طن الاسمنت من 2 لي 8 مليون

11:13 AM July, 24 2018

سودانيز اون لاين
عبدالحفيظ ابوسن-no where
مكتبتى
رابط مختصر

قبل رمضان كان الطن بي 2 مليون والشوال بي 100 ألف
اليوم الطن بي 8 مليون والشوال بي 400 ألف
وقالوا قابل للزيادة
المنطق الاقتصادي شنو حتي لو ختيت نسبة زيادة الدولار سوي انها الفوضي
فوضي الدولة وعدم الرقابة والمضاربات المسنودة

طيّب، شوال الزِبالة بكم ؟.
وسطيّة مافي !...

الجالوص بتمانص يا مدير
مطر شديد لو تزبل كل يوم
لذا حتي بيوت الزبالة دايرة اسمنت
مسمار وسلك وتتبيض بالاسمنت
المواطن ضهرو عاري مابين سياط جباية السلطات وجشع التجار المدعومين بالمعرفة او المشاركة او المصاهرة بما يسمي بالمستوردين

https://m.facebook.com/groups/223651137751967؟view=permalinkandid=1808090045974727https://m.facebook.com/groups/223651137751967؟view=permalinkandid=1808090045974727
بعد إذن الأدمن الموضوع يخص البلد
ﻣﻘﺎﻃﻌﺔ ﺍﻻﺳﻤﻨﺖ ﻓﻲ ﺍﻟﺴﻮﺩﺍﻥ ﺍﻟﻴﻮﻡ ﺍﻟﺜﺎﻟﺚ ‏)
ﻫﺎﻡ ﻫﺎﻡ ﻫﺎﻡ ﻳﺎﺟﻤﺎﻋﻪ ﻧﺤﻦ 205 ﺍﻟﻒ ﻋﻀﻮ ﻟﻮ 15 ﺍﻟﻒ ﺑﺲ ﻧﺸﺮﻭ ﻓﻲ ﺍﻟﻔﻴﺲ ﻓﻲ،ﺍﻟﻮﺍﺗﺲ ﺍﻟﻤﻌﻠﻮﻣﻪ ﺑﺘﻮﺻﻞ ﻭﺍﻟﻠﻪ ﺍﻟﻌﻈﻴﻢ ﻟﻮ ﺍﻟﺴﻌﺮ ﺧﻼﻝ 5 ﻳﻮﻭﻭﻡ ﻣﺎﻧﺰﻝ ﺍﻧﺎ ﺍﻗﻔﻞ ﺍﻟﻘﺮﻭﻭﺏ ﺩﻩ . ﺑﺲ ﺍﻻﻫﻢ ﺍﻟﻤﻌﻠﻮﻣﻪ ﺗﻨﺘﺸﺮ !!!
