الى حبيبنا ودالباوقة ( بدون زعل ) فيديو واقتراح جاد ...

الى حبيبنا ودالباوقة ( بدون زعل ) فيديو واقتراح جاد ...


07-29-2018, 06:43 PM


  » http://sudaneseonline.com/cgi-bin/sdb/2bb.cgi?seq=msg&board=499&msg=1532886239&rn=10


Post: #1
Title: الى حبيبنا ودالباوقة ( بدون زعل ) فيديو واقتراح جاد ...
Author: عمر دفع الله
Date: 07-29-2018, 06:43 PM
Parent: #0

06:43 PM July, 29 2018

سودانيز اون لاين
عمر دفع الله-
مكتبتى
رابط مختصر

انت تعلم تماما يا حبيبنا ودالباوقة
لك في القلوب منازل
فأنت شخص طيب القلب والفي قلبك على لسانك
واعرف الفرق بينك وبين اوغاد الكيزان
فنحن نعلم ان البون بينك وبين ( بتاع الرصاص في الراس )
كبيرا وشاسعا وكمان التانى داك الدمو وثقيل ، الاسمو مين كدا وراق .
الفيديو ادناه يصوّر ما آلت اليه حال السفارة السودانية في الرياض
لذلك رأيت من الضرورى ان اتبنى اقتراح صاحب الفيديو
واقترحه عليك فأنت قدر المسؤولية وزيادة يا الحبيب....
محتوى الاقتراح هو ان تقوم ، بحكم علاقتك الوطيدة بالبعثة الدبلوماسية
ان تقترح على سعادة السفير السودانى ان يُطرح موضوع حمامات السفارة في عطاء
مفتوح وان تتفق مع سعادة السفير ان يعطيك العطاء - تحت الطاولة - وبالشروط التى
تخدم مصالحكم سويا . .... مافي مشكلة . فبارك الله في من افاد واستفاد .
اول حاجة تقوم بعمليات صيانة للحمامات في مصلى السفارة وتوصيل شبكة المياه
تانى حاجة ، تقوم بوضع شخص تستأجره يقوم هذا الشخص بتنظيف الحمامات
على مدار اليوم ويعمل ايضا كمحصل للنقود .
تالت حاجة ، لازم تعطوا الزبون من مرتادى السفارة ( وصل ) عشان الشفافية وكدا .
رابع حاجة ان تكون رسوم دخول الحمامات في حدود العشرا ريال زي ما قال صاحب الفيديو
خامس حاجة هو ان يلتزم سعادة السفير بعدم فرض اية ضرائب اخرى على هذا المشروع
واتمنى ان يكون الناس امامكم سواسية كأسنان المشط . لا فرق بين الذى ( يخرا ) والذى ( يتبوّل )
فكل ذلك يندرج في باب قضاء الحاجة وكدا .
وفقكم الله في خدمة المغتربين المساكين ودمتم زخرا للمهاجر في زمن الدعاتر ...

اخوك عمر دفع الله



Post: #2
Title: Re: الى حبيبنا ودالباوقة ( بدون زعل ) فيديو واق
Author: Frankly
Date: 07-29-2018, 07:03 PM
Parent: #1

يا باوقة بدون واسطات خلي المشروع دا يرسي على الأرقوز عمر دفع الله

على أن يتحصل عن كل قلــــوط قولووز واحد ريال وعن كل رطل بول مركز نصف ريال ويديكم كشف بعدد القلاليط وأرطال البول مقارنة بعدد مرتادي الأدبخانات وذلك بصورة يومية


Post: #3
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-29-2018, 07:07 PM
Parent: #2

( بتاع الرصاص في الراس ). .... انت زعلت يا دكتور ؟
حقك علينا .......

Post: #4
Title: Re: الى حبيبنا ودالباوقة ( بدون زعل ) فيديو واق
Author: Frankly
Date: 07-29-2018, 07:13 PM
Parent: #3

أبداً يا أرقوز كا في أي زعل بس شفت دا شغل بيتواقف مع قدراتك وما عايز يفوتك.

