Post: #2 Title: Re: يا الفي الصدير ده نهيدك موجه ليها سباح Author: يحي قباني Date: 07-13-2018, 06:38 AM
كلمات عمكم يوسف الرباطابي
و اداء عجيب ... من الباشمهندس ... هاشم ميرغني ...
Post: #3 Title: Re: يا الفي الصدير ده نهيدك موجه ليها سباح Author: يحي قباني Date: 07-13-2018, 06:45 AM Parent: #2
يا الفي الصدير ده نهيدك موجه ليها سباح ده كلام عجيييييب ...
عمنا الرباطابي شاف شنو لامن قلبو انقطع ؟
القبلو و حولو وصفو الصدر بالتفاح ... و الرمان ... كانهم بيوصفو في صدور ناهدة ... قايمة دوب يادوب ...
هنا الوصف اختلف ...
الكلام مباشر ... و الوصف لصدر كامل الدسم ...
موجة ليها سباح ...
اذا هي ماشة ... او متحركة ... و الصدر كان في سباحة حرة ...
سباحة حرة لا يعيقها الكرك ...
و مالو قلبي اليوم من جسمي فرّ و راح ...
Post: #4 Title: Re: يا الفي الصدير ده نهيدك موجه ليها سباح Author: يحي قباني Date: 07-13-2018, 06:50 AM Parent: #3
مالو صدرك قالع وللضمير طماح
مالو كتفك هادل وبي دروعك ماح
رِمشك إنت ياسيدي راجي منو سماح
أصلو هو الكاتلنا فينا هل وصاح
مالو صدرك قالع وللضمير طماح !!!
شكلة ؟ ...
دفع رباعي ؟
Post: #5 Title: Re: يا الفي الصدير ده نهيدك موجه ليها سباح Author: muntasir Date: 07-13-2018, 07:32 AM Parent: #4
مافي فيديوهات يا عمو ,وللضمان كده ده تسليع ذكوري لجسد المرأة
Post: #6 Title: Re: يا الفي الصدير ده نهيدك موجه ليها سباح Author: الصادق عبدالله الحسن Date: 07-13-2018, 07:55 AM Parent: #5
=
Quote: دار خاطري في ذكر حبيبتي يا لها من عفريت. تلك الفتاة شديدة الاعتداد بنفسها. شديدة الوثوق بها.
قالت لي ذات مرة والصيف على أشده ونحن نرجع من حفلة موسيقية:
جدتي كان يغني عليها سرور.
قلت: أولئك مطربون أوقعهم شعراء المرحلة في التهلكة فصاروا يتأوهون ويتأرجحون بانتظام طرباً بمفعول لحن دائري وكلمات هابطة.
قالت: كيف؟
قلت: شعراؤهم كأنهم قصابون يبيعون المرأة جزءاً جزءاً إذ يدنو الرجل من متجر فيه حنجرة تغني وتصيح: نهد. نهد. وجنة. وجنة. فيقلِّب الرجل في اجزاء المرأة ما طاب له وتنتبه الحنجرة لجمال بعض الأجزاء الغائبة عليه ويخرج الرجل بعد أن يكون قد اشترى نهدا بالبصل، أو خصراً بالجرجير، ومن كان عنده ضيوف يشتري كفلاً.
قالت حبيبتي: يخصي ذلك كلام منك قبيح. احتفظ بلسانك خلف اسنانك. هل نسيت أن من بينهم خليل فرح؟ فألقمتني حجراً.*
عمك الرباطابي، ورفاقه الشعراء "المماسيخ" كتبوا تلك الخرائد بعدما كبروا وتساقطت اسنانهم، وفقدت انيابهم الحادة فاعليتها، لكنهم برغم ذلك لم يلتفتوا لنصائح الأطباء بالابتعاد عن اللحوم والشحوم والدسم والدهون .. إنه العناد الجميل يا قباني.
وعلى ذِكر تركيزك وسباحتك عمك الرباطابي مع الصدير الطامح وحيرتكما في النهود والنهيد، نُهديك ونهدي منتصر بعض الرحيق والبرتقال:
تحية لكما، وللمبدع الدكتور بشرى الفاضل صاحب البنت التي طارت عصافيرها*. ... .. .
Post: #7 Title: Re: يا الفي الصدير ده نهيدك موجه ليها سباح Author: Kabar Date: 07-13-2018, 08:28 AM Parent: #4
ذات غرابة ، يا منعم الجزولي ، يوم دقوني في هاشم ، يا يحي قباني..!!
