بداخلها فى ظهره وذلك عند الساعة الثالثة والنصف صباحا ... نسأل الله له الرحمة ولاله الصبر تم ارسال الجثمان المشرحة وقد تولت نيابة الخرطوم الجديدة التحريات .
|
Post: #3
Title: Re: الشرطة تقتل شاب أخر في الخرطوم =توجد صورة �
Author: محمد على طه الملك
Date: 09-14-2018, 02:25 PM
Parent: #2
Quote: كلام الشرطة
توضيح
في نقطة ارتكاز بتقاطع البيبسي جبرة بقيادة ضابط .... خاصة بالتفتيش ... رفضت سيارة تسير بسرعة غير قانونية التوقف أمام القوة المرتكزة حيث اتضح ان بداخلها شخصان ولا تحمل لوحات مرورية وبها مخالفة تظليل تمت مطاردتها وبمحاولة تعطيلها باطلاق نار على الاطارات اصيب أحد الشخصين اللذين كانا بداخلها فى ظهره وذلك عند الساعة الثالثة والنصف صباحا ... نسأل الله له الرحمة ولاله الصبر تم ارسال الجثمان المشرحة وقد تولت نيابة الخرطوم الجديدة التحريات . |
إذا تمت المطاردة فما الداعي لاطلاق الرصاص الحي إذا المطارد لم يبادر بذلك ؟
يعنى حيمشي منهم وين ؟
حتى لو افتراضت حسن النية ..
فهذا التقرير مخجل يكشف عن ضعف مريع في القدرات التأهيلية والتدريبية..
الرحمة والمغفرة للفقيد ..
تحياتي زهير.
|
Post: #4
Title: Re: الشرطة تقتل شاب أخر في الخرطوم =توجد صورة �
Author: Asim Fageary
Date: 09-14-2018, 03:38 PM
Parent: #3
سلام .. كيف الجثة بالمشرحة وتم الدفن ؟!
Quote: المتوفى حسام عبدالله طه فضل الله من قرية نوري الشمالية مات مقتول برصاص الشرطة أصابه رجل شرطة بعيار ناري في ظهره الجثة الآن في مشرحة الأكاديمي
وتم الدفن مقابر حسن الخاتمة الساعة 2 |
|
Post: #5
Title: Re: الشرطة تقتل شاب أخر في الخرطوم =توجد صورة �
Author: امتثال عبدالله
Date: 09-14-2018, 03:51 PM
Parent: #4
يعني القتل في شوارع الخرطوم بقى زي شراب المويه..وكيف رجل شرطة عاوز يطلق النار على لساتك العربية ويصيب شخص داخل العربية ..يعني ما مدرب تدريب عالي في اطلاق النار..وبعدين ما كان في داعي اساسا لاطلاق النار زي ما قال محمد علي طه الملك ...لكن للاسف القانون معطل في السودان ..وكل زول بيعمل على كيفه...والله يا ربي ده مجرد اكشن لتحذير الناس وتخويفهم بان الشرطة مكلفة باطلاق النار فورا لكل من يحاول الخروج للشارع احتجاجا لصفوف الرغيف....
الله يكون في عون السودان ...ويرحم الله الفقيد ويصبر اهله ...فارواح الناس لا قيمة لها في السودان
|
Post: #6
Title: Re: الشرطة تقتل شاب أخر في الخرطوم =توجد صورة �
Author: Frankly
Date: 09-14-2018, 04:14 PM
Parent: #2
هسع الكلام الخارم بارم دا مصدره شنو؟
| Quote: الحادثة حسب مصدر بجوار جامع بلال تمام الساعة 12 مساء. |
| Quote: اصيب أحد الشخصين اللذين كانا بداخلها فى ظهره وذلك عند الساعة الثالثة والنصف صباحا |
| Quote: الجثة الآن في مشرحة الأكاديمي |
| Quote: وتم الدفن مقابر حسن الخاتمة الساعة 2 |
|
Post: #7
Title: Re: الشرطة تقتل شاب أخر في الخرطوم =توجد صورة �
Author: ترهاقا
Date: 09-14-2018, 04:53 PM
Parent: #6
سيارة بدون لوحات
مظللة
رفض الانصياع لاوامر الشرطة
تغمده الله بالرحمة والمغفرة
|
Post: #8
Title: Re: الشرطة تقتل شاب أخر في الخرطوم =توجد صورة �
Author: nour tawir
Date: 09-14-2018, 11:55 PM
Parent: #7
اللهم ارحمه و احسن اليه و اجعل مثواه الجنة...
المفروض تكون مبسوط يا فرانكلى يا بتاع الرصاص فى الرصاص...
مش دا الات دايره ؟
|
|