توقيف شاب متهم باغتصاب جدته

شوفو البلد دي وصلت وين .. دا خبر نزل في صحيفة السوداني اليوم .... 😢😢😢 ..توقيف شاب متهم باغتصاب جدته
..............................
أوقفت شرطة ولاية النيل الأزرق شاباً في الثامنة عشر من عمر اتهمته باغتصاب جدته البالغة 75 عاماً ، وطبقاً للمصادر فإن الجدة أول أمس حضرت في زيادة لأسرة حفيدها وذلك بمنطقة الروصيرص ووقتها كان جميع أفراد العائلة خارج المنزل ووجدت المتهم الذي كان يمكث وحيداً بالمنزل فاعترض جدته وقاومها وقام باغتصابها بطريقة وحشية ، ما أدي لإصابتها إصابات بالغة استدعت نقلها للمستشفى وحجز ها العلاج .
وطبقاً لمصادر طبية فإن الجدة بحالة خطرة وأصيبت بجراح وتهتك بالمهبل ، ما أدى لنزيف حاد وبحسب صحيفة السوداني ، وكانت الجدة قد أطلقت صرخات استغاثة ليتم ضبط المهتم وإبلاغ الشرطة التي هبت لموقع الحادث وأسعفت الجدة للمستشفى ودونت بلاغاً في مواجهة الشاب .

غايتو لو الخبر صحيح السودان فاتحة عمر ياسين الامام شوية فيه

غايتو لو الخبر صحيح السودان فاتحة عمر ياسين الامام شوية

سلام ياباشمهندس

اذا صح الخبر لابد أن الشاب مريض

دا مرض شنو يا اخوى يا حسن البخلى الواحد يعملها مع حبوبته

غايتو زمان كان فى حلتنا مجانين و مجرمين و بتاعين مخدرات و .....ما سمعنا يوم واحد عمل ليه حاجة مثل الحاجات التى نسمعها هذه الايام
شى عجيب ما تسمعه و تقراءه هذه الايام

سلام بكرى غايتو الحكاية دى فيها ان وبعدين كل ناس البيت يكونوا خارج
البيت وعارفين جدتهم جاية غايتو ربنا يكضب الشينة

شى عجيب ما تسمعه و تقراءه هذه الايام

ربما تحتاج لتفكير عميق لتفهم مايحدث

نسال الله السلامة

غايتو اذا كان الخبر ده صاح والحصل حصل..ونؤكد بما لا يدع مجالا للشك ان على السودان السلام...قرأنا الكثير عن الجرائم الفظيعة والمخيفة والمرعبة التي حصلت في السودان ولكن هذه الجريمة البشعة افظعها وابشعها ...والله يكضب الشينة ونقرا نفي الخبر في نفس الصحيفة

تحياتي بكري
وضيوفه
هل حدثت في امريكا سابقا مثل هذه الحادثة او اسوأ منها ؟

جريمة مركبة ،زنا محارم ، اعتداء علي مسن ، الاحتمالات
من مخدرات للجنون واردة
يا رب يكون مخدرات وجنون لان الباقي بشع
بشع

كل من حاويات الترامدول وحبوب الهلوسة
البتخش بالميناء تووووش

السلام عليكم
من الخلعة نسينا نسلم

الأقرب هي المخدرات
زي ما فأل ود دفع الله الحاويات تدخل توووش
طبيعة الجريمة تدل علي فقدان الإدراك الناتج
عن التخدير

لا حول ولا قوة الا بالله


نسأل الله السلامة . . . وسرعة الجري

تحياتي للجميع

Quote: تحياتي بكري وضيوفه هل حدثت في امريكا سابقا مثل هذه الحادثة او اسوأ منها ؟

حبيبنا ود ابو سن كيفك و كيف ناس كوستى و صديقى العزيز عاطف ابراهيم

اخر جريمة من هذا النوع هزت امريكا.... حصلت قبل عام و قام بها الطبيب لارى ناصر Larry Nassar و هو طبيب كان يشرف على علاج البنات القاصرات المختارات للعب فى الالعاب الاولمبية و هو كان يتلذذ بهتك غشاء البكارة لتلك البنات القاصرات وبقول ليهم "هذا نوع من انواع العلاج" لالام الظهر الذى كانوا بعانوا منه

