يا Osman Musa هل أتاك نبأ البزنس ڤيرا السعودية للأمريكان؟!

08:28 AM September, 05 2018

سودانيز اون لاين
النذير حجازي-بلاد الله الواسعة دي، كل شهر في بلد
مكتبتى
رابط مختصر

طبعا اختصاص حبيبنا الجميل عثمان موسى
نقل المعلومات الخافية عن البعض، علشان
كدا عنونت البوست باسمه، ولكن هو لجميع
السودانيين الأمريكان الذين يودون العمل
في مملكة الخير.
دي ڤيزا جديدة اسمها البزنس ڤيزا وهي تأشيرة
متعددة لمدة خمس سنوات قابلة للتجديد
شروطها سهلة جداً
واحد: أن تكون مواطن أمريكي
اتنين: أن تكون حاصل على شهادة جامعية من اي مكان
تلاتة: رسوم مائة دولار بس

ميزتها أن تقيم وتعمل بالمملكة
دون الحوجة لكفيل، وكذلك
التنقل في العمل من شركة لأخرى
وايضا دون الحوجة الى تأشيرة
خروج وعودة، وكذلك الإعفاء من الضرائب
الشهرية للمقيمين.

يا ابو الريش بالعربي تقول لي بطاقة دائمة قطرية؟
هههههههه

عزيزنا الاخ النذير سلامات
يازوول انت جادي ؟
الكلام ده مية مية ؟ وبي فد 100 دولار ؟
والله لو ساهلة يكون جميل . و سهولة الحركة اكيد بتسهل معايش الناس .
الف شكر. ونشوفك في سوق باب شريف .

الكلام دا حقيقة وما جديد .. قديم حسب التوقيت اللي أنا عرفته فيهو ليهو حوالي 5 سنوات ويمكن يكون قبل كدا لكن أول حالة أنا شفتها بتتمتع بهذه الفيزا كانت قبل خمس سنوات

سلام النذير وعثمان موسى وعاصم فقيري

وهل صاحب هذه الڤيزا يكون معفيا من الرسوم بتاعة المرافقين وبقية الرسوم التي جعلت كثيرا من السودانيين يخرجون من السعودية؟

ياسر

الأعزاء،
عثمان
عاصم
د. ياسر
يا عثمان الكلام دا أكيد، بعرف كم واحد عندو،
وزي ما قال عاصم الڤيزا دي تقريبا منذ سنة 2011
لكن في الآونة الأخيرة بقت ظاهرة،
والڤيزا المفضلة للأمريكان، حتى لو الواحد عندو عقد
بفضل البزنس ڤيزا، لأنها تعفيه من مشاكل كتيرة
من مشاكل المقيمين، وسريعة ايضا
ولا تحتاج لكشف طبي أو توثيق شهادات
او الإجراءات المعقدة.

حبيبنا د. ياسر، لا هو ولا المرافقين يدفعوا هللة واحدة،
حتى الراتب ينزل في حسابه في أمريكا، لكن من عيوبها:
المرافقين ما بقدروا يدخلوا المدارس
لا يستطيع فتح حساب بنكي في المملكة
لا يستطيع امتلاك سيارة في المملكة

الاخوة الاعزاء
الفيزاء دي لا تصلح الا لرجل اعمال بالجد
لا عمرة ولا حج ولا عربية ولا خط تلفون وسخيفة جدا تدخل وتطلع كل تلاتة شهور
وماف حاجة اسمها بنزلو المرتب ف بلد صاحب الجواز بدوهو كاش لو اشتغل
والمرافقين برضو فيها انَ واخواتها . ممكن عادي م يدوهم .
لو اي صاحب عمل عرض عليك الفيزاء دي م تقبلو بيها .
الامريكان بحبوها لانهم بتاعين فوضى ( بتسمح ليهم يمشو دبي والبحرين يتصرمحو ويرجعو ) لكن فيزاء غير عملية الا لصاحب بزنس بث.

سلام يا عزيزنا أسامة،
الشئ المتأكد منو أنها ستة شهور،
وبعديها يطلع ويعود في نفس اليوم،
وليست ثلاثة أشهر كما ذكرت،
وبرضو التلفون والعربية مقدور عليها،
لأن الشركة ستوفرهما،
وبرضو مافي شيء بمنع الحج والعمرة،
أما موضوع الراتب ما متأكد منو،
لكن الشركة لو عندها فرع في امريكا
ممن راتبه ينزل من خلالها في امريكا،
وبإمكانه استعمال الصراف الآلي
لسحب فلوس من حسابه في امريكا،
وأغلب الأمريكان في الخليج ما بجيبوا اسرهم،
ولا بحبوا يسوقوا سيارات في الخليج.
ونقطة أخيرة يا أسامة، اسم بزنس ما مقصود بها
معنى حرفي للبزنس ورجال الأعمال،
مقصود بيها انها أعلى درجات الڤيز،
زي حكاية تذكرة السفر البزنس،
فهي أعلى مرتبة من الدرجة الأقتصادية،
يعني مجرد اسم ، فهي تعتبر VIP

الاخ النذير
تحية طيبة
المعلومات الكتبتها فوق لانو انا مريت بالتجربة دي شخصيا
قاعد تسعة شهور ف السعودية بالفيزاء دي لحدي شهر خمسة الفات
ولو م كنت سنير وبعرف سودانيين قرايبي بالتحديد كنت اتبهدلت .
للاسف كل الكلام الكتبتو انا انطبق علي وعلى المجموعة الكنت مشرف عليها.

للاسف بزنس ليست اعلى درجات الفيزاء ولو حاولو يقنعونا بيه بالقوة
الا يكون غيرو القوانين بعد شهر خمسة May2018
تحياتي
لك الود

عزيزي أسامة،
شكرا لك، واهلنا بقولوا
اسأل مجرب ولا تسال طبيب،
الكويس يا اسامة الزول بقدر يعدلها في اي لحظة
كحالتك، وبرضو كويسة من ناحية
السرعة لا كشف طبي ولا توثيق شهادات،
وللزول العايز يستكشف البلد قبل اتخاذ
قرار الإقامة.
ياريت تظل معنا في هذا البوست للجواب
عن أسئلة المستفسرين،
في إخوة استفسروا عن
هل هذه الڤيزا للأمريكان فقط
أم لجميع جنسيات العالم؟
في شباب بجنسية سودانية
بسألوا

حاملو الجوازات الاجنبية من اصول سودانية يخصعون لاجراءات خاصة في منحةالفيزا بسبب مشاكل سابقة حصلت من بعضهم اساؤوا استغلال الفيزا لغير غرضها

التاشيرة مفيدة جدا مدتها ٥ سنوات متعددة مدة الاقامة ٦ شهور في كل زيارة لا يحق له الحج و العمره .