على الأقل السفارة ممكن توفر مبالغ الجونتات الي انت اصلاً ما ح تستخدمها

Post: #5
Title: Re: الى حبيبنا ودالباوقة ( بدون زعل ) فيديو واق
Author: امتثال عبدالله
Date: 07-29-2018, 07:16 PM
Parent: #1

والزحمة الشديدة دي شنو في السفارة يا عمر دفع الله وعايزين شنو من السفارة،،وكمان السفارة مخصصة ليهم حمامات بالكثرة دي...سفارات السودان في اوروبا وامريكا الشمالية ما فيها حمامات لضيوف السفارة، وتدخل الاستقبال، وتشوف حاجتك وتمشي ده اذا لقيت باب الاستقبال مفتوح اصلا لان سفارات السودان في الخارج اساسا عندها عداء مستحكم مع المهاجرين والمغتربين والطلاب،،،
ورحم الله الملك السعودي الراحل الملك عبد الله بن عبد العزيز. الذي جمع كل سفراء السعودية في الخارج واجتمع بهم وقال لهم ان مهمتكم الرئيسية هي خدمة المواطن السعودي ، اما المهام الدبلوماسية الاخرى من توثيق علاقات اقتصادية وتجارية وثقافية فتاتي في الدرجة الثانية بعد خدمة المواطنين السعوديين الذين يقيمون في البلاد التي بعثتم اليها،،،،
ويا بق بق اذا فعلا السفارة السودانية في السعودية يزورها اعداد كبيرة من الناس فيجب على السفارة عمل اللازم لتوفير المراحيض نظيفة والمهيئة بالمياه اللازمة ، واسمع كلام عمر دفع الله واديهم الاقتراح وبارك الله في من افاد واستفاد ...
وبرضه نقول كتر خير السفارة السودانية في السعودية العندها حمامات للضيوف،،، في السفارات الثانية مافي الخدمات دي...وخليها تكمل جميلها وتبني حمامات حديثة ...
مع وافر التقدير والاحترام

Post: #6
Title: Re: الى حبيبنا ودالباوقة ( بدون زعل ) فيديو واق
Author: Mustafa Mahmoud
Date: 07-29-2018, 07:18 PM
Parent: #1

د

عمر سلام


المعلومات المؤكدة لدي ان حبيبك ود الباوقة

يعمل في جهاز الامن و يردد ما يرسل له


و هو انسان استفاد من فساد الكيزان فسرق مزرعة شخص معاق

و سرق 340 الف ريال ارسلن من سعودين للمساكين في السودان

والله يا صديقي حكاية حبيبك دي ارجوك سحبها من هذا الشخص افاسد و الانتهازي

و الذي يدافع عن السفاح بشة و نظامه

Post: #7
Title: Re: الى حبيبنا ودالباوقة ( بدون زعل ) فيديو واق
Author: محمد البشرى الخضر
Date: 07-29-2018, 07:34 PM
Parent: #6

والله يا فنان اول ما قريت البوست عايز اقول ليك قصة منزلة في القلب دي بتجيب ليك هوا! ههههه لقيت الدكتور قام بالواجب

بالمناسبة الفيديو قديم قبيل واحد من ناس السعودية في قروب قال هسة الوضع احسن و النوية مشكلتعا اتحلت

Post: #8
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-29-2018, 09:07 PM
Parent: #7

سلام يا امتثال ودكتور مصطفى وحبيبنا ود البشرى
بس يا ودالبشرى منازل الاحبة دى لسيت كدرجات الجنان .
كتبت قبل وكدا وقلت ان صورة الاخ ودالباوقة كناشط اسفيرى
مدافع عن مشروع الاسلاميين وحكمهم بشكل كثيف وبلا رؤية
او صدق ، فيهو رسالة واضحة وذات دلالات عميقة للمدافعين الاوائل
عن المشروع الاسلامى وفي المستويات الرفيعة . امثال الملحق الاعلامى
السابق لسفارة السودان في لندن ، الدكتور الافندى ولمدير ادارة التأصيل
بوزارة التعليم العالى والبحث العلمى الدكتور تيجانى عبدالقادر ، من ان
المشروع الذى افنيا فيه زهرة شبابهم اصبح مرتعا للمهرجين والمهرجلين
بل صار صورة طبق الاصل للاتحاد الاشتراكى بتاع نميرى .
فيا ودالبشرى هل توجد خدمة اكثر اجلالا من التى يقدمها ودالباوقة على هذا الصعيد ؟
ان اخونا ودالباوقة يذكر امثال الافندى وتجانى خيبتهم وبوار فكرتهم ويكشف عن عمق ازمتهم
اكثر مما يفعل خصومهم .... شفت كيف !
ود الباوقة حبيبنا
الما منظور نسانا
مالو طنش
في البوست ما غشانا
حليل الخوة
الما قدرا وجانا......


