سبر العاشق كتر الليمة ولم الشمل الروح شت سبر الروح الكلمة الزينة ونفسا طيب مالي الجتة عيد سعيد
Post: #2 Title: Re: اليوم خمر Author: عبدالحفيظ ابوسن Date: 08-21-2018, 04:15 AM Parent: #1
اليوم قررت أن تملأني روح العيد أن أسعد أنسي الهم والحكومة وفسادها وقلة عقلها وروحها الجلفة المتعفنة اليوم فرح بس ان ابعث روح التفاؤل والامل داخلي ابعث برسائل ايجابية داخل جوانح نفسي
Post: #3 Title: Re: اليوم خمر Author: معاوية الزبير Date: 08-21-2018, 04:36 AM Parent: #2
كل سنة والجميع بخير يوم الليلة يمر بِـ صبرو .. أحلام باكر كيف تـتأتى!
َدي سَلّيتا من وين يا حبيب
Post: #4 Title: Re: اليوم خمر Author: عبدالحفيظ ابوسن Date: 08-21-2018, 04:48 AM Parent: #3
كأنك تقرأني يا صاحب يوم الليلة يمر بي صبرو خليهو يمر ياخ يمر بي فرح وسعادة خلينا ننسي
Post: #5 Title: Re: اليوم خمر Author: يحي قباني Date: 08-21-2018, 04:48 AM Parent: #3
عيدكم مبارك يا عيال كوستي ..
احبكم و احب كوستيكم بي بحرها و أهلها و سمكها و فسيخها .. و بي رديفها و دريسها و مرابيعها و أبو شريفها و سراياتها ..
و ملعون أبو الفرقنا ياخ ...
Post: #6 Title: Re: اليوم خمر Author: عبدالحفيظ ابوسن Date: 08-21-2018, 04:56 AM Parent: #5
ونحن نحبك يا قباني نحبك جدا نحن قوم مثلك نحب الغناء والفرح نضرب الهم بالفاقة شوف كل الفنانين الزمان بحبو كوستي ابوي الله يرحمو كان بحكي لي عن زنقار في كوستي اييييك ياخ
Post: #7 Title: Re: اليوم خمر Author: معاوية الزبير Date: 08-21-2018, 05:05 AM Parent: #6
فرصة و عيدية لو يجونا أولاد بارا يحدثونا عن الشاعر محمد مريخه ---
محبة أكيدة يا قباني ما عايزه كلام
Post: #8 Title: Re: اليوم خمر Author: عبدالحفيظ ابوسن Date: 08-21-2018, 05:06 AM Parent: #6
صحيت والقمر في طرف السماء بين البدر والهلال بسمع في مصطفي وقررت كما قرر امروء القيس اليوم عيد سأقاتلهم بأن احيا وافرح ان لا يموت داخلي روح العيد نحن عشاق الحياة سنرتشفها لآخر قطرة في الكأس سنحضن زوجاتنا واطفالنا وسنحضن حبيباتنا ان استطعنا لذلك سبيلا سأحيا اليوم متحررا من كل واجب وهم هل يموت الذي كان يحيا كأن الحياة أبد وكأن الشراب نفد و كأن البنات الجميلات يمشين فوق الزبد عاش منتصباً، بينما ينحني القلب يبحث عما فقد.
Post: #9 Title: Re: اليوم خمر Author: عبدالحفيظ ابوسن Date: 08-21-2018, 05:13 AM Parent: #8
وليك هدية يا معاوية بي هناك آي ياخ حدثونا حديثا يآنسا ويقصر لينا اليوم حدثونا ياخ عن الجميلين من وطني ستبقي الارض لافتة لنا ولاعداء العصافير كفن حدثونا يا اهل الفرحة تعرف بعد ساعتين بقفل النت وامارس طقس العيد اسوق وليداتي وادخل كل دار في الحي غير منشغلا سوى بالعيد افطر محل كرعيني تقيف
Post: #12 Title: Re: اليوم خمر Author: عبدالحفيظ ابوسن Date: 08-21-2018, 05:19 AM Parent: #9
وعظمة محبتي لهذا الوطن الوطن الممتد داخل داخل شرياني وعظمة هذا العيد لن ادخل بوستا اليوم غير هذا واغني واغني حتي ينشق حلق الغناء لو كان عندو حلق ولهاة فيها شنو ياخ افرحو غنو ولا غنو افرحو الدنيا مازالت ندية
Post: #10 Title: Re: اليوم خمر Author: يحي قباني Date: 08-21-2018, 05:14 AM Parent: #8
يوم الليلة يمر بى صبرو احلام باكر كيف تتعدى يا مغلوبة وغالبة زمانك كيف انساك محال البتة
و من الحان بدر الدين عجاج ...