ﻗﺮﻭﺑﻨﺎ ﻣﺆﺛﺮ ﻳﺎﺟﻤﺎﻋﻪ ﻭﺩﻩ ﺗﺤﺪﻱ ﻋﺪﻳﻞ . ﺍﻟﺘﺠﺎﺭ ﺧﺰﻧﻮﻫﻮ ﺧﻠﻴﻬﻢ ﻳﺒﻠﻮﻫﻮ ﻭﻳﺸﺮﺑﻮ ﻣﻮﻳﺘﻮ . ﺍﺻﻼ ﻣﺎﻗﺪﺭﻭ ﻳﺼﺒﺮﻭ ﺍﻛﺘﺮ ﻣﻦ 10 ﻳﻮﻡ . ﻭﺍﻟﻤﺼﻨﻊ ﺍﻟﺰﺍﺩ ﺍﻟﺴﻌﺮ ﺧﻠﻮﻫﻮ ﻳﺘﺤﻤﻞ . ﻣﺮﻩ ﻭﺍﺣﺪﻩ ﺍﺗﻔﻘﻮ ﺑﺲ . ﻭﺗﺎﻧﻲ ﻧﻜﺮﺭﻫﺎ ﻓﻲ ﺍﻱ ﻣﺼﻴﺒﻪ ﺳﻌﺮﻫﺎ ﻳﺰﻳﺪ ﺑﺎﻟﺼﻮﺭﻩ ﺩﻱ !!!!! ﺍﻟﺰﻳﺎﺩﻩ ﺍﻟﺨﻔﻴﻔﻪ ﻣﻘﺒﻮﻟﻪ ﺑﺲ ﺯﻱ ﻛﺪﻩ ﻻ . ﺧﻠﻴﻜﻢ ﺍﻳﺪ ﻭﺍﺣﺪﻩ ﻣﺮﻩ ﻭﺍﺣﺪﻩ . ﻭﺣﺘﺸﻮﻓﻮ ﺍﻟﻨﺘﺎﻳﺞ . ﺩﻱ ﺛﻘﺎﻓﻪ ﻻﺯﻡ ﺗﺘﻌﻠﻤﻮﻫﺎ . ﺍﻟﻤﻘﺎﻃﻌﻪ .
ﺍﺭﻓﻌﻮﺍ ﺍﻟﺒﻮﺳﺖ ﺑﺎﻻﺳﺘﻐﻔﺎﺭ
# ﻣﻘﺎﻃﻌﺔ _ ﺍﻻﺳﻤﻨﺖ _ ﻓﻲ _ ﺍﻟﺴﻮﺩﺍﻥ _ ﻟﻤﺪﺓ _ ﺷﻬﺮ
ﻗﺒﻞ ﻳﻮﻣﻴﻦ ﺍﻻﺳﻤﻨﺖ ﺯﺍﺩ ﻭﺍﺭﺗﻔﻊ ﻭﺍﻟﺤﻘﻮﻭﻭ ﻭﻋﻴﻴﻴﻴﻴﻴﻚ ﺍﻟﻤﺎ ﻋﺎﻭﺯ ﻳﺒﻨﻲ ﺯﺍﺗﻮ ﻓﻜﺮ ﻳﺸﺘﺮﻱ ﺍﺳﻤﻨﺖ !!!!! ﺧﻠﻌﻪ ﺑﺲ ! ﺍﻟﻨﺎﺱ ﺗﺸﺘﺮﻱ ﺍﻧﺎ ﺍﻗﻮﻭﻭﻡ ﺍﻟﺤﻖ ﺍﺷﺘﺮﻱ
ﻣﻦ ﻣﺼﺎﺩﺭ ﻣﻮﺛﻮﻗﻪ ﺍﻟﺘﺠﺎﺭ ﺻﻐﺎﺭ ﻭﻛﺒﺎﺭ ﺧﺰﻧﻮﻫﻮ ﺍﻟﺨﺰﻥ 200 ﻃﻦ . ﻭ 300 ﻃﻦ . ﻭ 50 ﻃﻦ . ﻟﻴﻪ ؟؟ ﺑﺒﺴﺎﻃﻪ ﺍﻟﻄﻠﺐ ﻋﺎﻟﻲ ﻭﺍﻟﺴﻌﺮ ﻣﻤﻜﻦ ﻳﺰﻳﺪ . ﻳﻌﻨﻲ ﺍﻻﻧﺘﺎﺟﻴﻪ ﺍﻟﺠﺎﻳﻪ ﻣﻦ ﺍﻟﻤﺼﺎﻧﻊ ﺍﺗﺨﻴﻠﻮ ﺑﺲ ﻣﻌﺎﺍﺍﻱ ﺍﻟﻤﺨﺎﺯﻥ ﺑﺘﺎﻋﺖ ﺍﻟﺘﺠﺎﺭ ﻣﻼﻧﻪ ﻭﻣﺨﺎﺯﻥ ﺍﻟﻤﺼﺎﻧﻊ ﺍﺗﻤﻠﺖ . ﻭﺩﻩ ﻣﺤﺘﺎﺝ ﺍﻟﻨﺎﺍﺱ ﺗﻘﻮﻝ ﺑﺴﻢ ﺍﻟﻠﻪ ﺑﺲ،ﻭﺗﻮﻗﻒ ﺷﺮﺍﺀ ﺍﺳﻤﻨﺖ 15 ﻳﻮﻭﻡ !!!!
ﺍﺣﻠﻒ ﻗﺴﻢ ﺍﻧﻮ ﺳﻌﺮﻭ ﻳﻨﺰﻝ . ﺍﻟﺘﺎﺟﺮ ﻣﺎﺑﺘﺤﻤﻞ ﻳﺨﺰﻥ ﺍﻛﺘﺮ ﻣﻦ ﺍﺳﺒﻮﻉ ﻃﻮﺍﻟﻲ ﺑﺒﻜﻲ، . ﻭﻻ ﺍﻟﻤﺼﻨﻊ،ﺣﻴﻮﻗﻒ ﺍﻧﺘﺎﺟﻴﺘﻮ .
ﻳﻌﻨﻲ ﻳﺎ ﺍﻟﺒﺘﺒﻨﻲ 15 ﻭﻻ 20 ﻳﻮﻡ ﻣﺎ ﻣﺪﻩ ﻃﻮﻳﻠﻪ ﻭﺍﻧﺖ ﺑﺘﻜﻮﻥ ﺷﻐﺎﻝ ﻓﻲ ﺑﻴﺘﻚ 4 ﺳﻨﻪ !!!
ﻧﺤﻦ ﺿﺎﺭﺍﻧﺎ ﺍﻟﺨﻠﻌﻪ ﻳﻘﻮﻟﻮ ﺏ 4000 ﻧﺸﺘﺮﻱ ﺏ 8000 ﻧﺸﺘﺮﻱ،
ﻗﻮﻟﻮﺍ ﺑﺴﻢ ﺍﻟﻠﻪ .
ﺍﺩﻭﻫﺎ ﺻﻨﻪ 20 ﻳﻮﻡ ﺑﺲ،ﻭﺍﺗﻔﺮﺟﻮ .
ﻭﺍﻟﻠﻪ ﺍﻧﺎ ﻣﻼﺣﻆ ﺍﻟﺸﻲ ﻣﺎﻓﻲ ﺯﻭﻝ ﻳﻜﻮﻥ ﻋﺎﻭﺯﻭ ﺳﻌﺮﻭ ﻳﺮﺗﻔﻊ ﺍﻟﻨﺎﺱ ﺗﺘﻜﺐ ﻓﻴﻬﻮ ﺗﻮﻟﻌﻮﺍ ﻋﺪﻳﻞ !!!!!!
# ﻣﻘﺎﻃﻌﺔ _ ﺍﻻﺳﻤﻨﺖ _ ﻟﻤﺪﺓ _ ﺷﻬﺮ _ ﻓﻲ _ ﺍﻟﺲﻭﺩﺍﻥ
ﺷﻴﻠﻮ ﺍﻟﻬﺎﺷﺘﺎﺍﻕ ﺩﻩ ﻭﺣﻮﻣﻮ ﺑﻴﻬﻮ ﺍﻟﻔﻴﺲ

