توضيح مهم

01:28 PM July, 16 2018

سودانيز اون لاين
أبو التيمان-بورتسودان-السودان
مكتبتى
رابط مختصر

السلام عليكم جميعا

للذين يظنون ويعتقدون ويجزمون أن تأخر السودان وضياعه وهذا الفساد الفائح بسبب الكيزان

او اطمنكم كلكم ان الفساد نشأ وترعرع قديما منذ المهدية وحكم التعايشى وان الرشوة والواسطات والتسهيلات وغيرها كلها سنن قديم جدا

مشكلة الكيزان وحظهم السيئ جدا أن البركة قلت فى كل شئ وان الكساد عام وعالمى وأن التطور الحصل والإنفتاح ونشر الغسيل والعمل الإستخباراتى والعملاء كلها أدوات وأشياء أتت بها ريح الشؤم على حكومتهم وسمعتهم فهم أولا وأخيرا ما هم إلا أناس من هذا الشعب تربوا وترعرعوا فيهم

معلومة مهمة 3/4 منتسبيهم حاليا ومجرميهم من الأحزاب وفلولها وليسوا بحركة إسلامية والمتابع لقواعدهم بيعرف

المشكلة الأساسية فى انسان السودان عموما دون إستثناء

حصلت ضائقة الوقود قبل فترة هنا فأزدهرت تجارة الوقود

حصلت مشكلة الماء فى بورتسودان فارتفعت أسعار الماء والثلج بصورة جنونية وهؤلاء ليسو بكيزان واعرفهم شخصيا

المشكلة مات الضمير وماتت الشفقة وماتت الرحمة

الكل أصبح سعرانا وجشعا

بدل الكيزان عملو والكيزان سرقوا والكيزان اكلو كدى اقعدوا وشوف لينا المجتمع ده كيف ح ينصلح تانى

وما فى واحد يجى يقول لى نتخارج من ديل أول

لمن تتخارج منهم ما ح تلقى من تأمنه حتى على غنماية

دخولى للمنبر ما كتير لكن لو حى بتلقونى

تحياتى ابو التيمان ..

كلامك فى المليان .. يا ليت قومى يسمعون ... !!

شاكر لك الأخ الطيب مرورك الطيب

البلد مشكلتها الأساسية أزمة أخلاق

الكل سبب فى تدمير هذا البلد سواء كانوا سابقين أم الحالييين

المشكلة كل يوم بيمر والأخلاق بتنهار أكثر والمجتمع بيضيع