Post: #2 Title: Re: عينك قوية جبجبة جد Author: Nasser Amin Date: 07-26-2018, 09:45 AM Parent: #1
هههههههههه اب سن
شوف الكلام دا ((اكان صبرتي شويه بديهو ليكي هديه))
Post: #3 Title: Re: عينك قوية جبجبة جد Author: عبدالحفيظ ابوسن Date: 07-26-2018, 09:52 AM Parent: #2
تشكر ناصر هههه حراق روح منها ساي اظنو واجعها قصة انو خانها مع صاحبتها لكن ما اصلو الراجل بعد يفارق دتيا الطلاب بتنحصر معرفتو في ما ترضاه زوجته هي كمان غلتانة ما تصاحب النجاضات وما تعمل شت داون للرادار حقها
Post: #4 Title: Re: عينك قوية جبجبة جد Author: عبدالحفيظ ابوسن Date: 07-26-2018, 10:11 AM Parent: #3
اللعب معكوس الامام شك انو المؤذن بلعب مع مرتو عشان يتأكد عمل فيها مسافر ومرق من الصباح خش بيتو اطناشر بالليل ما لقا أي شي اطمأن ولعن وسواس ابليس وسؤ ظنه بعد شوية الباب دق مشي يفتح الباب يلقا المؤذن واقف وشايل سراولو في يدو المؤذن بسرعة قال ليهو ناس الاوقاف جو قبيل ووزعو للائمة سراويل وانا مسكت ليك سروال ومد ليهو السروال الامام مسك السروال وقال ليهو لكن مالو قديم ووسخان ومشرط المؤذن قال ليهو اياها قسمتك قوة عين جد
الاغنية ممكن تتحدث عن حالة فردية جدا وليست ظاهرة او عموما هي كدة في الشعر العاطفي والوجداني لكن عندي ملاحظة انها ما اول غنية تتحدث عن خيانة الزوجة من قبل صديقتها دة غير القصص الزول البسمعها فهل صحيح ان صداقة مع المرأة مع المرأة ضعيفة؟ الصداقة الحقة بتخليك تضحي من اجل صديقك وليس تخونه
Post: #6 Title: Re: عينك قوية جبجبة جد Author: هاشم احمد ادم Date: 07-26-2018, 09:37 PM Parent: #5
Quote: فهل صحيح ان صداقة مع المرأة مع المرأة ضعيفة؟
سؤال مهم ، و بالتنظير الذكورى أظن علاقة بين النسوان ذات بعد ( منفعى ) بحت ، وذلك لغريزة المحافظة على البقاء . —— حقيقة أغنية جميلة تعكس بعض الواقعات المجتمع السودانى . وأول خاطرة لى بعد سماعها انها تدلل على ما قد سمعت ان الطلب اكثر من العرض.
Post: #7 Title: Re: عينك قوية جبجبة جد Author: علاء سيداحمد Date: 07-27-2018, 11:44 AM Parent: #6
Quote: فهل صحيح ان صداقة مع المرأة مع المرأة ضعيفة؟
سلام يا حفيظ
ضعيفة و بس .. ضعيفة جداً لدرجة انّ المرأة لا تثق حتى فى اختها ..