حكم عليه ب ٧٥ سنة بطلب من البنات القاصرات بعد ان كان حكم القاضى باعدامه لكن البنات اختاروا له السجن للعذاب و التاديب بالاضافة الى انهم يعرفون ماذا سوف يحصل له فى السجن.......العرس.....العرس

الجرائم دى بتحصل بس الإعلام بعيد عنها والغالب يكون السبب الخمر
فى إحدى مدن شرق السودان كان عندنا بلاغ واحد إغتصب خالتو أخت امو وخت ليها السيف فى رقبتا وسكران
تقريبا كان البلاغ فى 2008

لاحظوا مسرح الحادث الروصيرص وليس الخرطوم

حبوب المخدرات لو بتصل لحدى الروصيرص معناتها إنتشار واسع !

فى النهاية الشى الإغتصب مراة عمرها 75 سنة دا حيوان وعقله غير سليم

الخبر لافي تويتر
للاسف احتمالية صحتو كبيره
خمسة وسبعين سنة الجدة
والود عمرو تمنطاشر
قبلو بيومين كان خبر بت الابيض طفله صغيرة ووحيدة امها وابوها
البلد داك اسلم حاجة شيل عيالك واتخارج بي تاشيرة بي بحر بي جن ازرق المهم المخارجة
الله يكون في عون الناس امس في جلسة واحد بتكلم عن قريبو دكتور في مشفى خاص بعمل لي مريض في عملية ومجهزين جنريتر كهرباء للطوارئ المهم قطعت الكهربا طوالي شغلو الجنريتر وللاسف الكهرباء مااشتغلت الحمد لله انو العملية كانت في خواتيما وتموها بي جوالات اها الفلم وين اتبعو خط سير الكهرباء لقو في حتة زي مترين كده الكيبل مكشوف فيها قصووهو وسرقو

تحياتى الحبيب الباشمهندس بكرى ابو بكر ..

لا حول و لا قوة الا بالله العالى العظيم ..

حسبنا الله و نعم الوكيل ..

واضح ان الخبر صحيح .. و بالتالى لا امك الا ان اقول .. انا لله و انا اليه راجعون ..

تحياتي الأخ بكري والمتداخلين

هذه إن صدقت ، تؤرخ لظهارة فارقة في سلوكيات السودانيين من نوعها!


تبدو الجريمة قد سبقت الخيال بمراحل

حسبنا الله ونعم الوكيل

سودان الكيزان فيهو انهيار اخلاقي مريع .. العندو طريقة يتخارج باسرته فالوضع بلغ من السوء درجة مخيفة جدا حيث لا وازع و30 سنة من حكم الاسلاميين أخذ في طريقه كل شيء

العولمة
نمط الحياة الامريكي بخيره وشره في واقع غير مستعد لتلقيه او المنافسة معدومة تماما
عندنا الجاكوزي وحمامات السباحة .. وعندنا العربات الفخمة والبودي قار . وحفلات الميلاد ذات الصرف والبهرجة وحفلات الزواج الاسطورية واليخت الرئاسي
وعندنا البيتزا والهوت دوق والاكل السريع
والجامعات والمستشفيات والمدارس الفاخرة
والعصابات المنظمة ذات الطابع الرسمي مافيا
و
و
فلازم يجي معاها غطاها السلوكي والاخلاقي
الانتهازية والوصولوية وبشكل اكثر تشويها فالقميص لايناسبنا وغير مستعدين له
وبالضرورة جرائمه
المخدرات وجرائم المدمنين
ف شنو يا بكري
زي ما طفل لا يتعدي الخمسة سنوات يغتصب كمان ممكن يكون في جدة ولا جد يغتصب
هذه السلطة تنحدر بالوطن للحضيض

ود ابو سن
لم نسمع أو نقرأ في صحف امريكا ان جريمة بهذا البشاعة قد حصلت في اي مدينة في امريكا على الرغم من انتشار المخدرات في بعض المدن الأمريكية...

في انحراف جنسي معروف يطلق عليه Gerontophilia اي عشق المسنين احتمال كبير
ان يكون هذا المجرم مصابا به.
الاعتداء الجنسي على النساء المسنات يحدث في امريكا وغير امريكا، هنا في المدينة
التي اسكن فيها اعتدى شخص على مسنتين على الأقل أعمارهما فوق الثمانين عندما
قام بالتسلل عدة مرات لبعض دور المسنين وقد تم التعرف عليه عن طريق كاميرات المراقبة
ويعتقد ان عدد ضحاياه قد يكون اكبر ولا يقتصر فقط على الحالتين المبلغ عنهما.

