امس سرقوا خروفو خلوا. خشمو. ملح. ملح.

07:54 AM August, 20 2018 سودانيز اون لاين
Osman Musa-
مكتبتى
رابط مختصر اصعب شي يسرقوك خروفك . قال. لاحدي صلاة الصبح الخروف ده راقد في امان الله .
وبقي ينضم. براهو. زي. المجنون .
( لا تصح التضحية بالمسرووووووق )

عقبال خروف ود الباوقة.

اليومين دي لفح عجيب . تيس خروف
غزال اي حاجة ممكن تضحي .
يا دينق ياخ خروف ود الباوقة انشاءالله قبل ما يسرقوهو يقوم الحرامي يجز صوف الخروف و يخلي ليه الصوف في كيس جمب المزيرة. .

العيد ده والله يا جماعة من اصعب الاعياد الشفتها في حياتي
لكلكة عجيبة في جميع مناحي الحياة . صعوبة رهيبة في الحصول علي
ابسط الحاجات .
شح. عجيب في الكاش . صرافات السحب بي الشلوب ما بتطلع ليك
قرش. احمر. . وموظف البنك. الاصبح. زيك. مسكين يحوص ليك
تحويصة. علامة (. نو موني. نو كراي . )
مع. بسمة. تعني. يا. حليل. زمن. بوب. مالي. وزمن الريال ابو عشرين .
وفي. الزاوية. البعيدة. مسطول. ينضم. في. الهواء عن. محافظ بنك
السودان. وعن. كيفية. دخول. الجنيه. في. الابريق .
حوالي 70 في المية. السنة. دي. قاعدين. بدون صحية
والقعاد. بدون. ضحية. رفع. سعر. ملوة. الفول.
يعني. الضحية. بوش.
ولو. عندك. قرشين. لابد. تختهم. لزوم. الناس. متوقعين السنة دي
جيش. الباعوض. والملاريا. و. الهيبو. البخلي. العين. زي. قميص نيمار
والله يا. جماعة. السودان. يكابد. اشد. الانكبادات. زاتو. .
وكل. عالم. والعالم. اجمل .

والله يا احمدونا يا اخوي في ناس حتي حق الديك ود الحلال ده ما عندهم
عليك الله لزومو شنو محافظ البنك يجفف الصرافات من الكاش الماجايب
مريسة تام زينو ؟
ياخ اصو. وكت الجنيه بقي جنازة فكو .
عليك الله مسؤول. زي. ده. حيتعلم. متين ؟
ياخ. صفوف الناس. المنتظرين. في الصرافات تبكي .
غايتو. كونك. تلاقي. ديك. يدلي. اليك. ببعض البيانات
معناتو. دي. السعادة. .

صاحب الخروف المسروق بعد ما شاف درب الموتر سايكل النهاب
وجبد نفسو وشويتين شويتين فكت منو الصدمة ابتسم . ابتسم ابتسامة
عريضة في البلد القلت فيها الابتسامات الحقيقية .
وقال بي صوت عالي . ياسيد الموترسايكل حلال عليك .
عافيه ليك عفو الله. والرسول. . وكويس. انك. كنت. متمهل. في السرقة
والدليل. علي. المهلة. انك. سرقت. الخروف. و قشو. معاو .
الحكاية. شنو. ياخ. ؟
حتي. قش. الخروف. ما. نسيتو. . ما. نسيتو. جاي تعمل ايه معانا. بعد.
ما. ودرتنا ؟
ياخ. حرامية. لايخافون. في. الخرفان. لومة. طفلة .
خروف. رباع. فور. ويل. املح. ادعج. له. صوف. زي. شفق. المغارب
كلفني. 100 يورو. صرفتها. قال. من. تعبي. في. مستشفيات. دبلن
وكنت. متمني. افرح. بي. عضة. كاربة. مع. الحبان. . لكن. الجاتك في
خروفك. و قصبو. سامحتك. .