Post: #1
Title: وزارة الصحة وتجارة الموت (البلد الهامل)
Author: عبدالقادر محمد
Date: 08-06-2018, 04:16 PM
Parent: #0
04:16 PM August, 06 2018 سودانيز اون لاين
عبدالقادر محمد-عمق الوطن
مكتبتى
رابط مختصر #مأساة_اسرة
*********
زوجتو حامل وداها مستشفي مدني قالو ليهو لازم نعمل ليها عملية قيصرية ونخت الطفل في حاوية كم يوم ....
عملوا العملية وختوا الطفل في الحاوية. والاب دفع الوراهو والقدامو وبعد تلاتة يوم قالوا ليهو لازم توديهو الخرطوم مستشفي ساهرون .... الاب وافق ... قالوا ليهو لازم تمشوا باسعاف عشان يكون فيها اوكسجين
برضو الاب وافق ... قالوا ليهو انت عارف انو الاسعاف بكلف 5 مليون ولازم يكون معاك ممرض ودا بياخد مليون والعملية ح تكلفك 30 مليون
اتحرك موكب الاسعاف من مدني صوب الخرطوم يحمل الطفل وامه وخالته وحبوبته والممرض .....
الاب مشي بيتو باع كل حاجة التلاجة والتلفزيون واتسلف قروش من كم زول ولحق الموكب ....
الاسعاف وصل مستشفي ساهرون .... ادارة المستشفي رفضت اسعاف الحالة قبل استلام 8 مليون كاااااش .... الاوكسجين في الحاوية قررررب يخلص ... كل النسوان المرافقات ختن تلفوناتن رهن مقابل اسعاف الطفل .... ادارة المستشفي ترفض بشدة .....
وصل الاب في اللحظات الاخيرة ... دفع ال8 مليون واستلم ايصال الكتروني (دليل علي انو نحن وصلنا اخر مراحل العولمة في الدفع الالكتروني) .... تحرك الممرضون والاطباء لاسعاف الطفل .... صرخ الممرض برعب (الاوكسجين انتهي ... الود بموت) وقبل ان يتم تركيب اوكسجين جديد كان الطفل قد فارق الحياة ...
ادارة مستشفي ساهرون رفضت ارجاع مبلغ ال8 مليون بحجة انو الدفع الكتروني والقروش مابترجع
استغفر الله العظيم ..
(بقلم موجوع طرف الفيسبوك)
|
Post: #2
Title: وزارة الصحة وتجارة الموت (البلد الهامل)
Author: عبدالقادر محمد
Date: 08-06-2018, 04:33 PM
تعليقات اعضاء الفيسبوك علي الموضوع
| Quote: السؤال المنطقي ... هل يجوز لوالد الطفل اذا كان معة سلاح ناري ان يقتل كل افراد المستشفي ...؟ |
..
| Quote: انا والله بقراء في البوست اتوترت وغضبت .. ولدك بموت قدامك عشان شوية قروش وسخ الدنيا |
..
Quote: المصيبة انها حاله انسانيه اكتر من صراع سياسي
خلونا من حكومه ومعارضه
معقوله حصلنا الدرجه دي؟ |
| Quote: المشكله أن الطاقم الصحي من اعلى الى اسفل او العكس لا يدركون ان الطوارئ هي عمليه انسانيه قبل ان تكون جبايه مالية ..قليل الذي يفهم ذلك منهم ويتعامل بهذا المفهوم |
Quote: لاحولله اقسم بالله لو انا ماسك ادارة المستشفي او وزير صحة ساي
احاكم اي زول بعمل زي الدكاترة ديل يقولو ادفع اول
حقو الحكومة تعمل قانون جديد
يحق لاي شخص عند تعرضة لاي ابتزاز في المستشفي وعدم استقبال حالتة
يجوز لة قتل الفرد الذي تعرض لة |
| Quote: علي الاب رفع دعوي في ادارة مستشفي ساهرون ومستشفي مدني ان وجد مننهم تقصير... عسي ولعل الاب يجد محامي ودحلال ويكون عندو ضمير وما يطلب اتعاب ويعتبر القضية عمل لوجة الله... علي الاب توفير كل المستندات والشهود التي تدعم القضية. فهي قضية ضمبر امة يحتضر او قل مات. |
| Quote: تاقوا لينا الغنم اللي عايزين يرشحوا البشير في 2020ديل |
| Quote: ما تقول لى ابو الطفل سكت ساي.....ياخ ده اقل شئ ينتحر بالمدير الطبي حق المستشفى |
| Quote: ديل اولاد حرام الله لاكسبهم المستشفيات دي مبنيه باموال الشعب |
| Quote: القصه حقيقيه وممكن تسال مدير المستشفى |
| Quote: تأسفت جدا لعدم وجود سوق للسلاح المستعمل في الخرطوم لانه كان يحل مشاكل مثل هذه ،صدقوني |
| Quote: أين الغرابة ونحن فى زمرة الحكم الرشيده ؟ |
| Quote: والله ياناس انا دكتور صيدلي اقول ليكم بصراحة انتو السبب ساكتين عن أي شي يحصل ياخي نحن مجرد أشخاص بنفز أوامر من الوزاره |
| Quote: امكن في الاجهزه اكون في قط سمين لابد للفيران ذي دي |
| Quote: رشاش بس من سوق ليبيا يبداء من الباب لما يصل المدير الطبي والدكتور الرفض الحالة وطاقم الاستقبال بلاش ساهرون ولا فاسدون ناس انعدمت منهم الإنسانية دا اخر حصاد حكومة الفساد والله وضع يدخل النار نرجو من الاخوة المحامين تولي الموضوع ومساعدة هذه الأسرة المكلومة واعتقد مارايحين يقصروا والله |
Quote: ياخ لو دا انا ما بحلني الا اقتل كافة افراد الادارة ...
الكيزان ليكم يوم وان طال الزمن |
| Quote: غياب ضمير وعدم وطنية وخلاص خلصت الانسانية |
|
|