العنف المصاحب يجعل المخدرات اقرب

اها يا امتثال رايك شنو في كلام د. سيف النصر ؟
مع اني شفتها في الافلام
وقالوا الافلام الامريكية تمثل الواقع

في الزمن العلينا ده كل شيء أصبح وارد ..
نسأل الله السلامة والعافية ..

أعوذ بالله من غضب الله

ده إنحدار مريع في الأخلاق.

الوضع لا يحتمل

استاذ بكرى ابوبكر
كل سنة وانت طيب لا اصدق هذا الخبر الا اذا كان المتهم فى حالة عدم الوعي 0.. لك التحية

العزيز القاضي ..
حمد لله على سلامتك اخي، وفقدناك والله، أتمنى أن تكون بألف خير..

باشمهندس بكري سلام ولضيوفك الاحترام..
أيا كان عذر ولدنا دا.. مخدرات..طشمة..حبوب.. نتمنى تشديد العقوبة القصوى جدا..
فالضحية هنا "حبوبة".. ولا حول ولا قوة إلا بالله..

مرحب بالجميع. احيانا إعلامنا يضخم الأحداث لغرض زيادة التوزيع (محاولة لعدم التصديق واعمالا بمقولة كلام جرايد). في إحدى الدول، ظهرت أعراض الحمل على إحدى الأرامل. واتضح بعد التحري ان الفاعل ابنها. حيث كان يضع لها المخدر في الشاي ويمارس فعلته عندما تغيب عن الوعي. نحيا كتير نشوف ونسمع كتير. حسبنا الله ونعم الوكيل.

ود ابو سن
انا بتكلم عن حادث اغتصاب ارتكبه شخص لحبوبته ...جدته ....رمز الحنان والمحبة...وسيف النصر بتكلم عن مجرمين يفعلون مثل هذا الاغتصاب يوميا في امريكا ...لكن ما سمعنا واحد أمريكي حتى ولو مدمن مخدرات اغتصب حبوبته ...

الاخ العزيز بكري سلامات
شدة سهولة الحصول علي المخدرات تخلي الواحد يصدق الخبر .
وبي جاي تقول عدم السيولة وبوران الصحف هو البخلي الصحف تكتب
ساكت .

Quote: لم نسمع أو نقرأ في صحف امريكا ان جريمة بهذا البشاعة قد حصلت في اي مدينة في امريكا على الرغم من انتشار المخدرات في بعض المدن الأمريكية...

.
امريكا ليست كامله لتكون مقياس بل واغلب الشائع لدينا من مثل هذه الانحرافات تسرب من الغرب
صناعه البورنو الان اصبح من الشائع فيها ( incest ,milf, swingers. ) مما جعل الشباب يستسيغ هذه المفاهيم الدخيله.وبالمناسبه سوق هذه الافلام رائج جدا بل وراج ايضا افلام سودانيه(homemade) بالتعبير الغربى وقضيه صاحب صفحه سوق المتعه فى الفيس والواتساب ليست ببعيده عن الاسماع. والادهى اصبح هناك منتديات باللغه العربيه تروج ليس للافلام وانما للقصص وتلقى القصص الميول المنخرفه للامثله اعلاه متابعه وتفاعل عالى.
مثلا مصطلح (خاله) بمعناه السالب لااظنه الا نوع من التعريب ل( milf )وهى الحروف الاولى من كلمات جمله تعطى نفس المعنى..
.
الشباب فى مجتمعنا يعانى من ازمات كثيره بفعل الوضع القائم فى البلد. بعضهم يقاتل للافضل وبعضهم استسلم للضياع والبحث عن بدائل متوهمه كالمخدرات والغرق فى التعاطى مع الفاسد من مايتيحه فضاء الاسفيرى من اضطلاع على الصالح والطالح دون وقايه اخلاقيه وثقافيه مستمده من قيمنا السودانيه والسبب تدهور التعليم والتشوهات الاجتماعيه فى ال30 عام الاخيره..
.
تحياتى لصاحب البوست وزواره

انا لله و انا اليه راجعون...
لم يبق فى السودان شئ...
و لم يبق لنا شئ نقوله...

خلص الكلام....

