Post: #2
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-14-2018, 07:14 PM
Parent: #1
ودي معلومة طبية مهمة جدا ، وانا بتبرع بيها لأهل السلطة عموما
لكن أخص وزير المالية ووزير الصحة الصحة
اتمني انهم يكونوا بقروا البورد 😆😆
أقلاها يستفيدوا
وبرضوا بهديها لناس المؤتمر الوطن ولي كبيرهم
|
Post: #3
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-14-2018, 07:18 PM
Parent: #2
الديكتاتوريات ثفافتها طفولية
قروا قصة جوع كلبك يتبعك في الابتدائي ولا الاولية زمان ورسخت في ذهنهم
من ما مسكو الحكم اتذكروها
مافي غيرها في راسهم زاتو
كلاب الزمن دة لو جاعت بتاكلك ولا شردت
|
Post: #4
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-14-2018, 07:21 PM
Parent: #3
لامن كنا اطفال سمعنا بي قصة الطيارة الوقعت في الجليد
والناس أكلت لحوم بعضها بالمعني الحرفي للتعبير
مافي لعب
ف
الطعام مفيد للجسم
|
Post: #5
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-14-2018, 07:23 PM
Parent: #4
البوست دة برضو مهدي لي صلاح الزبير و آخرين
|
Post: #6
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-14-2018, 07:30 PM
Parent: #5
ناس كوستي بحكوا عن واحد من اعمامنا ناس السوق
ساكي الدنيا سكة شديدة
اكلو رغيفة بي شاي
مرة تعب ووقع شالوهو بين الميتة والحياة وخموهو المستشفي
دخلو للدكتور كشف عليهو وقال ليهم طلعو برة
شالو شيل برة
ونادي واحد من المرافقين
امشي جيب طلبين كبدة وجك برتكان
جابوا الاكل والشراب وادوهو لي عمنا
بعد ساعة قام زي الحصان
قال ليهم
زولكم دة ما عيان
جيعان ساي
|
Post: #7
Title: Re: بالمناسبة الطعام مفيد للجسم
Author: Salah Zubeir
Date: 08-14-2018, 09:55 PM
Parent: #6
هههههههههه
تعرف بعد المغرب عندي قروب بنتمشي يوميا"
وبنكسر الروتين بالعوم ... اها الليله زودنا
عيار المشي ويا الله لحقنا العشاء ... بعد داك
جيت قريت بوستيك ولي زمن عايز انبهك لي
ملاحظتي البي هناك ... قنا فرصه وقمتا
كتبتها وبعد داك انسدحتا وغنتستا في نومه
ساعتين ... اها صحيت بي سلك ينبهني لي
بوستيك دا ... قريتو ... ولأني مدروخ شوي
الكلام ما وقع لي ... الهدية قبلناها لكن
للضمان بديك رأي بعد ما اقرا الكلام
المكتوب بالحبر السري في مداخلاتك
هنا من دغشن بدري ...
|
Post: #8
Title: Re: بالمناسبة الطعام مفيد للجسم
Author: نادر الفضلى
Date: 08-15-2018, 01:32 AM
Parent: #7
يا عبد الحفيظ لو فى فرقه أهديهو كمان لوزير التجارة لأنو مسعول عن توفير السلع وضبط الأسعار
|
Post: #9
Title: Re: بالمناسبة الطعام مفيد للجسم
Author: Salah Zubeir
Date: 08-15-2018, 03:37 AM
Parent: #8
| Quote: بالمناسبة الطعام مفيد للجسم |
وبيني وبينك الطعام هو سبب
رئيسي لكل أمراض جسم البني آدم ...
عمنا علي الزبير تاجر في سوق
المحاصيل في كوستي أصيب
بنوبات صرع نتيجة تواجده تحت
الشمس بحكم طبيعة عمله حيث
لم تجدي وصفات الدكاترة ...
تقرر ذهابه الي ود حسونة حيث
خليفة الشيخ حسن ود حسونة
وتصادف ذلك مع إجازتي في شتاء ١٩٩٢ ...
ذهبنا معه وقرر الخليفة بقاءه لمدة
أسبوع وتم التمديد له لمدة أسبوع
آخر ... سألت عمي ما طبيعة العلاج ..
فقال لي بعض من آيات القرآن الكريم
تقرأ مرتين عقب صلاة الصبح والعصر
ويد الخليفة من فوق رأسي ثم الجوع ...
