|
Re: بين الكيكى والبطان تعال ياكيكى نرقص وجيب � (Re: najma)
|
Quote: كيكي داقي جرس تقيل قال اسمو عبدالكريم فقط خصوصا لما جات البت الكيكيةالشقراء ام عيون جمر ديك |
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ياحمد عبدالغفار كيكى التطير عيشتو يلقها من رحاب الصادق المهدى ولا من البت الكيكية البقتو اسم عالمى طبعا رحاب الصادق المهدى هى من اطلق اسم كيكى لعبدالكريم الامين ايام الدراسة بجامعة الخرطوم وبجيك لسبب تسمية رحاب لعبدالكريم الامين بكيكى
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: بدر الدين الأمير)
|
Quote: عنوان هذا البوست هو عنوان مقال اللكاتب والناقد الراحل محمد مستجاب
نشره بمجلة العربى الكويتية العدد405 اغسطس 1992
يقول فيه:
الرقص هو موجز تاريخ بلاغة الحركة فى الكائنات
الحية التى يعلوها الانسان، ابتدا من اشاراتها الوضعية البدائية المثيرة
الى ايماء تها السامية المعبرة المتألقة، والرقص أقدم من اللغة، واذكى من التاريخ ،
وأعنف من المكائد والأعاصير، وأكثر دموية من الاجتياح الحربى ، وأرق من ابتسامة الأم
واصدق من أقوال الحكماء ، واشد جاذبية من الحق والعدل ، والرقص هو الشعر فى الحالة الحية المجسده
ينمو فى الموسيقى وتنمو الموسيقى على علاقات أجزائه التى تتأود، هو الاشعاع الغريزى لطاقة الغريزية
واعادة صياغة لعلاقات الأعضاء بمايخرجها من كونها مجرد اعضاء ، أى التصبح هذه الاعضاء عنصرا فعالا مؤثرا
فى طقس الحياة والطبيعة.
واجمل الراقصين - والراقصات _ على الاطلاق _ ذكر الحمام فى حالة الهيام، وسالومى وهى تقدم للحاكم رأس يوحنا المعمدان
وتحية كاريوكا فى ( شباب امرأة ) وتاييسى وهى تغوى راهب الاسكندرية ، وفريدة فهمى فى استعراضات فرقة رضا ، والشعوب فى
استقبالها لذوى السلطان أو دفنها لهم تحت التراب ، والجدة حينما تستقبل أول حفيد لها، وراقصات الباليه فى أوج الاندماج
التعبيرى ، ورقصة زوربا اليونانى حينما وصله نبأوفات ابنه فى رواية كازنتزاكى.
|
من بوست قديم
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: بدر الدين الأمير)
|
وبرضو برجع احكى لكم موقف جدتى لامى امنة بت جبرالله من الرقص وبرضو نهزرت امى الحرم بت على لى حين كنت في اجازة وفى حفل زواج لاحد اقرباى في اربجى وفي الحفل شاهدت واحدة رقاصة جدا وقمت قومتها مرتين عشان ترقص وانا ياثرنى فن الرقص كثيرا بل هو اقرب الفنون لقلبى ووقتها كنت متزوج ولى بنت وابن
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: عبدالغني محمد الحاج)
|
Quote: سلام ود الأمير حمد والدكتورة يا سلام عليك يا ود الأمير أسماء لخا إيقاع كيكي و خليل وابوكدوك وربما نادوس وابنوسة وانصاري السنة الكان لديح داك |
عبدالغنى ياود الحاج اول بتبادى انحدسك ليش سمت رحاب الصادق المهدى عبدالكريم الامين (كيكى) وقتها كان عبدالكريم الامين حديث عهد بالخرطوم وجامعة الخرطوم جاى من هامش الهامش مقبول لدراسة الهندسة بجامعة الخرطوم وفى لقاء تعارفى مع ابناء المدن والاحياء المخملية وعبدالكريم من يومو حسب رواية شقيقه الاكبر دكتور صلاح الامين بحب يتلصق فى الجكس المنغنغ اها زولك حسبها في سرو جامعة الخرطوم ودخلنها وكمان هندسة النمش التم على المنعمين بلا هامش بلاكنابى طوالى مشى انحشر في الشلة بتاعت الزميلات والزملاء ناس الدفعة والشلة كانت بقيادة رحاب الصادق المهدى بداية التعارف طلبت من كل واحدة وواحد يقول اسمو واسم الدلع بتاعو لمن الدور جا عند صاحبنا طوالى قال عبدالكريم الامين احمد رحاب قالت له واسم الدلع قاليها يعنى شنو اسم الدلع ياهو اسمى القلتو دا رحاب نقشت انو دا جاى من هامش الهامش لكن يسو شنو مابقى زميل وبينها وبين نفسها بتكون قالت احييييييييي على مجانية التعليم قالت له خلاص انت اسم الدلع بتاعك كيكى وسرى الاسم كنار على الهشيم وياخسارة خرفان السماية وخساير عمى اللمين له رحمة وببركات السيدة رحاب هذه الايام الدنيا كلها ترقص كيكى
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: بدر الدين الأمير)
|
Quote: وبرضو برجع احكى لكم موقف جدتى لامى امنة بت جبرالله من الرقص وبرضو نهزرت امى الحرم بت على لى حين كنت في اجازة وفى حفل زواج لاحد اقرباى في اربجى وفي الحفل شاهدت واحدة رقاصة جدا وقمت قومتها مرتين عشان ترقص وانا ياثرنى فن الرقص كثيرا بل هو اقرب الفنون لقلبى ووقتها كنت متزوج ولى بنت وابن |
