Post: #2
Title: Re: تراجي .. مالها .. مسخنة .. !!
Author: Biraima M Adam
Date: 07-15-2018, 06:45 AM
Parent: #1
الولد .. الصغير .. القتلوه وجابوه للشيوخ "بياض".. بغرض مجاوزة السحر .. و وداد كتبت الرئيس .. وعييك .. أشبه بجرائد التابلويت في الغرب !
بريمة
|
Post: #3
Title: Re: تراجي .. مالها .. مسخنة .. !!
Author: آدم صيام
Date: 07-15-2018, 07:21 AM
Parent: #2
عنوان الكتاب الجديد:
كنت يومًا بوضي قار لترا جـــل !
|
Post: #4
Title: Re: تراجي .. مالها .. مسخنة .. !!
Author: Kabar
Date: 07-15-2018, 10:24 AM
Parent: #3
كتب ادم صيام:
Quote:
عنوان الكتاب الجديد:
كنت يومًا بوضي قار لترا جـــل !
[/quote}
تراجي بتاعة شنو يا ول ابا بريمة..؟
ركز مع اخونا / استاذنا/ صديقنا ول ابا ادم صيام..!!
علي الأقل يابريمة ، ادم صيام شخصية حقيقية..ليها حنينهاالخاص..وجودها الخاص..كم حلة يا بريمة..تبداها من مرسى البنطون ، لغاية جامع الكون ، وح تلقي ناس بتعرف ادم صيام ، وما ح تلقى ناس بتعرف تراجي..فشنو يا حبيب..اخير نركز في عدو تعرفو اخير من عدو لا تعرفو..!!
(ظبية الباص السريع ) يا ادم صيام ، لمن كتبها استاذنا عبد الرحمن النور ، نحن كنا ناس رجال خط ساكت (علي قول حبيبنا محجوب عبد الله..!)
هل تصدق يا استاذنا ادم صيام: صاحبي، حبيبك بشرى النور (طيبة البيارة) وجكسويتو (ام دهب) من طيبة (مرسى البنطون يا ادم صيام)..!!
متذكر، يا ادم صيام ، لمن حبيبي بشرى النور كان بيرسل لي جكسويتو ام دهب (كانت طالبة في كلية الزراعة جامعة الخرطوم ، عشان تقول لي ابو هريرة دجال ساكت..!)
ياربي ، الأميرة ام دهب ، كانت حبيبتي ولا حبيبة صاحبي الأمير بشرى النور؟؟؟
في روايتي التعاريج ، يا ادم صيام ، كنت كتبت تفاصيل طيبة البيارة..تفاصيل بشرى النور ، الشقيق الأصغر لأستاذنا عبد الرحمن النور..يا ظبية البص السريع..!
منتظر شنو يا ادم صيام؟
دايريني اجيب ليك فيصل المامون ولا شنو يعني؟
تراجي مين يابريمة؟
كبر..
معرفة الرجال كنز يا حبيب..!!
كبر
|
Post: #5
Title: Re: تراجي .. مالها .. مسخنة .. !!
Author: آدم صيام
Date: 07-15-2018, 10:59 AM
Parent: #4
مداخلتك الفوق دي متزمزعة لكن للضمان تجدون ردي أدناه :
-------------
إنت كتّاب ول أبا كبر
يا أخي عصر النخاس والله ماخلى لينا فرقة نقرأ ولا نفرز الإبداع زاتو
مبروك العمل الأدبي ومزيد من التقدم
لكن تاني ما تجيب لي سيرة الجزيرة أبا دي
رحلت والله
المهم وإنت قبل تقطع الكبري من ربك إلى كوستي تعال في اتجاه الجبلين 17 كيلو
فقط من الصينية ديك ، تلقاني هناك شي منقة وشي تبش وام بنوبنو والبطيخ والذي منو بل زرعنا البابايا الآسيوية والدراغنفروت مستجلب من أمريكا اللاتينية.
أوع تقول لي جيت وكنت مستعجل ما غشيتك!
بريمة ده حبيبي بشاغلو ساكت
|
Post: #6
Title: Re: تراجي .. مالها .. مسخنة .. !!
Author: عمر التاج
Date: 07-15-2018, 12:14 PM
Parent: #5
تحياتي ..