للاسف الخبر صحيح

Quote: العولمة نمط الحياة الامريكي بخيره وشره في واقع غير مستعد لتلقيه او المنافسة معدومة تماماعندنا الجاكوزي وحمامات السباحة .. وعندنا العربات الفخمة والبودي قار . وحفلات الميلاد ذات الصرف والبهرجة وحفلات الزواج الاسطورية واليخت الرئاسيوعندنا البيتزا والهوت دوق والاكل السريعوالجامعات والمستشفيات والمدارس الفاخرة والعصابات المنظمة ذات الطابع الرسمي مافياووفلازم يجي معاها غطاها السلوكي والاخلاقي الانتهازية والوصولوية وبشكل اكثر تشويها فالقميص لايناسبنا وغير مستعدين لهوبالضرورة جرائمهالمخدرات وجرائم المدمنينف شنو يا بكريزي ما طفل لا يتعدي الخمسة سنوات يغتصب كمان ممكن يكون في جدة ولا جد يغتصبهذه السلطة تنحدر بالوطن

[} يسلم ضراعك ود أبسن، تحليل منطفي
و الله لامن تستاهل عليه أوسگار استحقاق
و نوط جدارة من الدرجة الگبارة. ياهو فعلن
ما عم به عموم بلوى العولمة. فيا تخمو كلو ،
و لا تسيبو كلو . بدل ما نقعد في دغمسة
الأمور بلطم الخدود و شق الجيوب على
حوادث الدهر التي يضائل بعضها بعضا
حتى لم تعد تفسح لنا مجالا للاندهاش.

[} عمومن ، الشينة منگورة ، و باقية علينا ترا ،
درامة عمك جحا ، لما تنامى إلى شحمة أذنيه
شمار حااااار بأن رائحه الرذيلة طاقة من صوبه ،
أرغى و أزبد و راح ينفيها عن حارته، فقيل: بل إنها
هناك؛ فما زال يگابر بنفيها عن فريقه؛ و لما شعر بأن
(العفنة) تلاحقه گظله تماما، تراجع ليكتفي بنفيها عن
ناسه و أهل بيته ؛ إلى أن أوشگ يتحسيها گرأس حية
تسعى في رگابه و تمد لسانها من تحت ثيابه ،
حتى رضخ للاعتراف بوجودها بالثابتة.

هذا شخص غير طبيعى

عزيزي الفاضل عاصم علي
انا ما جبت امريكا كمثال عشان امريكا كاملة بل بالعكس عشان امريكا أكثر دولة فيها جرائم وكمان جرائم بشعة وجرائم الاغتصاب تحدث بصورة يومية والصحف الأمريكية مليئة بمثل هذه الأخبار لكن أبدا ما قرينا واحد مجرم اغتصب حبوبته ....دي اول مرة نسمع بيها في السودان...
ومع فائق التقدير

فى امريكا والغرب السلوك المنحرف سواء زنا محارم بدرجاته المختلفه او الدياثه تحدث ولكن لاتتطفح الى العلن كجريمه بل سلوك مستهجن كالمثليه والشيميل ولايستبعد ان يظهر بعض ممارسى هذا السلوك للمطالبه بحقوق اسوه بالمثليين
واكثر حدوث لظاهره علاقات المخارم فى المناطق النائيه .واحسب ان البحث عن رصد ودراسات (اجتماعيه) لهذه الانحرافات فى المجتمع الامريكى وحجمها فى المكتبات سيعطى فكره اوضح .
تحياتى

بسم الله الرحمن الرحيم

العزيز المهندس بكري الاخوة الأعزاء

الجريمة لا شك بشعة ولا يمكن تصورها حتي في أفلام الخيال العلمي لكن يا اخوانا انا من الروصيرص
ادوني فرصة اشوف الحصل شنو في بلدنا ديك واوريكم الحاصل . قريب ان شاء وزي ما قال اخونا الله يكضب الشينة .
ولا حول ولاقوة الا بالله .

The Offenders of Elder Sexual Abuse
There is little research available on the subject of elder sexual abuse and those who perpetrate the abuse. The studies are complicated by the mere fact that many victims of elder sexual abuse cannot communicate well enough to identify what happened or who their perpetrator was.

Common perpetrators of elder sexual abuse include friends, live-in nursing aids, nursing home assistants, family members and other types of care providers that are left alone to care for the elderly individual.