Post: #9
Title: Re: الى حبيبنا ودالباوقة ( بدون زعل ) فيديو واق
Author: Arif Nashed
Date: 07-30-2018, 01:53 AM
Parent: #8

ي أستاذ عمر اخونا بق بق تخصص تغذية تكفيه كافتريا السفارة وما يقدمه من وجبات دسمة وبأسعار رمزية أقترح أن يستعان بالمواطن صلاح غريبة فهو ذو باع وخبرة سابقة في ادارة مثل هذا المشروع الحيوي..


Post: #10
Title: Re: الى حبيبنا ودالباوقة ( بدون زعل ) فيديو واق
Author: النذير حجازي
Date: 07-30-2018, 06:11 AM
Parent: #9

بختو انبهلت عليهو خراء ساكت
خراء يلاقي خراء

Post: #11
Title: Re: الى حبيبنا ودالباوقة ( بدون زعل ) فيديو واق
Author: الطيب عباس
Date: 07-30-2018, 06:40 AM
Parent: #1

اردم يا عمر دفع الله

ههههههه


Post: #12
Title: Re: الى حبيبنا ودالباوقة ( بدون زعل ) فيديو واق
Author: Osama Siddig
Date: 07-30-2018, 07:08 AM
Parent: #11

تحياتى لكل الإخوة المتداخلين

الأخ عارف، الأمران لا ينفصلان فالموضوع "مداخل ومخارج" فليس أجمل من أن يجتمعا لشخص واحد حتى يحصل "التجانس"......

Post: #13
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 08:06 AM
Parent: #12

حباب ود دفع الله

كلامك سمح بلحيل
لكن بشرط ارسل ليك فيزا ( متحصل حمامات )
وراتب اللجوء البتاخدو هناك اضربو في ثلاثة
شغل عرق جبين وحلال بلال بدل تكون عايش على دافعي ضرائب
البارات وصالات الميسر واماكن ال################ة
وبعدين 3 وجبات من مجانا
وعندك في اليوم تتبول مرتين بنصف القيمة
وتغوط مرة واحدة مدفوعة الاجر
قصرت معاك
يلا اتحرك سريع

Post: #14
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 08:17 AM
Parent: #13

من شروط العقد

في حالة اصابتك بالامساك المزمن نحسبه

لك اوفرتايم

اما في حالات الاسهال

يتم خصمه من حقوق نهاية الخدمة

انتهى

Post: #15
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-30-2018, 09:15 AM
Parent: #14

هلا هلا بودالباوقة
------
مرحب بالحبيب
الاطوّل من نخيل النيل
ومرحب بالكلس
المتلو مافي مثيل
الكسح الافندى
وتجانى في التأصيل .
لسانك عفيف
وماك زول نسناس
لا تجرح ذبابة
لا رصاص يجيك في الراس
حسدوك اللئام
في مزارع الخير
وحسبوك في اللصوص
وكعبلوك في السير ..........


Post: #16
Title: Re: الى حبيبنا ودالباوقة ( بدون زعل ) فيديو واق
Author: MOHAMMED ELSHEIKH
Date: 07-30-2018, 09:23 AM
Parent: #15

ن شروط العقد

في حالة اصابتك بالامساك المزمن نحسبه

لك اوفرتايم

اما في حالات الاسهال

يتم خصمه من حقوق نهاية الخدمة

انتهى



***************************



غايتو يا العمرات بتكتلوا ليكم زول بالضحك

Post: #17
Title: Re: الى حبيبنا ودالباوقة ( بدون زعل ) فيديو واق
Author: MOHAMMED ELSHEIKH
Date: 07-30-2018, 09:23 AM
Parent: #15

ن شروط العقد

في حالة اصابتك بالامساك المزمن نحسبه

لك اوفرتايم

اما في حالات الاسهال

يتم خصمه من حقوق نهاية الخدمة

انتهى



***************************



غايتو يا العمرات بتكتلوا ليكم زول بالضحك

Post: #19
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 10:37 AM
Parent: #17

ابو النسب


كيفنك

بالله قصرت معاه

شغلة زي دي ما يحلم بيها

وشكرا

Post: #18
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-30-2018, 10:17 AM
Parent: #15

Quote: ي أستاذ عمر اخونا بق بق تخصص تغذية تكفيه كافتريا السفارة وما يقدمه من وجبات دسمة وبأسعار رمزية
أقترح أن يستعان بالمواطن صلاح غريبة فهو ذو باع وخبرة سابقة في ادارة مثل هذا المشروع الحيوي..


