Post: #1
Title: وردي بخير في برزخه الأخير...
Author: محمد حمزة الحسين
Date: 09-13-2018, 03:41 PM
Parent: #0
03:41 PM September, 13 2018 سودانيز اون لاين
محمد حمزة الحسين-امدرمان- ابوسعد
مكتبتى
رابط مختصر
أمس حلمت وكنت مصلي وتالي اورادي ...
لم يكن محمد عثمان وردي رغم سطوته فناني المفضل ..
ولم تكن أغانيه في مفضلتي ...
ولم أتناول سيرته مع أحد قريباً ...
مجرد سوداني معجب بي ايقونه لها وزنها عندما تأتي المناسبات ...
ورغم ذلك حلمت به بخير ...
اللهم ارحم واغفر لوردي وتقبله قبولاً حسناً...
والي حين عودتي يوم الأحد بإذن الله تعالي بسرد تفاصيل الرؤيا ادعو له بالقبول المغفرة ...
:
:
:
اللهم ارحمه واغفر له وتقبله وانزله منازل الصديقين
فرحمة الله وسعت كل شئ وربما سريرة يداوم عليها المرء فيتقبلها المولي عز وجل فينال القبول وبرحمت الله يكرم مع المكرمين...
:
:
:
مع التحيات لله الزاكيات
|
Post: #2
Title: Re: وردي بخير في برزخه الأخير...
Author: محمد حمزة الحسين
Date: 09-16-2018, 10:45 AM
Parent: #1
| Quote: والي حين عودتي يوم الأحد بإذن الله تعالي بسرد تفاصيل الرؤيا ادعو له بالقبول المغفرة ... |
المرحوم وردي بنفس الملامح الأخيرهـ بعد عودته من زراعة الكُلى ...
لابس جلباب ابيض ذو لياقه (جلابيه ختميه)
ملتحي بلحية شيباء ومسبله يشوبها السواد ...
كان يجلس علي بنبر خشب مسوج بحبل ليف او سعف لكنه قطعاً لم يكن بلاستيك ...
يتوضاء في مرحلة رجله اليمني وانا منتظر نقيم الصلاة ...
صلي معي مأموماً برجل صغير في السن ذو لحية سوداء الصلاة كانت ضهر وعندما صحوت من نومتي كان الوقت نباهـ يا ارحم الراحمين لصلاة الصبح الخميس ...
انتهي الحلم ولي عودهـ
إن شاء الله خير وعلي خير ...
:
:
:
:
:
مع التحيات لله الزاكيات
|
Post: #3
Title: Re: وردي بخير في برزخه الأخير...
Author: Asim Fageary
Date: 09-16-2018, 11:10 AM
Parent: #2
سلام مربع يا محمد الحسين الختمي
تفسير الرؤيا: حنصليك يا فجر الخلاص حاضر .. ونفتح دفتر الأحزان من الأول وللآخر
ونتساءل منو الربحان منو الخاسر ..
|
Post: #4
Title: Re: وردي بخير في برزخه الأخير...
Author: سفيان بشير نابرى
Date: 09-16-2018, 11:17 AM
Parent: #3
حتى وردي في قبره لحقتوهو و عملتو ليهو دقن؟
لاحول ولا قوة الا بالله منكم.
|
Post: #5
Title: Re: وردي بخير في برزخه الأخير...
Author: سيف النصر محي الدين
Date: 09-16-2018, 12:01 PM
Parent: #4
من رأى وردي في المنام فقد رأه.
هنئيا لك يا محمد حمزة..بعد كدي يتبركوا فوقك عديل.
|
Post: #6
Title: Re: وردي بخير في برزخه الأخير...
Author: Ahmed Yassin
Date: 09-16-2018, 01:23 PM
Parent: #5
| Quote: ملتحي بلحية شيباء ومسبله يشوبها السواد |
يمكن صدام حسين
|
Post: #7
Title: Re: وردي بخير في برزخه الأخير...
Author: محمد حمزة الحسين
Date: 09-16-2018, 01:42 PM
Parent: #6
| Quote: سلام مربع يا محمد الحسين الختمي |
أول بالتبادئ ...
رغم ختمية أهل الباوقه بالنسب إلا إنني ما ختمي ...شوف أنا كوز ..كوز كامل الدسم 
بس كمان معتدل وماعندي مصلحه في النضال الهش وطق الكي بورد اللابودي ولا بجيب
ثانياً ...