حبيبنا أبوسن .. شكراً
نحن هنا في الاغتراب دائماً ما ننتظر مثل هذه البوستات
التي تمثل واقع البلد باليوم والساعة بعيداً عن النتظير
شكراً جزيلاً الحبيب أبوسن .. على هذه الخدمة
سبحان الله أمس إتصلت في أخوي هناك في ضواحي دنقلا
سألته عن الاسمنت إلى ساعة لم يأتي بالرد ( كدي أشوف وارجع ليك )
ربما الاسمنت نفسه غير متوفر هناك ..

السودان عكس الدول الاخرى ..
هنا في السعودية أكبر كساد للاسمنت في تاريخ المملكة
إنخفضت أرباح شركات الاسمنت إلى 80%
الباخرة من جدة إلى بورتسودان أقل من 12 ساعة

والاسمنت من عناصر المهمة للتعمير والبناء والبنية التحتية

شكراً كثير أبوسن

مفروض يا خالد
دة اكتر من طمع دة تشفى عديل
البسطاء مع الخريف بحتاجو يصينوا بيوتهم
بضع جوالات ما اكتر
وقعوا في براثن رأسمالية انتهازية مندغمة مع السلطة السياسية والتنفيذية وزول بسألهم مافي
مافي شفقة ولا رأفة ولا انسانية
المتضررين مش الاثرياء بل الفقراء من يحتاجون للابسط
شوال من مية لي اربعمية في فترة لا تتجاوز شهرين!!!!؟؟؟

لا حول ولا قوة الا بالله ....لمن نشتكى هواننا ...جوعونا سكتنا ....مرضونا سكتنا ..... خلونا ما نقدر نودى اولادنا فى المدارس بسبب الرسوم والجبايات سكتنا ....والان حيخلونا نسكن فى السهلة بعد ما الامطار تهدم بيوتنا
... وانا متاكد برضو حنسكت....لا حول لنا ولا قوة ....حتى النسوان بقن يسألن ...اين الرجال ....ماذا حدث لهم؟...نحنا ما ناس حارة ...وبنخاف من الانقاذ يهرشنا!!!!

