Post: #1
Title: معاناة الناس أمام البنوك انتظاراً لسحب شيء من أرصدتهم، استعداداً للعيد
Author: صلاح أبو زيد
Date: 08-18-2018, 07:45 PM
Parent: #0
07:45 PM August, 18 2018 سودانيز اون لاين
صلاح أبو زيد-
مكتبتى
رابط مختصر
المصدر الراكوبة في الفيس بوك
https://ara.alrakoba.net/2018/08/18/...%D9%81%D9%8A_/الراكوبة
|
Post: #2
Title: Re: معاناة الناس أمام البنوك انتظاراً لسحب شي
Author: Amira Hussien
Date: 08-18-2018, 09:50 PM
Parent: #1
شى مضحك انك تكون مضطر عشان تشيل قروش لكل هذه البهدلة الحمد لله زمان مرقت قروشى من البنك ختيتهم تحت البلاطة .......المضحك فى ناس لسه بتفتح حساب فى بنوك السودان وتطلع بطاقات ATM
الجديد شديد
|
Post: #3
Title: Re: معاناة الناس أمام البنوك انتظاراً لسحب شي
Author: Elbagir Osman
Date: 08-19-2018, 01:39 AM
Parent: #2
*للتعميم. . يمكن لأى مواطن متضرر من حبس البنوك لماله. .إن يملأ الفراغات ويتقدم بهذه العريضه بحسب مكان اختصاص الجهه التى بها حسابه*:-
📌📍📌📍📌📍📌📍📌
*التاريخ:-.../.../2018*
*#لدى نيابة .........*
*#الشاكى:-.........وعنوانى:-......... صاحب الحساب رقم:-.........ببنك.......فرع......*
*#المشكو ضده:- مدير فرع بنك........... وعنوانه:-مقر بنك.......*
*الموضوع:- عريضة بلاغ جنائي تحت المادتين 177 (خيانة الامانه) و 180 (التملك الجنائي)..*
===================
*بصفتى صاحب الحساب رقم ......بنك .....أتقدم اليكم بهذه العريضه لتحريك الإجراءات القانونيه ضد المشكو ضده نتيجة لما إصابنى من ضرر وذلك بحسب الآتى:-*
*1/لدى حساب بالفرع المذكور ويتم إيداع اموالى فيه بحسب العقد بيننا على سبيل الامانه..ويعتبر المشكو ضده مؤتمنا على اموالى..*
*2/جحد المشكو ضده تصرفى فى مالى وحجزه عنى من دون مسوغ قانونى..*
*3/طالبت بسحب اموالي من البنك ورفض تمكينى من الانتفاع باموالى. .مما سبب لى ضررا جسيما نتيجة لالتزاماتى تجاه جهات أخرى ماليا..*
*لذلك التمس:-*
*#الاذن بتصريح هذه العريضه وفتح بلاغ جنائي فى مواجهة المشكو ضده..وإصدار أمر قبض ضده*
*#الاحتفاظ بحقى القانونى للمطالبه بالتعويض الجابر للضرر...والحكم به وفقا للمادة 46 من قانون العقوبات..*
*واقبلوا وافر التقدير..*
*الشاكى:-............*
|
Post: #4
Title: Re: معاناة الناس أمام البنوك انتظاراً لسحب شي
Author: قسم الفضيل مضوي محمد
Date: 08-19-2018, 04:54 AM
Parent: #3
من الخطأ بمكان في دول العالم التالت أن تضع اموالك في بنك ...
هو بنك السودان ذات نفسه محروس بي دبابات ...
في الثمانينات في بنك اسمه الاعتماد أعلن افلاسه وناس كتار فقدو أموالهم ...
استغربت جدا من افتتاح صراف آلي في منطقتنا قبل كم سنة وتلقى الناس واقفة صف قبل الازمة وكنت بقول بيني وبين نفسي هي ويني القروش العاملين ليها صراف دي ...
من بدري خالص كان في اشاعات بتقول انه في بعض الموظفين في بعض البنوك بتصرفوا في بعض رؤوس الاموال وبدخلوا بيها السوق اقلبوا بيها تجارة ويشيلوا الارباح ويرجعوا رؤوس الأموال ...
في دولة زي السعودية هناك مخاطرة من وضع فلوسك في البنك فما بالك نحن ناس قريعتي راحت ...
المضحك المبكي أن الرئيس كان أفتتح صرافة وهاك يا قص شريط وصحفيين وكاميرات وهيلمانة ...
.
.
.
يا أمة ضحكت من جهلها الأمم ...
.
..
.