بت ابا دكتورة فردوس جامع ، يايحى ، قالت حكمة بليغة: منو كده ما عارف بيمرق ابشع ما فينا ، وفات عليها بقية العبارة ، ويبدو لي دكتورة فردوس مسكونة بوعي كل المثقفين والمثقفات المشغولين ومفتونين بعبارات رولان بارت أو أي كان اسمه..!! رولان بارت قال (موت الكاتب , حياة القارئ) ، اهلنا ناس القارئين بها (اللغة العربية وكده) توقفوا فقط في الجزء الأول (موت الكاتب/المؤلف) ونسوا جواب الشرط (حياة القارئ)..!! ويا الحبيبة فردوس ، اذا كان مين كده ما عارف يخرج ابشع ما فينا ، فان يحي قباني يخرج افضل ما فينا..والحشاش يملا شبكتو..!!!!!! ثم يا منعم الجزولي ، اشكو ليك يحي قباني ياااااخ.. ويوم دقوني في هاشم يا منعم ، (خلينا نجلي يحي شوية).. يحي قباني ، مهندس ولا شنوكده ما عارف يا منعم (ياخي الزول ده امير بيخليك تؤمن بانو في حاجة اسمها امسودان بجنجويدها ، ومراحليها ، وحلبها ، وانصارها وختميتها.. وشيوعيتها ذاتو..!!)..!! يحي قباني ، في عرفو، امسودان من واو وتوريت الأميرة وشنو كده ما عارف ، وطوالي يامنعم ، لأمدر وفتيح وكم حي كده في امدرمان..!! يحي ، يا منعم الجزولي ، طوالي فاطي الإشراق الفي النص ، مثلا ناس سنار الدقوني في هاشم..!! والحكوة يا منعم ، في جامعة الخرتوم ولا أي كان اسمها ، ذات صبا سماح ومعها قلبي مالو اليوم من جسمي فرا وراح..!!
ثم نسيت اني داير اقول شنو يا يحي..! كبر
Post: #8 Title: Re: يا الفي الصدير ده نهيدك موجه ليها سباح Author: Kabar Date: 07-13-2018, 08:45 AM Parent: #7
حولا..!!
الصادق ، يازول ، انتا ممكون قدر ده؟..
دوما يا حبيب ، فتش عن يحي قباني..!!
والله صحي يا الصادق..!!
كبر
Post: #9 Title: Re: يا الفي الصدير ده نهيدك موجه ليها سباح Author: Osman Musa Date: 07-13-2018, 09:02 AM Parent: #8
يا سلام عليك يا قباني والله عارفك عب كبير في الزوق . زول بتعرف تهبش الاضابير البعيدة عشان تسعد الخلق . بارك الله فيك
Post: #10 Title: Re: يا الفي الصدير ده نهيدك موجه ليها سباح Author: Kabar Date: 07-13-2018, 09:20 AM Parent: #8
كتب يحي قباني:
Quote:
مالو صدرك قالع وللضمير طماح
مالو كتفك هادل وبي دروعك ماح
رِمشك إنت ياسيدي راجي منو سماح
أصلو هو الكاتلنا فينا هل وصاح
مالو صدرك قالع وللضمير طماح !!!
ههههه..!!! وديني يا يحي ، لو كنت فطيت الحتة دي ، كان خسرت فيك تذاكر طيران عشان اقبقبك انتا ومنعم ومحمد المرتضي واحمد القرشي في ذات نفسو..!!
في دينك يا يحي..شوف (التفاضل والتكامل) في العبارة دي..!!
Calculus, known in its early history as infinitesimal calculus, is a mathematical discipline focused on limits, functions, derivatives, integrals, and infinite series. Isaac Newton and Gottfried Leibnizindependently discovered calculus in the mid-17th century. However, each inventor claimed the other stole his work in a bitter dispute that continued until the end of their lives.
الصدير القالع للضمير طماح..
والكتيف الهادل البي الدروع مياح..!!
بلد ما بتستاهل يا يحي ، وياريت تقنعني بالعكس..!
قلت لي قلبي مالو؟
كبر
Post: #20 Title: Re: يا الفي الصدير ده نهيدك موجه ليها سباح Author: Khalid Abbas Date: 07-14-2018, 07:46 AM Parent: #4
Quote: مالو صدرك قالع وللضمير طماح
مالو كتفك هادل وبي دروعك ماح
رِمشك إنت ياسيدي راجي منو سماح
أصلو هو الكاتلنا فينا هل وصاح
مالو صدرك قالع وللضمير طماح !!!
