يا عبد الحفيظ ما دام القرار صادر منك شخصياً فهو قرار صائب في وقته.
الإشكال في تحمل تبعاته خاصة عندما تتغير المعطيات التي ادت لاتخاذه.
وعاليه ساري الصلاحية للمغترب والمهاجر.
Post: #7 Title: Re: حلم العودة للوطن Author: أبوبكر عباس Date: 08-31-2018, 11:51 PM Parent: #6
يا ضلامي، كان تخلينا نشوف قسوم حبيبنا طالع في ياتو شجرة؟!
Post: #8 Title: Re: حلم العودة للوطن Author: أبوبكر عباس Date: 08-31-2018, 11:56 PM Parent: #7
أعتقد والإعتقاد من الشيطان انو الخواجية النجسة دي يا فرانك، عبّرت عن احساس غربة الانسان بصورة فاقت البداعة
Post: #9 Title: Re: حلم العودة للوطن Author: أبوبكر عباس Date: 09-01-2018, 00:04 AM Parent: #8
الفرق يا أبسن، يا غريب انو الغربة تسلل إليك وأنت بالداخل بمقاومة أقل وانت بالخارج ترفض أن تقتلك الغربة وتظل تقاوم تقاوم مرّة تقول الرياح ومرّة المطر ومرّة الرعد
ما في زول ينزل ليناأغنية مصطفى سيد أحمد الدنيا ليل غربة ومطر وطرب حزين وجّع تقاسيم الوتر
Post: #10 Title: Re: حلم العودة للوطن Author: أبوبكر عباس Date: 09-01-2018, 00:14 AM Parent: #9
كتب الكوز الهارب من بلده فرانكلي :!! وكلنا نحس الغربة في الوطن ونبحث عن الوطن في الغربة
الشئ البستغرب ليه جدآ هجرة الكوز فرانكلي لي دولة علمانية وهو ضد العلمانية وخالي بلده مدمر بايأدي امثاله الكيزان اعداء الشعب والوطن !!!
اللهم ارينا فيهم عجائب قدرتك من صغيرهم لي كبيرهم .
Post: #16 Title: Re: حلم العودة للوطن Author: أبوبكر عباس Date: 09-02-2018, 02:54 AM Parent: #15
صحي يا معاوية، مداخلة قسوم رليفنت باعتبار سبب غربتي ما لقيت موية صحّة في خلا عطبرة! لكن داير أسألك سؤال: كيف اعتبرت مداخلتي في بوست سيد عبد العزيز للمدعو قباني اعتبرتها ما رليفنت وطلبت مني أشيلها أوديها مكان تاني؟ ما دام صدرك الرليفنتي واسع كدا مضيقها علي ما لك؟
Post: #17 Title: Re: حلم العودة للوطن Author: اخلاص عبدالرحمن المشرف Date: 09-02-2018, 04:00 AM Parent: #16
كانت الغربة جدار استند عليه سقط الجدار وظهرت الوحدة لم يكن هناك سوي اللاشئ
احترت في نهابة القصة
Post: #18 Title: Re: حلم العودة للوطن Author: اخلاص عبدالرحمن المشرف Date: 09-02-2018, 04:19 AM Parent: #17
المحيرني ما قسوم المحيرني Deng
ليش بيسعي للإقصاء لا يحتاج الطرح القوي لنفي الاخر دي مرحلة تجاوزتها البشرية
Post: #19 Title: Re: حلم العودة للوطن Author: Haytham Ghaly Date: 09-02-2018, 04:28 AM Parent: #17
اقسى شيء انك تحس الغربة وانت داخل بلدك وفي وسط مجتمعك
فقط لانك غيرت المدينة او القرية التي نشأت بها .. هنا تكمن مشكلة عويصة عندنا اظنكم عارفنها
الراحل حميد عليه السلام عبر بعمق يا ابوبكر عن تلك الغربة الداخلية في اول قصيدة له مطلعها
شن طعم الدروس ما دام بكانا مشي قطر وكيف زاتا ترتاح النفوس تقبل قرايةً في سفر
ويختمها ب
الغربة يمة طعيما مر لكني بقعد بالجبر لامن سنين الهم تمر يا ربي الهمني الصبر
Post: #20 Title: Re: حلم العودة للوطن Author: معاوية الزبير Date: 09-02-2018, 05:12 AM Parent: #19
Quote: صحي يا معاوية، مداخلة قسوم رليفنت باعتبار سبب غربتي ما لقيت موية صحّة في خلا عطبرة! لكن داير أسألك سؤال: كيف اعتبرت مداخلتي في بوست سيد عبد العزيز للمدعو قباني اعتبرتها ما رليفنت وطلبت مني أشيلها أوديها مكان تاني؟ ما دام صدرك الرليفنتي واسع كدا مضيقها علي ما لك؟
كان تسألني في نفس المكان (البوست) فلكل مكان مقال، ولكل بوست مداخلة زي مخاطبتك للأخ العزيز الباشمهندس يحيى إبراهيم قباني بالصفتين التاليتين في بوستين مختلفين:
Quote: بصفتك خبير يا استاذ قباني
Quote: كيف اعتبرت مداخلتي في بوست سيد عبد العزيز للمدعو قباني
Post: #21 Title: Re: حلم العودة للوطن Author: معاوية الزبير Date: 09-02-2018, 06:05 AM Parent: #20
عودة للموضوع قبل شوية بشاهد في فيلم أمريكي (أظنه كندي) عنوانه: Mobile Homes (المنازل المتنقلة) مقصود بيها بتاعت التريللات ديك فتاة بتقول لرجل يسكن هناك إن (منزله) هذا لا يشبه (بيوتنا) في البلد قال ليها: "Its a house, home is what you build inside of it"
شفت الفرق بين home و house
طيب يا مستنير الغربة منزل.. الوطن بيت التحدي هو: كيف تبني بيتك في منزل الغربة!
