إفلاس بنك فيصل ...!

12:28 PM July, 15 2018

سودانيز اون لاين
عبدالقادر محمد-عمق الوطن
مكتبتى
رابط مختصر

جميع الفروع مغلقة
..
ربما يُعلن خلال اليومين القادمين عن عملية الافلاس
..
الأمر لا يتوقف لدي بنك فيصل فقط
جميع البنوك اصابها الجفاف بسبب سياسة النظام الرعناء
...

علي الجميع عدم ايداع ما لديهم من اموال
ستضيع
البنوك جميعها علي وشك الانهيار
كل من اودع ببنك فيصل فليترحم علي قريشاته
وكل من سيودع ببقية البنوك من هسي يشيل الفاتحة علي ايداعاته
الانهيار المصرفي قادم بقوة ولا يُستثني منه بنك
..
اللهم هل بلغت اللهم فاشهد
...

Quote: ربما يُعلن خلال اليومين القادمين

كمان (ربما)؟!
والإعلان ده حيكون وين ؟

حبيبنا عبدالقادر .. مودتي ..
الحبيب هل أنت متأكد من هذا الخبر ..
عندنا شوية قريشات عشان الشهادات العربية
وغيري ربما كثيرين ..
هذا الخبر سوف يجلب نوع من القلق ..
بالله لو سمحت إتأكد لنا من الموضوع
القصة قروش والايام أيام قحط وجفاف ..

كمان لو في خبير مالي يكون أفضل ..

شكراً على تنبيه المبكر .. ولكن الفترة محدودة جداً

تحياتي الحبيب عبدالقادر على الحرص والمصلحة .. أرجوك تابع لنا الموضوع
لأن الموضوع المالي أسرار حتى بين أفراد العائلة .. كي لا نكشف أوراقنا

مودتي في إنتظار ردكم يا الحبيب

تحياتي قدورة
وضيوفه
للامانة
بنك فيصل فرع كوستي شغال
وصلتو عديل وخشيت جوة بدون نشر اي معلومة
شغالين عادي وسامع واحد بسأل عن برنامج البنك الالكتروني ما شغال
موظف قال ليهو واقف ليهو كم يوم لأنو في برنامج جديد نازل . وفي تغيير لكامل سيستم البنك
والله علي ما اقول شهيد

تحياتي عبد القادر وضيوفه
ستتأثر أصول وأرباح البنوك بشدة بسبب سياسات كبح السيولة والتضخم
التأثير سيصل العنصر البشري فيطال الإدارة الإفلاس والموظفين التشريد
وسيكون راس مال البنوك (حقوق المساهمين) آخر ما تصله يد الانهيار
أما حقوق المودعين فستكون في مأمن لفترة أطول إلا من سياسات الدولة
وذلك لأنها تمثل الترس الأخير في وجه خسائر البنك
ولنها مضمونة إلى حد كبير عند صندوق الودائع

بنك فيصل فرع كوستي شغال
وصلتو عديل وخشيت جوة بدون نشر اي معلومة
شغالين عادي وسامع واحد بسأل عن برنامج البنك الالكتروني ما شغال
موظف قال ليهو واقف ليهو كم يوم لأنو في برنامج جديد نازل . وفي تغيير لكامل سيستم البنك
والله علي ما اقول شهيد
================

حبيبنا أبوسن مودتي .. شكراً يا اصيل ..
زول فزع ونفير .. تحياتي ..
شكراً كمان للاخ الحبيب عبدالقادر .. على التنبيه

أبوسن حبيبنا .. يا أخي كنت عايز إتصل على إبن عمي عشان يمشى بنك فيصل يسأل من بعيد بعيد
لكن إنت عارف أهلنا ناس ضواحي الدنيا ديل إذا عرفوا عندك حاجة بهناك مصيبة ( ههههههه )
شكراً كثير لقد قمت بنفس الدور الذي كنت أريده من إبن عمي .. وإنت أخ عزيز

عبدالقادر الحبيب .. نحن خلاص عمرنا مشى والدنيا كتمت في الاغتراب .. هههههه .. موضوع الفلوس موت أو حياة
تاني ما في باقي في العمر عشان نعوض .. عليك الله كده إتأكد من الموضوع رغم إقتناعي بالحبيب أبوسن

أول مرة أكتب بالعامية السودانية لكنة ناس ضواحي الدنيا
تعرف يا عبدالقادر الحبيب ( خلعة ساكت ) تاني عشرين سنة ما أقدر أكتب كده ..
مودتي للجميع ...