كل القصة الخلتني اعرف الاسمنت
قبل رمضان اشتريت طن الاسمنت بي 2 مليون
واحد صحبي رسل لي داير اسمنت . شوفو لي بي كم وارسل ليك تشتري لي كم طن ببني في بيتو .. ضربت قالوا لي بي ستة !! اتخلعت زاتو ،، سألت كم نفر ياها الستة
كلمتو وزعل واندهش وقال لي مافي مشكلة . ماعندي سكة
خلاس بعمل حساباتي من جديد
واخد زمن ضرب لي . ضربت قالوا تمنية
ما عارف وقتها زعلت ؟ ولا ضغطي ارتفع؟ ولا ولا
احسست احساسا قويا بإنهيار الدولة وبالقهر والمهانة
والضياع
نسير بخطي متسارعة نحو الانهيار الشامل للدولة
وطنا يتحكم فيه المرابين واللصوص والسماسرة
وزاد القهر قهرا آخر
عمال الجبايات الحكومية يأخذون اموالك عنوة بسلطة القانون والقهر والتخويف والارهاب
تخش السجن في رسوم نفايات وواحد يلقو عندو 120 مليون دولار حرا طليقا يتبسم
ولا واحد
ولا سبعة
ولا عشرات
الرئيس في كأس العالم
الصادق يخاطبنا من فرنسا
المرغني من وين ما تعرف
والاحزاب تدعو الشعب!!
لا ياخ ما جانا كرت دعوة والله !
ان لم تصير الاحزاب هي الشعب تقف معه وتعبر عن نفسه نفسها
فلا مناص

والله يا علي بدر متملكني احساس بالقهر والهوان والغضب
احساس قفل علي ابواب المتعة والمرح
الشعب دة تعب
تعب جد جد
وغلبو عديل كدة
في ظل غلاء فاحش ومتعاظم وسؤ حال

قهر وفقر
وممارسة السياسة عندنا مكاواة ومغرزة
ولا طرفة ونكتة
الامر حقيقي جدا وداخل اللحم الحي
التحايل اللغوي والظرافة كمن يحكي لنا نكتة في مأتم عزيز لدينا

The true Wealth of a Nation was observed and expressed by Adam Smith in 1776 and nobody has been able to demonstrate anything to the contrary. “Money” is by no means some tangible object or a commodity regardless if it has been gold, paper, cattle, slaves, or seashells. The true WEALTH OF A NATION is its people! China, Germany, and Japan lacked the natural resources but their people were its wealth and they produced manufactured goods which they sold to the world and were paid for in return. Russia had the natural resources but it moved from communism to an oligarchy. You cannot open a restaurant in Moscow and compete for you will be dead. A country can have tremendous natural resources like Russia, but unless its people are free to develop the economy in their own self-interest, they will never rise to the top ten list of nations. All the gold, oil, and diamonds of Russia did not propell it to the number one economy. There are plenty of third world nations with natural resources that are being mined yet they remain as third world nations because their people are not educated and their is no domestic economic synergy among the people.

صحي والله رغم الذهب والبترول والاراضي الخصبة فنحن فقراء

شوال العيش الفتريتة بي مليون
واللوبيا اكل الفقرا بقوا يستوردوها من الصين وربعها بي ميتين الف
السوريون فاتحين مطاعم وكافتريات استثمار اجنبي!
والحكومة تطارد ستات الشاي والاكل استثمار محلي !!
الاستثمار البقا في الاكل
مع انو السوريين بحولو قروشنا دولار لي برة
لكن ستات الشاي بحولو قروشنا لي كراسات واقلام ودوا داخليا

