Quote: مطار الخرطوم لا يملك مقومات مطار دولي ... الأصح مطار الخرطوم المدني
فعلاً يا دكتور احمد
ناس طيران الامارات والاتحاد في موقع الحجز الرسمي بتاعهم مكتوب مطار الخرطوم المدني وشويه كده ممكن يكتبوا مهبط الخرطوم للطائرات
ومعاهم الحق فحقو نحن كمان نكون عقلانييين و قصة دولي ده نجليها
مع تحياتي لك ولصاحب البوست
Post: #7 Title: Re: مطار الخرطوم الدولي...! Author: MOHAMMED ELSHEIKH Date: 07-25-2018, 05:46 AM Parent: #6
انتو مسعولين من الخير ويييييييين مطار "ام ضبيبينة" العالمي؟؟؟؟
حق الصالحة
Post: #8 Title: Re: مطار الخرطوم الدولي...! Author: Mohammed Abdullah Date: 07-25-2018, 06:59 AM Parent: #7
تم التعاقد في شهر مارس اعتقد مع شركة تركية اسمها (سوما) لانشاء المطار الجديد في قروب لملاك اراضي المندرة اللي تقع بالقرب من المطار الجديد في واحد متابع موقع الشركة الالكتروني لحدي ما ظهر في صفحة المشاريع اسم السودان من ضمن المشاريع اللي حاتنفذها الشركة لكن بدون اي معلومات بس اسم السودان عكس المشاريع التانية الانتهت او تحت التنفيذ
وده رابط شركة سوما
Post: #9 Title: Re: مطار الخرطوم الدولي...! Author: محمد علي البصير Date: 07-25-2018, 08:01 AM Parent: #8
قبل بضع سنين و وأنا بصالة المغادرة للسفر خارج السودان ـ ولحسن الحظ بعد أن أكملت كل الأجراءات وفي إنتظار الإعلان عن الرحلة
انقطع التيار الكهربائي داخل الصالة .
نعم أنقطع التيار لفترة طويلة والصالة ملئة بجنسيات متعددة ، منهم أوروبيين وعرب خليجين وغيرهم
بلد أصبحت تطفح بفضائح من العيار الثقيل ـ والكذاب الأشر المنافق قال التنمية غطت كل شبر في السودان في عهده اليمون
Post: #11 Title: Re: مطار الخرطوم الدولي...! Author: Mohammed Abdullah Date: 07-26-2018, 07:35 AM Parent: #9
على نفس حادثة قطع الكهرباء من المطار
كنت مرافق للمستشار القانوني حق الشركة البشتفل فيها في السعودية واليوم الوصل فيهو ونزل من الطيارة سلم الطيارة انفلت ووقع الناس ( كانت حادثة مشورة) والله الراجل ده اتخلع وقرب يركب الطيارة يرجع بيها من الخلعه والله انا بقيت صغييييييييير وطوال فترة قعادو في السودان يسالني في اليوم كم مرة (ايش اللي صار في موضوع سلم الطايرة؟) وطبعاً ولا حاجة حصلت واهو قدر
Post: #12 Title: Re: مطار الخرطوم الدولي...! Author: عبدالقادر محمد Date: 07-26-2018, 08:05 AM Parent: #11
Quote: على نفس حادثة قطع الكهرباء من المطار
كنت مرافق للمستشار القانوني حق الشركة البشتفل فيها في السعودية واليوم الوصل فيهو ونزل من الطيارة سلم الطيارة انفلت ووقع الناس ( كانت حادثة مشورة) والله الراجل ده اتخلع وقرب يركب الطيارة يرجع بيها من الخلعه والله انا بقيت صغييييييييير وطوال فترة قعادو في السودان يسالني في اليوم كم مرة (ايش اللي صار في موضوع سلم الطايرة؟) وطبعاً ولا حاجة حصلت واهو قدر
عليكم السلام محمد اخوي لا يوجد فضيحة للوطن اكبر من وجود الكيزان في مفاصل الدولة وقيادتها السلم هين وقع وطن
Post: #13 Title: Re: مطار الخرطوم الدولي...! Author: عبدالقادر محمد Date: 08-04-2018, 07:26 PM Parent: #12
السبت 04/09/2018
Post: #10 Title: مطار الخرطوم الدولي...! Author: عبدالقادر محمد Date: 07-25-2018, 09:32 AM Parent: #1
Quote: المطر هين ممكن يتشفط ، لكن المسافة الصغيرة بين الطيارة وحيطة صالة الاقلاع والوصول
يحلوها كيف ...
