Post: #1 Title: في أستديو قناة الخرطوم: ضباناي تطير وترك في جكت نائب رئيس قطاع العلاقات الخارجية بالمؤتمر الوطني! Author: Biraima M Adam Date: 09-10-2018, 02:17 AM
الزول أب ضباناي هو: الخبير الاستراتيجي دكتور عز الدين أبو جمال نائب ورئيس قطاع العلاقات الخارجية بالمؤتمر الوطني يقف على كواليس زيارة وفد البارونة كوكس للسودان في حلقة اليوم من برنامج العاشرة صباحا.
تابعوا حوالي الدقيقة 38
الفيديو رفع اليوم الموافق Sep 9, 2018
يا ربي العفانة جاية من وين التى جاءت بالذبابة؟ .. الكلام دا ليش شماته في أحد .. بقدر ما هو بحث عن تطهير وجه السودان الخارجي .. الوساخة والذباب والبعوض حقتنا في داخل بيوتنا .. لكن الأستديوهات يجب أن تنظف ولا تسيئ لناس بحجم هذا الخبير الاستراتيجي .. ولا شنو؟
بريمة
Post: #2 Title: Re: في أستديو قناة الخرطوم: ضباناي تطير وترك ف Author: Biraima M Adam Date: 09-10-2018, 02:22 AM Parent: #1
الضباناي .. ظهرت في الدقيقة 37:50 .. علي كتف اليمنى للخبير الأستراتيجي .. ونزلت تمشي حتى جيب الجكت في الصدر ..
بريمة
Post: #3 Title: Re: في أستديو قناة الخرطوم: ضباناي تطير وترك ف Author: Biraima M Adam Date: 09-10-2018, 02:25 AM Parent: #2
أستديو وسخان .. ألحقوه بالف باف .. وبسرعة.
بريمة
Post: #4 Title: Re: في أستديو قناة الخرطوم: ضباناي تطير وترك ف Author: Elhadi Date: 09-10-2018, 03:08 AM Parent: #3
ضبانة شنو يا زول هو زاتو بدلتو جربانة
أسي دي بدلة يمرق بيها على الناس في التلفزيون ؟؟
مكوة ساي ما عندو ؟؟
يكون الضبانة جاية في جيب البدلة ولقت الاستديو البارد قالت أنمرق نشم لينا شوية هواء :)
Post: #5 Title: Re: في أستديو قناة الخرطوم: ضباناي تطير وترك ف Author: ترهاقا Date: 09-10-2018, 03:34 AM Parent: #4
يبدو أن الذبابة لم تعد تشكل خطورة على صحة الانسان في السودان ـ بصراحة كدة الوضع الصحي ، والثقافة الصحية في السودان اصبحت متدنية جدا، بالله شوفوا الدول الحولنا ، الوساخة الموجودة في الخرطوم وأمدرمان وبحري ما موجودة في أي حتة في العالم يعني حتى وصلت للقنوات الفضائية ، يا شماتة ابلة ظاظا فينا
Post: #7 Title: Re: في أستديو قناة الخرطوم: ضباناي تطير وترك ف Author: Biraima M Adam Date: 09-10-2018, 08:56 AM Parent: #5
ترهاقا،
Quote: يبدو أن الذبابة لم تعد تشكل خطورة على صحة الانسان في السودان ـ بصراحة كدة الوضع الصحي ، والثقافة الصحية في السودان اصبحت متدنية جدا، بالله شوفوا الدول الحولنا ، الوساخة الموجودة في الخرطوم وأمدرمان وبحري ما موجودة في أي حتة في العالم يعني حتى وصلت للقنوات الفضائية ، يا شماتة ابلة ظاظا فينا
أطفالنا الذين زاروا السودان من أمريكا بحكوا عن حاجات ما تصدق عن تكاثر الذباب والبعوض .. وأنتشار القاذورات في الكوش والطرق .. المهم في الأمر الكوش لا تنتقل للأستديوهات ..
مفروض ناس الرقابة يقوموا بدورهم في مراقبة نظافة الأستديوهات وإن لم تكن نظيفة يتم إغلاقها.
بريمة
Post: #6 Title: Re: في أستديو قناة الخرطوم: ضباناي تطير وترك ف Author: Biraima M Adam Date: 09-10-2018, 08:49 AM Parent: #4
الأخ الهادي، سلام ..
Quote: ضبانة شنو يا زول هو زاتو بدلتو جربانة
أسي دي بدلة يمرق بيها على الناس في التلفزيون ؟؟
مكوة ساي ما عندو ؟؟
يكون الضبانة جاية في جيب البدلة ولقت الاستديو البارد قالت أنمرق نشم لينا شوية هواء
مظهر الرجل شيئ أخر، ممكن يكون من أصحاب التغشف ... لكن ظهور ذبابة في استديو يعنى حال الأستديو لا يسر .. وبعدين شوف الأستديو مثل مكان الترزي في سوق البوستة في أم درمان ..
بريمة
Post: #8 Title: Re: في أستديو قناة الخرطوم: ضباناي تطير وترك ف Author: علي عبدالوهاب عثمان Date: 09-10-2018, 09:59 AM Parent: #6
حبيبنا بريمة .. مودتي .. مرات يا حبيبنا بريمة تجد الضبان في المحلات النظيفة كمان الضيان بحب العطر الجميل ويمكن كل الحشرات تحب العطر الجميل والطعم الحلو .. (ههه ) أحياناً تجد الذباب مع الزهور والورد وبحب السكريات يمكن الاخ كان بعطر باريسي .. العاصمة فيها أرتال من القمامة ومستحيل علاجها .. مسئولية الدولة أولاً ثم سلوكيات الناس
شفت قصة الرئيس أوباما مع الحشرة في لقاء تلفزيوني .. لكن أوباما حريف إصطاد الحشرة في ثواني ..