عاصم فقيري كيفنك يا خوووي
ومعذرة لتأجيل السلام والتحايا ...
| Quote: تفسير الرؤيا: حنصليك يا فجر الخلاص حاضر .. ونفتح دفتر الأحزان من الأول وللآخرونتساءل منو الربحان منو الخاسر .. |
بعدين فجر الخلاص دا بنسمع بيه لينا عقدين مافي عزيمة ورؤية واضحه ...
بالله استعجلوا لينا الحاله بقت صعبا
:
:
:
:
مع التحيات لله الزاكيات
التعديل الأول والثاني فقط لتنسيق الإقتباسات الــــ(quote)
|
Post: #8
Title: Re: وردي بخير في برزخه الأخير...
Author: محمد حمزة الحسين
Date: 09-16-2018, 02:17 PM
Parent: #7
Quote: حتى وردي في قبره لحقتوهو و عملتو ليهو دقن؟
لاحول ولا قوة الا بالله منكم. |
ما طالبني حليفه يا سفيان هذا ما رأيته وقد أكدت في مفتتح المقال عدم اهتمامي بالقامه وردي ...
بعدين موش شوية غريبه اشوفو بي دقن وهو الذي لم يسبل دقناً او يعفي شارباً ...
بيني وبينك الكيزان خطرين جداً جداًههههههههه
ما شايف جائزة الأديب الطيب صالح ...
وردي هم سلف ماقصروا معاهـ حسي منتظرين كابلي دا حايعملوا ليه صنم ...
:
:
:
:
:
مع التحيات لله الزاكيات
|
Post: #9
Title: Re: وردي بخير في برزخه الأخير...
Author: سفيان بشير نابرى
Date: 09-16-2018, 02:21 PM
Parent: #8
| Quote: بيني وبينك الكيزان خطرين جداً جداًههههههههه |
بس حمدوك غلبكم و ختاها ليكم تااااااح
|
Post: #10
Title: Re: وردي بخير في برزخه الأخير...
Author: سيف النصر محي الدين
Date: 09-16-2018, 04:05 PM
Parent: #9
وفِي رواية تااااح ترااااح 😅
|
Post: #11
Title: Re: وردي بخير في برزخه الأخير...
Author: سفيان بشير نابرى
Date: 09-16-2018, 04:11 PM
Parent: #10
| Quote: وفِي رواية تااااح ترااااح 😅 |
يا سيف بالله شفته الناس المستهبلة دي؟
يا كلو 30 سنة و عايزين الدكتور يجي يغسل و سخهم؟!!
معليش يا ود الباوقة على فعل البوست بس استحملنا نحنا مستحملنكم 30 سنة
|
Post: #12
Title: Re: وردي بخير في برزخه الأخير...
Author: محمد محمد قاضي
Date: 09-16-2018, 04:58 PM
Parent: #1
والله الذي لا إله إلا هو أنا برضو قبل أيام شفت وردي في المنام الله يرحمه ويغفر ليه
بس اليوم داك كنت بسمع في أغنية الوصية بصوت الفنان عصام محمد نور
صدفة وأجمل صدفة
تحياتي محمد حمزة وضيوف البوست الكرم
|
Post: #13
Title: Re: وردي بخير في برزخه الأخير...
Author: سفيان بشير نابرى
Date: 09-16-2018, 06:40 PM
Parent: #12
Quote: الفنان عصام محمد نور
صدفة وأجمل صدفة |
اهلا يا محمد محمد لكن ما جهجهته المعلقه ياخ
هسي انا متأكد دكتور سيف بيكون مجحم في الجهاز و بيقلب في المداخلة دي فوق تحت هههههه
|
Post: #14
Title: Re: وردي بخير في برزخه الأخير...
Author: محمد محمد قاضي
Date: 09-16-2018, 08:05 PM
Parent: #1
هلا سوفي المشهور بي سفيان
أرجع النظر مرتين في مداخلتي يرجع ليك النظر
أن كنت أسمع أغنية الوصية بــ (صوت) الفنان عصام
أما صدفة وأجمل صدفة فهو تطابق الأحلام وذلك رغم
إنو وردي كان كوز في منام ود حمزة وفي منامي وردي
كان يا هو وردي بدون رتوش ... زول نضيييييف الله يرحمه
|
Post: #15
Title: Re: وردي بخير في برزخه الأخير...
Author: علي دفع الله
Date: 09-16-2018, 08:09 PM
Parent: #14
وردي واثقين منو لا اكل حق مساكين ولا اتحلل
الحق ناسك الكاملين الدسم 😂😂
ود حمزة شالوم
|
Post: #16
Title: Re: وردي بخير في برزخه الأخير...