في أمر الحديث عن الفساد أفلحت تراجي .. وأخفقت فيما عداه من كواريك وانطباعات شخصية
لذا أجد نفسي أدعمها بقوة للافصاح عن مزيد من الملفات ، ولا بأس أن تخلط في توجهها الجديد عملا صالحا وآخر سيئا
أظرف حاجة قالت زوجة الرئيس حيوانة ههههه ، ذكرتني قصة نشرتها في المنبر قبل سنين اسمها حقوق الحيوانة، تشبه كلام تراجي ده
|
Post: #7
Title: Re: تراجي .. مالها .. مسخنة .. !!
Author: Ali Alkanzi
Date: 07-15-2018, 12:14 PM
Parent: #5
بالله يا آدم صيام
وكبر
انتو اولاد حلتنا ؟
الجزيرة ابا كانت بلد ابداع خاص
وجامع الكون اسم مفرد
شفت بعيوني لمن ناس السوق يخلو دكاكينهم فاتحة ويمشو جامع الكون لصلاة الظهر والعصر
ظاهرة لا نجد لها من مثيل في العالم إلا في مكة والمدينة
فإنسان الجزيرة في ذلك الزمان غني بايمانه وعفيف بكبريائه
وشفت جنائن طيبة وجنائن سيدي كما يحلو للانصار تعريفها
كان الجزيرة ابا خضراء كانها حدائق بابل
بس عيبا ما كان فيها مدارس وبتشرب من الترعة
والترعة في ذلك الزمان كانت هي نيل الحياة لها
وحدث مرات كتيرة ان عبرت بالنطون من كوستي لطيبة
وبالعكس
|
Post: #8
Title: Re: تراجي .. مالها .. مسخنة .. !!
Author: Ali Alkanzi
Date: 07-15-2018, 12:18 PM
Parent: #7
ذكريات الماضي نستني ان احي الاخ بريمة
|
Post: #9
Title: Re: تراجي .. مالها .. مسخنة .. !!
Author: آدم صيام
Date: 07-15-2018, 12:54 PM
Parent: #8
| Quote: شفت بعيوني لمن ناس السوق يخلو دكاكينهم فاتحة ويمشو جامع الكون لصلاة الظهر والعصر |
حبيبنا الكنزي حبا بك أخوي
بخلوها فاتحة عشان هي أصلا رفوف فاضية
لا يوم اللية بشربوا من الترع
الغريبة الناس ما بتزحزحوا كلو كلو
2015 قدت حملة الموية الصحية من المساجد، في الجمع بس الإمام يقول السلام عليكم ـ استاذنو خمس دقايق. وأعرض ليهم البوستر بتاع الكوليرا الجيت بيه من هونغ كونغ وقزازة الموية العملتها في بيتنا. ما بصدقوني يقولوا الموية اشتريتها من السوق!
قلت ليهم أغلوا برميل موية وأدوه نص معلقة شب والصباح أملؤا الأزيار والحلل القوز وكان في زول في الحلة ما عمل زيكم قاطعوا مويتو الوسخانة!
وكيلك الله سافرت السودان 2017 لقيت الحال أظرط وأضل
|
Post: #10
Title: Re: تراجي .. مالها .. مسخنة .. !!
Author: علاء سيداحمد
Date: 07-15-2018, 09:16 PM
Parent: #9
سلام يا بريمة
الكاتب المصرى الساخر احمد رجب والذى رحل قبل سنين قليلة له كتاب بعنوان :
كـــلام فـــارغ الكلام نوعان : " كـلام فـارغ وكــلام مـلـيـان كـلام فارغ "
الكتاب المذكور مهداه لزميلة البورد تراجى مصطفى .
|
Post: #11
Title: Re: تراجي .. مالها .. مسخنة .. !!
Author: Biraima M Adam
Date: 07-15-2018, 10:43 PM
Parent: #10
| Quote: في روايتي التعاريج |
ول أبا كبر، نلم في نسخة .. ؟
شكراً الأخوة أدم صيام، الكنزي وعلاء ..
تراجي بقت صعبة شديد .. رشت الناس بدون فرز .. لكن مع ذلك أسلوبها غربي .. تنبش كل شيئ وتترك الأمر للمواطن يقرر ما يريد ..
بريمة
|
Post: #12
Title: Re: تراجي .. مالها .. مسخنة .. !!
Author: منتصر عبد الباسط
Date: 07-15-2018, 10:51 PM
Parent: #10
ففقراء شنو يا تراجي ؟!
إنت بليدة ول جاهلة
البتقولي عليهم ديل سحرة راسم عديل !
ومصطلح الفقراء يقصد به (الفقراء لله) من العباد لله عز وجل
وليس السحرة بتاعنك
ولعن الله السحرة ومن يجالسهم ويستأجرهم. .
|
|
|