للاسف يا عارف انت وقعت في نفس الخطأ الوقع فيهو المسلمى.
قبل كم يوم كدا بذل المسلمى خيطا يتتريق فيهو على صلاح غريبة
وهذا ان دل على شئ انما يدل على ان الاخ المسلمى لا يعرف قدر الرجال ولا يحفظ مقاماتهم .
اولا يا اخ عارف لازم تعرف ان واحدة من الاسباب التى مهدت للمفاصلة لاحقا هو تأسيس المؤتمر الشعبى العربى الاسلامى
ودا كان بعد هزيمة صدام حرب الخليج وكان قصد الترابى ان يكون المؤتمر دا كبديل لمنظمة المؤتمر الاسلامى ( بتاع السعودية ) وبعد داك انبثقت منه منظمات عديدة
كمنظمة الصداقة الشعبية ومنظمات اخرى كتيرا للتواصل بين الشعوب العربية والاسلامية . يعنى فكرة الترابى كانت ان يتغلغل الاخوان من خلال الشعوب .
اثار هذا المؤتمر حفيظة مصر ودول الخليج والجزائر ودوائر المخابرات الغربية وبعداك انت عارف باقى القصة اثناء وبعد المفاصلة .
اليوم اصبح ملف العلاقات بين الشعوب بواسطة المنظمات الاهلية بيد الاستاذ صلاح غربية وب( وضع اليد )
عشان ما يجى واحد يشبه مزرعة ود الباوقة بالصعود الصاروخى للاستاذ غريبة
فود الباوقة يعمل في مجال الاعلام والبيزنس بحسب قدرته وعلاقاته
ولكنه لا يستطيع العمل في مجال الاستاذ غريبة لانه مجال معقد ويحتاج الى مثابرة والى قدرات ذهنية مميزة.
الاستاذ غريبة كد فوجد ومن طلب العلا سهر الليالى ...... انشالله تكون فهمت حاجة!

Post: #20
Title: Re: الى حبيبنا ودالباوقة ( بدون زعل ) فيديو واق
Author: Arif Nashed
Date: 07-30-2018, 10:45 AM
Parent: #18

غايتو فهمت بان الغاية تبرر الوسيلة..
الوسيلة متروكة لتقديرات المعني وتتعدد الطرق التي تساعد في التسلق والوصول وجني الثمرات..

Post: #21
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 11:16 AM
Parent: #20

عمر معليش

الفيزا لقيناها

بي

حامل كرتة


تنفع

Post: #22
Title: Re: الى حبيبنا ودالباوقة ( بدون زعل ) فيديو واق
Author: Ahmed Yassin
Date: 07-30-2018, 12:05 PM
Parent: #21

في شنو هنا ؟
في ريحة طاقة شديد
إففففف

Post: #23
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 12:07 PM
Parent: #22

اتخارج سريع
الدخلك شنو

😂

Post: #24
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-30-2018, 12:58 PM
Parent: #23

حكمة الله يا ودالباوقة انت فاهم اساليب الكيزان
في اللولوة والاعيبهم على الناس وقاعد تتعامل معاها عادى
وما عندك الشينة منكورة
لكن المشكلة في بتاع الرصاص في الراس دا .
في البوست بتاع ود ابسن بتاع الفساد جا بتاع الرصاص في الراس
داخل ومنطط عيونو وعامل فيها الولد مخلوع وقام قال :
( يا جماعة الناس ديل ما - قنمبرونا - ! )
والمعنى انو ركّبوا ليهو قنمبور في راسو وضحكوا عليهو وكدا ..
يعنى الولد برئ خالس خالس وكأنه لا يعلم بفساد الاسلاميين
ومتبري منو وطبعا القصد من التمثيلية دي ان يظهر يديه
بمظهر الايادى المتوضئة النظيفة التى لم تلمس ولا فلسا واحدا من اموال الكيزان عابرة القارات بالمرة
طيب وقت ماعندو مصالح مع الكيزان زيك كدا ، لزوم طقطقة الرصاص في رؤوس الناس لي شنو !
انتظر يا ودالباوقة ... امانة ما ارصصو ليك في صنقورو واخلي الما سمع بيهو يسمع .
بس انت ساعدنى ( بالزنقلوبية ) وادعو لي الكترونيا عسى ان يمدنى الله بالزمن الكافى ...

