من برة هلا هلا الله

06:31 AM July, 19 2018

سودانيز اون لاين
عبدالحفيظ ابوسن-no where
مكتبتى
رابط مختصر

بررَ معتمدُ الخرطومِ، أحمد علي عثمان أبو شنب، منعَه نشاطاتِ الباعةِ الجائلينَ والفرِّيشة، كونهم يشكلونَ لوحةً قبيحةً في الشوارعِ الرئيسةِ بالخُرطوم.
وقالَ المعتمدُ في برنامجٍ تلفزيونيّ، إنّ المحليةَ بصددِ تمليكِ أكشاكٍ لبائعاتِ الشاي مَجاناً حِفاظاً على المنظرِ العامِ ومساهمةً في دعمِ الأُسرِ الفقيرةِ والمُنتجة.
مؤكداً أنَّ كلَّ ما تتحصلَه المحليةُ من رسومٍ وعوائدَ تمَّ تحويلُه إلى خدماتٍ ومشاريعَ تَمشي بينَ النّاس.
الانتباهة

اياها العقلية
المظهر قبل الجوهر
الاساس هو المنظر بس

في كوستي يقولو الرئيس جاي ولا نايبو ولا اي مسؤول كبير !
تنشط محلية كوستي كنحلة
في شارع زلط ليهو سنوات وشهور الناس حسها انقرش عشان يصلحوهو . فجأة كدة قاموا عليهو والله شغالين فيهو بالليل بالكشافات
ليه؟
قالوا الرئيس حيمر فيهو !
وكذلك كل الشوارع البمر بيها . يلمو فيها غسيل ومكواة
يشيلو كلو المناظر البتشوه المنظر حد رؤيتهم القاصرة
يعني المسؤول لو فك الشارع المرسوم دة كان عرف حاجة
يا سادتي الجمال هو جمال الانسان
جماله حتي يكون سعيدا مرتاحا

السؤال الاساسي المفروض يكون
هم فارشين في الواطة ليه ؟
والجو سخن جدا
ولو جات مطرة بتبشتنم
وبضاعتهم دي بشيلوها وبجيبوها كل يوم ولا كيف ؟
بتكون مهتم بالانسان الشايفو بعيش ظروف قاسية جدا في سبيل الحصول علي قوت يومه
وبضاعتو كلها ما تجيب ليها عشرة دولار !!
مش تعاين ليهو كمنظر !!!!
دة انسان مش رسمة

من زمان ممتعض من هذا المعتمد منذ ان مرر لوسائل التواصل الاجتماعي
صورته الدرامية وحوله عمال النظافة في مائدة افطار
..
هذه هي عقلية الكيزان وهذه هي حدود امكانياتهم
كان اولي ان يقنن عمل هؤلاء الغلابي ويشترط عليهم علي الاقل ان لا يفترشوا الارض
وان يجد لهم بدائلاً مناسبة يسترزقون منها ووذلك يساعده تدريجيا علي تنفيذ رؤيته
فعلي شهور قليلة سيختفي هؤلاء الباعة
..
الاهم من ذلك كله كمية الاوساخ بمدينة بحري وخاصة شارع المعونة
اين موقفه منها ومن ممر التصريف المفتوح علي الدوام ومليئ بالاكياس والتراب
وعدم وجود اماكن ادب يقضي فيها الناس حاجتهم
بحري اصبحت سيئة جدا لا يعادلها سوء سوي ذلك الذي يقع جوار السكة حديد الخرطوم
..
لا ادري اين تذهب رسوم النفايات التي تؤخذ من المواطنين
كمية من الاوساخ وكمية من القرف والحفر في كل الشوارع
..
رسالتي لابوسن ابدأ بالنظافة وتغطية ممرات الصرف الصحي في المحافظة