Post: #1
Title: عااااجل: تحذير لمن يريد زيارة السودان، تاني الجوة جوة والبرا برا
Author: النذير حجازي
Date: 07-29-2018, 12:02 PM
12:02 PM July, 29 2018 سودانيز اون لاين
النذير حجازي-بلاد الله الواسعة
مكتبتى
رابط مختصر أزمة وقود الطائرات كارثة حقيقية،
فستتوقف جميع رحلات الطيران،
شركات الطيران العالمية لا تجد وقود كافي للعودة
لموطنها، لذا ستوقف جميع رحلات العالمية،
بسبب الكارثة الاقتصادية الكيزانية،
والجوة جوة والبرا برا
كتمت
|
Post: #2
Title: Re: عااااجل: تحذير لمن يريد زيارة السودان، تا�
Author: النذير حجازي
Date: 07-29-2018, 12:16 PM
Parent: #1
يا عمر دفع الله يا خي ما ترسم لينا
كاريكاتير لطيارات واقفة بالصف
وتريد أن تكب الوقود في مطار الخرطوم
أو أي كاريكاتير من خيالك لهذا الحدث الجلل
|
Post: #3
Title: Re: عااااجل: تحذير لمن يريد زيارة السودان، تا�
Author: walid taha
Date: 07-29-2018, 12:38 PM
Parent: #1
النذير إزيك | Quote: فستتوقف جميع رحلات الطيران |
حسب واحد زميلي شغال فى وكالة سفر قال ما جاهم اي Circular من أي شركة طيران عالمي لها وجهة لمحطة الخرطوم بتوقف الرحلات
هسه فتحت الويب سايت بتاع اللوفتهانسا لقيت كمان عنده عرض Birmingham,GB To Khartoum !
هذا طبعا لا ينفي وجود أزمة وقود لكن أعقتد كمان ما منطقى شركات طيران عالمية تحط فى مطار الخرطوم بدون ضمانات فى توفر وقود لرحلة العودة ! !
صعبة شوية!
|
Post: #4
Title: Re: عااااجل: تحذير لمن يريد زيارة السودان، تا�
Author: النذير حجازي
Date: 07-29-2018, 06:06 PM
Parent: #3
شكرا يا وليد على المعلومة الضافية،
بكرة ستظهر المستجدات
|
Post: #5
Title: Re: عااااجل: تحذير لمن يريد زيارة السودان، تا�
Author: محمد البشرى الخضر
Date: 07-29-2018, 06:56 PM
Parent: #4
يومتها كنا في امدرمان ضربوا لينا قالوا جيبوا عيش معاكم في شارع مكي وقفت في مخبز افرنجي اشتريت منه، لامن رجعت العربية معاي الحاجة قالت بنحب البلدي، مشيت لا قدام بعد نمرتين تلاتة كدا لقيت فرن بلدي لكن مقفول جمبه بتاع طبلية سألته: الجماعة ديل ما شغالين ولا شنو، طوالي قام على حيلو و رافع يدينه يازول البلد دي مافيها عيش ما تتعب روحك وتفتش ساي، يازول
!! الكلام دا كيف، أي والله مافي عيش تاني الدقيق ح يزيدوه!
قلت ياخي الفرن داك شغال، قال لي ما شغال، يازول انا اشتريت منه اسي! فبهت الذي شتل ! وبقى يتمتم
عرفت يا نزير ياخوي الاشاعات بتبدا كيف و تنتشر 😁
|
Post: #6
Title: Re: عااااجل: تحذير لمن يريد زيارة السودان، تا�
Author: النذير حجازي
Date: 07-29-2018, 07:02 PM
Parent: #5
هسى عليك الله يا ود البشرى شايف الكارثة الاقتصادية في السودان شتل؟!