Quote: تحياتي قدورة وضيوفه للامانة بنك فيصل فرع كوستي شغال وصلتو عديل وخشيت جوة بدون نشر اي معلومة شغالين عادي وسامع واحد بسأل عن برنامج البنك الالكتروني ما شغال موظف قال ليهو واقف ليهو كم يوم لأنو في برنامج جديد نازل . وفي تغيير لكامل سيستم البنك والله علي ما اقول شهيد

تحياتي ابو سن اخوي
لا ادري عن فروع الولايات وانما بالخرطوم لا تعمل ولا يوجد سيولة ابداً
والحديث لمسئول في البنك البنك علي وشك اعلان الافلاس
وليس بنك فيصل وحده الانهيار المصرفي قادم
الجميع سيعلن افلاسه
...

Quote: حبيبنا عبدالقادر .. مودتي .. الحبيب هل أنت متأكد من هذا الخبر .. عندنا شوية قريشات عشان الشهادات العربية وغيري ربما كثيرين .. هذا الخبر سوف يجلب نوع من القلق .. بالله لو سمحت إتأكد لنا من الموضوع القصة قروش والايام أيام قحط وجفاف .. كمان لو في خبير مالي يكون أفضل .. شكراً على تنبيه المبكر .. ولكن الفترة محدودة جداً تحياتي الحبيب عبدالقادر على الحرص والمصلحة .. أرجوك تابع لنا الموضوع لأن الموضوع المالي أسرار حتى بين أفراد العائلة .. كي لا نكشف أوراقنا مودتي في إنتظار ردكم يا الحبيب

تحياتي استاذ عبدالوهاب
في زمن الانقاذ لا تأتمن علي مالك في بيتك دعك من ان تضع شقاء عمرك في جحر الضبع
اساله ان يبارك لك فيما رزقك ويحفظ لك مالك ومن تحب
عليك المسارعة بسحب ارصدتك ولو تشتري بها (الاعجمية) التي لا تاكل ولا تشرب واعني الارض
افلاس بنك فيصل لا جدال عليه والمصدر من داخل البنك
اغلب فروع البنك بل جميعها ان صح التعبير لا تعمل والفرع الذي يعمل لا يوجد به ولا جنيه
...

سؤال برئ

لماذا كافة تجار العملة عند عملية شراء العملات من العملاء يستخدمون بنك الخرطوم وبنك فيصل لتحويل المبالغ للعميل بالجنية من حساب الى حساب وباسعار اكبر من سعر الكاش ؟؟؟؟

لي بالذات بنك فيصل والخرطوم

Quote: سؤال برئ لماذا كافة تجار العملة عند عملية شراء العملات من العملاء يستخدمون بنك الخرطوم وبنك فيصل لتحويل المبالغ للعميل بالجنية من حساب الى حساب وباسعار اكبر من سعر الكاش ؟؟؟؟ لي بالذات بنك فيصل والخرطوم

تحياتي اخوي عصام الاسئلة الحيري كثيرة ولن تجد لها اجابة وان وجدت سيكون هنالك الف اجابة
بنك الخرطوم 70% من اسهمه تعود للحرامي فضل محمد خير والذي كانت اول سرقاته في وزارة التجارة
ايام كان راس ماله طبلية
بنك فيصل قصته محيرة يقال بان عبدالغفار واشقاء البشير بصورة غيرة مباشرة يملكون فيه عدد من الاسهم ليس بالقليل
جميع المرافق الخدمية البنكية والخدمية اصبحت مملوكة لاسرة اب قلبا ميت بصورة او باخري
فاصبح الفساد يستوطن جميع المرافق بلا استثناء
لا استبعد ان يأتي الغد ويقال بأن القصر الجمهوري اصبح من احدي املاكهم
...

