Post: #2
Title: Re: من يقول أنه سيحارب الفقر يعني أنه سيحارب الله
Author: محمد أبوالعزائم أبوالريش
Date: 09-03-2018, 09:59 AM
Parent: #1
https://www.0zz0.com
|
Post: #14
Title: Re: من يقول أنه سيحارب الفقر يعني أنه سيحارب ا
Author: مهند أحمد سلمان طيفور
Date: 09-04-2018, 04:18 AM
Parent: #2
دايما يعقدون مقارنات فارغة ...
الرجل قال عمر بن الخطاب ما كان زي حالتنا مسؤول عن 30 مليون نسمة..
طيب عمر بن الخطاب كان عندو سيارات وطائرات ونظم للاتصالات ليطمئن على أوضاع الشعب ؟؟؟
دحين قول عمر بن الخطاب كان عندو "واتس أب" ولا "سودانيز أون لاين" تنقل ليه قصة المفجوع و"المفلوغ" لحدي القصر الجمهوري؟؟عندك 30 مليون بس في المقابل عندك وسائل حديثة التفقد وأجهزة حكومية وكوادر ليه ما تسخرها لخدمة الشعب،،
لو كان همك الخدمة حسب تكليف وظيفتك كان عملتها.. أيوة يا ناس الإنقاذ طمأنوا أنفسكم بحجج واهية وارتاااااااااااااااحوا وريحوا ضمائركم... "أساسا حسع عمر بن الخطاب منو السأل منو؟ انتو براكم جيبتوها"...
|
Post: #3
Title: Re: من يقول أنه سيحارب الفقر يعني أنه سيحارب ا
Author: اخلاص عبدالرحمن المشرف
Date: 09-03-2018, 10:03 AM
Parent: #1
السلام عليكم
قرأتها ووالله اتخلعت
يعني سيدنا علي كرم الله وجهة خطأ والجهلول ده صاح
ده حتي ما بستحي
مفروض يجلس في بيته لانو ما عارف مهام وظيفته
|
Post: #4
Title: Re: من يقول أنه سيحارب الفقر يعني أنه سيحارب ا
Author: Deng
Date: 09-03-2018, 10:20 AM
Parent: #3
أبو الريش
سلامات.
الكيزان ديل ناس متبلدين الاحساس ولا أخلاق لهم.
لذلك يجب أن تتوقع منهم أي شئ.
ولكن المصيبة هي في الشعب الذي صار يتعايش مع كل ذلك.
|
Post: #5
Title: Re: من يقول أنه سيحارب الفقر يعني أنه سيحارب ا
Author: Asim Ali
Date: 09-03-2018, 12:28 PM
Parent: #4
المستهبل دا نسى مقوله عمر بن الخطاب : لو عثرت بغله فى العراق.
(مش لو جاعت ) .
تسويه الطريق رفاهيه مقارنه بحاله الفقر والغلاء .
ويملاء فمه بالحديث باسم الدين .
|
Post: #6
Title: Re: من يقول أنه سيحارب الفقر يعني أنه سيحارب ا
Author: Abdullah Idrees
Date: 09-03-2018, 01:45 PM
Parent: #5
غايتو البباري تصريحات "المسعولين" ديل ، يا جاتو جلطة ، يا مشا الكوشه
انا غايتو خايف من الاولى , التانية مقدور عليها اصلو البلد كلها بقت كوشه
ابو الريش سلام
|
Post: #7
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-03-2018, 02:02 PM
Parent: #5
Quote: المستهبل دا نسى مقوله عمر بن الخطاب : لو عثرت بغله فى العراق.