خلال الأسبوعين لم يأكل عمي غير
وجبة واحدة يوميا" وهي عبارة عن
طرقتين من كسرة الفيتريتة الزرقا غير
المخلوطة بأي نوع من أنواع الحبوب ..
والملاح كان موية الحفير الجيرية
البيضاء التي يشرب منها كل آهالي
القرية بدون ملح او بهارات يعقبها
كباية شاي بدون سكر ...
توفي عمي يرحمه الله في ٢٠١٢ ...
الملفت أن نوبات الصرع لم تعاوده
منذ أن غادر ود حسونة في شتاء ٩٢
الي أن توفاه الله ....
تقول لي ٣ وجبات ...
|
Post: #10
Title: Re: بالمناسبة الطعام مفيد للجسم
Author: يحي قباني
Date: 08-15-2018, 03:59 AM
Parent: #9
لا و هنا تلقى الزول يقول ليك انا قللت الرغيف عشان احافظ على وزني ...
لا توجد عدالة في الدنيا يا صديقي ...
معقول بلد تستقل ليها 62 سنة ...
تتأخر 500 سنة و العاللم كله نهض من حولنا !!!
الله يرحم زمن كنا بنشيل الجنيه السوداني في جيبنا و نفكوا استرليني من اجعص بنك و صرافات ...
تمشي البنك تلقى الجنيه السوداني مختوت في اللوحة مع العملات القوية ...
تخيل يا حفيظ الجنيه السوداني كان مغطى بالدهب !!!
حسي الله يكرمك زيو و زي اي منديل ورق ( كنت داير اقول شي تني ) ...
|
Post: #11
Title: Re: بالمناسبة الطعام مفيد للجسم
Author: Osman Awoda
Date: 08-15-2018, 04:20 AM
Parent: #1
تلاتة وكبات بعد الاكل يعني تزعة
في اليوم،،،
والله ما كتذرة للعنده صبر
|
Post: #13
Title: Re: بالمناسبة الطعام مفيد للجسم
Author: يحي قباني
Date: 08-15-2018, 04:36 AM
Parent: #11
Quote: تلاتة وكبات بعد الاكل يعني تزعة
في اليوم،،،
والله ما كتذرة للعنده صبر |
يا عم عصمان ...
وكبات يعني شنو .؟
و كتذرة يعني شنو ؟
ده راندوك ؟؟
|
Post: #12
Title: Re: بالمناسبة الطعام مفيد للجسم
Author: Osman Awoda
Date: 08-15-2018, 04:32 AM
Parent: #1
صلاح الزبير ما تخم الناس ديل ساكت
ماكل ليك نص خروف شية وخمسة بتيخات
وتلاتة قزايز بيبسي family size
مشي شنو وسباحة شنو
الشهود قاعدين وعلي راسهم سلوی
مستهبل
|
Post: #14
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 05:41 AM
Parent: #12
ما فهمت اشارتك بي هناك والله يا صلاح
لكن اياها قضايانا
حصل سمعت في كل دول العالم قاطبة في مشكلة في دفن ميت في المدن الكبيرة ؟
مشكلتنا دي الله يعلم موجودة . العالم تجاوزها قبل مئات الاعوام
هسة الناس البموتو في الحروب بدفنوهم
|
Post: #15
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 05:59 AM
Parent: #14
ومالوا يا نادر المافي شنو
نهديها لوزير التجارة . دة مش الزول المفروض يوفر الدقيق ؟ ولا انا غلطان ؟
الواحد حيضطر يكرر معلومة انو الطعام مفيد للجسم كتير عشان تثبت المعلومة . فالتكرار يعلم الشطار
والمسؤولين ديل ما فاضين يتثقفوا ويقروا قلنا احسن نديها ليهم مقشرة وكدة
تشغلهم سفرياتهم الخارجية وتركيب الجاكوزي في بيوتهم واحواض السباحة . حتي كمان قالوا ليك تعبانين تعب شديد . يركبوا الجاكوزي في الفيلا الحكومية وتاني يتعبوا يفكوهو لامن يرحلوا بيوتهم . والمسؤول البعدهم يتعب يركب واحد جديد
ف شنو
بالجد ما فاضين وكدة
|
Post: #16
Title: Re: بالمناسبة الطعام مفيد للجسم
Author: Osman Awoda
Date: 08-15-2018, 06:31 AM
Parent: #1
یا قبة يا حبيب
وكبات يعني وجبات
كتنرة يعني كتيرة
انتوا ما قروكم لاوندي في
كلية الهندزة؟؟
|
Post: #17
Title: Re: بالمناسبة الطعام مفيد للجسم
Author: Osman Awoda
Date: 08-15-2018, 06:34 AM
Parent: #1
عبحفيض
طنش الراجل ولا تطنش كلامه
بتصرف من المثل السوداني
الذي يقول:
الخيل تجقلب زي المنقة شهري تزعة
|
Post: #18
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 06:46 AM
Parent: #17
الزمن داك خليهو يا قبة
زمنا المابعيد كانوا بدونا قرشين للفطور
تفطر بي قرش وتشتري تحلية بي قرش
القرش بساوي 0.01 ج زمان يعني 0.00001 من ج هسة
هسة دة ما بجنن ؟!
