Post: #1 Title: ناس العربية نت قالوا علي بابا و ( الاربعين حرامي ) ... من قبيلة البِجا في شرق السودان ... Author: يحي قباني Date: 07-22-2018, 02:43 AM Parent: #0
02:43 AM July, 21 2018 سودانيز اون لاين يحي قباني-فى الدنيا العجيبة
فيديو متداول في الواتساب و هو على اليوتيوب
يرجع اصول علي بابا و قصة افتح يا سمسم الى قبيلة البِجا او ( البجّه ) كما نطقتها مذيعة العربية نت :)
ما صحة هذه المقولة ...
عشان كان بقت صحيحة ما نلوم ناس ( اللنغاز ) ...
* رجاء عدم عنصرة او تسييس او اي شي خارج عن نطاق البوست و هو ماهية اصول الفكرة ... :)
Post: #2 Title: Re: ناس العربية نت قالوا علي بابا و ( الاربعين Author: يحي قباني Date: 07-22-2018, 02:44 AM Parent: #1
الموضوع في الفيديو ببدا في الدقيقة 1:45
اسمعو و شوفوا ... وورونا الراي ...
Post: #3 Title: Re: ناس العربية نت قالوا علي بابا و ( الاربعين Author: هاشم احمد ادم Date: 07-22-2018, 07:29 AM Parent: #2
سلام أستاذ قبانى ومرحبًا بك فى (الدنيا العجيبة )
Quote: رجاء عدم عنصرة او تسييس او اي شي خارج عن نطاق البوست و هو ماهية اصول الفكرة ... :)
ما عصرت علينا شديد ، الفكرة لاتخرج من رجاءك أعلاه ، وجايه. بالظبط على مقاس قميص عامر . آه الدبارة كيف ؟ 😅😅😅😅
Post: #4 Title: Re: ناس العربية نت قالوا علي بابا و ( الاربعين Author: ناصر حسين محمد Date: 07-22-2018, 07:43 AM Parent: #3
ههههههههههه يا يحي (خذّ القول بقوة)
الزولة ما مشت بعيد ممنا ياهم علي بابا ( بشة) والاربعين حرامي ( المجلس الاربعيني) واقع معاش اليوم وفتحو مغارة السودان ولهطو الكنوز بكلمة سر ( الاسلام اولا)
الزولة قالت شرقي السودان
جميل جدا ان ينسب الينا شي كهذا
Post: #5 Title: Re: ناس العربية نت قالوا علي بابا و ( الاربعين Author: عبدالحفيظ ابوسن Date: 07-22-2018, 07:46 AM Parent: #3
تحياتي قباني وهاشم لا اذكر اني قرأتها في نسخة ألف ليلة النسخة الاصلية قبل ان يتم تنقيحها من قبل الازهر لعلي انسيت ذلك ! كان اربعة مجلدات حسب ذاكرتي
Post: #6 Title: Re: ناس العربية نت قالوا علي بابا و ( الاربعين Author: يحي قباني Date: 07-22-2018, 07:58 AM Parent: #5
Quote: ما عصرت علينا شديد ، الفكرة لاتخرج من رجاءك أعلاه ، وجايه. بالظبط على مقاس قميص عامر . آه الدبارة كيف ؟
اعمل شنو يا هشام ياخ ... ما داير يجيني زول يقول لي تعميم مخل ... و تنميط ما بعرف شنو .. قلت اخير اقدم اوراق اعتمادي و استقالتي من البوست ده مع بعضهن ... هههه
Post: #7 Title: Re: ناس العربية نت قالوا علي بابا و ( الاربعين Author: علاء سيداحمد Date: 07-22-2018, 11:28 AM
تحياتى يا قبانى
فى مروج الذهب - ذهب المسعودى الى انّ مصادر اساطير على بابا والاربعين حرامى هندية ما يعنى ان على بابا هندى ,
فيلم على بابا والاربعين حرامى لاسماعيل ياسين
Post: #9 Title: Re: ناس العربية نت قالوا علي بابا و ( الاربعين Author: Abdullah Idrees Date: 07-22-2018, 11:55 AM Parent: #7
بالنسبة للاسم هو صحيح بحسب المصادر القديمة ، علي بابا هو الزعيم البجاوي "اولباب" ، عاش ايام ملك العباسيين ودخل في حرب معهم .. لكن موضوع السرقة وال40 حرامي دي اعتقد اسطورة ، وربما غذتها غارات البجة المتكررة على صعيد مصر في تلك الفترة . المهم ان قصة علي بابا وال40 حرامي اصبحت من اساطير التراث الشرقي مثل اسطورة شهريار وغيرها ..
Post: #8 Title: Re: ناس العربية نت قالوا علي بابا و ( الاربعين Author: محمد محمد قاضي Date: 07-22-2018, 11:52 AM Parent: #1
(عشان كان بقت صحيحة ما نلوم ناس ( اللنغاز ) ...)
(* رجاء عدم عنصرة او تسييس او اي شي خارج عن نطاق البوست و هو ماهية اصول الفكرة ... :)
يا يحي ياخي براااااك عنصرتو وسيستو - ما تلوم الناس هههههه
Post: #10 Title: Re: ناس العربية نت قالوا علي بابا و ( الاربعين Author: يحي قباني Date: 07-22-2018, 04:15 PM Parent: #8
Quote: ههههههههههه يا يحي (خذّ القول بقوة)
الزولة ما مشت بعيد ممنا ياهم علي بابا ( بشة) والاربعين حرامي ( المجلس الاربعيني) واقع معاش اليوم وفتحو مغارة السودان ولهطو الكنوز بكلمة سر ( الاسلام اولا)
الزولة قالت شرقي السودان
جميل جدا ان ينسب الينا شي كهذا
ناصر كيفنك ...
انت خلاص ايقنت انو الجماعة هم لصوص العصر ...
اللهم لك الحمد :) ....
Post: #11 Title: Re: ناس العربية نت قالوا علي بابا و ( الاربعين Author: علي عبدالوهاب عثمان Date: 07-22-2018, 05:03 PM Parent: #10
حبيبنا يحيى قباني .. تحياتي .. إذا ثبت أن علي بابا من أهلنا في الشرق وتم تسجيله في أي توثيق عالمي دي مصلحة كبيرة جداً حيث أن أكبر شركة للتسويق ( على بابا ) وهي شركة مليارية .. سوف يكون لدينا الحق في حصرية العلامة التجارية والطلب بالتعويض ( كفاية خمسة مليارات دولار ) وهذا المبلغ لا يمثل شيء بالنسبة لهذه الشركة .. أوأيد ما ذهبت إليه قناة العربية ( حصرية الاسم ) الكرة في ملعبكم ناس أوروبا شوفوا لينا مكاتب محاميين وإذا حدث أي إعتراض من أهلنا في الشرق أرجعوا الموضوع إلى أهلنا النوبيين في الشمال حيث أن (بابا) كلمة من مفردات اللغة النوبية