(مش لو جاعت ) . |
ولو كان الفقر رجلاً لقتلته
|
Post: #8
Title: Re: من يقول أنه سيحارب الفقر يعني أنه سيحارب ا
Author: أحمد الشايقي
Date: 09-03-2018, 04:23 PM
Parent: #7
سورة المائدة:
وَقَالَتِ الْيَهُودُ يَدُ اللَّهِ مَغْلُولَةٌ غُلَّتْ أَيْدِيهِمْ وَلُعِنُوا بِمَا قَالُوا بَلْ يَدَاهُ مَبْسُوطَتَانِ يُنفِقُ كَيْفَ يَشَاءُ وَلَيَزِيدَنَّ كَثِيرًا مِّنْهُم مَّا أُنزِلَ إِلَيْكَ مِن رَّبِّكَ طُغْيَانًا وَكُفْرًا
وَأَلْقَيْنَا بَيْنَهُمُ الْعَدَاوَةَ وَالْبَغْضَاءَ إِلَىٰ يَوْمِ الْقِيَامَةِ كُلَّمَا أَوْقَدُوا نَارًا لِّلْحَرْبِ أَطْفَأَهَا اللَّهُ وَيَسْعَوْنَ فِي الْأَرْضِ فَسَادًا وَاللَّهُ لَا يُحِبُّ الْمُفْسِدِينَ (64)
|
Post: #9
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-03-2018, 06:23 PM
Parent: #8
| Quote: مفروض يجلس في بيته لانو ما عارف مهام وظيفته |
يا إخلاص، المفروض يقعدوا في بيوتهم كتيرين ... ما ده براهو
|
Post: #10
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-03-2018, 08:22 PM
Parent: #9
| Quote: ولكن المصيبة هي في الشعب الذي صار يتعايش مع كل ذلك. |
يا دينق ياخ والله الناس بقو مساكين.
كل يوم مخلوعين بي حاجة
|
Post: #11
Title: Re: من يقول أنه سيحارب الفقر يعني أنه سيحارب ا
Author: منتصر عبد الباسط
Date: 09-03-2018, 10:25 PM
Parent: #10
كوز وقح ندل قاتله الله
كلامه من خبثه ونتنه نتعفف من تفنيده والرد عليه بالتفصيل
أي واحد لا يتوب قبل موته من كوزنته الله يعلم علي أي دين أو حال سيموت!
|
Post: #12
Title: Re: من يقول أنه سيحارب الفقر يعني أنه سيحارب ا
Author: منتصر عبد الباسط
Date: 09-03-2018, 10:33 PM
Parent: #11
وبعدين عايز ينسب الفقر لله!!! قاتله الله
ويتبرأ ويبرىء جماعته من إفقارهم للشعب بالفساد واقتسام ثرواته فيما بينهم !
وقاحة فايته الحدود !
أكل السحت بيعمل أكتر من كدا.
|
Post: #13
Title: Re: من يقول أنه سيحارب الفقر يعني أنه سيحارب ا
Author: منتصر عبد الباسط
Date: 09-03-2018, 11:35 PM
Parent: #12
والعبرة بالمعنى المراد وليس بعموم اللفظ
فالمقصود بمحاربة الفقر هو محاربة أسبابه
وبعد القيام بالواجب في ذلك حدث الفقر لأسباب فردية وليست عامة كالتي في السودان الأن
فالحكومة ليت ملامة حينها
ولكن الحادث في السودان ليس فقر لأسباب فردية خاصة إنما لأسباب عامة ولسوء الإدارة للمال العام
وإنفاق غير مرشد ومأدلج سببته الحكومة والسلطة الفاسدة
فلتقم الحكومة والسلطة الحاكمة بدورها وما يجب عليها من تخلص من الترهل الاداري الفاحش
ومن المحسوبية وسوء ادارة المال العام ويردوا الحقوق لأهلها
ثم بعد ذلك غير ملامين إذا حدث فقر لأحد.
|
Post: #15
Title: Re: من يقول أنه سيحارب الفقر يعني أنه سيحارب ا
Author: Asim Fageary
Date: 09-04-2018, 08:01 AM
Parent: #13
انتوا مستغربين ليه ؟!
زمان برضوا في التمانينات لمن دخلوا في حكومة نميري قالوا مكافحة البعوض (الناموس) تعني مكافحة الطبيعة ومكافحة الطبيعة تعني مكافحة الله وهذا حرام شرعاً !
يعني هم أصلهم كدا ما جابوا حاجة غريبة
ولمن يكونوا مع الحكومة بقولوا الخروج على الحاكم حرام ولمن يكونوا بره الحكومة بيعملوا انقلاب عشان يجوا يحكموا !
باختصار ديل أي كلام يقولوه تشيلوه تكبوه في الكوشة
ديل وصلوا مرحلة هناااي الكوش (هنااي معروفة .. الكوش جمع كوشة)
ما تباروا هنااي الكوش بوسخكم !
