حال السودان بين الزير سالم وفرويد

07:07 AM August, 19 2018

سودانيز اون لاين
علي محمد الفكي-
مكتبتى
رابط مختصر

# عندما قتل جساس بن مرة (كليب) ظل أخوه الزير سالم فترة طويلة أمام قبر أخيه وانقطع عن الناس حتى ظن أهله أنه نسي الثأر وبعد تلك الفترة شن واحدة من أطول الحروب في التاريخ ..

# في التحليل النفسي كان فرويد يعالج المرضى بما يسمى ( بالتداعي الحر ) وهي عملية القصد منها الوصول إلى اللاشعور وإخراج المواقف المكبوتة
# لما نكون مضايقين من حاجة ما أول ما نحكي لي زول وبدون ما يدينا حل بنحس بي الراحة وشوية شوية الضيق بروح ..

# الفكرة انو كل ما فضفضنا وتكلمنا عن دواخلنا كل ما تعافينا من الإحباط وواصلنا عملية التأقلم

# دا الحاصل علينا حاليا في السودان كل ما جات كارثة نلجأ لي مواقع التواصل ونشتم ونتشهد ونتحسبن وندعي على الكيزان ومن ثم ننسى الكارثة وننتظر الجديد

# حادثة المناصير لم تكون الأولى ولن تكون الأخيرة
لاحظوا عليكم الله البوستات. عن الحادث ..

# أول يوم تفاعل عجيب مع البوستات وحالة من الحزن والغضب الشديد وصور الأطفال في كل الميديا

# حبة حبة بقل التفاعل وبتقل التعليقات ..
# بعد شوية الصور بتاعت الأطفال الكانت بتوجع قلبك بتبقى شوية شوية عادية

# بعد كم يوم لما نلقى بوست عنهم بنجر المؤشر

# بعديها بجي العيد وننشغل بالمباركة وقصص الخرفان ..

# وتاني كارثة جديدة والسيناريو يتكرر ..

# الحل

محتاجين نقطع اتصالنا بالعالم ونجلس جوار قبر
( كليب )

Ahmed Alfaki