سامحونا على لغة الـ F word الخالة دقة قديمة وروحها محرّقاها شوية
Post: #2 Title: Re: What America Stands For Author: هاشم احمد ادم Date: 08-23-2018, 04:31 AM Parent: #1
سلام ود البشرى
داير أشارك الا عنونة البوست ما واضحة شكلك نسيت علام الاستفهام.
Post: #3 Title: Re: What America Stands For Author: هاشم الحسن Date: 08-23-2018, 05:34 AM Parent: #2
هههههها يا ود البشرى يسامحوك على شنو ياخي؟ ناقل الفيديو ليس كمن حملّته في الوسائط ههههها دي لغة معتادة خالص وحرف الإف بالذات أهم حرف فيها على الإطلاق. لازم لربط المعاني كلها ههههه أما الأستاذة الحجة دي فمن لهجتها يانكية نيويوركية وديل ناس نصيحة قحّة وعلي زهجتها من مؤيدي ترمب "الصعايدة والبدو" فهي أشد زهجا من معارضيه الماقادرين عليهو، ومن طريقتهم التي لا ترضي طموحها الجذري.. وغالبا فهي من البسموهم بـ"التقدمييين" ودي بالذات ظاهر عليها تقدمية جدا، وممكن تكون يهودية كمان لأنو اليهود كتار في نيويورك وفي صفوف التقدميين. وهي على طريقة كثيرين حانقين على كل النظام والدولة، وأشد حنقهم وبخاصة فمن الجمهوريين فعادي تلقاهم فايتين طرح الحزب الديمقراطي بي هناك.. حتى بيرني ساندرز تحت طائلتهم. أما جماعة بوش وترمب وأزلامهم في الفوكس نيوز فبرضو عادي بقولوا عليها وعن الزيّها إنها؛ "لبرالية متحللة (مش منحلة) شيوعية اشتراكية مسلمة وبلا قيم وطنية وليست امريكية بما يكفي".. ومرات كلهم يأفئفوها حتى في التلفزيون خليك من الفيسبوك، وآخرون ممكن يقولو ليها بإضافة منهم؛ "يهودية زنجية مكسيكية مهاجرة غير شرعية مسلمة سرية مولودة في مالطا المافيها أذان" لكن الراسخين منهم بسكتوا على حكاية يهودية دي.. السيرة دي يتجيب ليهم مشاكل! قصص التخوين دي طبعا بقت عادي وبتلقاها في أي مكان والناس كلهم بقو يصرفو بركاوي شديد. الفرق بس، هناك ممكن يصرفوا من طرف ولي اي طرف وكل زول يتحمل البركاوي المضاد.. لا مطاردة ولا مصادرة ولا سجن ولا قبقبة ولا منافي ولا مشانق ولا سكوت اجماعي زي حالاتنا، فرّقت علينا الله يديها الصحة.. وبالله ما تضغط عليها شديد الزولة براها زهجانة، زهجة وبتعدي ولا علينا في الضحكة شيء.. السياق اللغوي متسامح ويسمح. وأما كلاماتها عن "الأمريكان الأصليين والأبراج وبيرل هاربر" فتحصيل حاصل تاريخي ومن باب تأصيل الزهجة بنوع من حركات بشاشية ساي.. ما عليها رك..
يا هاشم مافي علامة استفهام.. دا ستيتمنت والناقص مفهوم ضمنيا: what america stands for is; F... this and F... that and F...you all مفهومة ياخي.. الزولة دي ما دايرة تسألكم، دي بتكلمكم يا السامعين أكرمكم الله..
Post: #4 Title: Re: What America Stands For Author: سفيان بشير نابرى Date: 08-23-2018, 05:52 AM Parent: #3
ههههههههههه هههههههههههههههههههههههههههههههههه متعة ياخ و مافي داعي لأي اعتذارات دي لغة عادية زي ما قال ليك سيدي هاشم و زولتك رقدت بي ترمب
Post: #5 Title: Re: What America Stands For Author: Deng Date: 08-23-2018, 08:33 AM Parent: #4
ود البشرى
ده بعض الترف الذي يمارسه بعض الليبراليين الامريكان. يجب عليها أن تعرف في المقام الاول أن America stand for people like her, so she can be able to speak freely
Post: #6 Title: Re: What America Stands For Author: معاوية الزبير Date: 08-23-2018, 09:58 AM Parent: #5
لغة الـ F دي ما بذيئة لكن نحن حصرناها في كلمة واحدة. أو على الأقل لها معاني شتى، البذيء فيها واحد بس ربما يكون الجذر بذيء لكنها تطورت كثيرا وأخدت معاني أخرى
لا تحضرني حاليا استخدامات مشابهة في لغتنا السودانية ومقبولة جدا
Post: #7 Title: Re: What America Stands For Author: محمد أبوالعزائم أبوالريش Date: 08-23-2018, 01:54 PM Parent: #6
Quote: لا تحضرني حاليا استخدامات مشابهة في لغتنا السودانية ومقبولة جدا
* ماسورة. * لليفة.
Post: #8 Title: Re: What America Stands For Author: Deng Date: 08-23-2018, 06:18 PM Parent: #7