Author: سفيان بشير نابرى
Date: 09-16-2018, 08:46 PM
Parent: #14
Quote: هلا سوفي المشهور بي سفيان
أرجع النظر مرتين في مداخلتي يرجع ليك النظر
أن كنت أسمع أغنية الوصية بــ (صوت) الفنان عصام
أما صدفة وأجمل صدفة فهو تطابق الأحلام وذلك رغم
إنو وردي كان كوز في منام ود حمزة وفي منامي وردي
كان يا هو وردي بدون رتوش ... زول نضيييييف الله يرحمه |
حبيبنا محمد محمد أن شاء الله طيب ياخ
الحمد لله النبهتني و الله كنت مجهجه
|
Post: #17
Title: Re: وردي بخير في برزخه الأخير...
Author: محمد حمزة الحسين
Date: 09-17-2018, 11:04 AM
Parent: #16
| Quote: بس حمدوك غلبكم و ختاها ليكم تااااااح |
| Quote: وفِي رواية تااااح ترااااح 😅 |
نستحملكم يا سفيان ودكتور سيف ...
بس كمان الرواية الكيزانيه بتقول الراجل اعتذر بعد شاف تفاصيل الراتب ...
اصلاً هو راتب الوزير ضعيف لكن بعتمد علي حاجات تانيا حامياني 
:
:
:
:
مع التحيات لله الزاكيات
|
Post: #18
Title: Re: وردي بخير في برزخه الأخير...
Author: محمد حمزة الحسين
Date: 09-17-2018, 11:19 AM
Parent: #17
Quote: من رأى وردي في المنام فقد رأه.
هنئيا لك يا محمد حمزة..بعد كدي يتبركوا فوقك عديل. |
يتبركوا عديييل كدا يا دكتور سيف بالله كلم سفيان نابري بكون خاتيني لسع في قائمة الكيزان الشريرين...
وإحتمال يكون مسجلني قدام الكنزي وفرانكلي ...
تعرف يا دكتور من وقت صحيت طوالي قفز لي ذهني موضوع السرائر وما ادراك ما السرائر ...
فلكل منا سريرة أو عمل مخلص لوجه الله تعالي يتقبله المولي عز وجل يكون جواز مرور برحمة الله للفردوس الأعلي ....
فكم من رجل يتوفاهـ الله ولا نعلم له شئ وتظهر بعد موته من جلائل الأعمال وخفيها واصدقها ما يستوجب جنة الرحمن ...
لذا اشتهر بين الناس مقولة :- (اذكروا محاسن موتاكم فإنها موجبة للجنة بقبول شفاعتكم في الميت ) وما حديث وجبة الصحيح الا اوضح دليل لذلك ...
:
:
:
:
:
مع التحيات لله الزاكيات
|
Post: #19
Title: Re: وردي بخير في برزخه الأخير...
Author: محمد حمزة الحسين
Date: 09-17-2018, 11:39 AM
Parent: #18
أحمد يس يا فنان ذاك رجل يشهد له التاريخ ...
ووردي رجل سجل له التاريخ ...
حسيت بيك سرحت بخيالك وقاربت الصورة ....
ربما اللحية المسبله لكن ملامح وردي بعد عملية نقل الكُلي كانت حاضره حتي اللحية المسبله لم تخفي ملامح وجهه الضحوك ...
:
:
:
مع التحيات لله الزاكيات
|
Post: #20
Title: Re: وردي بخير في برزخه الأخير...
Author: محمد حمزة الحسين
Date: 09-17-2018, 11:45 AM
Quote: والله الذي لا إله إلا هو أنا برضو قبل أيام شفت وردي في المنام الله يرحمه ويغفر ليه
بس اليوم داك كنت بسمع في أغنية الوصية بصوت الفنان عصام محمد نور
صدفة وأجمل صدفة
تحياتي محمد حمزة وضيوف البوست الكرم |
الأخ محمد محمد قاضي تسلم للمرور ...
ومقدمة البوست تحكي عن سر الحلم والظروف التي جاء فيها وهذا ما دعاني لمشاركتكم الرؤيا ...
:
:
:
:
:
تقبل الله وردي مع الصادقين المخبتين آميييين
مع التحيات لله الزاكيات
|
Post: #21
Title: Re: وردي بخير في برزخه الأخير...
Author: محمد حمزة الحسين
Date: 09-17-2018, 12:17 PM
Parent: #20
Quote: وردي واثقين منو لا اكل حق مساكين ولا اتحلل
الحق ناسك الكاملين الدسم 😂😂 |
نحسب ذلك ولا نزكي علي الله أحد ولكن نحسبها سرائر الأعمال الخُلَّص لوجه الله تعالي
سلمك الله ود دفع الله ...
:
:
:
:
مع التحيات لله الزاكيات
|
|