اوبرباخ

02:56 AM August, 13 2018

سودانيز اون لاين
بخاري عثمان الامين-
مكتبتى
رابط مختصر

اوضج العنوان

اوبر = ترحال
باخ = الاسم البنادوني بيهو

اوبرباخ حكاياتي مع الناس هنا في كندا

ركب معاي شاب الصباحية وقت الازدحام الجد جد ، كان ممتعض خالص ، طبعا ما بعاين لي راكب معاي وعادة الناس بركبوا في المقعد الخلفي ، ما بعاين عشان النظرة ممكن تتفسر تفسير ما حبابه ، عموما صاحبنا دا بطلع في أصوات القرف والاوووف ديك ، بعد شوية قال لي المدينة دي بقت لا تطاق ياخي ، قبل عشرة سنة كانت أفضل ، قلت اوع يقول لي عملتوا لينا زحمة ، اها كدي نجسه ، الحصل شنو خلاها بقت كعبة كده ؟ صاحبنا فتح: المهاجرين ياخي أعدادهم مهولة ومدينتنا ما اتعملت للعدد دا وما اداني فرصة اقول بغم دور محاضرة من أمها وانا سكت وضمرت شيئا في نفسي ، لمن وصل مكانه وقبل ما ينزل قبلت عاينت ليهو جوه عيونه كانت زرقاء وهو ابيض اللون ، سألته : وين الريش بتاعك ؟ رد مندهش : ريش. شنو ؟ قلت ليهو بتاع الهنود اصحاب هذه الارض وسكانها الأصليين ، بهت وسكت ، تكلم يا ابيض اللون مسكين انك عاجز عن الكلام انك تسمعني ولا ترد علي ههههه ، قال لي بس انا ما هندي الجذور بتاعتي من أوربا . قربت احكي ليه نكتة الصقر مع الحمار بتاعت بتعرف تطير ، قوم شتت بلا البلد اتملت مهاجرين بلا نفخة معاك

بخاري، سلام
والله أنا قلت دا أسم فيلسوف .. كدي نقرأ تفلسف في شنو ..! يا أخي بتبالغ ..

بريمة

اووووووو اخونا بخاري الشراد ... 😂😂
سلام و شوق كتير...
يعني تغيب و تجينا الصقر رفيق الحمار في الطيارة ... ؟؟ 😂😂
اخبارك و اخبار العيال ...؟؟؟
إن شاء الله كلكم طيبين
تحياتي ليك و ليهم ...
و نتمناها عودة نهائية للمنبر ...

ههههههههه زي حكاية السوداني الاخد الجنسية في جدة
تاني يوم جاء حايم بي قطرتو وعقالو وشايل ليهو سبحة
ويقول (يا رجال الاجانب ذبحونا)
بخاري ازيك
عودا حميدا

باخ يا عجيب
مسكين ما عارف قطامة اولاد الديم .
تحياتي لنجلاء و الاولاد.

أوووووو ... باخ الذي كان هنا وأصبح هناك.

أولاً .. مشتاقين.
تانياً .... عيش حياتك وسوق أوبرك ... القطامة دي ما بتوديك مكان.

سلامات يا بخاري

عودا حميدا ياخي

غايتو وين ريشك دي بالغت فيها

سلامي