فطور المدارس
زيادة فجائية في الكبكبي والفول المصري
اسعار غير مسبوقة
زيادة في الزيوت
الناس بتحشي لاطفالها للمدرسة فول او طعمية
فطور المدرسة غير مقدور عليه
يعني حصار من كل الجهات
اول امس مشيت اشتري دفتر 200 ورقة لابني
نفس الدفتر السعر 40/50/60 ألف ج
شنو يعني مثلا ؟! واحد مزور مثلا
فوضي والحكومة في تولاها وفي دلالها

نحن نستاهل

بس

ليه نستاهل يا احمد حمدان ؟

لاننا قبلنا الظلم قبلنا القتل قبلنا الفقر سكتنا على دمار بلدنا .. شوف كل شي فسد وانتهى وصلنا للمرحلة دي والشارع م فيهو حس ولا خبر ف بالجد نستاهل

اظن يا احمد تعبير قبلنا مجافي للحقيقة تماما . والجواب ليسة بسهولة جواب حاصل الجمع والطرح
الامر أكثر تعقيدا من القبول
لا احد يرضي الظلم والضيم
والناس ما ساكتة ولا سكتت . ولعلك تعرف استشهاد ال28 ضابط اول ظهور الانقاذ ثم تواصلت الاحتجاجات حتي وصل طلاب الجامعات

التفاحة بي 90 ألف

طلاب المدارس بطلعو زي اطناشر ويستمروا لي واحدة وحاجة
الطلاب بركبو ركشة طرحة
قام شنو ناس الحركة شركو ليهم في هذا الزمن
بتاعين الركشات خلو شارع المدارس
النتيجة جهجهة الطلاب واسرهم
والعودة متأخرين ومرهقين
التفكير كلو منصب في تحصيل الرسوم
دون ان يفكروا في تداعيات تصرفهم هذا
ممكن واحد يجي يقول ليك من حقهم وديل مخالفين
طيب ياخ الشرطة في خدمة الشعب
قيس خدمة الشعب هنا
و
دفع الضرر مقدم علي جلب المصالح
التأخير بسبب قلق للاسر ويرهق الطلاب خصما من وقت مذاكرتهم

أخونا عبدالحفيظ سلام
أعتقد أن المشكلة في عدم وجود دولة بالمعنى المتعارف عليه في السودان حاليا .... لذلك كل يغني على ليلاه

الغريب هو مكابرة الذين يديرون ما يسمى بدولة السودان حاليا و إصرارهم الغريب على أنهم يحسنون صنعا.

صحى يا حاتم وخاب سعيهم في الحياة الدنيا
واحسبهم سيخيبون يوم الموقف العظيم
دولة كان الفقراء يشترون فيها التفاح والبرتقال اللبناني مختوما
كل تفاحة وبرتكانة مختومة بختم وارد من لبنان
كان بمقدور الفقراء ذلك في دولة تحترم انسانيتهم
واعجب في بلد يركب مسؤوليها و اثرياؤها عربة ثمنها يفقوق ال 3 مليار ج ويعجز فقيرها عن شراء قطعة فاكهة واحدة معروضة في اسواقها يشتهيها طفله الصغير

موضوع التفاحة ام 90 ج دي عرفتو صدفة بس
كنت بشتري التفاح بالدستة لوقت قريب جدا . ولامن ارتفع سعر الدستة لي قريب المية ج بقيت ولا بعاين ليهو
المهم
صحبي بحكي لي انو طفلو الاصغر اشتهي تفاحة . وكان ببكي
ساقو السوق يشتري ليهو تفاح ليهو ولي ناس البيت لقاها بي 90 ج وما حب يكسر خاطر طفلو .. اشتري تفاحة واحدة وجابو راجع
كيلو الموز بي 20 ج ودستة المنقة ب 240 ج منتجات محلية
الايام دي الموليتة مارقة غالية شوية 😆 تلاتة كيمان بي عشرة ج
موليتة بالبصل والليمون والدكوة والشطة بتشيل الملاريا😆😆😆

مسئول كده ...
احسن تلفي ليك عيشه كبيره ب٢ ج تشبعك
من عيشه صغييييره عشره مايعملوا ليك حاجه ,,,
‏
شوفو كمية التناقض في كلام المسؤول دة !؟
والاستهبال
انا ما بفتكرو داير يغش الناس ولا يكضب عليهم . لا ليس هو بذلك الذكاء!
ولكنه حدود منطقه وقدراته المعرفية!