الأخت امتثال كيف حالك

نعم هناك حالات فى أمريكا ضد كبار السن تتم بواسطة بعض افراد الاسرة

كما أن هناك حالات ضد الاطفال يقوم بها الأبوين والاخوان احيانا

ليس هناك مجتمع بخلو من مثل هذه الانحرافات والجرائم ، فقط سهولة الحصول على المعلومة وسرعة تداولها تغيرت وتطورت

هناك الكثير من الانحرافات السلوكية وتعتبر هذه حالات مرضية مستفحلة

وقديما قالوا عيش كتير تشوف كتير

لم يعد هناك شئ مدهش لقد سمعنا ماهو اسوأ

فقط نسأل الله السلامة والعافية والمعافاة

نحن نعيش فى زمن تحققت فيه معظم علامات الساعة الصغرى

نسأل الله الثبات

Unfortunately, the sexual abuse of elders is poorly understood and under-researched. The elderly victims of sexual abuse often have medical problems that result in difficulties communicating, confusion, or memory loss — all of which interfere with the ability of the elder to report the abuse.

فى الولايات المتحدة عقوبة اغتصاب الاطفال و القاصرات و خلافه عقوبات قاصية واحسن للمذنب الاعدام بدلا من الذهاب للسجن
اولا بالاضافة للسنين الطويلة للمذنب حيث يوضع مع وحوش بشرية وان خرج من السجن سليم مطلوب من ادارة المدينة او الحى التى يسكن فيها المغتصب ان تخبر/ترسل جوابات الى كل سكان المنطقة تخبرهم به مع وضع جهاز الكترونى حول رجله.
ثانيا معظم المذنبون يوضعون فى سجون فدرالية وهذه السجون يوضع فيها عتاة المجرمين......يعنى بعرسوك بعرسوك
ثالثا معظم المذنبون فى هذه السجون يعملون اعمال شاقة بدون اجر وهو ما يعرف ب PRISON SLAVERY

قبل سنوات قمت بتوصيل اغراض لسودانى من اسرته لمسجون فى جريمة اغتصاب قاصر حكم عليه فيها ب ٦٥ سنة ........ فى سجن اذا قالوا له "فكيناك اطع من هنا"
حا يقول ليهم "خلونى هنا"
لانو السجن فى حتة لا فيها بشر و لا شجر و تبعد عن المدينة ساعات

وحكى لى العجب و انه يفضل الموت بدلا عن هذه الحياة...



اخيرا الامركان وضعوا قوانيين صارمة لجرائم الاغتصاب بعد ان مروا بتجارب مريرة لهذا ندرت جرائم الاغتصاب

Statistics on Elder Sexual Abuse
According to the Pennsylvania Coalition Against Rape (PCAR), one of the more active coalitions in the evaluation of all types of sexual abuse, elder sexual abuse is not uncommon. PCAR offers fifty rape crisis centers throughout the state of Pennsylvania. This organization helps educate the public on elder sexual abuse by conducting some of the most detailed research studies in the US on the issue of elderly sexual abuse.

The research undertaken by the PCAR has indicated that elder sexual abuse follows these statistics:

Women are 6 times more likely to be victims of elder sexual abuse.
Only about 30 percent of elderly victims of sexual abuse over the age of 65 years actually report the abuse to the authorities.
About 83 percent of victims of elder sexual abuse reside in an institutional care center, such as a nursing home.
About 27 percent of victims of elder sexual abuse occurred in either the elder’s own home or in the perpetrators home.
About 80 percent of the time, the perpetrator of elder sexual abuse was the caregiver to the elder.
About 76 percent of elder sexual abuse victims have had their incident witnessed by another.
About 67 percent of elder sexual abusers were members of the family, according to the National Elder Abuse Incidence Study.

شوفى النقطة الأخيرة دى أختى امتثال ، 67% من حالات الاعتداء الجنسى تمت بواسطة أعضاء الأسرة

حسن حماد يا اخوى اراك تحاول ان تجد تبرير (اقصد انه يوجد هنا) لهذه الجريمة البشعة باى شكل كان و بما اننى عشت بامريكا حوالى ٣٠ عاما ..... و شفت عظمة و نبل هذا الشعب و متابع جيد للاخبار و الافلام الامريكية لم اسمع او اشاهد فيلم ونشرة اخبار بمثل هذا الحادث البشع فالله لا تحاول ان تشبهه بحوادث هنا فى امريكا