تحياتي اخوي عبداللطيف المشكلة كلها سوء تخطيط وسوء ادارة وهدر موارد منذ الاستقلال وهكذا هو الحال ولكن ما حدث خلال فترة حكم الكيزان هي طامة لحالها حيث ان كل يوم حجم الخراب يكبر ويتمدد ليشمل كل المرافق وميزانية هذا المطار حالها كحال الكثير من المؤسسات التي تضخ مبالغ كبيرة جدا ولكنها تذهب لبطون الكيزان ولرئاسة الجمهورية مباشرة
Quote: وين المطار الجديد ؟
مره يقولوا الصين ومره تركيا ...
وسماسرة الاراضي يبيعون الوهم في اراضي المطار الجديد
مطار الخرطوم لا يملك مقومات مطار دولي ... الأصح مطار الخرطوم المدني
عليكم السلام د احمد في كثير من امور حياتنا تقودنا السذاجة لا العقل المواطن تعرض لتشويه كبير في تفكيره واصبح منقاداً لحرامية ينهبون حتي الحديدة التي اصبح متكئاً عليها في عهد الكيزان لن يكون هنالك اي شكل من اشكال التنمية بل خراب في كل شي حتي في العقول لأن الكيزان مجرد ارزقية وحرامية وخونة جاءوا لتطويل المسافة بين الوطن وبقية الدول الاخري حيث ان الدمار الهائل الذي مارسوه في هذ الوطن وانسانه يصعب تدراكه علي المدي القريب
Quote:
ناس طيران الامارات والاتحاد في موقع الحجز الرسمي بتاعهم مكتوب مطار الخرطوم المدني وشويه كده ممكن يكتبوا مهبط الخرطوم للطائرات
ومعاهم الحق فحقو نحن كمان نكون عقلانييين و قصة دولي ده نجليها
مع تحياتي لك ولصاحب البوست
عليكم السلام اخوي بشير مهبط كتيرة فيه
Quote: انتو مسعولين من الخير ويييييييين مطار "ام ضبيبينة" العالمي؟؟؟؟
حق الصالحة
عليكم السلام محمد الشيخ فتش في بطونهم بتلقي مطارات كتيييرة
Quote: تم التعاقد في شهر مارس اعتقد مع شركة تركية اسمها (سوما) لانشاء المطار الجديد في قروب لملاك اراضي المندرة اللي تقع بالقرب من المطار الجديد في واحد متابع موقع الشركة الالكتروني لحدي ما ظهر في صفحة المشاريع اسم السودان من ضمن المشاريع اللي حاتنفذها الشركة لكن بدون اي معلومات بس اسم السودان عكس المشاريع التانية الانتهت او تحت التنفيذ
وده رابط شركة سوما
عليكم السلام محمد عبدالله لعل الامر مشابه للشركة الروسية سيبيريا كله لعب علي الذقون واستنزاف للوقت ولن يكتمل اي مشروع تنموي في عهد هذا النظام الفاسد
Quote: قبل بضع سنين و وأنا بصالة المغادرة للسفر خارج السودان ـ ولحسن الحظ بعد أن أكملت كل الأجراءات وفي إنتظار الإعلان عن الرحلة
انقطع التيار الكهربائي داخل الصالة .
نعم أنقطع التيار لفترة طويلة والصالة ملئة بجنسيات متعددة ، منهم أوروبيين وعرب خليجين وغيرهم
بلد أصبحت تطفح بفضائح من العيار الثقيل ـ والكذاب الأشر المنافق قال التنمية غطت كل شبر في السودان في عهده اليمون
عليكم السلام محمد علي البصير هؤلاء الفضائح لا تحرك فيهم ساكنا مجرد لصوص وخونة لا مرارة في اكبادهم يهمهم ان يكونوا جاثمين علي صدر المواطنين المساكين ليكملوا حلقات النهب وبعدها فليكن ما يكن لا مهم طالما انهم ينهبون