اب سن رجعت ليك تاني .. في حملة لافة الفيس بوك بمقاطعة الاسمنت اللي هو م شي ضروري زي اللحمة والرغيف مافي زول قاطع اتذكرتك امس في السوق وانا شايف الناس بتشتري في الاسمنت بالطن عادي مواصلين شغلهن ولو الطن وصل مائة مليون بشتروهو .. تاني مثال الحكومة السنة دي عملت الحج ب 100 مليون في بعض الولايات وبرضو الناس قدمت للحج ومشت في نقطة الحج دي افرض الناس كلها م مشت قاطعتو يعني واجلوهو للسنة الجاية الحاج ح يخسر شنو حتى لو مات بدون حج نيتو واصلة كان الحكومة ح تعمل شنو ؟ ح تجرهم من يدهم عشان يحجو زي م بجبرو الطلبة والموظفين عشان يكسرو العصيان ؟ كان الحكومة ح تخش في جحر ضب خرب قدام العالم .. مع العلم تكلفة الحج الحقيقية اقل من كده بالنص والباقي للقطط السمان .. عشان كده انا مصر اننا نستاهل وانه الشارع بقى قلبو ميت ومفرق ولا يتفق

صحيح احمد في ناس بتشتري الاسمنت
نسبتهم كم من عدد السكان في المدينة المحددة؟
وهم زاتهم في نسبة كم مضطرين يشتروا لحوجتهم الضرورية جدا جدا؟
وفيهم نسبة كم المافارق معاهم وبل ويهم وجود الانقاذ ؟
وهل عندك احصائية للذين عجزوا عن الشراء رغم اضطرارهم ؟
الحج نفسو
عندو وضعية خاصة جدا وبالمناسبة بكلف اكتر من مية مليون وممكن برضو نسأل زي الاسئلة الفوق دي

السؤال ليه الشارع ساكت ؟ منتظرين شنو الناس ؟ هل الشعب عندو امل في الحكومة دي ؟ الرغيفة زادت لجنيهين .. ياخي حتى العصيان المدني الساهل ده الشعب فشلو .. خليهم الموظفين مجبورين يكسرو العصيان احتمال .. ناس الدكاكين والحافلات والفئات اللي م مجبورة ولا واقعة تحت سطوة الدولة بكسروه ليه ..؟

عذبوا الناس . الله يعذبهم دنيا واخره .

الوضع لايطاق فعلا.

دقرت يا كاروري
دقرت عديل

قبل شهر حولت الريال بعشره واشتريت ٢طن ونص قبل اسبوع حولت الالف ١٢جاب طن ونص يعنى المفروض برضو 12 تجيب طن ونص مش

المصيبه فى فرق الطن هنا الحكايه ماحكايه زياده دولار فقط فى مافيا تانيه عند فرق اخر بتاخده .

يا دهب في قصة حكيتها قبل كدة
اشتريت كرت ذاكرة 8 قيقا بي 60 ج
الدولار كان بي 20 ج
بعد فترة مشيت اشتري كرت ذاكرة قال لي بي 150 ج تقريبا ولا 180 ما عارف
احتجيت قال لي الدولار زاد
قلت ليهو طيب لامن اشتريت منك قبل اسبوعين الدولار بي كم قال لي بي 20 ج يعني بي كم دولار كرت الذاكرة بي 3 دولار
هسة اديني ليهو بي 3 دولار رضيان بالزيادة يعني 66 ج
الموضوع ما عندو علاقة حسابية ميكانيكة بالدولار عندو علاقة بإنتهاز الفرص والجشع
مرة قاعد مع واحد بتاع جاهز بحسب لي في تكلفة لبسة والحالة صحبي
قول الريال بي 5 ج حسب لي اللبسة وضرب الريال في عشرة
قلت ليهو ليه لكن
لكن اصلا بنحسب كدة التكلفة . تذاكر وطيارة وغيرو
البفهمو انا بتحسب القروش العندك وصرفتها من ما مرقت بيتك جابت ليك شنو وتشوف التكلفة تقسمها علي البضاعة
اها دة كلو خليهو
الليلة جركانة الزيت بي 1200 ج زيت الفول
ليه لانو بتاع المعصرة فتح النت وشاف السعر العالمي للفول وضربو في سعر الدولار الحالي واضاف ليهو من عندو 😆
مع انو لاهو داير يصدر ولا مشتري من مستورد
العيش شوالو بي 1000 ج
عيش الفتريتة لانو عالميا وررررر
هو في زول بياكل فتريتة غيرنا
في فوضي مقصودة لجلب مصالح لناس فوووق