Quote: يعنى بعرسوك بعرسوك

وين الـــ#########################

حسن حماد
شكرا للمعلومات...
لكن درجة القرابة المكتوبة في الصحف الامريكية دي بتختلف من درجة قرابة الحبوبة....الحبوبة رمز الحنان والطيبة والعطف في السودان،،،،مستحيل تسمع هنا في امريكا ان واحد حتى ولو مجنون اغتصب حبوبته،،..
وبعدين اقرا رد الباشمهندس بكري عن تشديد العقوبات بالنسبة لجرائم الاغتصاب،،،
اما في السودان هسع حتلقى الشاب ده بعد شهر شهرين حايم في الشوارع ...كيف!!مافي اجابة لان القضاء غير نزيه في السودان،،
والعقوبات غير مشددة،،، واقل عقوبة لهذا المجرم هو الاعدام في ميدان عام..
مع وافر التقدير والاحترام

حسن حماد يا اخوى اراك تحاول ان تجد تبرير (

مرحب ياباشمهندس

حاشا لله ولا يمكن لأى شخص أن يبرر لمثل هذه الجريمة البشعة والمدانة تحت أي قاقنون ودين

فقط اردت أن أورد أن اغتصاب الحبوبات والأمهات والبنات والأبناء وذوى القربى أيضا يتم في الولايات المتحدة وغيرها من المجتمعات

وطبعا مثل هذه السلوكيات وغيرها من السلوكيات الشاذة بدأت تظهر اكثر وأكثر في السودان ووقعها على النفس اشد ايلاما لما عرف عن المجتمع من تماسك وترابط

ولكن يا باشمهندس في سودان اليوم أصبح كل شيء وارد


دحين خليك عميق وفتك عافية

العزيزة امتثال...


لكن أبدا ما قرينا واحد مجرم اغتصب حبوبته ....دي اول مرة نسمع بيها في السودان...
....

2006 لما مشيت السودان...
كان فى اطراف الخرطوم قصة تناولوها الناس لفترة ثم صمتوا...
و القصة هى أن و احدة من بائعات الشاى...
تعيش فى اطراف الخرطوم..
تركت ابنتها الرضيعة مع جدها..
أى و الد الآم...
أعتدى الجد على الطفلة الرضيعة حتى تمزقت وتكسرت أعضائها...
الخبر الاهم فى رأيى ..
هو أن الوالدة رفضت أن ترفع دعوى ضد المعتدى...
لآنه و الدها !
نمشى وين تانى من بلد اسمه السودان ؟

Quote: ي انحراف جنسي معروف يطلق عليه Gerontophilia اي عشق المسنين احتمال كبير ان يكون هذا المجرم مصابا به.

يعني كافة اشكال الانحرافات ظهرت بالسودان ولم تنجو منها العاصمة او الاقاليم
جيرونتوفيليا و بيدوفيليا

واغتصابات وقافي بالشوارع

غايتو بس نكورك مع صاحبنا

" السودان الشيلتو جيبو يا البشير
الله الله يقطع نفسك يا البشير"

الخبر صحيح وما لا تورده الصحف مخذي ومؤلم ....
والاسباب سهولة الحصول على المخدرات والخرشة والترامدول ...الخ
الحكومة لا يهمها ضياع الشباب فنسمع عن دخول حاويات المخدرات الي البلاد
دون معرفة من قام بادخالها ومحاسبته امام الجميع ...
كما افادت بعض الدراسات الي تعاطي اكثر من 60 % لطلبة الجامعات لنوع من انواع المخدرات
انه جيل الانقاذ ..... نسال الله السلامه

Quote: لكن أبدا ما قرينا واحد مجرم اغتصب حبوبته ....دي اول مرة نسمع بيها في السودان...

يا بت ول أبا تاور ...
الزول دا ما بكون عارف إنو دي حبوبتو علاوة علي يقيني بتعاطيه مؤثر عقلي سلب إرادته مما دفعه لهذا الفعل المشين ...
الجيل الجديد دا نعاني معه الأمرين عشان نربطو بي الأسرة الكبيرهـ الممتدهـ اولادي لمن يمشو الباوقه ...
كل همي معاهم يزوروا الحبوبات يعني عماتي أنا وخالاتي بسمعوا كلامي لكن بكونوا كمن يؤدي الخدمة الوطنيه ايام الحرب ههههههههه.
:
:
:
:
:
مع التحيات لله الزاكيات