Post: #22 Title: Re: حلم العودة للوطن Author: اخلاص عبدالرحمن المشرف Date: 09-02-2018, 07:54 AM Parent: #21
المستنير محظوظ بصديق مثلك معاوية الزبير رغم بعد المسافات وجود صديق يعني وجود حائط امان ساعد يعضدك
لا تذهب بعيدآ يا ب ك لا تذهب علي اطلاقها
Post: #23 Title: Re: حلم العودة للوطن Author: محمد حمزة الحسين Date: 09-02-2018, 02:42 PM Parent: #22
بوست للإستنارهـ ما شاء الله اتنورنا كتير يا شباب ... عندي لمبة بتولع وتطفي ما عارف اللود تقيل ما متحمل واللا عايز اولع ... : : : : : مع التحيات لله الزاكيات
Post: #24 Title: Re: حلم العودة للوطن Author: أبوبكر عباس Date: 09-02-2018, 03:00 PM Parent: #23
كلمة هوم الانجليزية عميقة جداً لا أعتقد أن لها مرادف في العربية بنفس الإحساس
اخلاص، كيفك سعيد بنسيانك لثقالاتي القديمة
Post: #25 Title: Re: حلم العودة للوطن Author: هاشم الحسن Date: 09-02-2018, 03:02 PM Parent: #1
يا مستنير، بتقلب في المواجع مالك؟ تصدق أنا من يوم ليديا داك، بقيت أحب صاحبك فرانكلي دا، للأدب في الأدب كدا، لكن هسّع مالو قام فهمو كمل، وقهم لينا قسم الفضيل في صمة مداخلتو السمحة؟ ++++ {في لحظة خوف شديدة جداً بغربتي، تمنيت لو أعود للوطن ثم تذكرت أنني بالوطن من زمن طويل}.."انتهت القصة."
دا ابداع يا فنان يا جميل، مستغرق في "تلاص" متعمد ونايم فيهو نوم بعين غول*، لكن برضو إبداع،، لدرجة قلقت عليك الناس وعلى استغرابك الوطني!! ++++
*(خرجت من وطني انتهت غربتي) انتهت. لكن ما معروف سعيدة أم مريرة. *(دخلت غربتي لحقني وطني) انتهت. نهاية مفتوحة. *(استوطنتني الغربة في الوطن، هجِّيت، لحقني الوطن واستوطن غربتي) لا حكت ولا بقت. ما معروف تنتهي كيف. خليها على الله. *(والذي تركته في بسطام فهو ينتظرك في بسطام) ما انتهت لسّع!!
عجبتني حكاية انتهت دي، لكن الله العظيم، الإحساس برضو صادق!!
++++ ثم تاني، بتقلب في المشاكل مالك؟ {القصة مسروقة من زجل خواجة}
*نوم الغول زي نوم الثعلب المكار، عين مغمضة وعين مفتحة..:)
Post: #26 Title: Re: حلم العودة للوطن Author: عبدالعظيم عثمان Date: 09-02-2018, 07:20 PM Parent: #25
ترجع وين يا بكور موت موتك في مكان ما انت قاعد... ولغاية ما يجي اليوم داك رسل البتقدر عليه، ما تقطع الحوالات.. وكلما تلقي فرصه لم باقي اهلك عليك في محل ما قاعد أن شاء زيارات متقطعة.. الكيزان دمروا البلد دمار وعدمت نفاخ النار