|
Post: #7
Title: Re: عااااجل: تحذير لمن يريد زيارة السودان، تا�
Author: محمد البشرى الخضر
Date: 07-29-2018, 07:10 PM
Parent: #6
دا براو ودا براو
عدم وجود خبز شتل، زيادة سعره - حتى اللحظة- شتل
تحذير المسافرين بمسألة عدم وجود وقود هلع و مبالغة
|
Post: #8
Title: Re: عااااجل: تحذير لمن يريد زيارة السودان، تا�
Author: Frankly
Date: 07-29-2018, 07:10 PM
Parent: #6
في الحقيقة الخطوط التركية ألغت السفرية القادمة للخرطوم يوم الجمعة الماضي وبالتالي ألغت السفرية المغادرة لاستنابول في نفس اليوم
الخطوط بررت ذلك بما يشاع عن نقص في وقود الطيران في مطار الخرطوم والذي نفته سلطات المطار وعابت على الخطوط التركية عدم التوجه للجهات المناط بها تأكيد أو نفي أمداد الوقود في مطار الخرطوم.
الشاهد في الأمر أن حركة الطيران تسير بصورة طبيعية وعاودت الخطوط التركية لتسيير رحلاتها حسب جدولتها وحطت طائرة السبت بسلام كما أن طائرة الأحد في طريقها للخرطوم
|
Post: #9
Title: Re: عااااجل: تحذير لمن يريد زيارة السودان، تا�
Author: Dr. Ahmed Amin
Date: 07-29-2018, 07:52 PM
Parent: #8
فعلا الشائعات شغالة شغل كبير ... وعملت حالة من الهلع وسط الناس ..
قبل قليل جاتنا اشاعة وفاة الحاجة عوضية (سمكـ) وبرضو طلعت اشاعة ..
حالة صعبه
|
Post: #10
Title: Re: عااااجل: تحذير لمن يريد زيارة السودان، تا�
Author: Nasser Amin
Date: 07-30-2018, 09:32 AM
Parent: #9
منقول من طيار سودانى لا يريد ان يفصح عن اسمه حتى لا يتضرر هو و أهله
...
والمرحلة الأخطر يا xxxx هى بالنسبه للطائرات السودانية. . ” وللسفريات الداخلية بالتحديد “ فاجئونا بي
فورم وهو إجراء جديد وغريب. .. تكتب فيه اسم الشركة الناقلة والرجستريشن بتاع الطائرة ووجهة الرحلة
وكمية الوقود المطلوبة وتشيل الفورم وتمشي لمدير المطار عشان يصدق ليك ومن غير الفورم وامضاء
مدير المطار شركات الوقود ما بزودوك بالوقود. ..لحدي هنا الإجراء ممكن يكون عادي لكن تعال شوف الادهي والامر. ..
مثلا الرحلة للابيض ويفترض تزويد الطائرة بي 3200 باوند وقود up anddown زايد كمية إضافية في حالة حدوث أي
طارئ في مطار الأبيض وتحويل المسار الي مطار آخر (اولتيرنت ايربورت) هنا بقوم سعادتو يصدق ليك بي 2800 باوند
فقط بالبلدى كده حق البوديك ويجيبك بس😅 مخالفا للقوانين والسلامه .... ورفض أغلب الطيارين هذا الإجراء الغريب
والغيت العديد من الرحلات الداخلية والعالمية. ...
تخيل بس يا باشمهندس ....هذا هو الوضع الآن وعندي الدليل form مليناه بالكمية المطلوبة لكن سعادتو شطب الكمية
الحددناها وصدق لينا بي كمية أقل. ..قاطعها من راسو. ..قلنا ليه الكمية دي يدوب توصل الطيارة هجليج ولمن تنزل
مطار الخرطوم بكون الوقود المتبقي بسيط جدا ولو لقينا كتاحة في الخرطوم نقول يا منو...ههههههههه. ..قال انا بنفذ في تعليمات. ...