Post: #11 Title: Re: اليوم خمر Author: يحي قباني Date: 08-21-2018, 05:16 AM Parent: #10
ذبحونا من الوريد للوريد يا حفيظ ...
شردونا ... يشرد النوم من عيونهم ان شاء الله ...
Post: #13 Title: Re: اليوم خمر Author: عبدالحفيظ ابوسن Date: 08-21-2018, 05:24 AM Parent: #11
انساهم الليلة يا صاحب شاعر بيكم وحات العيد دة وشاعر بي الخواء الجواكم والحسرة الليلة انسو اعصروا ذواكركم اتذكرونا اتذكروا زمااان ياخ اتذكروا قدلاتكم بالجلاليب والطاقية البيضا وانتو لافين من بيت لي بيت واصوات المهنئين حولكم وصخب الاطفال والكعك والبتي فورد وحلاوي سعد وحلاوي كركاب
Post: #15 Title: Re: اليوم خمر Author: Elsanosi Badr Date: 08-21-2018, 05:38 AM Parent: #13
اخدت اجازة
قريت اي حاجة كتبها قباني عن امدرمان وعن حقيبتها حتي فول ود سعد
تذكرت عمك النعيم في ابي روف ويافطته هل خطر ببالك ان تتعشي عندي
مررت علي بوستات ود خالتي تضي والتهمتها كلها
عشت مع محمد النور كبر وابداعه
تحدثت مع محمود عن الصحراء
وغنينا محمد محمد الامين وحزنا مع عركي
ثم قررنا ان نفرح معكم فنحن شعب عظيم وان لا نتذكرهم حتي لا يفسدوا لنا فرحة العيد
Post: #14 Title: Re: اليوم خمر Author: هاشم احمد ادم Date: 08-21-2018, 05:33 AM Parent: #11
Quote: .. عد لينا ياليل الفرح داو القليب الإنجرح خليهو يفرح مره يوم طول عمرو ناسيهو الفرح ¤¤¤ عد لينا ماتبكي العيون الشاربه من بحر الخجل عد لينا ماتعدد دروب ريانة بتسيب بالامل عد لينا قبال الخريف يرحل يسيب ايامنا بتصيبه المحل إمكن تطيب اشواقنا يوم وتودي لي شوقك يصل ¤¤¤ لكن ياليل كيفن تعود تتحدي ليل اسود ومن اغلا العهود رياد يسيل كيفن تعود والليل بيتوسد ضفاير حبي زي طفلا" صغير شايلنو شيل إتغني بي حلو الاغاني الطيبه راجيك من قبيلg
r
سلام عيد سعيد
Post: #16 Title: Re: اليوم خمر Author: عبدالحفيظ ابوسن Date: 08-21-2018, 06:02 AM Parent: #14
آي ياسنوسي دعهم في ظلمهم يعمهون وقاعدين ليهم بعدها افرح وجبجب وانطرب ملحوق كلو ماحيسرقو مننا لحظات الفرح
Post: #17 Title: Re: اليوم خمر Author: محمد أبوالعزائم أبوالريش Date: 08-21-2018, 06:16 AM Parent: #16
كيف انساكِ وليل الشارع رمى ستايرو وقفل الحتة برج التالى إنشر بدالى وحوش ليك ايامى الستة يوم الليلة يمر بى صبرو احلام باكر كيف تـتأتى يامغلوبة وغالبة زمانك كيف أنساك محال البتة
ياخ ده شعب جميل مافي كلام ...