|
Post: #19
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 06:50 AM
Parent: #18
يا عووضة شهر تزعة دة زي شهر النفسا 😆😆
في واحدة بتنفس في 40 يوم وواحدات بنفسن في اربعة شهور
المنقة بقت زي الخل الوفي
تمشي الفكهنجي يقول ليك التفاح الدستة مليون ومية والمنقة تلتمية وستين
تفتش تفتيش خبير وتجس وتلت ومرات تشم
تشتري منو ليمون بي خمسة وتتخارج
الليمون فيهو فتمين سي مفيد للانسان
|
Post: #20
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 07:00 AM
Parent: #19
يا صلاح دة كلام مترفين ساي
وحياة النعمة ماتاكل تقنب تقابض في الشارع
العتالي شغال ومابياكل داير يوفر . الاكل خسارة قروش ساي . ياكل دردقو بي ملح وشطة .. بصل يلقطو من السوق ساي
لامن يوم وقع وأكتشف الحقيقة الذهبية
الطعام مفيد للجسم
تلك الحقيقة التي كانت نتيجة ابحاث واختبارات مضنية ومعامل
اكتشفها فجأة فقال ما صار مثلا شعبيا
زمان كنت قايل كرعين بشيلن بطن ، لكن لقيت بطن بشيلن كرعين
|
Post: #21
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 07:09 AM
Parent: #20
المشكلة وين ... وين المشكلة
المثل السوداني بقول
جراداية في خشم دابي ولا بعضي!
يعني الطعام مفيد للدبايب 😆
اها وقت كدة ماممكن اسوأ من الدبايب خشمهم مليان جراد ولامين عض في الناس!
|
Post: #22
Title: Re: بالمناسبة الطعام مفيد للجسم
Author: Salah Zubeir
Date: 08-15-2018, 07:44 AM
Parent: #20
| Quote: الشهود قاعدين وعلي راسهم سلوی |
شهادة عثمان وسلوي ضد
شهادة جلال ومحمد المسلمي ...
يعني زي التقول :-
١ + ١/٢ لا يساوي ١ + ١
ههههههه اجراءت ساي حا تكون خسران ....
يا حفيظ ...
كلامي بي هناك مطالبة بي بوستات
جماهيرية زي حق ميادة ...
بعدين انا ما نفيت او اعترضتا علي إنو
الطعام مفيد للجسم ولكن اضفتا لي
كلامك معلومة إنو الطعام بيسبب
الكثير من الأمراض للجسم ايضا"...
بعدين سودانك دا مافيهو مترفين غير
الكيزان ....
وحده مفرووسه من الحكومة قالت
كل نسوان السودان الواحدة فيهم تقول ليك
أنا ربيت أولادي أحسن تربية !!
آجي يخوااني طيب الكيزان ديل أولاد منو؟!
