أذكر مثل هذه الاغاني كانت تردد زمان ربما في الجلسات الخاصة وخلف الابواب المغلقة .. وعندما إنتشر الكاسيت بصورة كبيرة في السبعينات بدأت الاشرطة تأتي إلينا في أقصى الشمال .. حسب قراءتي المتواضعة أن هذا النوع من الغناء والفن كان له وجود في مجتمعاتنا ولكن في دوائر مغلقة .. وربما في الادب العربي زمان مثل أبيات بشار بن برد لخادمته ( رباب ) : رباب ربة البيت تشوب الخل بالزيت لها عشر دجاجات وديك حسن الصوت
وروايات عن شعراء في الجاهلية
أذكر زمان أغاني كانت تأتينا في أقاصي الشمال فيها كلمات ( الشحم ده .. واللحم ده ) .. أبوالزهايمر يا شيخ
أفتكر أن الموضوع كان نوع من التنفيس والاريحية
حبيبنا أبوسن .. أنا زول تربال اقامتي في المدن كانت محدودة كنا زمان مدرسين في قرى الشمالية ..
البوست سوف يكون رائع لمن يستطيع أن يؤصل لهذا النوع من الغناء ونرجو ذلك لنستفيد ..
مليون تحية .. واصل
Post: #10 Title: Re: ادقشني بي عربيتك Author: عمر التاج Date: 09-13-2018, 02:43 PM Parent: #9
تصدق يا عبد الحفيظ انا ما ماسمعت ببرنامج الصدمة بتاعة الاقتصاد دي ومازلت مصدوم، يعني هو اصلا اقتصادنا مصدوم ومأزوم تاني يصدموه يودوه وين، بعد كده الا تنطبق عليه نكته المسؤول القال تاني ما حانخلي فقير واحد في البلد دي قاموا الفقراء كلهم شردوا وتركوا البلد للمسؤول. قبل قليل قرأت عن الصدمة الراجياكم مايلي:
Quote: إستراتيجية الصدمة او عقيدة الصدمة هو أسلوب للتلاعب تستخدمه الحكومات والإعلام لخصخصة التعليم والمنافع العامة التي يملكها الشعب ورفع الرقابه على الأسواق استجابة لسياسات الرأسمالية العالمية,الجزء الأكثر فاعلية في هذا التلاعب يهدف إلى وضع الناس في حالة صدمة يعاني بعدها الناس من الرهبة وفقد القدرة على الحركة في هذه الحالة يصبحون غير قادرين على التفاعل مع فقدان الحقوق الوحشي الذي قد يتعرضو له نشأت عقيدة الصدمة في الخمسينيات من القرن العشرين في مجال الطب النفسي فقد تعاونت وكالة الاستخبارات الأميركية مع الطبيب النفسي الكندي البارز أيوين كاميرون دونلد أيوين كامرونومولت أبحاثه عن استخدام الصدمة الكهربائية على أدمغة المرضى النفسيين بهدف تحويل أدمغتهم إلى صفحة بيضاء لإعادة كتابة المعلومات الملائمة عليها. كان كاميرون يعتقد أن ثمة عاملين مهمين يتيحان لنا الحفاظ على إدراكنا البيانات الحسية التي ترد لنا باستمرار، والذاكرة. لذلك حاول إلغاء الذاكرة بواسطة الصدمات الكهربائية والمهلوسات، وحاول إلغاء البيانات الحسية بواسطة العزل التام. وهنا نصل إلى طبيب الصدم الاقتصادي ميلتون فريدمان.
تشكر قباني استفسرت لتقديري الشخصي ل نور تاور واستشكل علي الاقتباس
Post: #12 Title: Re: ادقشني بي عربيتك Author: Ahmed Yassin Date: 09-13-2018, 03:02 PM Parent: #10
سواق اللوري ... ود ابوسن ياسايق الفيات يا سايق الفيات عود بي وخد سندة بالدرب التحت تجاه ربوع هندة دا كان لوري الفيات في قافلة من العربات في رحلة صيد على شرف المندوب السامي البريطاني السير (بيرسي لورين) والجماعة : العبادي وسرور وبرهان قرروا يجو بالدرب التحت.. وحصل ما حصل في القصة لكن الداير يصدمنا دا في اكلنا وشرابنا ولبسنا وتعليمنا.!!!!.. هو انحنا زمان اتصدمنا واتقلبنا واتنفشنا
يا علي يا اخوي دة براو وداك براو داك ما كان فاحش بشكل فاحش 😆 كان جرئ وغير مألوف لصراحته وسري هسة راقد في بيتك تسمع الساوند جب جب وكلمات وتعابير تفسد تربيتك لاولادك الفنانة ولا القونة بترتجل كمان
Post: #15 Title: Re: ادقشني بي عربيتك Author: عبدالمنعم الطيب حسن Date: 09-13-2018, 03:57 PM Parent: #14
زمان يا ابسن واحد من شلتنا في الثانوي قال بطنو موجعاهو واحد تاني قال ليهو ارقد علي بطنك انا بعالجك رقد صاحبنا الموجوع علي الجهة البتوجعو جاء الدكتور طاير في ضهرو رد ساخر الشلة مخاطبا الموجوع تستاهل من الله خلقك شفتا ليك حاجة بعالجوها بالقلبة؟ ........ هسع بالله المصدوم اصلا بعالجوا بمزيدا من الصدمة!! ......... صدمة صدمة الليل نعدو،
Post: #16 Title: Re: ادقشني بي عربيتك Author: محمد على طه الملك Date: 09-13-2018, 04:28 PM Parent: #15
شفت المحن البقت علينا؟ لكن يا ها المصطلحات البتشبه الكيزان .. فاهمني ؟؟ على أيام هوس الدفاع الشعبي .. جو الجماعة لى عما لينا قالولو عايزنك للتدريب .. تكل طوريتو واتكى عليها ؤخلف ساقو قال ليهم تدريب شنو ؟ قالولو سلاح . قالهم اسو بيهو شنو؟ ـ تجاهد بيهو .. قال لهم جهاد أكتر من الأنا فيهو دا ؟ ما هو أصلا بعد الرخية الشايفنا فينا دي خليهم يدلدلو كرعينهم .