و ..... العيد يتبارك عليكم
Post: #18 Title: Re: اليوم خمر Author: تماضر الطاهر Date: 08-21-2018, 06:57 AM Parent: #17
العزيز ابو سن والاحباب ضيوفو كل سنة وانتو طيبين ... عجبتني ان استطعنا لذلك سبيلا ههههههه الله يسعد قلبك
Post: #19 Title: Re: اليوم خمر Author: عبدالحفيظ ابوسن Date: 08-21-2018, 07:39 AM Parent: #18
اليوم شربوتا ولحمة انتهت الصلاة ولفة الجيران أكاد أكون صافحت كل مالاقيت في الطرقات يتبعني عمدة وميورة وعلا او ألاحق انا خطواتهم العابثة والمتعسرة وتلفتهم واندهاشهم مما اراه عاديا . فلبست نظارتهم واندهشت معاهم بفرح طفولي غير عابئ
سقيت الناس من قلبى ، حصاد العمر ،
ذوب عروقى الولهى .. باكواب من النورِ
أقبل كل من ألقى على الطرقات ،
من فرحى وألثم أعين الدورِ سند
Post: #20 Title: Re: اليوم خمر Author: عبدالحفيظ ابوسن Date: 08-21-2018, 07:45 AM Parent: #19
سيعود يا هاشم حتما يعود وغدا نعود كما نود اليوم سندفن فجيعتنا سندفنها في ضحكة صادقة وعامر اليوم سأسرق قلب اطفالي سأتعلم منهم سأتعلم منهم كيف افرح كيف اضحك كيف اتجاوز حزني كمية من السيلفي مع اطفالي سمحت لنفسي ان أكون مثلهم ام هم سمحو لي بذلك غمروني بروحهم وتركت نفسي لهم منسابة كماء رقراق في جدول تحفه الطيور المغردة
Post: #21 Title: Re: اليوم خمر Author: عبدالحفيظ ابوسن Date: 08-21-2018, 07:50 AM Parent: #20
يا ابوالريش دة شعب أسطي شعب طيب الطيبة التي لا تعني السذاجة وسبر الروح الكلمة الزينة نحن عندنا الحسنة معطت شنب الاسد ونحن عندنا ولا يهمك حصل خير ومافي داعي للاسف
Post: #22 Title: Re: اليوم خمر Author: عبدالحفيظ ابوسن Date: 08-21-2018, 07:54 AM Parent: #21
تخففي يا صاحبة تخففي من كل حمولة تكبس علي نفسك لا تكوني قاضية علي ذاتك اليوم فقط
Post: #64 Title: Re: اليوم خمر Author: najma Date: 08-25-2018, 10:00 AM Parent: #20
العيد مبارك عليكم انت وضيوف البوست
Post: #23 Title: Re: اليوم خمر Author: هاشم الحسن Date: 08-21-2018, 08:26 AM Parent: #1
كل عام وانتم جميعا بخير.. وعسى أيامكم تعود بالشربوت.. وصحي والله يا حفيظ.. سبر العاشق كُتر الليمة ولم الشمل الروَّح شَتّا سبر الروح الكلمة الزينة ونفَسَنْ طيب مالي الجِتَّة ومصداقه في شعر تماضر:
Quote: صامتٌ كم أسمعك عابِسٌ قلبي معك دمعة منك على خدي ودمعي أتعبك وصفيرٌ منك يحدوني وشدوي أطربك ما أقربك
ؤ شربوت لله يا محسنين!