50 شاحنة دخلت السودان
200 شاحنة في الانتظار
الاسمنت المصري يغزو السودان
علي ذمة النت
خشمي عندي ؟؟! 😆😆😆

يا عبدالحفيظ عندي سؤال ...
الضرائب المفروضة على المواطن (عتب ونفايات وما إلى ذلك) ... كلنا عارفين إننا بندفعها ومافي خدمات.
إذا المواطن (خلينا نفترض مواطنين شارع واحد في أحد الأحياء)، إمتنع عن دفع هذه الجبايات ...... الحيحصل شنو؟

بتوقع إجابتك من واقع الحال.

سعر شوال الكبكبي من 800 مشي لي 1050 واليوم 1600 بالجديد ...يا اخوانا الاسمنت انسوه الحقو الطعميه 💔🤣🤣🤣🤣😂😂

البفهمو با ابوالريش
ان الناس مجتمعة لا قوة تفوقها
فقط ان يتحدوا
يا علي الكبكبي 2100 ج

على قولة عادل إمام: (ثم انا ما عنديش تلفون) .... طيب ما تخليهم يشيلو العدّة.

خدمات مافي ..... المواطن يدفع ليه؟

بدفع لأنو بواجه السلطة منفردا
كل التنظميات النقابية والتجمعات العمالية رافد من روافد السلطة
مافي زول بقيف قدامك ولا في ضهرك يشيل حملك
قدرك تقيف في الريح شنو كدة ما عارف زي ما غني عركي

لو ما دفعت رسوم النفايات حيسجنوك؟

الفاتج جبرا عندو قصة شهيرة تمت محاكمته بسبب الامتناع عن دفع رسوم النفايات
وكتب عن الموضوع

دقيقة دقيقة! الاتح جبرا امتناعه عن الدفع مش اعتراض على الرسوم و عدم الخدمة بل كان لأن التحصيل بتم بغير اورنيك 15 بتاع المالية
ودا موضوع مختلف, لكن الشاهد في الأمر ان امتناعك عن دفع رسوم ما يعرضك للمحاكمة غض النظر عن سبب الامتناع

بس الفاتح جبرا بيضع مواضيعو بشكل افتراضي ... مش حقايق.

يعني تقدر تقول قصة من الخيال (لا تعكس الواقع 100%)

يا ابوالريش لو ما دفعت النفايات
بعملو ليك امر قبض
ويختوك حراسة
وتتعرض لي قاضي متخصص
وتتم محاكمتك وفقا لافادة موظف النفايات وتدفع غرامة العقوبتين معا

ياودو شوف المسؤول الحكومي دة عندو قداسة وحصانة
أي مواطن داير يجرجر معاهو بوريهو الطفا النور منو
عشان كدة بتصهين من قصة الحقوق البتجرجرك دي وتدفعك زيادة
تعمل فيها فاهم قانون وبتسمع كلام الرئيس المعلن بتاع اورنيك 15 دة بوريك ارانيك لامن تعرف حاجة

لا لا ما خيال, القصة حقيقية تمت محاكمته فعلا

طن الاسمنت اليوم
6600 ج
صحيح ودو تمت ايداعه الحراسة ومحاكمتو وما اظن تمت . بقت قضية رأي عام
وتمت تسويتها
ومجموعة من المحامين تطوعوا للدفاع عنه

Quote: بدفع لأنو بواجه السلطة منفردا كل التنظميات النقابية والتجمعات العمالية رافد من روافد السلطة

تنظيمات لا تمثل رأي المواطن ومطالبه ما ممكن نطلق عليها إسم نقابات.

مافي غير إنو أهل الحي يتفقوا ... حتى لو زي ما قلت ليك شارع واحد من الحي حيبقى مثال وتنتقل التجربة لبقية الشوارع.