Post: #1 Title: يا حليل الزمن الجميل مع مجذوب أونسه... Author: امتثال عبدالله Date: 08-28-2018, 01:07 AM Parent: #0
01:07 AM August, 27 2018 سودانيز اون لاين امتثال عبدالله-NYC - USA مكتبتى رابط مختصرالخواجة خرستو الاغريقي الذي كان يمتلك مصانع البوهية في السودان يتذكر الزمن الجميل ويغني مع مجذوب أونسه..يالرحتو طولتو...وعلينا ما سألتو .. .ويقال إنه غادر السودان إلى سويسرا عند محل الإنقاذ...ومنذ رحيله إلى هناك والسودان بقى يستورد البوهية ...
Post: #2 Title: Re: يا حليل الزمن الجميل مع مجذوب أونسه... Author: Elsanosi Badr Date: 08-28-2018, 01:15 AM
هلا بالعزيزة امتثال
ده اخونا بدر حمدي
من اولاد بحري
وهو سوداني اصيل ما خواجة
Post: #3 Title: Re: يا حليل الزمن الجميل مع مجذوب أونسه... Author: امتثال عبدالله Date: 08-28-2018, 01:17 AM
غادر إلى سويسرا عند مجئ الإنقاذ....مش عند محل الإنقاذ...
بنقول نجذب مستثمرين..وعاملين وزارة للاستثمار..ونطرد مستثمرين يحبوا السودان وأخذوا الجنسية السودانية ....وها هو الخواجة خرستو يتذكر....
Post: #4 Title: Re: يا حليل الزمن الجميل مع مجذوب أونسه... Author: ياسر السر Date: 08-28-2018, 09:18 AM Parent: #3
يا سلااااااام ،،،،، اولا كل عام وانتم بخير ... ايام واراها ايام ،،، واتقاطرت اعوام ،،، لا شوفة تفرحني ،، لا حرف شوق لا غرام ،،، كيف هانت الايام ،،، ونسيتو يا انتو ،،، انا وين ووين انتو ،، يا الرحتو طولتو ،، وعلينا ما سألتو ،،،
بالله شوف الشجن الاليم ده كيف وشوف كيف تناسق اللحن مع الكلمات ,,, الغناء السوداني ده حسب اعتقادي الخاص جدا اعظم غناء في العالم ... ولا شنو يا اخت امتثال ,, صراحة شي بديع جدا ...
تحياتي : ياسر العيلفون ....
Post: #5 Title: Re: يا حليل الزمن الجميل مع مجذوب أونسه... Author: عباس محمود Date: 08-28-2018, 10:57 AM Parent: #4
السلام عليكم يا أمتثال
اللي في الفيديو هو الأستاذ بدر الدين حمدي وهو مقيم بالخرطوم بحري حلة خوجلي في منزل تم تأسيسه قبل أكثر من 100 عام
وهو من الذين أسسوا فرقة جاز أضواء بحري .
أغترب لفترة طويلة خارج البلاد وناشط حاليا في بعض منتديات العاصمة .
أمشي اليوتيوب وأكتبى بدر حمدي فرقة جاز أضواء بحري تلقي لقاء تليفزيوني أتعمل معاهو في عيد ضحية قبل سنتين تلاتة.
قصة خريستو نجرا اللي نقل التسجيل اللي أتعمل في بيت السيد أبو عبيدة البقاري في الخرطوم.
Post: #6 Title: Re: يا حليل الزمن الجميل مع مجذوب أونسه... Author: Ahmed Yassin Date: 08-28-2018, 12:18 PM Parent: #5
امتثال وشركاها قلتي لي الخواجة خرستو غادر السودان الى سويسرا عند (محل الانقاذ) ؟ دا زي ما قالوا ليك الاخوان هو الفنان بدرالدين حمدي يعني ما خريستو ولا يحزنون ووفرقة جاز اضواء بحري دي اسسها (بدرالدين عوض) والد (منال بدرالدين) عضوة عقدالجلاد سابقا
هاكي خرستو بتاعك دا مع التحية الخالصة يا اختنا
Post: #7 Title: Re: يا حليل الزمن الجميل مع مجذوب أونسه... Author: امتثال عبدالله Date: 08-28-2018, 12:41 PM Parent: #6
والله كان جينا للجد شكله خواجة ....حتى ولو قلتو اسمه بدر الدين فهو خواجه ....يعني معقولة الزولة الرسلت لي الفيديو بتكضب...هههههههه... ..وطبعا انا استغربت في البداية الخواجة ده بغني سوداني بالروعة دي كيفن ... مع وافر التقدير
Post: #8 Title: Re: يا حليل الزمن الجميل مع مجذوب أونسه... Author: Ahmed Yassin Date: 08-28-2018, 12:47 PM Parent: #7
Quote: كان جينا للجد شكله خواجة ....حتى ولو قلتو اسمه بدر الدين فهو خواجه
اكان طار .. برضو خرستو
Post: #9 Title: Re: يا حليل الزمن الجميل مع مجذوب أونسه... Author: امتثال عبدالله Date: 08-28-2018, 12:54 PM Parent: #8
احمد ياسين ههههههههههه بس يا ها دي الجملة الكنت بفتش عليها ....اكان طار برضه خرستو ....حتى ناس اليوتيوب اذا كتبت خرستو طوالي يجيبوا ليك السميتوهو بدر الدين بيغني مع مجذوب أونسه مع وافر التقدير والاحترام
Post: #10 Title: Re: يا حليل الزمن الجميل مع مجذوب أونسه... Author: Ahmed Yassin Date: 08-28-2018, 01:07 PM Parent: #9
ااهههاهاهاهاهاها امتثال .. ولا يهمك هسي بعد بوستيك دا لو وقفتي جنبه وقلتي يا .. خرستو .. حيتلفت