Post: #24 Title: Re: اليوم خمر Author: Osman Awoda Date: 08-21-2018, 08:44 AM Parent: #1
هسي الواحد يقول شنو يدخل وين الكلام عجبني كلامكم كلكم قلت الناس ديل كلهم حزنانين لكين الليلة فرحانين قلت افرح زيكم،،،مرم وعلي السودان بالتلاتة ما قدرت اعفوا لي،،،وكل سنة وكل ثانية وانتوا جت عليكم فرحانين ،،،،، الله لا بكسبهم دنيا وآخرة
Post: #25 Title: Re: اليوم خمر Author: Osman Awoda Date: 08-21-2018, 08:55 AM Parent: #1
يا حفيظ اليوم خمر وبكرة برضو خمر غصبا عنهم
Post: #26 Title: Re: اليوم خمر Author: معاوية الزبير Date: 08-21-2018, 11:08 AM Parent: #25
واتا شديد ولضيض يا هاشم الحسن فرحت جدا بالعيد فرح حقيقي ولم اقل لا لأي اقتراح مقدم من الاسرة ارح اليوم الاول نعيد مع ناس امي جدا نغشي فلان جدا فلانة جدا وواقع سلام في كل اهل الشارع صغيرهم وكبيرهم ضكرهم وانتايتهم فطرنا مع نسابتي وسقت ولدي عمدة ومرقنا تلاتة ساعات من المشي تتخلها الزيارات ولكن قلت لا للشربوت خفت اسكر . قطعت لي كبايتين ون قو وقافي عند ناس عمي وراسي لف فرفضته لاحقا لم آل غير لحمة وبصل فقلت لا خفت اطق رجعت نمت صحيت وسأواصل فرحي بعد افضا منكم
ومالو يا عووضة وبكرة كمان الاستمتاع بالعيد لا يعطل عجلة الثورة وتناسي الحزن لا يعني نفيه انسي يا صاحبي وحياة خوتك ناسي هموم لو حكيتها ليك تبكي وتغلب السكات هموم عام وخاص
شكرا معاوية شكرا تماضر الفرح ما بغلبنا ياخ سنولده من ركام الهم والحزن الحزن والهم يستهلك الروح يا صاحبة انك تنضمين من حبات الهموم شعرا جميلا فكذلك قادرة علي الفرح انسي ياخ لا تأسي علي شئ ولا تقسي علي نفسك اضحكي بدون سبب وتبسمي تمثيلا بعد ثانية ستنطبع بسمة مشرقة وطبيعية علي وجهك لا احن منك علي نفسك ولا متعاطف افضل منك علي نفسك ولا محب ابسطي روحك فإن لنفسك عليك حقا حقها ان تفرحيها
واتا طيب حمد واسرتك اطيب مابنخليهم يأكلو روحنا ولا قدرتنا علي الضحك والفرح جذوة فرحنا متقدة لأننا نحب الحياة نحن ليس مثلهم نحن نقتات علي الحب وهم يقتاتون الكراهية الضوء يغسلنا .. وبنظف دواخلنا وهم يلتهمون الظلام والعتمة
اعبروا اعبروا إلي الجانب الآخر من الطريق ذات الوجهه والهدف ولكن شارع مختلف
Post: #39 Title: Re: اليوم خمر Author: عمر التاج Date: 08-21-2018, 04:12 PM Parent: #38
قالوا :أوفى الجنة خمر قال: نعم، خمر من عسل مصفى، لكنه لا يسكر. قلت: لعله يجمع الاحباب و ينعش العقول ويندي الأبدان ويقشع الهموم، اقول قولي هذا واحسب هذا البوست يفعل مثله تحية لك يا حبيب وعيد سعيد.
لعله يا عمر فلايذهب العقول بل يحضر المشاعر الونسة دون قيد او شرط ونسة سودانية عامرة وغامرة ضحك ولم اتكلم في السياسة ولا الوضع الآخر فاليوم خمر خمر المؤانسة والاحباب والمساء ليدو مع الاسرة
لن يستطيعو يا عربي سيطلع دينهم لا ديننا فديننا لايشبه دين بني امية دين انسانية وتكافل ومحبة دين اجر وصلي ودين شيل مع اخوك وارفع منو والفقرا اتقاسمو النبقة
لن يستطيعو يا عربي سيطلع دينهم لا ديننا فديننا لايشبه دين بني امية دين انسانية وتكافل ومحبة دين اجر وصلي ودين شيل مع اخوك وارفع منو والفقرا اتقاسمو النبقة
Post: #43 Title: Re: اليوم خمر Author: عبدالحفيظ ابوسن Date: 08-22-2018, 06:38 AM Parent: #42
كما غني مارسيل سنغني للفرح خلف اجفان العيون الخائفة و سندفن موتانا وننهض
Post: #44 Title: Re: اليوم خمر Author: بدر الدين الأمير Date: 08-22-2018, 07:42 AM Parent: #43
Quote: سبر العاشق كتر الليمة ولم الشمل الروح شت سبر الروح الكلمة الزينة ونفسا طيب مالي الجتة عيد سعيد
Post: #45 Title: Re: اليوم خمر Author: محمد حيدر المشرف Date: 08-22-2018, 08:31 AM Parent: #1
القعده دي فاتتنا ولا شنو؟!