في ذمتكم هسه المدعو بنقلاديشي عز الدين دا ما مثال ! الغريبة شايفوا اليومين ديل قالوا عاوز يتلب من سفينة الكيزان !
تباً لهم أينما حلوا
________
كسرة: مثل قديم متجدد : لو أصبعك بقى كوز أقطعه !
|
Post: #16
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-04-2018, 08:02 AM
Parent: #13
مرحب عبدالله إدريس،
نان "المسعولين" ديل، قبل ما الواحد يفك ليهو درّابة قدر ده، ما بيفكر لحظة كلامو بيعني شنو؟
الله يفكنا منهم ياخ.
|
Post: #17
Title: Re: من يقول أنه سيحارب الفقر يعني أنه سيحارب ا
Author: Ahmed Yassin
Date: 09-04-2018, 12:07 PM
Parent: #16
محمد أبوالعزائم أبوالريش وشركاه
هذا (الأرعن) مثله مثل جميع اعضاء المؤتمرجية الوطنية في جميع انحاء الولايات قيادة او لجان او اعضاء يتبعون
لجهلهم وجهالتهم وغرورهم وشبعهم بعد جوع واناقتهم بعد ان كانوا عراة حفاة في احياء السودان .. يتبعون
(أرعن) ما قالته العرب وهي نحو ثلاث ابيات واولاها هي ما يخصهم من معلقة شهيرة لعمرو بن كلثوم
ألا لا يجهلن أحدٌ علينا ***** فنجهل فوق جهل الجاهلينا
لانه كل ما يصدر تصريح او تعليق من احدهم الا ويطلع اخر باجهل منه
|
Post: #18
Title: Re: من يقول أنه سيحارب الفقر يعني أنه سيحارب ا
Author: سفيان بشير نابرى
Date: 09-04-2018, 12:19 PM
Parent: #17
هاك يا ابو الريش شوف البيدافع عن الشعب منو كمان :-
الخرطوم: محمد الأقرع
قال القيادي بالمؤتمر الوطني د. ربيع عبدالعاطي إن التصريحات الاستفزازية أو التي تحتوي عن منّ من قبل المسؤولين غير موفقة.
وعلق عبدالعاطي لـ(الجريدة) أمس، على إفادات رئيس لجنة الاقتصاد وشؤون المستهلك بالمجلس التتشريعي لولاية الخرطوم عبد الله سيد أحمد التي دعا فيها المواطنين لشكر الإنقاذ وحمد الله على الأوضاع، وذكر عبد العاطي (الحمد واجب لكن ينبغي على من ينوب عن الناس أن يكون خادمهم)، وطالب الذين يطلقون مثل تلك التصريحات التي وصفها بالمستفزة بالاعتذار إن لم تكن الاستقالة، ورأى أن مثل تلك التصريحات لها تأثيرات سالبة في الرأي العام، وأضاف: (يفترض من قيادات الوطني مراجعة مطلقيها ومحاسبتهم)، ونفى أن تكون تلك التصريحات تمثل خطاب المؤتمر الوطني، واعتبرها أخطاء يقع فيها من يصرحون فقط.
وتابع أن المؤتمر الوطني لديه خطاب موزون في محتوياته ومضامينه، وشدد على أن أصحاب تلك التصريحات يمثلون أنفسهم ويستحقون المحاسبة من قبل الجهات التنظيمية في حالة صحة التصريحات، ودعا أن تكون هذه مناسبة لتدريب كوادر الحزب وقياداته على مضامين وأسلوب الخطاب الذي ينبغي أن يوجه للجماهير خاصة في ظل الأزمات .