اعتقد هذا هو السبب في إلغاء الرحلات والله يجازي اللي كان السبب ))
|
Post: #11
Title: Re: عااااجل: تحذير لمن يريد زيارة السودان، تا�
Author: النذير حجازي
Date: 07-30-2018, 11:18 AM
Parent: #10
سلام يا أحمد أمين وأبو نصرة،
شكرا يا أبو نصرة على الخبر اليقين،
فلقد نشرت صحيفة الراكوبة خبر
فورم المطار في الاقتباس التالي:
Quote: الخرطوم: الراكوبة
ألزمت سلطات مطار الخرطوم، شركات الطيران السودانية، بتعبئة استمارة تحوي بيانات تفصيلية، كشرطٍ للتزود بالوقود، في خطوة شبيهة بالزام اصحاب مركبات النقل العام بالحصول على (كرت وقود) صادر عن المحلية.
وقال عاملون في القطاع، إن سلطات المطار ربطت الحصول على الوقود بالتحصل على تصديق من مدير المطار بعد ملء (فورم) يحوي بيانات عن الشركة الناقلة، ووجهة الرحلة، وكمية الوقود المطلوب.
وأنكر مطار الخرطوم قبل يومين وجود ازمة في وقود الطائرات، على الرغم من أن خطوطاً عالمياً ألغت أو حولت مسارات رحلاتها لذات السبب (الوقود).
وقال موظف في شركة طيران أن المدير صدّق لهم بكمية أقل من المطلوب لرحلة داخلية بدعوى أن ما صدقه كافي لمسار الرحلة.
وحذر خبراء في مجال النقل الجوي من أن تقود الخطوة إلى فرض زيادات جديدة في اسعار النقل الداخلي والعالمي. |
|
Post: #15
Title: Re: عااااجل: تحذير لمن يريد زيارة السودان،
Author: محمد حمزة الحسين
Date: 07-30-2018, 12:27 PM
Parent: #10
إنما النصر صبر ساعه ...
عمر زاتو قال فترتا ... 
الإشاعات سلاح ذو حدين لكن ما بوصل الميس...
:
:
:
:
:
مع التحيات لله الزاكيات
|
Post: #12
Title: Re: عااااجل: تحذير لمن يريد زيارة السودان، تا�
Author: محمد حيدر المشرف
Date: 07-30-2018, 11:31 AM
Parent: #1
دي مداخلة يا النذير كتبتها في بوست تاني ..
وأما قبل فمشتاقين ياخ
نفس الفكرة .. نفس الاخطاء .. نفس الاستهتار يا حفيظ
بالامس او اليوم الذي قبله ..
قرأت عن مشكلة وقود الطائرات ..
اختلفت الاراء هنا وهناك بين من ينفي ومن يثبت الندرة في وقود الطائرات
تعرف يا حفيظ الاكد لي وجود ازمة شنو؟!
قرأت تلك الرسالة الحايمة في الواتساب والتي تؤكد الازمة وتشرح طريقة التعامل معاها ..
اولا عملوا اورنيك
ثانيا بناء على الاورنيك الذي يتضمن مسار الرحلة وكمية الوقود المطلوبة يتم التصديق بكمية اقل
النقص في الكمية المطلوبة يعاجل بالضبط الوقود الاحتياطي لمواجهة اي مشكلة في الهبوط ..
شفت الاستهتار ده كيف؟!
اها انا من نوع الاستهتار ده استدليت طوالي على صحة الرسالة ..
من سيماء استهتارهم تعرفونهم
|
Post: #13
Title: Re: عااااجل: تحذير لمن يريد زيارة السودان، تا�
Author: محمد حيدر المشرف
Date: 07-30-2018, 11:33 AM
Parent: #1
ود البشرى خلاص وصل مرحلة انا هسع كنت هناك :)
..