Post: #46 Title: Re: اليوم خمر Author: عزالدين عباس الفحل Date: 08-22-2018, 08:54 AM Parent: #45
***
سلام الفاضل ابوسن. و ضيوفه الكرام . كل سنة وانتم اطيب . اليوم رمي الجمرات. و ليس خمرا ... ...
*** مداخلة ع عجل...
،،،،
عزالدين عباس الفحل مكة المكرمة . السعودية
Post: #47 Title: Re: اليوم خمر Author: عبدالله عثمان Date: 08-22-2018, 09:11 AM Parent: #46
الإهـــــداء
إلى الذي ظلت البشرية .. تنتظره وتترقب ظهوره .. إلى الإنسان!! ثم .. إلى الرجال والنسوان هل تحلمون به؟؟ إنه فيكم!! يظهره القرآن .. ---
كأننا نسمع وقع أقدامه مهدوا سبل الرب أجعلوا طرقه مستقيمة
light @ the end of the tunnel
Post: #48 Title: Re: اليوم خمر Author: عبدالحفيظ ابوسن Date: 08-22-2018, 10:57 AM Parent: #47
آي يا بدر والله يا مشرف لازال في الكأس باقي
Post: #49 Title: Re: اليوم خمر Author: عبدالحفيظ ابوسن Date: 08-22-2018, 11:01 AM Parent: #48
واتا طيب يا الفحل الطائفون حول البيت يرمون في الجمرات ونحن الطائفون في جحيم الانقاذ نرميهم بكل سلاح لدينا اللهم اقذف بهم في جحيم نيرانهم ولا تترك منهم احدا هم ومن يشايعونهم ومن يستحسنون عملهم والمتلذذين والساخرين من عذابنا
Post: #50 Title: Re: اليوم خمر Author: مامون أحمد إبراهيم Date: 08-22-2018, 11:09 AM Parent: #49
كل عام وأنتم بألف خير وصحة وعافية عزيزنا أبوسن ،، عيدكم سعيد ومبارك أبوي
Post: #51 Title: Re: اليوم خمر Author: محمد بدرالدين Date: 08-22-2018, 12:00 PM Parent: #50
كوستي.. و ربما حي النصر و عموما.. كوستي و الكوستاويين حلويين ربنا يخليهم و يجعل أيامهم أفراحا... و عيدكم سعيد و بخيت ههههه الشعب السوداني اعتقد ما شاف الخمر البتقصدو من 89 و كل أيامهم أمر... و اللهم اجعل أيامنا فرحا و سعيدا كما تتمناها لنا الحبيب ابوسن و التحية و التقدير لكل الحضور موتي و تقديري و اللهم صلي علي كامل النور
Post: #52 Title: Re: اليوم خمر Author: عبداللطيف حسن علي Date: 08-22-2018, 12:06 PM Parent: #51
كل عام ترذلون الي مزيد من جحيم الحياة
كل سنة وانتم اشد قوة وصلابة
Post: #53 Title: Re: اليوم خمر Author: عبدالحفيظ ابوسن Date: 08-23-2018, 06:50 AM Parent: #52
سأعود
Post: #54 Title: Re: اليوم خمر Author: هاشم الحسن Date: 08-23-2018, 07:32 AM Parent: #53
سأعود ==== عود لينا يا ليل الفرح داوي القليب الانجرح قول ليهو يفرح مرة يوم طول عمرو ناسيهو الفرح ==== يا حفيظ.. تقّلت الشربوت ولّ الفرح؟
Post: #55 Title: Re: اليوم خمر Author: عبدالحفيظ ابوسن Date: 08-24-2018, 06:41 AM Parent: #54
