تاني ايام العيد وقبل منتصف النهار بنحو الساعة تقريبا .. وأنا أشاهد في قناة الشروق.
العنوان كان "ارض الطيبين" .. المقدمة كانت عزف منفرد على القربه قبل ان يتداخل النحاس .. دقة النحاس كفيلة بايقاف شعر الروح بالمناسبة.
توالت المشاهد .. قليلا وانتبهت لفلسفة اختيار المشاهد .. لم تكن فلسفة في واقع الامر كانت الاحلام اذ يكون الوطن مسرحها ..
حقول القطن في الجزيرة حقول الذرة وكل تلك المراعي الخصيبة في بوادي السودان الشاسعة .. الصمغ العربي .. السكة حديد ميناء بورسودان .. الخطوط البحرية السودانية الخطوط الجوية السودانية الخ الخ
ولا تكتمل الصورة هنا الا بالتنوع الطاغي على كل شيء الوجوه .. المناخ .. البيئة .. الايقاعات
كانت هناك لقطة عبقرية باستخدام ايقاع الصمغ في المصافي على ايدي البنات ..
ثم الأغنية نفسها وحظها الكبير في الوجدان .. اذكر انني شاركت في تقديمها ضمن كورال اسرة ابن حيان لطلاب صيدلة الازهر ..
اغنية جميلة .. والاجمل كان توظيفها هذا التوظيف الفني الجمالي في هذا الزمن بالتحديد .. شكرا كورال كلية الموسيقى والمسرح
وكل عام وانتم بخير
Post: #2 Title: Re: ايوه بكيت في العيد Author: عبدالله عثمان Date: 08-22-2018, 09:56 AM Parent: #1
حب السودان من حب الله الأستاذ محمود محمد طه بختك عينان لا تمسهما النار وعين بكت من / وفي حب السودان وأهل السودان طوبى لكم يا دكتور
Post: #3 Title: Re: ايوه بكيت في العيد Author: محمد حيدر المشرف Date: 08-22-2018, 09:58 AM Parent: #2
لم اتمالك نفسي يا استاذنا عبدالله
وها انت تأتينا بذكر المحمود فينا محمود ..
Post: #4 Title: Re: ايوه بكيت في العيد Author: محمد نور عودو Date: 08-22-2018, 10:04 AM Parent: #1
سلامات محمد حيدر مشرف فكرة الاغنية تحكي عن سودان قديم الذي يخالفه واقع سودان اليوم كل سنة وانت طيب
Post: #5 Title: Re: ايوه بكيت في العيد Author: محمد حيدر المشرف Date: 08-22-2018, 10:06 AM Parent: #4
سودان مستمر يا محمد ..
معطيات هذا الوطن موجودة لم تمسسها نار المغول الوطني .. متى ما عاد اليها الناس عادت
كل عام وانت بخير
Post: #6 Title: Re: ايوه بكيت في العيد Author: مامون أحمد إبراهيم Date: 08-22-2018, 10:57 AM Parent: #5
بكيت برضو والله يا محمد ،،والله بكيت يا إلهي !!!!
Post: #7 Title: Re: ايوه بكيت في العيد Author: مامون أحمد إبراهيم Date: 08-22-2018, 11:01 AM Parent: #6
معليش نسيت أقول كل عام وأنتم بخير
وتعود الأيام بالسودان الجميل وبأهله الطيبين
Post: #8 Title: Re: ايوه بكيت في العيد Author: مامون أحمد إبراهيم Date: 08-22-2018, 11:01 AM Parent: #6
معليش نسيت أقول كل عام وأنتم بخير
وتعود الأيام بالسودان الجميل وبأهله الطيبين
Post: #9 Title: Re: ايوه بكيت في العيد Author: محمد حيدر المشرف Date: 08-22-2018, 10:58 PM Parent: #1
مامون يا صديقي ينعاد عليك العيد بالف خير واحسن حال ..
هي مواقيت البكاء الكريم يا عزيزي
Post: #10 Title: Re: ايوه بكيت في العيد Author: عبدالحفيظ ابوسن Date: 08-23-2018, 06:28 AM
ونحن يا مشرف نعيش المأساة يوماتس المستشفي في كوستي مليان نيم ولبخ شجر ظليل وضخم كأنه عاش ملايين السنوات واحد جا قال يقطعو .. ليه ؟ في الخريف بسكن فيهو السنبر وام بيوض طيب ياخ سنويا بقطعو فروعو قبل الخريف وبخدر بعدها لا يقطعوهو كانت ظليلة صحبي ادريس تبيدي جا بعد سنوات من لندن خش المستشفي فبكي نحن لم نبك فقد عشنا الالم منذ مولده
Post: #11 Title: Re: ايوه بكيت في العيد Author: Asim Ali Date: 08-23-2018, 11:37 AM Parent: #10
بحكم الاقامه بالسودان البكاء والحزن الممزوج بالغضب موجود بافتقاد كثير من التفاصيل الحياتيه الجميله والتى افتقدناها بحلول ظلام هذا النظام القمىء. حتى الفرحه و الابتسامه اصبحت مغموسه بمراره الحزن والالم.