https://alsudanalyoum.com/sudan-news/politics/%D8%B1%D8%A8%D9%8A%D8%B9-%D8%B9%D8%A8%D8%AF-%D8%A7%D9%84%D8%B9%D8%A7%D8%B7%D9%8A-%D8%A7%D9%84%D9%85%D8%A4%D8%AA%D9%85%D8%B1-%D8%A7%D9%84%D9%88%D8%B7%D9%86%D9%8A-%D9%84%D8%AF%D9%8A%D9%87-%D8%AE%D8%B7/https://alsudanalyoum.com/sudan-news/politics/%D8%B1%D8%A8%D9%8A%D8%B9-%D8%B9%D8%A8%D8%AF-%D8%A7%D9%84%D8%B9%D8%A7%D8%B7%D9%8A-%D8%A7%D9%84%...%D9%87-%D8%AE%D8%B7/
|
Post: #19
Title: Re: من يقول أنه سيحارب الفقر يعني أنه سيحارب ا
Author: أحمد الشايقي
Date: 09-04-2018, 02:53 PM
Parent: #18
Quote:
وتابع أن المؤتمر الوطني لديه خطاب موزون في محتوياته ومضامينه، وشدد على أن أصحاب تلك التصريحات يمثلون أنفسهم ويستحقون المحاسبة من قبل الجهات التنظيمية في حالة صحة التصريحات، |
لو اقتصر الضرر على التصريحات, ورغم أنها تفقع المرارة وتسبب ارتفاع الضغط, إلا أنه يهــون
المشكلة الأكبــر هي الفســاد ...... وعدم المحاسبـة عليــه ...
|
Post: #20
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-05-2018, 05:52 PM
Parent: #19
Quote: ولكن الحادث في السودان ليس فقر لأسباب فردية خاصة إنما لأسباب عامة ولسوء الإدارة للمال العام
وإنفاق غير مرشد ومأدلج سببته الحكومة والسلطة الفاسدة
فلتقم الحكومة والسلطة الحاكمة بدورها وما يجب عليها من تخلص من الترهل الاداري الفاحش
ومن المحسوبية وسوء ادارة المال العام ويردوا الحقوق لأهلها
ثم بعد ذلك غير ملامين إذا حدث فقر لأحد. |
ده تحديداً يا منتصر سبب تجريم المسئولين لمحاربة الفقر.
|
Post: #21
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-05-2018, 07:35 PM
Parent: #20
| Quote: في ذمتكم هسه المدعو بنقلاديشي عز الدين دا ما مثال ! |
يعني يا عاصم حتة هندي كتيرة عليهو؟
بالغت
|
Post: #22
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-06-2018, 06:49 AM
Parent: #21
مرحب أحمد ياسين
| Quote: لانه كل ما يصدر تصريح او تعليق من احدهم الا ويطلع اخر باجهل منه |
طيب ياخ الجاهل ده ما يلم جهلو عليهو ويسكت.
زول كان جاب خبرو مافي
|
Post: #23
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-06-2018, 08:39 AM
Parent: #22
| Quote: قال القيادي بالمؤتمر الوطني د. ربيع عبدالعاطي إن التصريحات الاستفزازية أو التي تحتوي عن منّ من قبل المسؤولين غير موفقة. |
إنت يا سفيان ده مش نفس الزول القال متوسط دخل الفرد 1800 دولار؟
ده ما تصريح إستفزازي يعني؟
قول ليهو: لو إنت نسيت أنا ما نسيت ... تررلم ترم
|
Post: #24
Title: Re: من يقول أنه سيحارب الفقر يعني أنه سيحارب ا
Author: Hatim Alhwary
Date: 09-06-2018, 09:07 AM
Parent: #23
مساء الخير
غايتو نصف الكوب الملان في تجربة الاسلام السياسي بالسودان انه نجح نجاح باهر في كشف فشل المشروع السياسي او مايعرف بدولة الشريعة بالتجربة ...المريرة والمؤلمة بلا شك
انا شايف انو ثمن بخس لو حسبته بتاريخ الشعوب وقد نكون فعلا محظوظين...انو يتاح للسودانين كشف البيضة الفاسدة دي قبل غيرهم بالمحيط ...وبعد تجربتين
ولا يلدغ "عاقل" من نفس العقرب مرتين
|
Post: #25
Title: Re: من يقول أنه سيحارب الفقر يعني أنه سيحارب ا
Author: محمد أبوالعزائم أبوالريش
Date: 09-06-2018, 06:36 PM
Parent: #24
حباب الشايقي،
Quote: لو اقتصر الضرر على التصريحات, ورغم أنها تفقع المرارة وتسبب ارتفاع الضغط, إلا أنه يهــون
المشكلة الأكبــر هي الفســاد ...... وعدم المحاسبـة عليــه ... |
وزيد عليها ... تصريحات مع جهل مركّب
|
|