اخلاص كيفنك الايفون بيعدل الكلمة الصاح ويكتبه خطا ..وانا بعدل الكلمة خمسة مرات عشان بتكتب صاح..اظن ود المدير وصل عطبرة وضربت تلفون لبسمات قبل ما تجي باكر تمشي تفتقده وتشوف اخباره شنو .. ود ابو سن : .زيت السمسم للفول بالجبنة والطعمية ما للصلعة ...
معقولة مطار الخرطوم بقى فخم كده ...السنة الفاتت دي انا كنت هناك وما شفت الفخامة دي...ما شاء الله بعد ده نفتخر بأن مطار الخرطوم أصبح ينافس مطارات العالم ...
الحمدلله على القميص الكاروهات لو كان دلدل ليه كرفتة كان شكينا انه المنافي 2
Post: #45 Title: Re: معاوية المدير Author: عبدالمنعم الطيب حسن Date: 09-06-2018, 04:09 AM Parent: #44
لماح لكن يا منتصر بالانجليزي ............ القمصان الكاروهات دي رجعت للموضة تاني ول شنو في الخليج الموضة الان الكرمبلين السادة كم هو واضح عند صديقي معاوية الزبير ......... ولصديقي معاوية المدير الف سلام لا شك انه الان في قمة نشوته في عطبرة ونسايما الحلوة مع الخريف الحريف دا؛
Post: #47 Title: Re: معاوية المدير Author: عبدالمنعم الطيب حسن Date: 09-06-2018, 04:48 AM Parent: #44
Post: #49 Title: Re: معاوية المدير Author: عبدالمنعم الطيب حسن Date: 09-06-2018, 04:58 AM Parent: #44
مكرر
Post: #46 Title: Re: معاوية المدير Author: محمد حيدر المشرف Date: 09-06-2018, 04:23 AM Parent: #1
Quote: هسي أرد على سؤالك كيف مع ود المشرف صاحب البطل ده؟!
على شاطى نهر عطبرة الجميلة الداخلة بلد ما رايت ليها مثيلا ..يغنيها الحسناوات فخرا بمدينتهم و فرحا بود المدير اجازة طيبة يا حبيب و التحايا لكم جميعا و لهذا التواصل النبيل و يارب اجمعنا دائما بخير و ع خير مودتى و تقديرى
Quote: على شاطى نهر عطبرة الجميلة الداخلة بلد ما رايت ليها مثيلا ..يغنيها الحسناوات فخرا بمدينتهم و فرحا بود المدير اجازة طيبة يا حبيب و التحايا لكم جميعا و لهذا التواصل النبيل و يارب اجمعنا دائما بخير و ع خير مودتى و تقديرى
محمد بدر الدين يا جميل ...
انت قايل عطبره و بربر زي محلاتنا الفوق ديك ...
يمين عجاجة و تراب بس مافي اي شي تاني ...هههه
تنوم في الحوش ... الصباح التراب تلقاو تحت جفونك ...
قباني يا راقي يا حبيب و لتراب اتبرا ذكريات و حكاوى ذاك الغبار الناعم الذي يتسلل اليك كأنها خجلي و لت و لترفق بك و تغطيك من الباعوض و ما شابه و ربمامن اعين الناس ايضا .... صحينا الصباح و خالتي تقول منو حميدي و منو حمودي حميدى اسمي ف الاسرة و حمودي ابنها كدة زحوا من الغبار منهم بالرطانة كلامها مضحك و لذيذ كلذة غبارهم و تمسكهم بك اتبرا.. عطبره.. اقبرا.. رائعة.. جميلة.. طاعمة و مودتي و تقديري
Post: #57 Title: Re: معاوية المدير Author: محمد على طه الملك Date: 09-06-2018, 10:25 PM Parent: #55
تحياتي يا دكتورة .. هسه الجنى دا مو هفتان ؟ في زول بمشي اجازة في ظروف المجاعة دي ؟ إلا أنا عارفو ماشي كايس شنو ؟ ما عندو حل غير يقع القعب عندنا هناك كان ما باعوها للألمان .. رمال صفراااااا يندفن فيها يومين يصفي الرطوبة الملت عضامة .. معاوية الزبير ماشاء الله العمرة طلعت كدا.
سمعت وقبل ما اسافر اليوم من امتثال انه في سيرة اتبرا في بوست عن ود اتبرا ود المدير... ..اولا ود بدر الدين يا راقي يا زولا سمح وكلك فهم وذوق وناس اتبرا كلهم يحيوك ويقولوا ليك انت عطبراوي اصيل وكان ما من اتبرا انت عضو شرف... ..يا ود قباني كل سنة وانت طيب ...عطبرة خط أحمر...ولا عاوزنا نقبل على ام درمان بلدكم ونعمل المقارنة....وش ضاحك ....الكلام في عطبرة بتفقع المرارة ...وخلو ود المدير يحي يحكي ليكم بعد ما يرجع .ودمتم بالف خير وصحة وعافية ...
الجميلة بسمات كيفك حب ناس أتبرأ ليها عجيب الفنان الشهير حسن خليفة العطبواوي خير مثال ود المدير كان عندو بوست عن عطبرة السكة حديد ونظامها المتكامل مضرب مثل اسع كلو بقي للخلف سائر
مودتي
Post: #69 Title: Re: معاوية المدير Author: محمد حيدر المشرف Date: 09-07-2018, 10:07 AM Parent: #1
تحركت النسمة بسمات من الخرطوم إلى نيويورك عن طريق الدوحة ...وان شاء الله تصل بالسلامة ونسمع منها شئ عن عطبرة البشكروا فيها العطبراويين ..بس ما تجينا مليانة غبار ... ويمكن معاوية ود المدير قاعد في الخرطوم وخايف يصل عطبرة أيام الكتاحة ...
خال فاطمة وانت شفت حاجة أظنك ما قريت بوست ابن عطبرة الهادي ود الشغيل وتعليقات بسمات على البوست وكذلك تعليقات جهابذة كتاب المنبر ومنهم ابو جهينة وود المدير !!وأظنك ما سمعت اغنية نسايم عطبرة الحلوة ...تقول هسع تسافر عطبرة وتقضي فيها الإجازة...ولكنني معجبة بوفاء أهل عطبرة لمدينتهم .. مع فائق التقدير
Quote: وأظنك ما سمعت اغنية نسايم عطبرة الحلوة ...تقول هسع تسافر عطبرة وتقضي فيها الإجازة...
عطبرة حبينها سمعا نسائم عطبرة الحلوة .. ككسلا حبيت عشانك كسلا والأبيض مكتول هواك يا كردفان .. وبورتسودان عروس البحر ياحورية بورسودان يا حنية ... مدن حبينها سمعا .. عرفنا مدن الغربة أكثر من مدن بلدنا ... الاحتمال طلعنا قبل الإنقاذ هههههه
الزول إتأخر في الخرطوم لأنو شايل وصاية كتيرة من ضمنها ادوية شي حبوب شي بخاخات و شي مسوح دا سبب تأخيرو في الخرطوم الزول هميم و الادوية مهمة لازم يوصلها بي نفسو و لا ما كدا يا ود الزبير و ابو سن .... ؟؟؟؟
الأعزاء الرائعين الاستاذ خال فاطمة الاستاذ عمر دهب مولانا محمد علي طه الملك الاستاذ Mohammed Elshlekh الاستاذ يحي قباني الاستاذ Abuhussein العزيز محمد حيدر الاستاذ جلالدونا الرائعتين امتثال وتماضر سعيدة بمروركم