والله وحدو بينا الفارقونا وراحو .. الحبيب السني الضوي رحمة الله عليك

04:50 PM August, 15 2018

سودانيز اون لاين
خال فاطمة-أبوظبي
مكتبتى
رابط مختصر

إنا لله وإنا إليه راجعون
رحمة الله عليه فناننا الراحل الكبير السني الضوي وربنا يجعل أعالي الجنان مثواك 🙏🙏🙏 والعزاء لأسرته وأصدقائه ومحببه وانا أولهم 😭😭😭😭😭😭


إنا لله وإنا إليه راجعون

والله وحدوا بينا
البارحونا و راحو
شالوا من وادينا
بهجتو و افراحو
باالكتير يا حليلهم
يا حليل الراحو
***
طالت نواك و انا قلبى
باكى ليلو صبااحو
فى الضباع و الحسرة
السنين كم راحو
و راحت الافرااح
و قلبى عاش لجرااحو
و مين يقول لفؤادى..؟؟
روحى زيك راحو
***
انا قلبى اتصبّر
لمن تعب صبارو
و نظرة بااكية حزينة
كان وراها ودارو
يوم رحلت و شلت
بهجتو و انوارو
لا ارتويت من عطفو
و لا اكتويت بناارو
****
للقليب الصاادق
كنت نبعو و دارو
و كنت ليهو حبيبو
و كنت اهلو و دارو
فضحنى عيونى
و كشفن اسرارو
و العيون لو رادو
ما بيعرفو يدارو

منقول

الى جنات الخلد السني الضوي
عبقري الالحان الخالده....غادرنا اليوم الى دنيا الخلود.....
نقول انا لله وانا اليه راجعون....
ندعوه له الرحمه..بقدر ما ملأ حياتنا بالفرح..وعطر ايامنا بالحانه الشجيه..
كان مبدعا يستنطق الالحان فيختار منها ما يدخل في القلوب بلا استئذان يداعب المشاعر ويعشعش في المسام...
كان غزيرا في انتاجه مبدعا وكتب لالحانه الخلود فعاشت وفرهدت بين كل جيل وجيل فتلقاها الناس حبا واعجابا.
🌹الحانه لثنائي العاصمه
مبارك المغربي : فريد الحسن (بدر سامي علاهو) .
محجوب سراج : حيرت قلبي معاك, ياحبيبي انت غائب (الاحاسيس النبيلة).
عباس احمد : وصوني عليك .
محمد يوسف موسى : وحياة المحبة .
كمال محجوب : في ضميرك, البينا عامرة, نهر الريد .
سيف الدين الدسوقي : ماسالتم يوم علينا .
حمزة خوجلي : معايا معايا
محمد طرنجة : طريق الامل ( ليه نندم على الماضي وزمانا الراح )
علي شبيكة : ناس قراب منك, لما ترجع بالسلامة, وين تاني نلقى الأمان, طيب شذاك, دنيا الريد غريبة, متين يا أغلى النظر, والله وحدوا بينا, ماقالوا عليك حنين, عارفني بريدو, ناس ناسيانا, الله عليك يا اجمل زول, طول مفارق حيه, نتلاقى زي اغراب, قمر ليالينا, امرك ياحلو, ربيع العمر, خسارة ياقلبي الحزين, سكة سفر, بعادك طال, يادنيا شوفي البينا, بحبك انت, وحاة الريد , ياريت بدالك, مالكم نسيتونا, انا بهواك, ياهلا, راحو الحنان, مامعقول, يسعد صباحك ياجميل, ساحر الكون, راح وطول

🌹الحانه لفنانين اخرين

الفنان الراحل إبراهيم عوض : من قساك, ليه بتسال عني تاني, قاصدني ومامخليني .
الفنانة الراحلة اماني مراد : تلقى الدنيا فرحة .
الفنان محمد ميرغني : شفتك وابتهجت , عاطفة وحنان, حملتك في يدي شمسا
الفنان صلاح بن البادية : اول حب, امنتك عواطفي, الجرح الابيض , الوداع
الفنان عبد العزيز المبارك : ليه ياقلبي, وصية محب .
لك الرحمه ايها الانسان الجميل....
فقد جعلت من حياتنا ربيعا دائما ومن ليالينا فرحا متصل

لا اله الا الله و لا حول ولا قوة الا بالله
الموت حق... ربنا يرحمه و يتقبله القبول الطيب الحسن و يرزقه الجنة و يصبر أهله.

رحمة الله عليه وجعل أعالي الجنان مثواه

كتر خيرك اخونا سفيان

له الرحمة والمغفرة وصادق العزاء لمحبيه واهله

رحمة الله عليه أستاذنا السني

بارك فيكم اخي حمودي