|
Post: #5
Title: Re: معاناة الناس أمام البنوك انتظاراً لسحب شي
Author: أبوبكر عباس
Date: 08-19-2018, 05:15 AM
Parent: #4
سلام يا قسوم،
أنا بالسودان وأعاني معاناة كبيرة بسبب قصة الكاش دي،
فكرتك شنو انو ما تخت قروشك بالبنك؟
تختها وين لو كنت بتتعامل بأرقام كبيرة؟
أها لو كلامك كان كلام ونسة ساكت؛ العفو والعافية
|
Post: #6
Title: Re: معاناة الناس أمام البنوك انتظاراً لسحب شي
Author: Amira Hussien
Date: 08-19-2018, 10:38 AM
Parent: #1
كلامك جد يا قسم الفضيل هى وينا القروش .......واحد عندو خمسين مليون بالقديم عامل دوشة وبطاقة ودفتر شيكات وماشى البنك وجاى منو ،ده شنو ............الناس العندها قروش كتيييرة خاتاهم دولار وحفظنوهم فى بيوتهم خزن مصفحة البشير ذاتو عامل كده ......البنوك بقت لى ناس المواهى .......بس ليهم اجر المناولة. وعلى رأيك من قصة بنك الاعتماد اى زول مرق قروشو من البنوك حتى العالمية .....من سنين الإنجليز عاملين قصة انو اى زول عايش فى السودان حيقفلو حسابو غالبية السودانية الارصدتا عتدهم اشتروا بيوت فى مصر ليثبتوا انهم عايشين هناك ...والخواجات بدو الجرجرة والمماطلة
|
Post: #7
Title: Re: معاناة الناس أمام البنوك انتظاراً لسحب شي
Author: سفيان بشير نابرى
Date: 08-19-2018, 12:13 PM
Parent: #6
غايتو انا في أربعة أنفار في الفديو دا بتمنى ما يلقوا ولا قرش و بعرفهم معرفة شخصية و واحد فيهم دفعتي عديييل من المتوسطة للجامعة و الأربعة كيزان و مجرمين كامل الإجرام وتم ذكر أسمائهم من الزول المصور الفديو و انا متأكد تمام انو طالما ما بيعرفهم هو ذاتو كوز معفن اكتر منهم.
|
Post: #8
Title: Re: معاناة الناس أمام البنوك انتظاراً لسحب شي
Author: Khalid Abbas
Date: 08-19-2018, 12:16 PM
| Quote: غايتو انا في أربعة أنفار في الفديو دا بتمنى ما يلقوا ولا قرش و بعرفهم معرفة شخصية و واحد فيهم دفعتي عديييل من المتوسطة للجامعة و الأربعة كيزان و مجرمين كامل الإجرام وتم ذكر أسمائهم من الزول المصور الفديو و انا متأكد تمام انو طالما ما بيعرفهم هو ذاتو كوز معفن اكتر منهم. |
طلعوا من اهل الطائف هههههههههههههههههههههههههههههههههههههههههه
|
Post: #9
Title: Re: معاناة الناس أمام البنوك انتظاراً لسحب شي
Author: قسم الفضيل مضوي محمد
Date: 08-19-2018, 06:37 PM
Parent: #8
.
..
.
لو كنت جادي في تساؤلك دا يا بكري عباس ...
غايتو ما في ليك حل غير ترجى الله في الكريبة ...
لان الازمة المالية الماري بيها السودان دي ازمة مستفحلة وعويصة ...
وسبب الازمة دي في الاساس هو رفع سعر الدولار الجمركي من 6 جنبه الى18 جنيه في اول يناير 2018 ...
غايتو في بصيص أمل انه الامور قد تفرج مع بداية بدء تصدير بترول ناس دينق عبر ميناء بورتسودان في بداية اكتوبر من هذا العام ...
.
.
.
غايتو قلوبنا معكم ...
والعفو والعافية ...
.
..
.
|
Post: #10
Title: Re: معاناة الناس أمام البنوك انتظاراً لسحب شي
Author: علاء سيداحمد
Date: 08-19-2018, 10:19 PM
Parent: #9
Quote: في الثمانينات في بنك اسمه الاعتماد أعلن افلاسه وناس كتار فقدو أموالهم ...
استغربت جدا من افتتاح صراف آلي في منطقتنا قبل كم سنة وتلقى الناس واقفة صف قبل الازمة وكنت بقول بيني وبين نفسي هي ويني القروش العاملين ليها صراف دي ...
من بدري خالص كان في اشاعات بتقول انه في بعض الموظفين في بعض البنوك بتصرفوا في بعض رؤوس الاموال وبدخلوا بيها السوق اقلبوا بيها تجارة ويشيلوا الارباح ويرجعوا رؤوس الأموال ...
في دولة زي السعودية هناك مخاطرة من وضع فلوسك في البنك فما بالك نحن ناس قريعتي راحت ... |
تحياتى يا قسم الفضيل وكل سنة وانت طيب
بالنسبة لبنك الاعتماد .. كان بنك عالمى ورئيسه كان مصرفى باكستانى انا ناسى اسمه والبنك كان متورط فى غسيل الاموال وتجارة المخدرات والسلاح ودعم الجماعات الارهابيه حول العالم فى تلك الفترة
واختفاء مبالغ كبيرة من ارصدة البنك كانت اسباب كافية لاغلاق البنك ومحاسبة المسئولين .
وبالنسبة لايداع الاموال فى البنوك التجارية فى السعودية ليس هناك اى مخاطر يمكنك ان تودع قروشك فى البنك وتسحب وقت ما تريد لكن !! اذا تزايدت ارصدتك بصورة ملفته فى هذه الحالة السلطات السعودية
يمكن ان تسألك عن عملك وراتبك واذا المبلغ اكثر مما تتقاضاه من راتب يسألونك من اين لك هذا ؟؟ وهذا من حقهم .
فى السودان : الوضع مختلف عن بقية دول العالم اجمع .. قبل تجفيف السيولة كان على النظام توفير بطاقات مصرفية لجميع عملاء البنوك حتى يتم البيع والشراء عن طريق البطاقات كما هو متبع فى جميع انحاء العالم
لان تجفيف السيولة فى العرف العالمى هو : عدم استخدام النقد فى المعاملات التجارية وفى الاسواق . انما يتم البيع والشراء فى الاسواق والمعاملات التجارية بواسطة البطاقات البنكية ,
|
Post: #11
Title: Re: معاناة الناس أمام البنوك انتظاراً لسحب شي
Author: علاء سيداحمد
Date: 08-19-2018, 10:20 PM
Parent: #10
سلام صاحب البوست وضيوفه الكرام وكل عام وانتم بخير
|
|