شكلة ؟ ...
دفع رباعي ؟
يازول ما تبقى عاقل حرم بتقتل ليك زول
Post: #11 Title: Re: يا الفي الصدير ده نهيدك موجه ليها سباح Author: محمد حيدر المشرف Date: 07-13-2018, 10:04 AM
هسع الواحد يقول شنو ؟!
Post: #13 Title: Re: يا الفي الصدير ده نهيدك موجه ليها سباح Author: Haytham Ghaly Date: 07-13-2018, 10:17 AM Parent: #11
السؤال يا ود المشرف ما هسع الواحد يقول شنو
السؤال في الحالة دي يكون
هسع الواحد يعمل شنو!!!؟؟؟؟
سلامات يا عشاق😂
Post: #12 Title: Re: يا الفي الصدير ده نهيدك موجه ليها سباح Author: محمد حيدر المشرف Date: 07-13-2018, 10:17 AM
خلي بالك الجماعة ديل كانوا يادوبك كده في مرحلة ما بعد "المهدية" .. اشواق دراويشهم ذاخرة بالبطولات انظر لهذه الملحمة العسكرية
مالو صدرك قالع وللضمير طماح
مالو كتفك هادل وبي دروعك ماح
رِمشك إنت ياسيدي راجي منو سماح
أصلو هو الكاتلنا فينا هل وصاح
دروع !! هل وصاح !!.. كاتلنا؟!
وكانوا يهللون في وجوه الباشوات ويصيحوا بهم قبل ان يسددوا رماحهم نحو الاحشاء الدهنية الاستعمارية الفاسدة من اضطهاد الانسان لاخيه الانسان..
وهل يكون في العشق اضطهاد ؟! هل يمثل مثل هذا "السديرالطامح" تهديدا او اضطهاد مباشر ؟!
بعضهن يجعلنك تشعر بالاضطهاد بالفعل فما تعرف تعمل شنو ذاتو ..
Quote: عمك الرباطابي، ورفاقه الشعراء "المماسيخ" كتبوا تلك الخرائد بعدما كبروا وتساقطت اسنانهم، وفقدت انيابهم الحادة فاعليتها، لكنهم برغم ذلك لم يلتفتوا لنصائح الأطباء بالابتعاد عن اللحوم والشحوم والدسم والدهون .. إنه العناد الجميل يا قباني.
الصادق يا حبيب ...
اللحوم و الشحوم بتشد العصب ... :)
لذلك اعمامنا ديل فاهمين بسووا في شنو ...
بعدين منو القال ليك بعد ما عجزوا ...
اها كمان النزيدك من الشعر بيتين ...
مجنون .. من مجانين العصر الحديث اسمو الصادق الياس ...
قال : يا اخوانا كان رقتو ... بوصّف الشفتو ... شفت الشعر جار ... لي حنتو التحتو ...
(اها شوف ليك جنس شعر لامس الاكعاب ...)
و واصل في وصفو لامن قال :
الزي فريع البان في الرقصة تتنى ... و زي سواد الليل في ايديها دي الحنة خطوة بي خطوة بي روقه تتأنى ... و النهود تهتزززززز ... ياهو ده المجننا ...
اها الصادق الياس لا كبر لا تساقطت اسنانو ... :)
ياخ ده في ال دي ان ايه حقنا ...
Post: #18 Title: Re: يا الفي الصدير ده نهيدك موجه ليها سباح Author: يحي قباني Date: 07-14-2018, 05:14 AM Parent: #17
Quote: ذات غرابة ، يا منعم الجزولي ، يوم دقوني في هاشم ، يا يحي قباني..!!