سلام للجميع
صرافات بنك فيصل شارع علي عبداللطيف مقابل الفيحاء بها تكدس من المواطنين
ولاتعمل - جميعهم يقف صفوف وبعضهم جلوس علي الدرجات ...
بنك الخرطو أفضل البنوك حاليا - من حيث السيولة النقدية - خاصة أن معظم
الهيئات والشركات الكبري تتعامل عبره
والله أعلم

نهبوها وقعدوا.. بالسرقة الواضحة

قال إقتصاد إسلامي قال

أخونا أبو سن فى تقصيه بفرع كوستى تعللوا الإلكترونى ما شغال عشان البرناممج الجديد . النجيضة ما فى سحب قروش

ويا ريت لو نفخ وفال ليهم جاى أسحب مبلغ كبير بالاف والملايين ويشوف ردهم شنو.

ضحكتني نادر
انفخ وين يا عمك كان ضحكو فيني
بورد مبالغ بسيطة للكهربا ولتحويل البت للجامعة
لكن شايف في ناس بسحبوا قروش .. وزحمة علق عليها احد الموظفين
يا جماعة الحاصل شنو ؟ سحب كتير خلاس .. لو القيامة قامت بي برة ورونا
فعلا في زحمة في الكاونتر
الصراف ما شغال
السوق مافيهو اخبار عن انهيار ولو همسا
شايف ناس اودعو قروش
انا عندي برنامج البنك وليهو كم يوم ما شغال .. ادوني برنامج تاني لكن بقول لي لسة تحت الصيانة
بستفيد من البنك بشتري كهربا وانا في بيتي وبحول لي بتي في حسابها في الخرطوم

عمليه سحب الاموال اصبح فيها نسبه وتناسب
انا بمشى كل فتره لاحد البنوك بسحب من حساب المرتب (نحنا ماناس حسابات جاريه وكدا). قبل كم اسبوع داير يسحب 84 صدقو ليهو ب80 بس .الاسبوع الفات فى جماعه عيازين يوردو شيك بيعه عربيه اعتقد وطلبو صرف جزء كاش ومدير الفرع صدق ليهم بصرف 30 كاش.
.
الناس العندها قروش كتيره فى حساباتها بقدرو يستفيدو منها كاش طالما كان قروش مدوره داخله مارقه. لكن المشكله فى الناس الرصيد بسيط لو حصلت ليهو ظروف يبقى فى تلتله سحب مايحتاجو بالنقاطه.

Quote: الانهيار المصرفي قادم بقوة ولا يُستثني منه بنك

تحياتى اخ عبدالقادر

الانهيار فى القطاع المصرفى فى السودان حاصل الان ويمثله تداعيات القرارات الاقتصادية الاخيرة والخاصة بتجفيف السيولة
حيث لا يستطيع الانسان ان يسحب من حر ماله من البنك المودع فيه امواله وقتما يشاء ثم السحوبات المليارية
من البنوك وتهريبها للاستثمار فى الخارج فى الفترة القليلة الماضية .

اليوم اذا سمح لعملاء البنوك بسحب ودائعهم ومدخراتهم من الاموال من البنوك السودانية ( اصول البنوك الثابتة والمتحركة لن تغطى تلك الارصدة )

انهيار الدولة السودانية مشاهد ومعاش فى كل القطاعات وليس القطاع المصرفى فقط .

الليلة من الصباح
بطاقة بنك فيصل الوحيدة ما بتصرف
من الصرافات الالية

هى الصرافات الاليه شغاله ؟؟
تمشى تلقى اغلبها خارج الخدمه عديل و صرافه بنك الخرطوم لما تلقى فيها قروش يديك 150 بس