تشكروا عبدالله عثمان مامون محمد بدر الدين لطيف هاشم
Post: #56 Title: Re: اليوم خمر Author: عبدالحفيظ ابوسن Date: 08-24-2018, 06:57 AM
تقلت الفرح يا هاشم الشربوت مع السكري مشكلة التزمت التزام تام بنثر الفرح داخل ذاتي لم اقل لا ابدا لأي مقترح لأي برنامج مشيت مشي يكفي شهر المركوب عمل لي مشاكل بالنهار لف وبالليل ليدو صاخب مع الاسرة اتغلبت غلب وقربت ازعل من مشاغلات اولادي حسن لعبك ارفع مستواك لوزر looser لكن قاتلت الشعور السالب وعملت فيها رياضي لكن مغتاظ
Post: #57 Title: Re: اليوم خمر Author: هاشم الحسن Date: 08-24-2018, 07:58 AM Parent: #56
هههها المركوب، كان دايرلو تطويع قبل العيد سحبة سحبتين لكن والله U R the WINNER لما فرحتني أنا ذاتي، ما أحلاها وأكرمها من عدوى..
Post: #58 Title: Re: اليوم خمر Author: عبدالحفيظ ابوسن Date: 08-24-2018, 09:41 AM Parent: #57
كلم اولادي ياخ هههه كلمهم يا هاشم هاشم في العيد سنقاتلهم بحب الحياة والشغف
Post: #59 Title: Re: اليوم خمر Author: عبداللطيف حسن علي Date: 08-24-2018, 09:17 PM Parent: #58
Post: #61 Title: Re: اليوم خمر Author: عبدالحفيظ ابوسن Date: 08-25-2018, 05:51 AM Parent: #60
ام فتفت في يا لطيف اول مرة اشوف ام فتفت في عيد الضحية حسب مادرسونا يمكن الاشتراك في ضحية العيد السنة دي حصلت شراكات كتيرة واول مرة اشوفها الناس اتشاركت عجول للضحية . في الضان المرارة وفي البقر ام فتفت واحد صحبي قال بشتري كرامة بس لقاها غالية قال لي بشتري عنبلوك ودة كلو عشان اولادو قلت ليهو لو تخليها او تشتري 3 كيلو ضان بتخلي اولادك ضحكة ونكتة وسط الشفع اشتركوا عجل معاهو اربعة
Post: #62 Title: Re: اليوم خمر Author: عبدالحفيظ ابوسن Date: 08-25-2018, 05:52 AM Parent: #61
تفك عشان نغرق يا منص 😆😆
Post: #63 Title: Re: اليوم خمر Author: عمر أبوعاقلة Date: 08-25-2018, 09:41 AM Parent: #62
جعل الله أيامك كلها أعياد وجمّل (للفرح) ممشى ممشى عريض يفوقهم في حسن الظن مهما ساءت ظنونهم بس لو قدرنا أن نهزمهم بهذه الروح يومااااتي كدا !!! تحياتي لك أب سن وكل عام وأنت والأولاد بألف خير
Post: #65 Title: Re: اليوم خمر Author: عبدالحفيظ ابوسن Date: 08-25-2018, 10:12 AM Parent: #63
يا ابو عاقلة مرة طربان شلت صوتك شان اغني اقيفي معاي نشيل كتف الغنا الميل نحن شعب بسيط جدا يا صاحب قادرين ان نغير مزاجنا بي ختة كرسي في شارع البيت ولا فنجان جبنة ولا غنية اعددنا لهم ما استطعنا من الفرح وحب الحياة نعبئ به قدرتنا علي الصمود والنضال ضدهم
Post: #66 Title: Re: اليوم خمر Author: عبدالحفيظ ابوسن Date: 08-25-2018, 10:13 AM Parent: #65