هههههه التيربو قدورة قال النكت
حرام شرعا" .
|
Post: #23
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 08:01 AM
Parent: #22
غايتو انا البتحمل وزرك
لأنو لامن جيت وزعت تلفونك للناس البنتو فيك ديل
ياخوي هوي الاكل مافيهو لعب
احكي ليك نكتة
|
Post: #24
Title: Re: بالمناسبة الطعام مفيد للجسم
Author: almulaomar
Date: 08-15-2018, 08:02 AM
Parent: #1
يا ود أب سن لازم تحدد أنت أو المعلومة الطبية التي إستندت عليها نوع الوجبات التلاته ممكن يكون الفطور طعمية الغدا عدس العشا فول طيب مش في الحالة دي أحسن ليك تفط وجبه وتضرب عيش بي الشاي أو حتي كسره بي الشاي أهو فيها شئ من التغيير
ويبدو أنك من المغتربين في الأرض ، لا تعرف معني الجوع بالرغم من أن الكثيرين من المغتربين حالهم يحاكي (والطير يرقص مذبوحاً من الألم)
|
Post: #25
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 08:16 AM
Parent: #24
مرحب الملا عمر
كدي راجع دلالات ورمزية تعليقي
بالذات لو كانن 3 وجبات خلال اليوم😆😆
اصلا التلاتة وجبات افضل من الاتنين
والاتنين افضل من الواحدة
والواحدة افضل من الجوع
وبمناسبة الاغتراب والذي منو قالوا في المثل
البقولو لبهو سمين يقول يامين
|
Post: #26
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-15-2018, 08:49 AM
Parent: #25
اها نسيت النكتة
مفروض كان ارشها طوالي صحبة مداخلة
الطعام مفيد للذاكرة
افطر واجي
|
Post: #27
Title: Re: بالمناسبة الطعام مفيد للجسم
Author: othman mohmmadien
Date: 08-15-2018, 09:24 AM
Parent: #26
تحية طيبة ...
الأخ عبد الحفيظ أبو سن ...،
أتابع بشغف مواضيعك الشيقة والتي تعبر عنا كثيرا في شتى ضروب الحياة السياسيةوالاجتماعية
شكرا لك ...
لكن
في ناس بتاكل عشان تعيش أو من أجل أن لا تموت ليس لأنه جارية وراء الدنيا لأنه ما عندها غير حق كباية شاي وقطعة خبز ... وما أكثرهم
لذا يجب أن يكون في دواخل القادرين سلوك ذلك الطبيب والمساعدة غير المستطاع ...
|
Post: #28
Title: Re: بالمناسبة الطعام مفيد للجسم
Author: جلالدونا
Date: 08-16-2018, 00:32 AM
Parent: #27
Quote: الشهود قاعدين وعلي راسهم سلوی
مستهبل |
غلت ... و غلت كبير كمان .... اسمها سارة
حتى بالامارة صلاح كان مسرور منها شديد
و العملت ليكم القهوة ديك كمان اسمها سهير
المهم التلات وجبات مهمات للجسم
و اضيف كمان
بالذات لو التحلية كانت بى منقة
|
Post: #29
Title: Re: بالمناسبة الطعام مفيد للجسم
Author: Osman Awoda
Date: 08-16-2018, 02:41 AM
Parent: #1
يقطع الزهايمر وسنينه
هسي سلوي دي انا جبتها
من وين يا جلال
يمينبلاي شهادتك ما تخرش مية
بس ما كان تجيب سيرة المنقة
نانو شهر تزعة لسة ما جا
|
Post: #30
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-16-2018, 05:38 AM
Parent: #29
تشكر عثمان محمدين
صدقت عايشين حد ماتحت الفقر
تعرف في كوستي عندنا موسم التبش . ناس كتار تقع التبش بالشطة والليمون . ومن السخرية انو التبش بيوصفو للزول العامل رجيم بشبع بدون مادة غذائية مفيدة
|
Post: #31
Title: Re: بالمناسبة الطعام مفيد للجسم
Author: عبدالحفيظ ابوسن
Date: 08-16-2018, 05:40 AM
Parent: #30
يا عووضة وجلال شيلو ونستكم دي امشو ستاربكس او ايا كان اسمه وسوقو معاكم صلاح زاتو
دة بوست تعليمي ثقافي طبي مش ترفيهي
|
Post: #32
Title: Re: بالمناسبة الطعام مفيد للجسم
Author: جلالدونا
Date: 08-16-2018, 07:13 AM
Parent: #31
لالا يا سنو هى ما ونسة
بس جابتنى سيرة شهر تزعة
شكلو الباقى ليهو 16 ليلة و 15 صباح
شايف لى واحد زاغ و مشى الحج
اها ده خليهو بضحّى بيهو بعد يجى من الحج
هسى تلقاهو راقد تحت الملايا
جنّو نوم
|
|