خطر ظاهرة النهب بالموتر سايكل في عاصمتنا المثلثة

07:36 AM July, 26 2018 سودانيز اون لاين
Osman Musa-
مكتبتى
رابط مختصر رعب شديد . وختف زي الختف . وممكن يترصدوك بي مكر ما. تتخيلو . ولو فيك لمعة اغتراب وشاكي. القميص مع علامة راحات حقك راح . ولو جلاكسيك النوع ابو عكفة معناتو. حتكون دي مكالمة الوداع . زي حجة الوداع يعني . والله يا جماعة وعن تجارب حوامة كتيرة في بلاد الله . الليلة السودان. جد. اخطر. من. كولمبيا. و اخطر. من كتير. من دول امريكا الجنوبية. . يا جماعة. الناس المساكين الراجعين للسودان. في اجازات لابد. من. اليقظة. البلد. بقت فيها ضبح من العنقرة . قصة ريا وسكينة اصبحت عادي . . لازم. اي. واحدة. واي. واحد. يفتح عينو زي. الريال. . الريال القوي القديم . طبعا. اكيد. ما كل. صاحب موتر. ولا. كل الامكنة لكن. يجب. وضع. الف. حساب للسلامة. البنات المساكين. و الحاجات الكبار. خليكم صاحين. وربنا. يستر. علي الجميع والله. فتحت البوست. ده. وانا. مليان اسف. وحزن . من مشهد. حصل. امس. نهب يذكرك افلام ديجانقو في امريكا. 1920 .
..
يا جماعة في شغلتنا في امريكا في متاجر. اليهود وفي متجرنا اكلنا رصاص
لامن قلنا بس و اكلنا كلاليت بي بود التامبرلاند لامن طرشنا ملاح الكرارة . والله
لا. خفنا. ولا. كلينا . عشان عارفين في قانون بجيب لينا حقنا .





..
المضحك. : الزول. المنهوب. كان كاضم. و مزهول. مسافة 20 دقيقة
واول. كلمة. نطق بيها. : بس قال. يا حليل عبود وسكت

Quote: يذكرك افلام ديجانقو في امريكا. 1920 .

عثمان مسؤول من الخير ياخ إنت ديجانقو دي مش الـ D سايلنت وهى تتنطق جانقو ؟ عشان انا أول أمبارح حضرت Django the Unchained شايفهم بقولو كده فااا اكد لى عليك الله لأنو لينا سنين بنقول ديجانقو ..ديجانقو !!

أما بخصوص موضوع البوست فأعتقد السرقة بالموتر سايكل تعتبر وسيلة جيدة وذلك لسهولة الزوغان للزوقاقات زائدا إستهلاك الوقود قليل مع الأزمة الحالية هذا طبعا بعيدا عن الظاهرة فى إطارها الأخلاقي التى تعد طبعا كارثة وعلى الجميع الإنتباه

عزيزنا الوليد طه سلامات وربنا. يلطف بالناس . ماكنت. مصدق الشفتو قبل 40 سنة في سينما كلوزيوم ممكن اشوفو. لايف . وفي بلدي الحقيقي . اكيد يا. الوليد بتتذكر الموفي العجيب ( django shoots first. ) كان الواحد يرجع. البيت يفكر. في معقول. في امريكا في كبع زي. ده. . لامن ناس. frank. brano. كسروا. علينا. بي. جاي. . .. ربك. يلطف

يا عمو عثمان
الجرائم في الغرب محصلتها تعد بملايين ال s$
ما شنطة آنسة في سودانا المسروق كلو ، فيها أصبع أحمر شفايف و منديل مطروز بالحرير لحبيب بعيد (:)
ياخ لو دايرين يسرقوا ما
يسرقوا الجمل (كل رجالات و نسوان الإنقاذ بدون حدود)
مالم و مال سرقة الضعيق
الما عندو حيلة غير يعيش مدة
و يرحل من هذه الفانية

عزيزنا الفنان كوستاوي سلامات
غايتو يا اخوي كان جيت بي دولاراتك الكتيرة دي وكمرتك الياشيكا الخطرة
ديك. . الا. تجيب معاك اسنايبر بي m16 .
سرقة الضعيف يا كوستاوي اسرع واسهل . طبعا اي قط شحمان بكون معاو
هيلمانة من افراد الحماية .
المشكلة ماشة في زيادة صعبة يا كوستاوي و مفروض الناس. تلتفت .
..
مشكور. علي الفيديوهات

Quote: كان جيت بي دولاراتك الكتيرة دي

تانى غايتو الكرمبة إلا يمشى متنكر يا عثمان :)
أو FACE-OFF هههههههههه

البورد ده بقى مصدر للمعلومة يعتد بيهو

كدي يا كوستاوي شوف ال
motor saycil crimes in guatemala
طبعا الجريمة في غواتيمالا سيتي قديمة و النهب بالموتر سايكل منتشر
فيها. من زمان . و للحد البخلي المستثمرين من امريكا و الصين ما بجوا
من الخوف .
في رحلة يا كوستاوي من غواتيمالا. لي نيويورك. كنت. راكب الفيرجن اتلانتك
كانت. راكبة. جمبي. بطلة. غواتيمالا. في كمال الاجسام. ماشة. لي. منافسة في
اتلانتا جورجيا . وجات سيرة الجريمة . قالت لي كانت واقفة بالسيارة في
اشارة المرور. وطفلها. في. المقعد الخلفي. . وقفوا. جمبها اتنين بي موتر
وطوالي طلع ليها السكين و لفح التلفون وهرب للشوارع الفرعية . تخيل. دي
بلدنا. يا كوستاوي. ماشة. في. ده. الطريق المخيف . ربك يستر

اخطر المناطق في العاصمة المثلثة كان بالليل كان بالنهار هي :
1.. السوق الشعبي امدرمان
2.. محطة سراج امدرمان
3.. نهاية سوق ليبيا من جهة الغرب
4.. بعض المناطق في الحاج يوسف بحري
5.. بعض المناطق في شارع الستين الخرطوم
6.. وعموم الاسواق المزدحمة في العاصمة عامة

نعم يا استاذ الوليد
في المنبر ممكن من كحلة واحدة تلاقي الدايرو.
كتاب منتشرين في الدنيا كلها .

مشكلة كبيرة يا اخ كوستاوي في غواتيمالا
عصابات المواتر. عندهم اتصالات خطيرة . عليك الله
شوف ده نزل ليه من الجبل كيف . وعان التاني الواقف
بعيد. داك . يعني مافي اي طريقة. للمقاومة

يحشو ليهم الشطة لو قبضوهم لانهم جبناء

الاخ عثمان موسى
ظاهرة السرقات والنهب سوف تنتشر انتشار النار فى الهشيم بين الفقراء والمساكين .... اما الاغنياء سوف تظهر ظاهرة البودى قارد والحراسات الخاصة بالمنازل ....هناك دول كثيرة بها هذه الظواهر لكنها لم تسقط الدولة... و الانقاذ سوف تدخل الانتخابات وتفوز وتستمر فى الحكم .... ظاهرة السرقات قد ذكرناها قبل اربعة شهور تقريبا فى بوست اخر وحصل بالضبط ما ذكرناهو .

الاخ عبداللطيف سلامات
القصة دي اصبحت. تهدد. السوق و حياة الاسر . وطبعا السبب
انو كتير جدا من الناس اعتكفت من التعامل مع البنوك .