بت ابا دكتورة فردوس جامع ، يايحى ، قالت حكمة بليغة: منو كده ما عارف بيمرق ابشع ما فينا ، وفات عليها بقية العبارة ، ويبدو لي دكتورة فردوس مسكونة بوعي كل المثقفين والمثقفات المشغولين ومفتونين بعبارات رولان بارت أو أي كان اسمه..!! رولان بارت قال (موت الكاتب , حياة القارئ) ، اهلنا ناس القارئين بها (اللغة العربية وكده) توقفوا فقط في الجزء الأول (موت الكاتب/المؤلف) ونسوا جواب الشرط (حياة القارئ)..!! ويا الحبيبة فردوس ، اذا كان مين كده ما عارف يخرج ابشع ما فينا ، فان يحي قباني يخرج افضل ما فينا..والحشاش يملا شبكتو..!!!!!! ثم يا منعم الجزولي ، اشكو ليك يحي قباني ياااااخ.. ويوم دقوني في هاشم يا منعم ، (خلينا نجلي يحي شوية).. يحي قباني ، مهندس ولا شنوكده ما عارف يا منعم (ياخي الزول ده امير بيخليك تؤمن بانو في حاجة اسمها امسودان بجنجويدها ، ومراحليها ، وحلبها ، وانصارها وختميتها.. وشيوعيتها ذاتو..!!)..!! يحي قباني ، في عرفو، امسودان من واو وتوريت الأميرة وشنو كده ما عارف ، وطوالي يامنعم ، لأمدر وفتيح وكم حي كده في امدرمان..!! يحي ، يا منعم الجزولي ، طوالي فاطي الإشراق الفي النص ، مثلا ناس سنار الدقوني في هاشم..!! والحكوة يا منعم ، في جامعة الخرتوم ولا أي كان اسمها ، ذات صبا سماح ومعها قلبي مالو اليوم من جسمي فرا وراح..!!
ثم نسيت اني داير اقول شنو يا يحي..! كبر
كبّر يا صديقي ...
و الله ما فاطي زول ...
ياخ الجامعة الجمعتنا و شكلت وجدانا خلتني اعرف ما هو السودان بي وعي ...
حمت كتير في تنقلات الوالد رحمه الله في اقاليم السودان ... لكن ما شفت السودان بالكامل الا في الجامعة ...
Quote: ههههه..!!! وديني يا يحي ، لو كنت فطيت الحتة دي ، كان خسرت فيك تذاكر طيران عشان اقبقبك انتا ومنعم ومحمد المرتضي واحمد القرشي في ذات نفسو..!!
في دينك يا يحي..شوف (التفاضل والتكامل) في العبارة دي..!!
اكان عارفك بتجي ما كان كتبت شي ... :)
ياخ الدقايق القلال القضيناها في مطار تورنتو ما شبعنا منك ....
الجلسة معاك لا تمل ... الونسة معاك في كل شي مريحة ياخ ...
ليتك حدانا هنا ... كان كل يوم تسامرنا و جرينا الماضي العجيب ...
اجمل ما قريته في روايتك يا كبر ... انك انت ياكا انت ... في سطور الروايا و ما بين السطور ياكا انت ...
ربنا يجمعنا تاني يا حبيب ... الونسة ما كملت ...
Post: #19 Title: Re: يا الفي الصدير ده نهيدك موجه ليها سباح Author: يحي قباني Date: 07-14-2018, 05:18 AM Parent: #18
Quote: هسع الواحد يقول شنو ؟!
قول يا صديقي ...
قول ... امكن الكلام السمح يرفع حالة الاحباط العامة ...
خلينا نبعث التفاؤل في الناس المكوية بي نار الانقاذ ...
الناس لو رجع ليها التفاؤل ... حتبدا تفكر تزيل الغمة ...
السودان و ناسو ما بستاهلوا المأزق ده ...
Post: #21 Title: Re: يا الفي الصدير ده نهيدك موجه ليها سباح Author: يحي قباني Date: 07-15-2018, 06:48 AM Parent: #19
ما النور الفي حِلّيه رافـــــل ***** في حُـق نًهده قلوبنـــا قافــــــــــل ما الظبي الفي مقيله غافــل ***** تــــارة يميــل والتانية جافـــــــــل وجهه يَنــور والبدر آفـــــــل ***** فوق للبدر يزيـــــد نفيلــــــــــــــه
ابوصلاح ...ملك الوصف التفصيلي ...
اداء رفيع من الباشمهندس هاشم ...
Post: #22 Title: Re: يا الفي الصدير ده نهيدك موجه ليها سباح Author: Hamid Elsawi Date: 07-15-2018, 07:50 AM Parent: #21
قال أحد شعراء العرب رأيت الهلال و وجه الحبيب فكانا هلالين عند النظر و أنا في حيرتي فيهما لم ار هلال السماء من هلال البشر و لولا التورد في الوجنتين و ما راعني من سواد الشعر لكنت أظن الهلال الحبيب و كنت أظن الحبيب القمر
أبو صلاح فاق الظنون و قطع الشك باليقين و قال
Quote: وجهه يَنــور والبدر آفـــــــل
الإحساس شعور و الشعور دايماً عندو ذبذبات شخصية و خاصة تفيض عند البعض و تصل لنا بالشعر و الكلمات التي تفرض عليك الاستماع لها . الفنان هو ذلك الكائن الموهوب الذي يختار من ما جادت به قريحة الشعراء و يقدمها لنا بقالب أكثر نضارة بحيث يجعل أجسامنا تتمايل طربا و نحن ننتشي لهذه الكلمات لانها نفضت الغبار عن أوتار لم يستطيع عقلنا الواعي علي العزف عليها بمهارة.