ابوحسين ما هاتي عليك و
اجازة سعيدة
|
Post: #14
Title: Re: عااااجل: تحذير لمن يريد زيارة السودان، تا�
Author: محمد البشرى الخضر
Date: 07-30-2018, 12:25 PM
Parent: #13
ههههه يا ود المشرف الازمة ذات وجهين الأول التقصير الحكومي و الفشل بالطبع و التاني الهلع الشعبي و الزلعة و التهويل
كدي ادخل موقع اي شركة طيران لها خط للخرطوم و شوف رحلات اليوم وغدا مثلا هل هي ملغاة, انا جيت يوم 27 و في نفس التوقيت كانت هناك اربعة رحلات تقريبا الخليجية و السعودية وناس و تاني واحدة ما عرفت اسمها, دا كلو بعد الغاء رحلة التركية !
هل يشبه هذا الأمر العاجل التحذير و العاك عيييك والبرة برة و الجوة جوة!
تبدأ الأزمة حكومية لكن بنتمّها و نكبّرها نحن
حتى غادرت الخرطوم لم ادفع اكثر من جنيه للعيشة - غير حق الكيس طبعا - لكن يوميا اقرا عن التلات عيشات بخمس و الستة بي عشرة وغيرها
لا اكذّب الناس ديل لكن اقول ان الفوضى حاصلة وربما استغلال البعض من اصحاب المخابز لوجود الارضية الجاهزة لتقبل الاشاعة و تدويرها و اساسا قبول فكرة زيادة السعر و طريقة بتاع الطبلية البلد دي ما فيها عيش تاني!
تصديق وترويج اخبار سوء الوضع ليست بالضرورة دائما وطنية ولا نفيها او على الاقل استخدام العقل في القراءة و التحليل خيانة وموالاة للنظام وكدا
|
Post: #16
Title: Re: عااااجل: تحذير لمن يريد زيارة السودان، تا�
Author: النذير حجازي
Date: 07-30-2018, 01:52 PM
Parent: #14
سلام يا ود المشرف ومشتاقين،
يا ود البشرى انت عايز بعد الفأس تقع في الرأس
ثم نحذرهم، وفائدة التحذير شنو بعد وقوع الواقعة؟!
المسألة مسألة زمن بس، ما فايته ليها اسبوع او اسبوعين
وكلامي دا ح اذكرك ليهو
الحكومة بدأت تأكل من سنامها
|
Post: #17
Title: Re: عااااجل: تحذير لمن يريد زيارة السودان، تا�
Author: عمر دفع الله
Date: 07-30-2018, 02:22 PM
Parent: #16
يا النذير الكلام دا صباح اليوم
واحد قريبي كان سايق عربته في منطقة الفاو الكلام دا زي الساعة واحدة صباحا
قاموا ناس لابسين ملكى انزلوهم من الشارع على جنب
وعطلوا الحركة على الطريق وبعد شوية شاف
قوات الدعم السريع وبكامل عتادها وفي سيارات لا تحصى ولا تعد
تتجه شمالا في اتجاه الخرطوم حاول تصويرهم لكن مرافقه اوقفه وحذره
وبحسب تقديراته انو قوات الدعم السريع ستصل الخرطوم حوالى الساعة الرابعة صباحا
وقبل ما امشى الشغل اتصل وروى لي عن مشاهداته وكان عشمان يلقى عندى تفسير او معلومة
عشان يفهم الحاصل . قلت ليهو ما تشغل بالك يا خبر بفلوس بكرا ببلاش
البلد خلاس مشت بعيد لكن الشي الاخطر هو كيف ستتمكن الحكومة من توفير اطنان الدقيق
لاطعام سكان العاصمة بس وسيبك من الولايات القريبة والبعيدة .
معارفنا من الكيزان تسألن تلقاهم زاتن في متاهة .
غايتو قناعتى انو بدون دعم خارجى كبير وغير مسبوق في تاريخ الدول
سيسقط النظام وبأعنف الوسائل وقد تحدث فوضى وقد يحدث تتدخل خارجى
اما ان يستمر الوضع بالشكل دا فهذا مستحيل . عشان كدا عندما يكون الوضع مفتوح على كل الاحتمالات
تكون الشائعة اخطر من لعلعة الرصاص ....
|
|