البشتنة طالت حتي الفندق التاريخي القراند هوتيل.

09:08 AM August, 26 2018

سودانيز اون لاين
Osman Musa-
مكتبتى
رابط مختصر

حولا .
قالوا : قامت بناية نزلة الفندق الكبير سنة 1908.
علي طراز العمارات الانجليزية التاريخية وبين داك التاريخ ولاحدي 1969
نزل بالفندق كتير. من مشاهير الدنيا .
من الكتاب و الشعراء من امريكا و بريطانيا وايرلندا. و نيجيريا. ولبنان وسوريا
ومصر. واليمن .
تعال. الليلة. شوف الفندق . تعال اتفرج في البشتنة و الاهمال وعدم الفهم
وعدم. الاحترام. لي. تاريخنا. و حاجاتنا. العزيزة. علينا .

حقيقة والله حتى الترس وهو من اجمل الأماكن المطلة على النيل الازرق وكانت تتناثر علية كراسى وطاولات البامبو الخضراء اصبح شبه مهجور وارضيتو محفرة ومظلم يضاء بلمبة واحدة عندما تكون فيهو حفلة لى فنان تعبان ينظمها احد المتعهدين ،اما الحديقة الخلفية فهى الكارثة الحقيقية

ادعم الموضوع بالصور لو امكن يا عثمان .

صور شنو يا قلقو يا أخوي
ياتو يوم العربي ده جاب ليه صور

كل سنه وانت طيب يا عثمان

الاخوان الكرام الاخت اميرة الاخ قلقو الاخ بشير. سلامات. والعيد مبارك عليكم جت . يا اخ. قلقو. كل الصور. الكانت تزين. الفندق الكان. زين اتلحست . شالوها . حتي. اللوحات. . في. ناس. طبعهم. كدي. مسح.
تخيلوا. يا. جماعة من الصور. المفخرة. الاتلحست. صورة الشاعر الامريكي الفخيم langston hughes
الشاعر. الكان سبب نهضة. هارلم .
الشاعر. ده. كتب. قصيدة. النيل
في فرندة الفندق المطلة. علي النيلو
طبعا. الاسبانش. بقولو. للنيل. نيلو
وبالانجليزي. نايل. .
الجماعة. ديل. جدعوا. الفندق التاريخي. لي. مستثمر. باكستاني
تعال. شوف

هلا هلا . ماقايلين الدنيا بتنخج و بتنفرك زي ده الفرك العجيب .
في البهو ده لعبن بنات لوردات الانجليز . حكام السودان والهند وعدن وكينيا .
في دي الممرات الكانت انيقة قدلت الملكة اليزابيث وبعد كم سنة عقبتها بالزيارة
الاميرة ان . هنا كانت حكايات دارت بين دي الحيطان الحبيبة . اكيد الباعوها
ديل ماعندهم بالناس. علاقة .

يا ابوعفان ياخوى انا قصدى تدعم الموضوع بالصور عن الحالة التى آل إليها فندق القراند اوتيل بعد أن حط عليها الكعوك والجراد بكلكله .

يا قلقو يا اخوي
الفندق ده في يوم من الايام كتبت عنو الصحف البريطانية ( المافي ليه مثيل )
وجد كان مافي ليه مثيل . ياتو فندق في العالم شباكو فاتح في نهر الجنة ؟
الفاتح في قلوب السودانيين .
تصدق يا قلقو. انو. والله ما بعرف. انقل صور. . بارك الله في الاخوان .
لكن صور العز الضاقو الفندق زمان . لو اتنقلت العيد حينقلب للناس حنضل .

البشتنة ضربت جميع اركان الفندق . من قبل ما تدخل الباب الكبير.
حتضربك ريحة
بهارات المطبخ الباكستاني . المطبخ المختلف من المطبخ السوداني المشهور .
ريحة الكاري الباكستاني المزعجة اول ما تدخل حتوريك انو السودان فقد بيت
ضيافتو. الرحيب .
فقد. النزلة. العظمة . فقد المضيفة المفخرة . ياخ ديل شنو ديل ؟

البشتنة ضربت الفندق فوق و تحت . الاكل الفرش النظافة
والترحيل .
الفندق كان. رمز. وصورة للاصالة السودانية و الضيافة
والمدنية.
الان. ادشدشت. الصورة. المنقولة. عن السودان . و عكلت رايحة
البهارات. الاسيوية. . يا. حليلنا.

وين راحت صور بنات اللوردات الكان بيجن من لندن في شتاء الخرطوم .
وين الصور.

يحكي لينا انكل تووم لانكستر من منطقة كرستل بالاس في جنوب لندن عن
السودان زمان في بداية الستينات و عن الفندق الرحيب .
تووم لانكستر تاجر جلود عندو. كتير من الاصحاب السودانيين . يحكي عن
كيف كان الفندق ضاج بسماسرة الاقطان و السمسم و السلع السودانية المطلوبة
رجال اعمال وخبراء تسويق من الغرب والشرق . يحكي حكايات تقوم
النفس. و تبكي علي البشتنة الحصلت .