Quote: يا الفي الصدير ده نهيدك
دي فيها كلام كتير يا يحيي ياريت " نتآلف فيها في برهة قليلة" أو "ما بين يوم و ليلة"
تحياتي لك و لضيوفك الكرام
Post: #23 Title: Re: يا الفي الصدير ده نهيدك موجه ليها سباح Author: يحي قباني Date: 07-18-2018, 04:42 AM Parent: #22
Post: #24 Title: Re: يا الفي الصدير ده نهيدك موجه ليها سباح Author: عمر أبوعاقلة Date: 07-18-2018, 05:59 PM Parent: #23
كان عندي كلام كتيير والله ياهندسة لكن طيروا لينا بالفيديو داك ياخ معقولة بس !!!
المهم هنيئاً لك هذا الزخم ولي عودة حين مزاج
Post: #25 Title: Re: يا الفي الصدير ده نهيدك موجه ليها سباح Author: سيف النصر محي الدين Date: 07-19-2018, 00:33 AM Parent: #24
Busty
Post: #26 Title: Re: يا الفي الصدير ده نهيدك موجه ليها سباح Author: سيف الدين محجوب Date: 07-19-2018, 05:20 PM Parent: #25
في صور ولا ناكل باسطة !!!!!
Post: #27 Title: Re: يا الفي الصدير ده نهيدك موجه ليها سباح Author: نادر الفضلى Date: 07-20-2018, 02:47 AM Parent: #26
يا طبيب جراح قول لى بكل صراح ما نحنا هل جنينا أم عقولنا نصاح وقلبى مالو اليوم من جسمى فر وراح
وغناها بصدق وأجاد بإمتياز باشمهندس الغناء السودانى المرحوم هاشم ميرغنى!
Post: #28 Title: Re: يا الفي الصدير ده نهيدك موجه ليها سباح Author: Hassan Farah Date: 07-21-2018, 05:38 AM
قلبي مالو اليوم - حنان النيل - ابراهيم محمد الحسن - هاشم ميرغني و الشاعر يوسف الرباطابي elgabbani !!!!!!
Post: #29 Title: Re: يا الفي الصدير ده نهيدك موجه ليها سباح Author: يحي قباني Date: 07-21-2018, 06:39 AM Parent: #28
Quote: elgabbani !!!!!!
بس ياهو زاااتو يا حسن فرح ... :)
Post: #30 Title: Re: يا الفي الصدير ده نهيدك موجه ليها سباح Author: Kabar Date: 07-21-2018, 07:56 AM Parent: #29
كتر خيرك ول ابا يحي قباني على الكلمات الطيبات..
وبعد..
شنو الفكرة من الخيط؟..هل حدها نمارس اسقاطات الحنين ونكتفي ام نفكر في فكرة مغايرة؟..
حينما كتبت خيط (شكرا اهلي اليهود) كنت احتفى باغنية تخصني انتبه اليها الأخر الحضاري والثقافي ورددها ، فكنت فرحا للغاية..!
في اغنية (قلبي مالو اليوم) كنت ابحث عن المفارق فيها ، ولكني وجدت انغلاق يا يحي..!!..والله صحي.. انغلاق..!
طيب.. وين الإنفتاح؟
عاينو الشغل ده..
تعليق ، تقريبا اول تعليق..لم يفرح لإنتشار الأغنية وانتقالها من المدى السوداني الى براح اوسع يشمل مستمع ومتلقى ابعد..وانما صاحب التعليق يمارس الإنغلاق السوداني ليؤكد بانها غنية هاشم ميرغني (وهو مخطئ تماما) و انها ليست نوبية ..ثم يا مصرييين قوموا اتلموا..!!
نفس الإنغلاق اراه هنا في التباري بالإهتمام بنماذج هاشم ميرغني وحنان النيل ونانسي عجاج..وكمان اغنيات اخرى يؤديها هاشم ميرغني..!!
دي المحنة يا مهندسين يا ناس امدرمان..!
الى اي مدى ذهبت الغنية المذكورة؟..الى أي مدى خرجت من اطار امدرمان؟..وماهو المطلوب ان نجعل منها نموذج عابر للقارات والثقافات..عشان نباهي بيها اكتر واكتر؟
