ظهر فيديو لشابة تغني بصوت شجي بصحبة والدها ياسر محمد الأمين بدري بمنطقة السروراب محلية شمال امدرمان وبصحبة اخوانها الذين يلعبون جوار مجري السيل في جو خريفي رائع وانتشر هذا الفيديو في وسائل التواصل الاجتماعي و السوشال ميديا التي اظهرت هذه الموهبة المدفونه والابداع المتدفق والصوت الشجي الذي ينبيء بموهبة جديدة قادمة بقوة واعتقد جازما بان سنوات قليلة ويندثر الاعلام الحكومي اذا استمر علي نفس نهجه القديم و سيعرف كيف يختار الشعب السوداني نجومه وابطاله وقادته. و سوف يستمر مد الاعلام الجديد وسيسيطر هذا المد قريبا دون ادني شك و ستظل اللعنات والخزي والعار وعدم الرضاء تطارد عديمي المواهب و اصحاب الواسطات وورثة الابداع والارزقية وكل من باع نفسه للانظمة الشمولية وكل من اقتات من مواقفه المخزية واخد مكانة في الاعلام دون وجه حق. #بت_المطره
Post: #2 Title: Re: اغنية اعطف علي يا ريم فيديو لفتاة من السرو Author: Omer Mustafa Date: 08-05-2018, 01:01 AM
اعطف على ياريم كلمات ابــو صلاح الحان وغناء كرومة
أعطف علي يا ريم يا نافر الغزلان خصرك رقيق وعلى قلبك حجر ما لان ====== أحسب دقائق الليل أنا والنجم زُملان تابع هواك ومجافي الأهل والخلان ====== يا العالي صدرك ومالبو ضميرك الهَزلان لو عيني تنظر خَدَّك ومُتَّ ما زعلان ====== أنا يا جميل أهواك فعلاً وقول لسان بالنغمة تسكرني وبالنظرة واللمسان ====== فادع رجَحْ خصرك وسيف لحاظك سان وأنا يا مدلّل قصدي من الحُسُن إحسان ====== يا اكحل العينين يا ناير الاوجان لحظك يشيل ويريع قلب الانس والجان ====== شفنا البدور تسرق من بسمتك سرقان ما بين بياض الدر وخضرة المرجان ====== يا آيةَ الحُسْنِ وريحانة السودان وغاية محاسن الجيل في كافة البلدان === ساكن بشاطي النيل وبداخل الابدان في حارة فيها محاسن جنّة الولدان
Post: #3 Title: Re: اغنية اعطف علي يا ريم فيديو لفتاة من السرو Author: Biraima M Adam Date: 08-05-2018, 04:22 AM Parent: #2
حبيبنا عثمان، سلام .. أنت جيب لينا الحاجات الجميلة ونحن ننكت من اليوتيوب .. وهنا بت المطر ووالدها ..
أنتم طبعاً في بت المطر .. وأنا في المربي أبوها الذي يرعي موهبة أبنته بهذه الصورة الجميلة .. بت المطر .. صوتها جميل ..
بريمة
Post: #4 Title: Re: اغنية اعطف علي يا ريم فيديو لفتاة من السرو Author: معاوية الزبير Date: 08-05-2018, 04:50 AM Parent: #3
الفيديو مميز فعلا. الاحتفاء بالحياة غناءً وسط الدمار، ومواجهة القبح بالجمال لكن المحيرني ليه كل الناس تتمنى للبنت أو تتوقع ليها تبقى فنانة كبيرة؟! أقصد ليه نضيّق سقف الأماني كده الغناء في مثل هذا الموقف لا يشي بالضرورة بموهبة البنت الغنائية ممكن تكون: مفكرة، ناقدة، رسولة، قائدة
الشيء الوحيد الذي لا ينقص السودان الآن هو ظهور فنان تاني
Post: #5 Title: Re: اغنية اعطف علي يا ريم فيديو لفتاة من السرو Author: سفيان بشير نابرى Date: 08-05-2018, 04:52 AM Parent: #4
السلام عليكم و ين أخونا عوض عكاشة؟
Post: #6 Title: Re: اغنية اعطف علي يا ريم فيديو لفتاة من السرو Author: امتثال عبدالله Date: 08-05-2018, 05:11 AM Parent: #5
والله يا معاوية ود الزبير كلامك درر...مش درر وبس لكن كمان قول اوسكار... ما توقفوا طموحات البنت تكون بس فنانة ...ممكن تكون سياسية وتكون وزيرة ورئيسة وممكن تكون أديبة وشاعرة ومع وافر التقدير والامتنان ..والسلام والتحيات لصاحب البوست
Post: #7 Title: Re: اغنية اعطف علي يا ريم فيديو لفتاة من السرو Author: MOHAMMED ELSHEIKH Date: 08-05-2018, 05:39 AM Parent: #6
يا سلام علي بت المطر
سمعتها امس
ومازلت اكرر سماعها كلما سنحت لي الفرصة
احيها واحي ذلك الأب الجميييييييييييل
Post: #8 Title: Re: اغنية اعطف علي يا ريم فيديو لفتاة من السرو Author: muntasir Date: 08-05-2018, 06:06 AM Parent: #7
معاوية مقرات انا كنت خايف عليك من مبارات الزنادقة ومن شراب موية المطر رسولة عديل ،حسع انت وإمتثال عداد الرسولة والمفكرة كم وعداد إنصاف مدني كم بالله ما تتزمزغوا لينا
Post: #9 Title: Re: اغنية اعطف علي يا ريم فيديو لفتاة من السرو Author: يحي قباني Date: 08-05-2018, 06:14 AM Parent: #8
Quote: اعطف على ياريم كلمات ابــو صلاح الحان وغناء كرومة
سلامات اخونا عمر مصطفي ...
اعتقد الاغنية غناها الفاضل احمد و كرومة قام بتلحينها فقط ...
تحياتي لك و للمتداخلين ...
Post: #10 Title: Re: اغنية اعطف علي يا ريم فيديو لفتاة من السرو Author: ولياب Date: 08-05-2018, 06:51 AM Parent: #9
يا سلام فعلا صوتها جميل وشجي
وأتفق مع الذين يقولون لماذا (فنانة) ربما طموحها أكبر من ذلك ، علاوة على ذلك كفانا فنانين وفنانات في السودان والخوف يأتي زمان وكل بيت فيه فنان (مغني) .