تشكر عمر التاج من ما سمعتها قلبي اباها . قريت كلام كتير في التصريح حقو . مرقت منو صفر معاك الواحد لكن الصدمة بعرفها . اصلا ما حاجة كويسة . فهي تمنع الادراك أي ادراك وحكاية علم دي ما اظنو علما مفيد . فهم لا يستلفون الا من مزابل التاريخ المنحط في العالم فقدت الثقة فيهم بشكل مطلق . او بالاصح تعززت قناعاتي بسوئهم قبل استلام السلطة لا اري اسما لفضيلة يبتدرونها الا كان وراءها كارثة وفساد تقوم بينا كب تقع بينا رب
يا احمد يسن الماعندو عربية يركب الردمية ترانا كلنا راكبين الردمية زمان صحي يا السايق الفيات ولامن هبطنا سواقنا زينا وحالف ما يدلينا وظبية البص السريع هسة ياهو الغنا دة تعرف ندي القلعة جابوها في احتفالات الدورة المدرسية واخد بالك ؟ الدورة المدرسية عشان تغني للاطفال الطلاب .. وخشت للمسرح بي عربيتها !! عاين النموذج المقدم لهؤلاء الاطفال سلوكا وفنا وبعد دة قبضت خمة قروش
دايما فاهمنى و مبّرد بطنى... أخونا ود ابسن العليهو ما شوية... يعنى لو انا عايشة فى كوستى فى جنس الكلام البجيبه ودا ابسن دا... كان جاتنى ذبحة.. عشان كدا بنمّشى ليه أى حاجة.. و هو بس يتدلل...
ههههههه نهايتها بعد تمكين ووووو جابت ليها صدمه صدمهم قطر ريحنا منهم
Post: #22 Title: Re: ادقشني بي عربيتك Author: حسن حماد محمد Date: 09-14-2018, 00:05 AM Parent: #1
عبدالحفيظ سلامات
شيخ أحمد ياسايق الفيات من أمهات الأغانى السودانية
ابداع في الوصف وروعة في الأداء
Post: #23 Title: Re: ادقشني بي عربيتك Author: عبدالحفيظ ابوسن Date: 09-14-2018, 06:42 AM Parent: #22
يا منعم العربية بتنقلب بي حاجتين سواق سواقتو تعبانة . دة ممكن يسوق في الخلا والصي وبنمرة واحد واتنين . لو ركب الزلط بعمل حادث ولو طلع الردمية بكفيها ولا كرعينها ودركسونها كعبات . يا فك بلية ضراع ولا بلية ركبة او غلبو التحكم في الدركسون
Post: #24 Title: Re: ادقشني بي عربيتك Author: عبدالحفيظ ابوسن Date: 09-14-2018, 06:45 AM Parent: #23
يا ملك الحمار الافنس ركوبو بارد ديل بعد دلدلو كرعينهم بقو يدوبو . الضايق ركوبك من يشوفك يفتر
Post: #25 Title: Re: ادقشني بي عربيتك Author: عبدالحفيظ ابوسن Date: 09-14-2018, 07:36 AM Parent: #24
تشكري ستي نور ولك مكانة في العقل والقلب وانت تعلمين
Post: #26 Title: Re: ادقشني بي عربيتك Author: عبدالحفيظ ابوسن Date: 09-15-2018, 07:13 AM Parent: #25
تراهم من زمان يدقشو فينا يا نجمة صحي حسن حماد من اجمل الاغنيات التي لا تفقد طعمها
Post: #27 Title: Re: ادقشني بي عربيتك Author: Ahmed Yassin Date: 09-15-2018, 11:09 AM Parent: #26
الشيخ/ حسن ود الشيخ حماد ودالشيخ محمد
Quote: شيخ أحمد ياسايق الفيات من أمهات الأغانى السودانية
ابداع في الوصف وروعة في الأداء
انت جبت اللحو .. هو احسن من يؤدي الاغاني من هذه النوعية تعرف يا حسن اديك معلومة صغيرة كدة اللحو وهاشم ميرغني لاو لاحظت هاشم ما بغني باوركسترا .. الموسيقيين عارفين السبب لانه (ما عنده زمن) واللحو برضو (ماعنده زمن) لكن ميزة اللحو انه بطلع وتاني بجي راجع بمقدرة فذة اللحو يا حبيبنا حسن حماد غنى اغنية فاطمة خميس (دمعي اللتشتت غلب اللقاط) بايقاع العشرة بلدي مع ان فاطمة خميس غنتها (تم تم) سايق الفيات فيها كتير من الخيال والوصف البديع جدا والمشوار دا كله وتغيير الدرب عشان يشوفو (حسناء الرماش)
Post: #28 Title: Re: ادقشني بي عربيتك Author: Khalid Abbas Date: 09-15-2018, 11:15 AM Parent: #1