Post: #25
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-30-2018, 01:02 PM
Parent: #24

Quote: الأخ عارف، الأمران لا ينفصلان فالموضوع "مداخل ومخارج" فليس أجمل من أن يجتمعا لشخص واحد حتى يحصل "التجانس".

الحمدلله انا ما قلت حاجة ....

Post: #26
Title: Re: الى حبيبنا ودالباوقة ( بدون زعل ) فيديو واق
Author: علي عبدالوهاب عثمان
Date: 07-30-2018, 01:13 PM
Parent: #25

الاحباب عمر وودالباوقة .. تحياتي ..
بوست خفيف الظل ..
الاختلاف والخلاف فيه جمال وإثراء
ولكن المهم في الطريقة والاسلوب ..
جميل هذا الاسلوب الاخواني في تبادل الحديث والردود

الحبيب عمر أنت مبدع في الكاركتير وإختصار القصة في خطوط معبرة

لكن بصراحة ودالباوقة خطير في (( البرقيات )) والردود المختصرة جداً

تدوم الاخوة .. واصلوا هكذا ففيه إثراء لكيفية إدارة الاختلاف

تحياتي لكما الحبيب عمر والحبيب ودالباوقة ..


Post: #30
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 01:22 PM
Parent: #26

تسلم اخونا وحبيبنا علي بن عبد الوهاب

مودتي

وشكرا

Post: #28
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 01:14 PM
Parent: #24

😂😂😂😂

مداخلة اخونا فرانكلي اصابتك في مقتل

عشان تتشالق تاني

كان قعدت في شخابيطك كان احسن

شغل البوستات دا ما بتقدر عليهو
رسلت لي مسودة من العقد في الخاص
شوفها ورد لي خبر

دي فرصة لوضيعتها حا تقعدعمرك كلو في هولندا حبيس اللجوء

المهنة بعد تجي هنا بنعدلها ليك
بس لازم تثبت جدية وجدارة في العمل
😜

Post: #27
Title: Re: الى حبيبنا ودالباوقة ( بدون زعل ) فيديو واق
Author: Frankly
Date: 07-30-2018, 01:13 PM
Parent: #1

رايت في ما يرى النائم عمردفع الله معلّق لوحة باب الأدبخانة مكتوب عليها "ممنوع دلق الماء No Flush" ولابس طاقية بتاعة ناس الصحة زمان وشايل كراس وكل ما يطلع زبون يجي جاري مدنقر يضوق ويختبر نسبة الرطوبة والكثافة والسيولة ويسجل في كراسته.

واحد فنان (لا أقصد حمار وحشي) يصور لينا الموقف دا كاريكاتورياً

Post: #29
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 01:19 PM
Parent: #27

😂😂😂😂😂

ابشرك اتفقت مع استشاري يعطل ليهو حاسة الشم نهائيا

Post: #31
Title: Re: الى حبيبنا ودالباوقة ( بدون زعل ) فيديو واق
Author: ود الباوقة
Date: 07-30-2018, 01:24 PM
Parent: #29

في سفارة بنجلاديش دايرين ليهم كرتجي

صطوفي قدم ليهم


بدل الطنقعة البتعمل فيها دي

😄

Post: #32
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-30-2018, 01:25 PM
Parent: #29

Quote: ابشرك اتفقت مع استشاري يعطل ليهو حاسة الشم نهائيا

هههههههههههههههههههههههه
يا ودالباوقة ياخى ما عندك استشارى بيرجع ( حاسة الرحمة )
لبتاع الرصاص في الراس دا

Post: #33
Title: Re: الى حبيبنا ودالباوقة ( بدون زعل ) فيديو واق
Author: عمر دفع الله
Date: 07-30-2018, 01:27 PM
Parent: #32

برجع ليك بعدين لحدى ما اخلص من امام الانصار ...