Post: #2 Title: Re: وساعات البلد Author: اخلاص عبدالرحمن المشرف Date: 09-04-2018, 09:16 AM Parent: #1
السودان البلد ال كان واحد ماقد كان عرف وما سيكون نحن من نكتب وقائعه ج سودان تتقاتل قبائله سودان تتوقف التنمية فيه والبترول في بطن جنوبه السابق لا بجد من يخرجه بنيه يحملون جوازاتهم يبحثون عن ملجآ أو منفي وأرضه يفلحها الأجنبي لمصلحته رئيس حين يرجع من سفر نتنفس الصعداء وزراءه يجعرون بالبكاء حين المغادرة وساعات البلد ضاقت ووساعات الصدور ضاقت
Post: #3 Title: Re: وساعات البلد Author: اخلاص عبدالرحمن المشرف Date: 09-04-2018, 10:01 AM Parent: #2
مليون ميل كانت الان شئ لا هو مربع لا مثلث صديري كان كامل الهندام ممتلئ وسامة عصايتك الأبنوس تهش بها بهمك تصدر وتآكل جروفك بالخير دافقه خضر وفواكه وجنات تجري من تحتها الخيران تملأ الوديان صرنا نستجدي ويمنعونا فترنا وضاقت اخلاقنا اما احلامنا تلبت بالليل
Post: #4 Title: Re: وساعات البلد Author: اخلاص عبدالرحمن المشرف Date: 09-04-2018, 10:57 AM Parent: #3
بلدنا دي بلد نبي الله الخضر الموسويون كثر ناس العين بالعين والسن بالسن ملأوا البلاد حروب وساعت البلد ضاقت من مليون ميل ل عدد لم نستطع له حفظآ من منكم يحفظه كم مساحة السودان الان وكم ستصير في غدٍ
Post: #5 Title: Re: وساعات البلد Author: اخلاص عبدالرحمن المشرف Date: 09-04-2018, 11:24 AM Parent: #4
وساعات البلد ضاقت علي زولاً طفحبو الكيل مساحات الارض ضاعت بعد ما كانوا مليون ميل بلد فيها السلع طارت عدا البركاوي والقُنديل قدر ما جاهد المسكين غالبو يضاهي أسعار ديل عيون فيها الدموع حارت مرقرقي ماها قادري تسيل بقينا نَكلكِلْ الدمعات بعد كان الضحك كِلكيل لكن نحن نستاهل غلبنا نعد رباط الخيل حصان خلقوهو للغارات معلق في الكوارو ذليل تعال يا أيها الفارس تعال نكرم مياه النيل اذا كان البرد قارس أخير العوم من البلبيل تعال قول ليَّ بالواضح بقي اللعوج نشوفو عديل إذا كان النهار فاضح تعال نسلك دروب الليل سواقينا الزمان كانت تغربل في الظروف غربيل تشيل الليل دمع هاطل ولا جالون ولا برميل لا إسبير بيشغل بالنا ولا زولاً علينا كفيل براهو المولي ساتر حالنا ما طال بنوفي الكيل قبلناك يادهر عابس مع الوجع الطريقو طويل حملناك والظلام دامس نعزل فى الدروب عزيل هجرنا خلاص غناوي الريد بعد رحلت جمال الشيل بعد روحت ياحميد رخيت حِملاً علينا تقيل
Quote: مليون ميل كانت الان شئ لا هو مربع لا مثلث صديري كان كامل الهندام ممتلئ وسامة
كلما نظرت لخارطة السودان الحالية أتذكر قصة سيدنا موسى (.. قالَ رَبِّ أَرِنِي أَنظُر إليك، قال لن تراني ولكن انظر إلى الجبل فإِن استقرَّ مكانَهُ فسوف تراني فلمَّا تجَلَّىٰ رَبُّهُ للجبَلِ جَعَلَهُ دَكًّا وَخَرَّ موسى صَعِقًا فلمَّا أَفَاقَ قال سبحانكَ تُبْتُ إليْكَ وأَنا أول المؤمنين ) وأفكر أنه عندما يعجز البشر عن فهم ما حلّ بهم من مصائب يقوم الله بتمثيل الواقع بالطبيعة.. ولكن هيهات يفهمون --- مجرد فكرة ربما ليس مكانها المناسب
التشبيه مطابق يا استاذ معاوية السودان البهدلة ال حصلت له هي ك دك الجبل خرطة لو قالو لهم شرتموها ما ح يقدروا يسوو اكتر من كده ويا ريت علي شرتكت الخريطة ، بهدلوا البشر