المهم تانى يوم الصباح بدرى وانا نايم في بيتى جا صحانى ايهاب ابن اختى قمت مخلوع في شنو قال امى الحرم قالت ليك تجيها هسى خلال ربع ساعة كنت عندها امى الحرم من الفجر تطلبنى اكيد في طامة كبرى حصلت .... مشيت ليقتها خاتا حاجات طقوص القهوة لكن مابدت فيها وقاعدة فى نص السرير سلمت عليها في راسها وقعد جنبها قلت يمة خير قالت خير قلت في شنو قالت في شنو السويتو امس دا قلت سويت قالت معرس ومرتك معاك تقوم البت الغريبة وترقص معاها مرتين قمت ضحكت طوالى نهرتنى وقالت هوى جنك دا تمش تسوى هناك وكوركت لتهانى اختى الصغرى تعالى شيلى الفحم دا ولعى في البتوجاز وقالت لى يلا امش على بيتك يعنى ولافرصة للدفاع لمن رجعت من الاجازة حكيت لخالى قريب الله الحكاية وكان وقتها مغترب معنا في قطر قام ضحك ضحك شديد ثم اردف جدك على ود نور الهادى لمن توفى خلى لجدتك امنة بت جبرة اربعة بنات وهى من رباهن ولمن كبرن بجو الاهل يدعوهم للعرس ورقيص البانت وقتها معزة لعرس الاهل وبلمقابل الرجال بتشوف البنات وبجوهن العرسان لكن كان بكون لمن يجو يعزمو بنات امون بت جبرالله عندها رد واحد ماعندى بت بترقص الرقصت نقصت ثم اردف امك وامى اصغر اخوتها وخالاتك مارقصن غير في زواجهن او بعد ما تزواجن ثم ضحك وقال امك تربية امون بت جبرالله ههههههههههههه القصة اعلاه كانت سنة 1991
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: بدر الدين الأمير)
|
Quote: وفي الحفل شاهدت واحدة رقاصة جدا وقمت قومتها مرتين عشان ترقص وانا ياثرنى فن الرقص كثيرا بل هو اقرب الفنون لقلبى ووقتها كنت متزوج ولى بنت وابن المهم تانى يوم الصباح بدرى وانا نايم في بيتى جا صحانى ايهاب ابن اختى قمت مخلوع في شنو قال امى الحرم قالت ليك تجيها هسى خلال ربع ساعة كنت عندها امى الحرم من الفجر تطلبنى اكيد في طامة كبرى حصلت ....
|
ههههههااااااي احيها ياخ امي الحرم بت علي اليوم داك بقتو ليك بمبي 😂😂😂😂😂
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: najma)
|
Quote: ههههههااااااي احيها ياخ امي الحرم بت علي اليوم داك بقتو ليك بمبي 😂😂😂😂😂 |
هو اليوم داك براهو الاجازة كلها وكل ما اجيها الصباح بتخيل لى انها بتحمر لى ودايرانى متين اجازتى تنهتى واسافر دى مش حالة اخير منها رقصة الكيكى
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: محمد حمزة الحسين)
|
Quote: كيكي دة منو كمان
لاكين زمان كان كدة في صورة بروفايل بتاعت راسته مان عندو كدوس عينه حاشي شنو ما عندي فكرة
احتمال جمبري بالبيض
العندو حساسية يراقب من بعيد
كدي اشرح يا باشا
الكيكي بتاعت علشان يوصلنا الفهم
بالمناسبه الصورة دي سنة كم علشان الواحد كان لاقاك في شارع الله اكبر يعرفك :) |
وليم يااندرية انا مابرد عليك بخلى نادر ابوكدوك يجى ينجمك الصورة تصورتها امس انت ويش يخصك عالم حشرية
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: بدر الدين الأمير)
|
Quote: تربية حبوبات يا ود الأمير مستمتع معاك بالحكي واصل ... : : : : : : : : مع التحيات لله الزاكيات |
محمد ياود حمزة حبابك الف اعود معاك للبطان وتخلفه وموقفى الحاد حد التطرف منه وعندى البطان والكيكى وجهان لعملة واحدة اذكر في العام 2014 بثت قناة قون التى كان يديرها صديق عمرى الشاعر الرقيق حد الخجل ازهرى محمد على كان فيها صلاح ادريس وسيف الجامعة وقدمها الصحفى الرياضى كمال حامد قام سيف قدم اغنية من كلمات ازهرى محمد على لحن صلاح ادريس وفيها مشهد بتاع بطان انا جن جنونى وفتحت بوست هاجمتهم جميعا بعنف اعنف من العنف مش كدا وبس شلت التلفون واتصلت بازهرى ماخليت ليهو فرضا ناقص قام ازهرى وبكل هدوء قال يابدرالدين انت هسى مالك هايج طرحت موضوع للحوار والحوار ماداير هيجان اصبر شوية هسى نجمة بتجيك بالبوست ماهى وولدها محتكرنى ومحتكرين ارشيفى
| |
|
|
|
|
|
|
Re: بين الكيكى والبطان تعال ياكيكى نرقص وجيب � (Re: بدر الدين الأمير)
|
Quote: سلام بدرالدين الامير كل ما امر على البوسات ... اتوقف عند البوست بتاعك ... يذكرنى حبوبتى كيكى الله يرحمها ويحسن اليها ... كيكى من الاسماء المحببة لنا فى جبال النوبة . |
ايمن نواى خلاص قمنا للسلبطة وجاى تخم حبوبتك دى كانت وين قبل كيكى سيد الاسم وكيكية سيدة الرقصة فاتك القطار العلامة التجارية كيكى مسجلة وقضى الامر هههههههه
| |
|
|
|
|
|
|
|